დღე: ნოემბერი 10, 2021

დედამიწის ზურგზე არსად ხდება, რომ სასამართლოზე მოსვლა როცა უნდა ადამიანს, პატიმარს უარს ეუბნები გამოგონილი მიზეზების გამო. სამმა მოსამართლემ გვითხრა, რომ სასამართლოს შეუძლია ბრალდებულის გარეშე გააგრძელოს პროცესი, ბუნებრივია, ამაზე მქონდა რეაქცია, – ამის შესახებ გიგი უგულავამ მას შემდეგ განაცხადა, რაც დაატოვებინეს საქალაქო სასამართლოს სხდომათა დარბაზი, სადაც 7 ნოემბრის საქმეზე ბრალდებულის პროცესი მიმდინარეობდა. ამასთან, როგორც უგულავა ამბობს, სასამართლომ უარი თქვა, რომ პროცესი საჯარო ყოფილიყო. გიგი უგულავას განცხადებით, პირველ რიგში, გამჭვირვალობა და საჯაროობა უზრუნველყოფს სასამართლოს მიმართ მიუკერძოებელ დამოკიდებულებას. „ეს პროცესი არის ზუსტად იმის გაგრძელება, რასაც ჩვენ დღეს თბილისის ქუჩებში ვუყურებდით, 50-მდე კაცი დააკავეს,…

ექსპრეზიდენტ მიხეილ სააკაშვილის ადვოკატი, ბექა ბასილაია მისი დაცვის ქვეშ მყოფის საქმის განმხილველი სამივე მოსამართლის აცილებას ითხოვს. მიხეილ სააკაშვილის საქმეს სამი მოსამართლე, ნინო ელეიშვილი (თავმჯდომარე), ლია ორკოდაშვილი და მაია ქოქიაშვილი განიხილავენ. ბექა ბასიალაიამ მათი აცილების შუამდგომლობა მას შემდეგ დააყენა, რაც მოსამართლეებს სთხოვა, ყველა ღონე ეხმარათ იმისთვის, რომ პენიტენციურ სამსახურს ყოფილი პრეზიდენტისთვის საკუთარ პროცესში მონაწილეობის უფლება მიეცა და იგი სასამართლო სხდომას დასწრებოდა. “თქვენ უნდა იყოთ აცილებული, იმიტომ რომ თქვენი გადაწყვეტილებები არის არაჰუმანური. თქვენ მონაწილეობას იღებთ ადამიანის წამებაში”, – უთხრა ბექა ბასიალაიამ მოსამართლეებს. ის მიიჩნევს, რომ სასამართლომ დაუყოვნებლივ უნდა იზრუნოს მიხეილ სააკაშვილის სასამართლო პროცესებში მონაწილეობის უფლების…

საქართველოს პრემიერ-მინისტრი ირაკლი ღარიბაშვილი ადგილობრივი თვითმმართველობის არჩევნებში გამარჯვებულ მერებს ხვდება. მთავრობის მეთაურმა მორიგი შეხვედრა გურიის რეგიონის მუნიციპალიტეტების მერებთან გამართა. შეხვედრას გურიის მხარეში სახელმწიფო რწმუნებული გიორგი ურუშაძე ესწრებოდა. მთავრობის მეთაურმა მერებთან შეხვედრაზე გურიის რეგიონში არსებული გამოწვევები მიმოიხილა და მათ უმოკლეს ვადაში, ეფექტიანად გადაჭრის მნიშვნელობას გაუსვა ხაზი. პრემიერ-მინისტრის თქმით, ადგილობრივი ხელისუფლების მთავარი საზრუნავი მოქალაქე და მათი პრობლემების ეფექტიანი გადაჭრა უნდა იყოს, რაშიც მერებს ცენტრალური ხელისუფლებისგან სრული მხარდაჭერა ექნებათ. შეხვედრაზე გურიის რეგიონში დაგეგმილი პროექტები და მათი განხორციელების ვადებიც განიხილეს.

არავის, არც ერთ გაშიფრულ თუ დღემდე გაუშიფრავ აგენტს იმდენი საქმე არ გაუკეთებია პუტინისთვის საქართველოში, რამდენიც სააკაშვილმა და „ნაციონალურმა მოძრაობამ“ გააკეთეს და დღესაც აკეთებენ, – ამის შესახებ პარტია „ქართული ოცნების“ აღმასრულებელი მდივანი მამუკა მდინარაძე სოციალურ ქსელში წერს და საკუთარ ფეისბუქგვერდზე აზიარებს „ქართული ოცნების“ მიერ ატვირთულ ვიდეოს – #ნაცობასირცხვილია. მდინარაძის თქმით, ძალიან ყალბია მათი „სიბრაზე“ და ის „ანტირუსული კამპანია“, რომელსაც ისინი განახლებული ენერგიით აწარმოებენ. „არავის, არც ერთ გაშიფრულ თუ დღემდე გაუშიფრავ აგენტს, იმდენი საქმე არ გაუკეთებია პუტინისთვის საქართველოში, რამდენიც სააკაშვილმა და „ნაციონალურმა მოძრაობამ“ გააკეთეს და დღესაც აკეთებენ! ამიტომ ძალიან ყალბია მათი „სიბრაზე“ და ის…

7 ნოემბრის საქმის ერთ-ერთი ბრალდებული გიგი უგულავა მოსამართლემ სასამართლო დარბაზიდან გააძევა. როგორც საქალაქო სასამართლოდან გამოსვლის შემდეგ უგულავამ ჟურნალისტებს განუცხადა, სასამართლომ არ დააკმაყოფილა დაცვის მხარის შუამდგომლობა სხდომის საჯაროობასთან და მიხეილ სააკაშვილის დასწრებასთან დაკავშირებით და ამაზე მისი რეაქციის შემდეგ გამოაძევეს. „ჩვენ დავაყენეთ შუამდგომლობა, რომ „პირველმა არხმა“ სიგნალი აწიოს და ყველა მსურველ ტელევიზიას მიეცეს ამ სიგნალის გაშვების შესაძლებლობა. სასამართლომ იმსჯელა და უარი თქვა. სასამართლომ გვითხრა, რომ პროცესი არ უნდა იყოს საჯარო. აქ სასამართლომ გვითხრა, რომ მას ფეხზე ჰკიდია. „პირველი არხის“ ჟურნალისტმა განუმარტა და უთხრა, რომ ამ მასალის ტარებას და შემდეგ გაშვებას უნდა დრო, შეუძლებელია, მაგრამ მოსამართლისთვის მთავარი…

სააკაშვილს პროცესზე მონაწილეობის მიღების სურვილი აქვს და მას უნდა, აქ მოვიდეს, ჩვენ ვითხოვთ სასამართლოსგან, უზრუნველყავით მიხეილ საააკშვილის სასამართლოში გამოცხადება, – ამის შესახებ მიხეილ სააკაშვილის ადვოკატმა ბექა ბასილაიამ თბილისის საქალაქო სასამართლოში 7 ნოემბრის ეპიზოდზე საქართველოს ყოფილი პრეზიდენტის, მიხეილ სააკაშვილის სასამართლო პროცესზე განაცხადა. მისივე თქმით, პენიტენციურმა სამსახურმა პროცედურები დაარღვია. „მიხეილ სააკაშვილის პოზიცია არ არის თქვენ წინაშე წარმოდგენილი, მეტიც, მიხეილ სააკაშვილს ეს მოთხოვნა არ გააცნეს. დღეს მე პროცესამდე ვიმყოდებოდი პენიტენციურ დაწესებულებაში და მოვთხოვე მათ განმარტება, რა მიზეზით არ მოჰყავდათ აქ მიხეილ სააკაშვილი და გააცნეს თუ არა თქვენ მიერ გაგზავნილი მოთხოვნა. მესამე, თქვენ წინაშე…

თბილისის საქალაქო სასამართლოსთან შეკრებილმა მიხეილ სააკაშვილის მხარდამჭერებმა, სასამართლოს ეზოში რუსეთის დროშა მიიტანეს, ძირს გაფინეს და ფეხებით შედგნენ, შემდეგ კი ნაგვის ურნაში ჩააგდეს. მათი განცხადებით, ეს არის პასუხი რუსეთის პირველი არხის ეთერში გუშინ გასულ ეთერზე, სადაც სტუდიის იატაკზე საქართველოს დროშა იყო გამოსახული და მასზე დადიოდნენ. აქცის მონაწილეები აცხადებენ, რომ ვლადიმერ პუტინი ვერასდროს შეძლებს საქართველოში შემოსვლას. ამასთან, მომიტინგეთა მეორე ნაწილმა ფურცელზე წარწერები გააკეთა.

ყველა, ვინც ბოროტების სამსახურში ხართ ჩამდგარი, პოლიციელებო, საჯარო მოხელეებო და ასე შემდეგ, გახსოვდეთ, სისხლი გაქვთ ხელზე. თქვენ გინდათ, მოკლათ პრეზიდენტი, გინდათ, მოკლათ თავისუფლებისთვის ბრძოლა, – ამის შესახებ „ერთიანი ნაციონალური მოძრაობის“ წარმომადგენელმა კობა ხაბაზმა თბილისის საქალაქო სასამართლოსთან განაცხადა. მისივე თქმით, წინააღმდეგობა გაგრძელდება და მიხეილ სააკაშვილი მალე გათავისუფლდება. „აუცილებლად აგებენ პასუხს. შეუძლებელია, ბოროტებამ დიდხანს იზეიმოს. ეს არის დაუწერელი წესი. მიხეილ სააკაშვილი იქნება თავისუფალი. მალე გამოვა გარეთ და ეს რეჟიმი დასრულდება. ასეთი პროცესები შეუქცევადია, აუცილებლად დასრულდება. ყველა, ვინც ბოროტების სამსახურში ხართ ჩამდგარი პოლიციელებო, საჯარო მოხელეებო და ასე შემდეგ, გახსოვდეთ, სისხლი გაქვთ ხელზე. თქვენ…

თბილისის საქალაქო სასამართლოსთან საქართველოს ყოფილი პრეზიდენტის მიხეილ სააკაშვილის მხარდამჭერები “მიშა, მიშა”, “ივანიშვილის მონებო”- სკანდირებენ. ისინი საყვირებით ყოფილი პრეზიდენტის მხარდაჭერას გამოხატავენ. შეკრებილების მოთხოვნაა – “თავისუფლება საქართველოს მესამე პრეზიდენტს”. ადგილზე დიდი ოდენობით სამართალდამცავები არიან მობილიზებული. სასამართლოში მიხეილ სააკაშვილის სასამართლო პროცესი მიმდინარეობს, რომელზე დასწრების საშუალებაც სააკაშვილს არ მიეცა.

მიხეილ სააკაშვილის საქართველოში შემოსვლის საქმეზე დაკავებულები – გიორგი ნარიმანიძე, ელგუჯა ცომაია, ზურაბ და შალვა წოწორიები თბილისის საქალაქო სასამართლომ პატიმრობაში დატოვა. დღევანდელ პროცესზე დაკავებულების მიმართ შეფარდებული აღკვეთის ღონისძიება პატიმრობა გადაისინჯა. პროკურატურა დაკავებულების მიმართ ყველაზე მკაცრი აღკვეთის ღონისძიების, პატიმრობის ძალაში დატოვებას ითხოვდა, დაცვის მხარე კი დაკავებულების აღკვეთის ღონისძიების გარეშე დატოვებას. ცნობისთვის, გამოძიება საქართველოს სისხლის სამართლის კოდექსის 375-ე მუხლის მეორე ნაწილით, 344-ე პრიმა მუხლის მე-3 ნაწილის „ა“ ქვეპუნქტით და 344-ე მუხლის პირველი ნაწილით მიმდინარეობს. ბრალდებულებს – გიორგი ნარიმანიძეს, ელგუჯა ცომაიას, შალვა და ზურაბ წოწორიებს მძიმე დანაშაულის დაფარვას ედავებიან. ელგუჯა ცომაიას ასევე ბრალი წარდგენილი…

რატომ არ მისცეს მიხეილ სააკაშვილს სასამართლო პროცესზე დასწრების საშუალება – სპეციალური პენიტენციური სამსახური განცხადებას აქვეყნებს და აღნიშნავს, რომ არსებობდა საფრთხე, ოპოზიციას დესტრუქციული ქმედებებისთვის მიემართა.  “სახელმწიფო უსაფრთხოების სამსახურის წარმოებაშია სს საქმე, დანაშაული, გათვალისწინებული სსკ-ის 315 მუხლის პირველი ნაწილით, სახელმწიფო უსაფრთხოების სამსახურის მიერ საჯაროდ გავრცელებული განცხადებით კი ცნობილი გახდა, რომ იგეგმებოდა მ. სააკაშვილის პენიტენციურ დაწესებულებაში ეტაპირებისათვის ხელის შეშლის მიზნით, დაწესებულებასთან მისასვლელი საავტომობილო გზების ბლოკირება, რიგი პოლიტიკური პარტიების წარმომადგენელთა საკუთრებაში არსებული ავტომანქანების საშუალებით. მათ განზრახული ჰქონდათ აღნიშნული დესტრუქციული ხასიათის მოქმედებების განხორციელება, რომელშიც მონაწილეობას მიიღებდა დაახლოებით 500-600 ავტომანქანა, რაც გამოიწვევდა უკონტროლო სიტუაციას, ქაოსსა და შექმნილი ვითარება ხელს შეუშლიდა მიხეილ სააკაშვილის…

მიხეილ სააკაშვილს სასამართლო პროცესზე არ გადაიყვანენ, ამის შესახებ ექსპრეზიდენტის ადვოკატმა, ბექა ბასილაიამ განაცხადა. მისი თქმით, სააკაშვილს იუსტიციის სამინისტროსგან არ მიუღია ცნობა, რომ პროცესი ჩანიშნული იყო, აღნიშნულთან დაკავშირებით ინფორმაცია მას მხოლოდ ადვოკატებისგან ჰქონდა.  ბასილაიას თქმით, სასამართლოში დააყენებენ შუამდგომლობას, რომ მიხეილ სააკაშვილს პროცესზე დასწრების საშუალება მიეცეს.  რაც შეეხება ყოფილი პრეზიდენტის ჯანმრთელობის მდგომარეობას, ბასილაიას თქმით, მისი მდგომარეობა დამძიმდა, დაეწყო შინაგანი ორგანოების ტკივილიც, თუმცა, ამის მიუხედავად, მზად არის სასამართლოში წავიდეს.  სააკაშვილის დაცვის მხარისთვის უცნობია მიზეზი, თუ რატომ არ აძლევენ მას სასამართლო პროცესზე დასწრების საშუალებას. 

ყველა ქვეყანაში, სადაც დიქტატურაა, ასე ცხოვრობენ მონობასა და თავისუფლებას შორის ბრძოლაში, სწორედ ასე გვიწევს ჩვენც ცხოვრება, – ამის შესახებ „ნაციონალური მოძრაობის“ წევრმა, ეკა ხერხეულიძემ სახელმწიფო უსაფრთხოების სამსახურთან აქციაზე განაცხადა. როგორც ეკა ხერხეულიძემ აღნიშნა, ტროტუარზე დგომისთვის იჭერენ ადამიანებს და ეს სრულიად მიუღებელია. „მინდა, ყველას ვთხოვო, ამ კადრების შემყურე, როდესაც ტროტუარზე დგომისთვის იჭერენ ადამიანებს, აი მართლა რა გაჩერებთ მაინტერესებს. რა აზრი აქვს რამეს ცხოვრებაში, როდესაც არ არსებობს ელემენტარული უფლება ჩვენი არსებობის, ჩვენი ცხოვრების, ჩვენი აზრების ხმამაღლა გაჟღერების შესაძლებლობა არ გვაქვს. განსხვავებულზე უკვე აღარ არის ლაპარაკი. ვითხოვთ ერთადერთ რამეს, დგომის უფლება არ გვაქვს დღეს, ხვალ…

საქართველოს პრემიერ-მინისტრი ახლადარჩეულ მერებს ხვდება. ვის რა გეგმა აქვს და როგორ ხედავს საკუთარი მუნიციპალიტეტის თუ ქალაქის განვითარებას – შეხვედრებს, რომლებსაც სახელმწიფო რწმუნებულებიც ესწრებიან, მთვარობის ადმინისტრაცია მასპინძლობს. შეხვედრები კანცელარიაში რეგიონების მიხედვით მთელი დღის განმავლობაშია გაწერილი.

საპატრულო პოლიციის უფროსის ვაჟა სირაძის განცხადებით, სახელმწიფო უსაფრთხოების სამსახურის შენობასთან აქტივისტები შენობის ბლოკირებას ცდილობდნენ, რის გამოც ისინი დააკავეს. ვაჟა სირაძეს ჟურნალისტებთან არ დაუკონკრეტებია „ნაციონალური მოძრაობის“ რამდენი მხარდამჭერის დაკავება მოხდა სამართალდამცველებთან დაპირისპირების დროს. დაპირისპირება პოლიციასა და „ნაციონალური მოძრაობის“ მხარდამჭერებს შორის ამ დრომდე გრძელდება. ცნობისთვის, აქციაზე მყოფი პირები ითხოვენ მიხეილ სააკაშვილის სამოქალაქო კლინიკაში გადაყვანას, ასევე სუს-ის ხელმძღვანელ გრიგოლ ლილუაშვილთან შეხვედრას, ვინაიდან მათი თქმით, სწორედ ამ უწყების ხელმძღვანელის დავალებით ხდება „მოქალაქეების უკანონო მიყურადება“.

სახელმწიფო უსაფრთხოების სამსახურთან, სადაც “ნაციონალური მოძრაობისა” და მათი აქტივისტების აქცია მიმდინარეობს, ხმაურია. “კურიერის” ინფორმაციით, დაკავებულია 7 პირი. მათ შორის არიან, ზვიად კუპრავა და ბადრი შუბლაძე. დაძაბულობა მას შემდეგ დაიწყო, რაც სამართალდამცველებმა აქციის მონაწილეებს მოუწოდეს არ დაეკავებინათ გზის სავალი ნაწილი. პოლიცია ადგილიდან “ნაციონალური მოძრაობის” ერთ-ერთი ლიდერის, ზაალ უდუმაშვილის გაყვანასაც ცდილობდა, თუმცა ადგილზე მყოფმა აქტივისტებმა მათ ამის საშუალება არ მისცეს. ცნობისთვის, აქციაზე მყოფი პირები ითხოვენ მიხეილ სააკაშვილის სამოქალაქო კლინიკაში გადაყვანას, ასევე სუს-ის ხელმძღვანელ გრიგოლ ლილუაშვილთან შეხვედრას, ვინაიდან მათი თქმით, სწორედ ამ უწყების ხელმძღვანელის დავალებით ხდება მოქალაქეების უკანონო მიყურადება.

საქართველოს სახალხო დამცველი ეხმიანება 2021 წლის 9 ნოემბერს, აქციის მიმდინარეობისას გიგი უგულავას მიერ გაკეთებულ განცხადებას, რაც საფრთხის შემცველია ბავშვის ფსიქო-ემოციური მდგომარეობისთვის და არღვევს მის საუკეთესო ინტერესს – დაცული იყოს ნებისმიერი ფორმით ძალადობისგან, – ამის შესახებ ნათქვამია სახალხო დამცველის განცხადებაში. სახალხო დამცველი ხაზგასმით აღნიშნავს, რომ დაუშვებელია პოლიტიკური ოპონირების იარაღად ბავშვების, მათი პირადი ცხოვრებისა და ოჯახური სტატუსის გამოყენება. „ამგვარი ქმედება არამხოლოდ არღვევს კონკრეტული ბავშვის უფლებას, არამედ საფრთხის ქვეშ აყენებს ზოგადად ბავშვთა საუკეთესო ინტერესების დაცვას ქვეყანაში. დაძაბული პოლიტიკური ფონის მიუხედავად, ბავშვები დაცული უნდა იყვნენ ნებისმიერი ფორმის ფსიქო-ემოციური ძალადობისგან და ამის გათვალისწინების ვალდებულება, უპირველესად,…

საქართველოს ყოფილი პრეზიდენტის, მიხეილ სააკაშვილის ბრალდების სისხლის სამართლის საქმეზე სასამართლო პროცესი დღეს, 13:00 საათზე გაიმართება. ადვოკატების და თავად ბრალდებულის მოთხოვნის მიუხედავად, რომ სხდომა სასამართლოში ჩატარდეს, პროცესის ადგილი ამ დრომდე უცნობია. უფლებადამცველების განმარტებით, სასამართლომ დაწესებულებიდან პატიმრის გადაყვანა გუშინ მოითხოვა, თუმცა ამ დრომდე უცნობია პენიტენციური დაწესებულების პოზიცია. პენიტენციური სამსახურის თანხმობის შემთხვევაში, რამდენიმეწლიანი სასამართლო განხილვების შემდეგ, საკუთარი ბრალდების სისხლის სამართლის საქმეზე მიხეილ სააკაშვილი დასწრებას პირველად შეძლებს. ცნობისთვის, სახელმწიფო ბრალდება მიხეილ სააკაშვილს 2007 წლის 7 ნოემბერს, მომიტინგეთა მასობრივად დარბევას, ტელეკომპანია „იმედში“ შეჭრასა და ბადრი პატარკაციშვილის კუთვნილი ქონების დანაშაულებრივად ხელში ჩაგდებას ედავება. საქართველოს ყოფილ პრეზიდენტს ბრალი საქართველოს სისხლის სამართლის კოდექსის 333-ე მუხლის…