დღე: ნოემბერი 11, 2021

სპეციალური პენიტენციური სამსახური საქართველოს ყოფილი პრეზიდენტის მიხეილ სააკაშვილის მე-12 პენიტენციური დაწესებულებიდან მე-18 დაწესებულებაში ტრანსპორტირების ვიდეოკადრებს ავრცელებს. სპეციალური პენიტენციური სამსახურის ინფორმაციით, კადრებში ნათლად ჩანს, როგორ არ ემორჩილება დაწესებულების თანამშრომლების კანონიერ მითითებებს. „მაღალი საზოგადოებრივი ინტერესიდან გამომდინარე, ვასაჯაროვებთ ვიდეოკადრებს, რომელიც ასახავს პატიმარ მიხეილ სააკაშვილის ტრანსპორტირებას მე-12 პენიტენციური დაწესებულებიდან მე-18 ბრალდებულთა და მსჯავრდებულთა სამკურნალო დაწესებულებაში. კადრებში ნათლად ჩანს, როგორ არ ემორჩილება დაწესებულების თანამშრომლების კანონიერ მითითებებს, იქცევა აგრესიულად და მათ სიტყვიერ შეურაცხყოფას აყენებს“, – აღნიშნულია სპეციალური პენიტენციური სამსახურის ინფორმაციაში. https://fb.watch/9cO28aqzc7/

სახელმწიფო უსაფრთხოების სამსახურთან, სადაც „ნაციონალური მოძრაობის“ მიერ ორგანიზებული აქცია მიმდინარეობს, სავარაუდოდ, ერთ-ერთი საცხოვრებელი კორპუსიდან ქვები ისროლეს. დაშავებულია აქციის ორი მონაწილე. ერთ-ერთ დაზიანება თავის არეში აღენიშნება. ადგილზე მობილიზებულია სასწრაფო სამედიცინო დახმარების ბრიგადა. ნიკა მელიას ინფორმაციით, ქვები სამართალდამცავებს გადეცათ, როგორც აქციის წევრები ამბობენ, ასევე გადმოკიდეს პლაკატი, წარწერით “დარჩი სახლში” და მმართველი გუნდის ლოგო – 41.

კულტურის მინისტრის, თეა წულუკიანის განცხადებით, სტრასბურგის სასამართლოს გადაწყვეტილება ინტერპრეტაციების საშუალებას არ იძლევა. მინისტრის თქმით, სასამართლოს გადაწყვეტილება ორივე მხარემ, როგორც მიხეილ სააკაშვილმა, ასევე სახელმწიფომ, მოკლე ვადებში უნდა შეასრულოს.  “ცალსახად არის მითითებული, რომ სტრასბურგის სასამართლო მოუწოდებს ბატონ მიხეილ სააკაშვილს შიმშილობის შეწყვეტისკენ, უფრო მეტიც, არამცთუ მოუწოდებს, სასამართლოს რეგლამენტის 39-ე მუხლით, ის მას ავალებს, რომ შეწყვიტოს შიმშილობა. როდესაც ერთი მხარე იღებს, ან რომელიმე მხარე იღებს დავალებას 39-ე მუხლის საფუძველზე, ეს დავალება უნდა შესრულდეს, წინააღმდეგ შემთხვევაში შეიძლება ჩაითვალოს, რომ მოცემული მხარე თუ ამ დავალებას არ ასრულებს, ის არ არის კეთილსინდისიერი. საუბარი ამ წერილში არ არის…

„ნაციონალური მოძრაობის“ თავმჯდომარის ნიკა მელიას განცხადებით, სპეციალურ პენიტენციურ სამსახურს მიხეილ სააკაშვილთან დაკავშირებით კადრების გასაჯაროება მოუწია. მელიას თქმით, მიხეილ სააკაშვილი გლდანის ციხეში ძალადობით შეიყვანეს და ეს კადრებზეც აღბეჭდილია. „რასაც ვუყურებთ ყოველდღიურად, ეს არ არის მართლმსაჯულება, არც მეტი და არც ნაკლები, ეს არის ერთი ადამიანის წინააღმდეგ პირადი შურისძიება. ქვეყნის მესამე პრეზიდენტს უსამართლო სასამართლოთი სარგებლობის შესაძლებლობაც კი არ ეძლევა. პროცესზე არ ასწრებენ ადამიანს, რომელსაც უკვე რამდენი ხანია, არ აძლევენ უფლებას, სატელეფონო ზარები განახორციელოს, ადამიანს, რომელსაც ა პუნქტიდან ბ პუნქტამდე იტაცებენ. ადამიანს, რომელზეც ძალადობს სისტემა და მერე იმის შიშით, რომ არ გაუვრცელდეს ის კადრები,…

საქართველოს ყოფილი პრეზიდენტის მიხეილ სააკაშვილის №18 დაწესებულებაში შეყვანისა და მისი საკანში განთავსების ფაქტზე სახელმწიფო ინსპექტორის სამსახური განცხადებას ავრცელებს. როგორც განცხადებაშია აღნიშნული, სახელმწიფო ინსპექტორის სამსახური მოუწოდებს იუსტიციის სამინისტროს და სპეციალურ პენიტენციურ სამსახურს, შეწყვიტონ სააკაშვილის პერსონალური მონაცემების შემცველი ვიდეოჩანაწერების გასაჯაროება, პატივი სცენ ადამიანის ღირსებას და პირადი ცხოვრების ხელშეუხებლობას. „სახელმწიფო ინსპექტორის სამსახური ეხმიანება სპეციალური პენიტენციური სამსახურისა და საქართველოს იუსტიციის სამინისტროს მიერ 2021 წლის 11 ნოემბერს გამოქვეყნებულ კადრებს, რომელზეც აღბეჭდილია საქართველოს მესამე პრეზიდენტის მიხეილ სააკაშვილის №18 დაწესებულებაში იძულებით შეყვანისა და მისი საკანში განთავსების ფაქტი. მიუხედავად იმისა, რომ სახელმწიფო ინსპექტორის სამსახურის მიერ არაერთხელ იქნა გავრცელებული…

საქართველოს იუსტიციის მინისტრი, რატი ბრეგაძე საქართველოს მესამე პრეზიდენტის, მიხეილ სააკაშვილის რუსთავის პენიტენციური დაწესებულებიდან გლდანის ციხის ბაზაზე არსებულ სამედიცინო დაწესებულებაში გადაყვანაზე განმარტებებს აკეთებს. მისი თქმით, ოპონენტებმა “გატაცება” უწოდეს კანონით გათვალისწინებულ ღონისძიებებს. “გატაცება” – ამ ტერმინს ჩვენი ოპონენტები შეგნებულად ამკვიდრებენ და უნდათ მოახდინონ მავნე ზეგავლენა საზოგადოებრივ ცნობიერებაზე და უნდა დაარწმუნონ, რომ თითქოსდა ვინმე გავიტაცეთ… ჩვენმა ოპონენტებმა “გატაცება” დაარქვეს კანონით გათვალისწინებულ ღონისძიებას, რომელიც გულისხმობს ერთი პენიტენციური დაწესებულებიდან მეორეში გადაყვანას…” – აღნიშნა მინისტრმა. ბრიფინგზე გავრცელდა გლდანის დაწესებულებაში შესახლების კადრები, რომელიც რამდენიმე სათვალთვალო კამერით არის გადაღებული. კადრები პენიტენციურმა სამსახურმა მინისტრის განმარტებით “მაღალი საზოგადოებრივი ინტერესის” გამო…

ჩვენი ინტერესია ყველა პატიმრის ჯანმრთელობის სტაბილური მდგომარეობა. პატიმარი სააკაშვილი არ დაემორჩილა ჩვენი თანამშრომლების კანონიერ მოთხოვნას, როდესაც ის უნდა გადასულიყო რეანომობილიდან და შესახლებულიყო მე-18 დაწესებულებაში, მან ჩვენს თანამშრომელს მიაყენა ფიზიკური და სიტყვიერი შეურაცხყოფა, – ამის შესახებ იუსტიციის მინისტრმა, რატი ბრეგაძემ განაცხადა. მისი თქმით, ადვოკატების განცხადებები, რომ მიხეილ სააკაშვილს სამკურნალო დაწესებულებაში შესახლებისას შეურაცხყოფა მიაყენეს, სიცრუეა. „კიდევ ერთი ბრალდება, რასაც წამების და არაადამიანური მოპყრობის კონტექსტში გავაგრძელებ. ერთ-ერთი ტელეარხის დირექტორის და ამავდროულად, ადვოკატის, ბატონ ნიკოლოზ გვარამიას ვციტირებ და უკაცრავად, თუ რაიმე ისეთი სიტყვა არის, რაც არ ესიამოვნება საზოგადოებას. მხოლოდ და მხოლოდ ვციტირებ, „მიხეილ სააკაშვილი გლდანის ციხემდე…

ჩვენი ოპონენტები შეგნებულად ამკვიდრებენ ტერმინ გატაცებას, სურთ, მოახდინონ მავნე ზეგავლენა საზოგადოებრივ ცნობიერებაზე, დაარწმუნონ საზოგადოება, თითქოსდა ჩვენ ვინმე გავიტაცეთ, – ამის შესახებ საქართველოს იუსტიციის მინისტრმა რატი ბრეგაძემ მიხეილ სააკაშვილის სასჯელაღსრულების მე-12 დაწესებულებიდან გლდანის ციხის საავადმყოფოში გადაყვანის საკითხზე საუბრისას განაცხადა. მინისტრის შეფასებით, მსგავსი საუბრები არის მავნებლობა. „მინდა, გავაკეთო განცხადება ბოლო დღეების განამვლობაში გავრცელებულ ამ მავნებლურ ბრალდებებზე. დავიწყებ ტერმინი გატაცებით, რომელსაც შეგნებულად ამკვიდრებენ ჩვენი ოპონენტები და უნდათ, მოახდინონ მავნე ზეგავლენა საზოგადოებრივ ცნობიერებაზე, დაარწმუნონ საზოგადოება, თითქოსდა ჩვენ ვინმე გავიტაცეთ. საერთოდ, როგორ არის შესაძლებელი, საუბრობდე სახელმწიფო ინსტიტუციაზე და ერთი დაწესებულებიდან მეორე დაწესებულებაში გადაყვანას უწოდო გატაცება.…

რატომ არ გადაიყვანეს მიხეილ სააკაშვილი სასამართლო დარბაზში? – იუსტიციის მინისტრის რატი ბრეგაძის განცხადებით, ეს გადაწყვეტილება პენიტენციურმა სამსახურმა უსაფრთხოების ზომებიდან გამომდინარე და პატიმრის ჯანმრთელობის მდგომარეობის ინტერესებიდან გამომდინარე მიიღო.  “დიახ პენიტენციურმა სამსახურმა მიიღო გადაწყვეტილება რომ მიხეილ სააკაშვილი სასამართლო სხდომაზე არ მისულიყო, ვინაიდან პატიმარი უარს ამბობს მკურნალობის არსებითი ნაწილის გაგრძელებაზე და შესაბამისად, შესაძლებელი იყო, რომ მისი ჯანმრთელობის მდგომარეობა გაუარესებულიყო. ეს რომ სასამართლოში მომხდარიყო, ვინ აიღებდა მერე ამაზე პასუხისმგებლობას. ჩვენ პატიმრის ჯანმრთელობის ინტერესებიდან გამომდინარე ვმოქმედებთ და ასე გავაგრძელებთ. ასევე, აქ იყო უსაფრთხოების ფაქტორი და ჩვენ ყველამ ერთად ვიხილეთ, რომ სასამართლოსთან ისევ იყო ოპოზიციის მიერ მიყვანილი ხალხი და…

„ნაციონალური მოძრაობის“ დეპუტატები ხატია დეკანოიძე და თინა ბოკუჩავა პარლამენტის თავმჯდომარეს კახა კუჭავას ხვდებიან. შეხვედრა კუჭავას სამუშაო კაბინეტში მიმდინარეობს. არსებული ინფორმაციით, ოპოზიციონერი დეპუტატები პარლამენტის თავმჯდომარეს “ნაციონალური მოძრაობის” მიერ გავრცელებული იმ განცხადების თაობაზე ხვდებიან, რომლის მიხედვით, მიხეილ სააკაშვილის საქალაქო სამკურნალო დაწესებულებაში გადაყვანის შემთხვევაში, პარტია იღებს პასუხისმგებლობას, რომ საავადმყოფოს მიმდებარე ტერიტორიაზე აქციები არ გაიმართება.

„ნაციონალური მოძრაობის წევრის“, ხატია დეკანოიძის განცხადებით, მიხეილ სააკაშვილთან დაკავშირებით სტრასბურგის სასამართლოს გადაწყვეტილება მნიშვნელოვანია და დებულებები ინტერპრეტირების საშუალებას არ იძლევა. დეკანოიძის თქმით, ევროპული სასამართლოს გადაწყვეტილების თანახმად, ხელისუფლება პასუხისმგებელია, უზრუნველყოს მიხეილ სააკაშვილის უსაფრთხოება და მისი ჯანმრთელობის დაცვა. „დროებითი ნორმის ზოგადი ინტერპრეტირება არ არსებობს სასამართლოს მიხედვით, რომელმაც ძალიან ზუსტად განმარტა შემდეგი დებულებები: პირველი, დაამტკიცა და ფართოდ განმარტა, რომ მიხეილ სააკაშვილი შიმშილობს უკვე ორმოცი დღე, რასაც „ქართული ოცნება“ უარყოფდა და ძალიან ჰუმანური, მათ შორის ჩვეულებრივი პრაქტიკაა, ევროსასამართლომ მოშიმშილეს მოუწოდოს, შეწყვიტოს შიმშილობა. მეორე, მოუწოდა ხელისუფლებას, რომ ჯანმრთელობის დაცვის მიმართულებით სერიოზული ღონისძიებები განახორციელოს სააკაშვილის მიმართ, რაც…

შიმშილობის მეცხრე დღეს ელენე ხოშტარიას ჯანმრთელობის მდგომარეობა სტაბილურია. ხოშტარიას თქმით, იმ შემთხვევაში, თუ სასიცოცხლო პარამეტრები დაეცემა, მედიკამენტოზურ მკურნალობაზე თანახმა იქნება. ამის შესახებ განცხადება ელენე ხოშტარიამ ცოტა ხნის წინ გააკეთა.  “მივიღებ სამედიცინო ჩარევას მხოლოდ იმ შემთხვევაში, როდესაც სასიცოცხლო პარამეტრებს შეეხება. მე დავთანხმდი ერთ გადასხმას, ერთმა გადასხმამ არ გააუმჯობესა ეს პარამეტრები, ამიტომ, ის ისევ კრიტიკულ დაბალ ზღვარზეა, დავთანხმდი მეორე გადასხმას. სანამ ეს საფრთხე არ მოიხსნება, მედიკამენტებს მივიღებ. არ მივიღებ კალორიებს, არ მივიღებ დანამატებს. მე ამას ვაკეთებ არა იმისთვის, რომ შევიმსუბუქო მდგომარეობა, არამედ იმისთვის, რომ არ დამძიმდეს კრიტიკულად მდგომარეობა,“ – ამბობს ელენე ხოშტარია. 

საქართველოს პრემიერ-მინისტრის, ირაკლი ღარიბაშვილის განცხადებით, ქვეყანაში უამრავი საკითხია მოსაგვარებელი, ამიტომ აღარ აპირებს პატიმარზე საუბარს. პრემიერმა ჟურნალისტებს სტრასბურგის სასამართლოს გადაწყვეტილებაზე საუბრისას განუცხადა, რომ მიხეილ სააკაშვილთან დაკავშირებით საუბარს აღარ აპირებს და თემაზე კომენტარს იუსტიციის მინისტრი გააკეთებს. „ბუნებრივია, გავეცანით სტრასბურგის სასამართლოს გადაწყვეტილებას. ბატონი იუსტიციის მინისტრი ვრცლად გააკეთებს განმარტებას ამ თემასთან დაკავშირებით. ზოგადად, ამ თემაზე მე არ მსურს, ვრცელი კომენტარი გავაკეთო. ეს არ არის ჩემი პრეროროგატივა. მე გითხარით, რომ პატიმარსა და პატიმრებზე საუბარი დავასრულე. ქვეყანაში არის უამრავი საკითხი, უამრავი პრობლემა და მე მხოლოდ ამ თემაზე მაქვს საუბარი და კონცენტრირება“, – განაცხადა ღარიბაშვილმა.

სახელმწიფო უსაფრთხოების სამსახურთან საპროტესტო აქციაზე დაკავებული ბესო გაზდელიანი, დავით ტყებუჩავა და ირაკლი კვარაცხელია გორის პოლიციის დროებითი დაკავების იზოლატორში იმყოფებიან. დაკავებულებთან ამ წუთებში ადვოკატი იმყოფება. უფლებადამცველი ამბობს, რომ ისინი უკანონოდ დააკავეს. ლიკა ტურაშვილის განცხადებით, მისი დაცვის ქვეშ მყოფებს დაკავებისას არანაირი წინააღმდეგობა არ გაუწევიათ. „გუშინ ვიყავი შესული და მოვინახულე სამივე დაკავებული. ბესო გაზდელიანს, ირაკლი კვარაცხელიას და დავით ტყებუჩავას ედავებიან ორი მუხლით. ესაა ზოგადი ადმინისტრაციული კოდექსის 166-ე და 173-ე მუხლები, რაც გულისხმობს ხულიგნობას და დაუმორჩილებლობას. როგორც დაკავებულებმა მითხრეს, მათი მხრიდან არანაირი წინააღმდეგობის გაწევას ადგილი არ ჰქონია. ზოგიერთ მათგანს, უბრალოდ უკნიდან მიეპარნენ და მოიტაცეს.…

საქართველოს მართლმადიდებელი ეკლესიის საპატრიარქომ ახალქალაქის, კუმურდოსა და კარის მიტროპოლიტ ნიკოლოზის (ფაჩუაშვილი) შესახებ განცხადება გამოაქვეყნა. ნიკოლოზმა საქართველოს მესამე პრეზიდენტი მიხეილ სააკაშვილი ციხეში ორჯერ მოინახულა. საპატრიარქოს შეფასებით, ორივე შემთხვევაში მიტროპოლიტისგან გაკეთებულმა კომენტარმა ხალხის დიდ ნაწილში ვნებათაღელვა გამოიწვია. „თადაპირველად მან განაცხადა, რომ შექმნილ ვითარებაში ერთადერთ გამოსავლად საყოველთაო შერიგება მიაჩნია, რისი მაგალითიც ქვეყანას პირველმა პირებმა უნდა უჩვენონ, ამასთან, ყველამ ერთმანეთს უნდა ვთხოვოთ შენდობა და ვაპატიოთ წლების მანძილზე ჩადენილი დანაშაული. რა თქმა უნდა, სურვილი სამოქალაქო დაპირისპირების თავიდან აცილებისა და საყოველთაო შერიგებისა ეკლესიისთვის ყოველთვის უმნიშვნელოვანესი იყო და არის, მაგრამ მისი განხორცილებისთვის საგანგებო შრომაა გასაწევი და სათანადო,…

ენმ მოთხოვნების შესრულებამდე, პროტესტის შეწყვეტას არ აპირებს. “მოთხოვნები კვლავ რჩება უცვლელი: პირველ რიგში, მიხეილ სააკაშვილის ჯანმრთელობის მდგომარეობა და რა თქმა უნდა, გაყალბებული არჩევნების შემდეგ ძალიან მნიშვნელოვანია, რომ საქართველოში დაინიშნოს ვადამდელი არჩევნები. სააკაშვილი უნდა გადაიყვანონ უსაფრთხო ადგილას, მულტიფუნქციურ კლინიკაში, სადაც მას ექნება საშუალება, რომ მიიღოს სრული მომსახურება იმიტომ, რომ მისი ჯანმრთელობის მდგომარეობა ყოველდღიურად მძიმდება,” – აცხადებს ენმ-ს წევრი ნონა მამულაშვილი.

სასჯელაღსრულების სისტემის მე-18 სამკურნალო დაწესებულებაში გვიან ღამით დასრულდა საქართველოს ყოფილი პრეზიდენტის, მიხეილ სააკაშვილის გამოკითხვა. რუსთავის მე-12 პენიტენციური დაწესებულებიდან თბილისში, გლდანის მე-18 დაწესებულებაში გადაყვანისას მიხეილ სააკაშვილის მიმართ შესაძლო არაადამიანურ მოპყრობას სახელმწიფო ინსპექტორის აპარატი იძიებს. დაახლოებით 8-საათიანი პროცედურის შემდეგ, გამომძიებელმა გიორგი მიქელაძემ ჟურნალისტებს უთხრა, რომ მიხეილ სააკაშვილს ჩაუტარდა სამედიცინო ექსპერტიზაც და დაილუქა ტანსაცმელი, რომელიც გლდანის დაწესებულებაში შესვლისას ეცვა. გამომძიებლის თანახმად, ექსპრეზიდენტს ვიზუალურად დაზიანების კვალი არ აღენიშნება, თუმცა, საბოლოო დასკვნას სასამართლო ექსპერტიზის ეროვნული ბიურო გასცემს. მიქელაძის განცხადებით, გამოკითხვისას სააკაშვილისგან მიღებული ინფორმაციის შინაარსზე გამოძიების ინტერესებიდან გამომდინარე ვერ ილაპარაკებს. თავის მხრივ, მიხეილ სააკაშვილის ადვოკატმა შოთა…

სახალხო დამცველი შინაგან საქმეთა სამინისტროს მოუწოდებს, დაუყოვნებლივ მიაწოდოს ინფორმაცია დაკავებულთა ადგილსამყოფელის შესახებ მათ ოჯახებსა და ადვოკატებს – ნინო ლომჯარია სხვადასხვა ადმინისტრაციულ შენობასთან ჩატარებულ აქციებზე გუშინ სამართალდამცველების მხრიდან დაკავების ფაქტს სოციალურ ქსელში გამოეხმაურა. როგორც ომბუდსმენი აღნიშნავს, 46 დაკავებულიდან სახალხო დამცველის აპარატის წარმომადგენლებმა 23 მოინახულეს. ნინო ლომჯარიას განცხადებით, პროტესტის მონაწილეების თქმით, დაკავების საფუძველი არ არსებობდა. ლომჯარიას შეფასებით, დაკავებულთაგან მხოლოდ ერთ პირს ჰქონდა გარკვეული დაზიანებები, რის შესახებაც ინფორმაცია უკვე მიეწოდა სახელმწიფო ინსპექტორის სამსახურს.