დღე: ნოემბერი 23, 2021

საქართველოს სახალხო დამცველის ნინო ლომჯარიას განაცხადებით, სააკაშვილს ჯანმრთელობის მდგომარეობა თუ მისცემს შესაძლებლობას, ის სასამართლო პროცესს უნდა დაესწროს, თუნდაც დისტანციურად. მისივე თქმით, სასამართლოს სხდომაზე სააკაშვილის პირადი ან დისტანციური დასწრება ძალიან მნიშვნელოვანია. „დღეს გაეცნობიან ჩემი ექსპერტები სააკაშვილის ჯანმრთელობის მდგომარეობას. ალბათ, ზოგად შეფასებებსაც გააკეთებენ მკურნალობის მიმდინარეობის თაობაზე.  შესაძლებელი თუ იქნება და ჯანმრთელობის მდგომარეობა მისცემს შესაძლებლობას, რა თქმა უნდა, აუცილებლად უნდა დაესწროს თუ ფიზიკურად ვერ მოხერხდა, დისტანციურად, რადგან ჩვენ უკვე შევაფასეთ პირველი სამი პროცესი, სადაც მას არ მიეცა არც ერთი ფორმით დასწრების შესაძლებლობა. გარემოებები, რაც წარმოადგინა იუსტიციის სამინისტრომ და პენიტენციურმა სამსახურმა, არ იყო იმის…

“ნაციონალური მოძრაობის” თავმჯდომარე ნიკა მელია ვარდების რევოლუციის 18 წლისთავთან დაკავშირებით წერს, რომ ცვლილებების ლიდერი, მიხეილ სააკაშვილი დღეს ციხეშია და ეს ფაქტი ასე დიდ ხანს არ დარჩება.  “2003 წლის გიორგობა დღეს საქართველომ ძალა მოიკრიბა და საკუთარი ბედის უკუღმა მოტრიალე ბორბალს, წაღმა დააწყებინა ტრიალიქვეყანა დაადგა განვითარების გზას!შესაძლებელი გახდა:საქართველო კორუფციის გარეშე;უმაღლესი განათლება ჩაწყობის გარეშე;განათებული ქვეყანა vs გრაფიკი;გაზრდილი პენსია გაყინულის ნაცვლად;პატრული გაის ნაცვლად;დასავლეთი რუსეთის ნაცვლად;გაწვრთნილი ჯარი მშიერის ნაცვლად;წესრიგი კრიმინალის ნაცვლად;რეფორმები უძრაობის ნაცვლად;აღმშენებლობა აჭარაში ასლანის ნაცვლად;პერსპექტივა უიმედობის ნაცვლად!კიდევ ბევრი რამ!ისტორიას ვერავინ გააყალბებს. ამ ცვლილებების ლიდერი, მიხეილ სააკაშვილო დღეს ციხეშია, ეს ასე დიდ ხანს არ დარჩება! საქართველო ისევ მოიკრებს ძალას და…

ვარდების რევოლუციის მე-18 წლისთავთან დაკავშირებით მესამე პრეზიდენტის მხარდამჭერებმა გორში აქცია-პერფორმანსი გამართეს და სააკაშვილს ყველა მიღწევისთვის მადლობა გადაუხადეს. აქცია წერეთლის ქუჩაზე გაიმართა და არა იმ ტერიტორიაზე, სადაც გორის სამხედრო ჰოსპიტალია: “ეს არის ჩვენი მთავარი სათქმელი. 23 ნოემბრის მნიშვნელობაზე, რომ ვსაუბრობთ, ცვლილებების მთავარი მომტანი ახლა გისოსებს მიღმა ზის. არსებობს ესეთი ქუჩა, რომელიც მიშამ გააკეთა, მოვედი მის გაკეთბეულ ქუჩაზე. მე ვეტყვი მადლობას იმისთვის რაც გვქონდა და აღარ გვაქვს”, – აღნიშნა ნანუკა ჟორჟოლიანიმა.   

მიხეილ სააკაშვილის ჯანმრთელობის მონიტორინგის მიზნით შექმნილი სახელმწიფო კონსილიუმის წევრები თავდაცვის სამინისტროს გორის სამხედრო ჰოსპიტალში ცოტა ხნის წინ შევიდნენ. სახელმწიფო კონსილიუმის წევრის ექიმ ელენე გიორგაძის ინფორმაციით, დღეიდან სააკაშვილის რეაბილიტაცია ახალ ეტაპზე გადადის და ეს არის დაკვირვების ეტაპი. კონსილიუმის წევრები დღეს მთელი დღის განმავლობაში დააკვირდებიან სააკაშვილის ჯანმრთელობის მდგომარეობას, განახორციელებენ ჩატარებული კვლევების მონიტორინგს და რეაბილიტაციის შემდგომ გეგმაზე მიიღებენ დამატებით გადაწყვეტილებას.

ივანიშვილის მშობლიურ სოფელში სამოქალაქო აქტივისტებმა სხვადასხვა შინაარსის წარწერები დატოვეს, რომლებსაც დასუფთავების სამსახური მთელი ღამის განმავლობაში შლიდა. “ბიძინა, წადი, თავისუფლება მიშას” – ეს წარწერები ვარდების რევოლუციის 18 წლისთავთან დაკავშირებით გაკეთდა და ასევე იმ პოლიტიკური ვითარების მიმართ პროტესტს მოიცავს, რომელიც ქვეყანაშია.

თავის დროზე „ვარდების რევოლუცია“ იმის დასაბამი უნდა ყოფილიყო, რომ ქვეყნის პოლიტიკურ ცხოვრებაში პოზიტივი შემოსულიყო, თუმცა სამწუხაროდ, „ვარდების რევოლუციის“ შემოქმედებმა მალე ისეთი პროცესები დაიწყეს, რითაც ძალადობრივი რეჟიმის დამფუძნებლები გახდნენ, რამაც საქართველოს მოუტანა ადამიანების ღირსების, სიცოცხლისა უგულვებელყოფა და ტერიტორიების დაკარგვა, – ამის შესახებ საპარლამენტო უმრავლესობის წევრმა, გურამ მაჭარაშვილმა განაცხადა. როგორც გურამ მაჭარაშვილმა აღნიშნა, სამწუხაროდ, „ნაციონალური მოძრაობა“ იმ მეთოდებს ისევ მიმართავს, რაც ხელისუფლებაში ყოფნის დროს ჰქონდა. „პატიმარმა სააკაშვილმა ყველაფერი გააკეთა, რათა წლის თავზე, საკუთარი მომხრეები მოწინააღმდეგებად გაიხადა. მან გარშემო ისეთი ხალხი შეკრიბა, ვინც საზოგადოებაში ავტორიტეტით არ სარგებლობდნენ და ძალადობის შემოქმედები იყვნენ, რამაც 2012 წელს მათი ოპოზიციაში გადასვლა განაპირობა. 2003…

ივანიშვილის რეჟიმის ხელში „ვარდების რევოლუციის“ მონაპოვარი საფრთხეშია, ჩვენ უნდა დავრჩეთ ამ იდეის ერთგულები, რათა საბოლოოდ მოვიპოვოთ საკუთარი ადგილი თავისუფალ სამყაროში“, – ამის შესახებ „ევროპული საქართველოს“ თავმჯდომარე, გიგა ბოკერიამ ჟურნალისტებთან საუბრისას განაცხადა. როგორც ბოკერია განმარტავს, არ უნდა გადავუხვიოთ იმ იდეალებს, რის გამოც „ვარდების რევოლუცია“ მოხდა. „ვარდების რევოლუცია“ დამოუკიდებლობის გამოცხადების, საბჭოთა კავშირის დანგრევის, ამ უბედნიერესი დღის შემდეგ ყველაზე მნიშვნელოვანი დღე იყო საქართველოს უახლეს ისტორიაში. მოვლენა, რა დროსაც ქართულმა საზოგადოებამ შეძლო დიდი ნაბიჯის გადადგმა პოსტსაბჭოთა ჭაობიდან თავისუფლებისკენ, საკუთარი ბუნებრივი ადგილისკენ თავისუფალ სამყაროში, ნორმალური ქვეყნის მშენებლობისკენ, მაგრამ რომელმაც ბოლომდე ვერ გაგვიყვანა თავისუფლების სამშვიდობოს. ამ ყველა მონაპოვარს დღეს…

რეაბილიტაციას მე-4 დღე – მიხეილ სააკშვილის ჯანმრთელობის მდგომარეობას დღეს ექიმთა კონსილიუმი კიდევ ერთხელ შეისწავლის. პატიმრის ინტერესების დამცველები ისევ მძიმე მდგომარეობაზე საუბრობენ. დღეს გორის სამხედრო ჰოსპიტალში, მიხეილ სააკაშვილის სანახავად, მთავრობის მიერ დაკომპლექტებული კონსილიუმის წევრები, მისი პირადი ექიმი ნიკოლოზ ყიფშიძე და სახალხო დამცველი ნინო ლომჯარია აპირებს. ის ადგილზე გაეცნობა იმ სამედიცინო მომსახურეობას, რომელიც ექსპრეზიდენტს უტარდება.  რაც შეეხება მიხეილ სააკაშვილის ჯანმრთელობის მდგომარეობას, ექიმები ამბობენ, რომ მისი მდგომარეობდა დასტაბილურდა. 

საქართველოს მე-3პრეზიდენტი მიხეილ სააკაშვილი მორიგ მიმართვაში ფიცს დებს და ამბობს, რომ საქართველო დაიბრუნებს ძველ დიდებას და ბრწყინვალებას. ვარდების რევოლუცია თქვენი შექმნილია და მინდა შეგახსენოთ, რომ რევოლუციამდე საქართველო იყო ტერიტორია და შემდეგ გახდა სახელმწიფო. საქართველო გახდა “ერი სხვა ერთა შორის”, როგორიც იყო ილია ჭავჭავაძის ოცნება. საქართველო იყო სიბნელეში და გაბრწყინდა. ჩვენ დავამტკიცეთ, რომ არ ვართ პატარა სოფელი იმით, რომ გავხდით მსოფლიოს მოწინავე რეფორმატორი ქვეყანა. ამერიკის პრეზიდენტი საგანგებოდ ჩამოვიდა და გვიწოდა “მსოფლიო დემოკრატიის შუქურა”. მითხრა, რომ ეს ვიზიტი იყო მის ცხოვრებაში ყველაზე დასამახსოვრებელი და შთამაგონებელი მოგზაურობა. ქართველები ვართ განსაკუთრებული ერი! არ ვიმსახურებთ არც სიღატაკეს და არც…