დღე: ნოემბერი 26, 2021

“ნაციონალური მოძრაობის” წევრი, მურმან დუმბაძე ბათუმსა და ზუგიდის საკრებულოებში დღეს განვითარებულ მოვლენებს გამოეხმაურა, სადაც 2022 წლის ბიუჯეტის პროექტის დამტკიცების პროცედურა ხმაურისა და დაპირისპირების ფონზე მიმდინარეობს.  როგორც დუმბაძე ფეისბუკის პირად გვერდზე წერს “გამოსავალი გამოცდილებაშია და რასაც წამალი ვერ უშველის, უშველის დანა, რასაც დანა ვერ უშველის, უშველის ცეცხლი”. “ბათუმი, ზუგდიდი … ამ კაცმა ფული იშოვა აფერისტობით, მაგრამ სახელმწიფო აფერისტობით ვერ იმართა! ესაა რეალობა. გამოსავალი გამოცდილებაშია: რასაც წამალი ვერ უშველის, უშველის დანა, რასაც დანა ვერ უშველის, უშველის ცეცხლი!”- წერს მურმან დუმბაძე. 

დაპირისპირება ბათუმის საკრებულოში გრძელდება – “ნაციონალური მოძრაობის”წევრმა მირდატ ქამადაძემ საკრებულოს სხდომათა დარბაზში სპეციალური ხსნარი გაუშვა, რის გამოც სხდომა შეწყდა. ქადამაძის განმარტებით, აღნიშნული ხსნარი ჯანმრთელობისთვის საფრთხეს არ წარმოადგენს, თუმცა მისი სუნის გამო, დეპუტატებს დარბაზის დატოვება მოუწიათ. “დღევანდელი საკრებულოს სხდომა არ უნდა ჩატარდეს, ყოველგვარი ხმაურის გარეშე. ამიტომ, მე ახლა საჯაროდ, ხელში მიჭირავს შპრიცი, რომელიშიც არის ნივთიერება, სრულიად უწყინარი, უბრალოდ აქვს ისეთი სუნი, აქ ვეღარ გაჩერდებით. მე ვრჩები ბოლომდე აქ, რომ არ იფიქროთ, რომ ეს ნივთიერება ჯანმრთელობისთვის საშიშია. არ არის ჯანმრთელობისთვის საშიში.  ამ ეტაპისთვის, სხდომა განახლებულია.  შეგახსენებთ, რომ ბათუმის საკრებულო 2022 წლის ბიუჯეტის პროექტის…

პარლამენტში იუსტიციის უმაღლესი საბჭოს მიერ ასარჩევად წარდგენილი უზენაესი სასამართლოს მოსამართლეობის კანდიდატებთან გასაუბრების პროცესი გრძელდება. დღეს, იურიდიულ საკითხთა კომიტეტი კიდევ ორ კანდიდატს – ნინო სანდოძეს და თეა ძიმისტარაშვილს გაესაუბრება.  ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, მიხეილ სარჯველაძის შეფასებით, საქართველოს პარლამენტში მიმდინარე უზენაესი სასამართლოს მოსამართლეობის კანდიდატებთან გასაუბრების პროცესი გამორჩეულია თავისი ღიაობით. „რაც შეეხება მიმდინარე პროცესის გამჭირვალობას, იმას, რომ საზოგადოება  კარგად ხედავდეს რა კრიტერიუმებით, რა პრინციპებით ხდება გადაწყვეტილებების მიღება, ვინ იმსახურებს და ვინ  არ იმსახურებს  განწესებას უზენაეს სასამართლოში, ამ თვალსაზრისით, ვფიქრობ, რომ არამც თუ უნაკლო პროცესია, არამედ შეიძლება ითქვას, რომ ამით გამორჩეულია საქართველოს სისტემა,…

ბათუმის საკრებულოს ირგვლივ განვითარებულ მოვლენებს მმართველი გუნდი გამოეხმაურა – “ქართული ოცნების” აჭარის ორგანიზაციაში ამბობენ, რომ 2022 წლის ბათუმის ბიუჯეტს წინა მოწვევის საკრებულო მაინც დაამტკიცებს და ამით კანონი არ დაირღვევა. აჭარის ავტონომიური რესპუბლიკის უმაღლესი საბჭოს თავმჯდომარის მოადგილის ტიტე აროშიძის თქმით, საკრებულოს ახალი მოწვევის შეკრებამდე, ლეგიტიმაცია აქვს წინა შემადგენლობას. მმართველი გუნდი მოუწოდებს სამართალდამცველებს მაქსიმალურად დაიცვან დღევანდელი საკრებულოს სხდომათა დარბაზი და მიმდებარე ტერიტორია პროვოკაციებისგან. “მივმართავ სამართალდამცავ ორგანოებს და ვთხოვ, რომ მაქსიმალურად უზრუნველყონ შენობის დაცვა და საკრებულოს სხდომის ნორმალურ პირობებში ჩატარება. მე დარწმუნებული ვარ, რომ საკრებულო მიიღებს ბიუჯეტს. არ მივცემთ არავის საშუალებას გააჩეროს ქალაქი თუნდაც რამდენიმე…