დღე: ნოემბერი 13, 2021

ევროპარლამენტის წევრი ანა ფოტიგა გულდაწყვეტილია რომ იუსტიციის მინისტრმა მას ციხეში, მიხეილ სააკაშვილის სანახავად შესვლაზე უარი განუცხადა. მინისტრი რატი ბრეგაძე ანა ფოტიგას წერილით მიმართავს და განმარტავს, რა გახდა უარის მიზეზი.     „ქალბატონო ანა, 2021 წლის 9 ნოემბრით დათარიღებულ წერილთან დაკავშირებით, რომლითაც თქვენ ითხოვეთ პატიმარ მიხეილ სააკაშვილის მონახულება მე-18 პენიტენციურ სამკურნალო დაწესებულებაში, გაცნობებთ შემდეგს: მე-12 პენიტენციურ დაწესებულებაში შესახლების დღიდან მიხეილ სააკაშვილი სარგებლობს ყველა უფლებით, რომლითაც საქართველოს კანონმდებლობით უზრუნველყოფილია ყველა მსჯავრდებული/ბრალდებული. მათ შორის, მასთან განხორციელდა 201 ვიზიტი, რაც მეტყველებს საქართველოს ხელისუფლების გამჭვირვალობაზე. მის ჯანმრთელობის მდგომარეობას მუდმივად აკონტროლებს პენიტენციური დაწესებულების სამედიცინო პერსონალი, მისი პირადი…

საკანონმდებლო ორგანოსთან მობილიზებულია საპატრულო პოლიცია, ადგილზე აქციის მონაწილეები უკვე იკრიბებიან, მზადაა სცენა, რომელსაც პოლიტიკური ლიდერები დაიკავებენ და მიხეილ სააკაშვილის სამოქალქო კლინიკაში გადაყვანას კიდევ ერთხელ მოითხოვენ. აქციის სლოგანია – „არ მოკლათ ადამიანი ციხეში.“ ამ ეტაპზე, პარლამენტის წინ სიმღერები ისმის. აქცია კი რამდენიმე წუთში დაიწყება.      

პატიმრობაში მყოფი მესამე პრეზიდენტის, მიხეილ სააკაშვილის დედა გიული ალასანია საქართველოს კათოლიკოს-პატრიარქს, უწმინდესსა და უნეტარეს ილია მეორეს შეხვდა. როგორც გიული ალასანიამ ჟურნალისტებს განუცხადა, პატრიარქისთვის სულ ერთი არ არის არსებული მდგომარეობა. „ვიცი, რომ მისთვის სულერთი  არ არის ჩემი შვილის მდგომარეობა. ვიცი, რომ ჩემს შვილს ყოველთვის აქვს უწმინდესის იმედი. პატრიარქი სამღვდელოებასთან ერთად იყო, რომლებიც  ზრუნავენ მასზე. ვილაპარაკეთ ზოგადად, რომ საქართველოში როგორი ტრადიცია იყო, რომ სიცოცხლე ძალიან ფასობდა. ჩვენს სამართალში სიკვდილით დასჯის მუხლი არ არსებობდა, არ იყო ჩვენთან. ჯანმრთელობა ვუსურვე და წამოვედი. არაფერი განსაკუთრებული”, – აცხადებს  გიული ალასანია.

გლდანის ციხის სამკურნალო დაწესებულებაში მოთავსებული მიხეილ სააკაშვილი პირადმა ექიმმა გვიან მოინახულა. ნიკოლოზ ყიფშიძეს რამდენიმე საათი მოუწია ლოდინი, რომ ყოფილ პრეზიდენტთან საკანში შეეშვათ. როგორც პენიტენციური დაწესებულებიდან გამოსულმა ექიმმა ჟურნალისტებს განუცხადა, ყოველი დღე უარესია და მდგომარეობა რთულდება.   „პრეზიდენტს ჰქონდა პრობლემა წნევასთან დაკავშირებით და ამ საღამოს დარეგულირდა. მაგრამ, ასე გაგრძელება, ასე მკურნალობა შეუძლებელია. ყოველდღე ვამბობ ამას, მაგრამ საქართველოს მოსახლეობას ეს არ ესმის. ყოველდღე იქნება უარესი და უარესი თუ ასე გაგრძელდა. მაღალი წნევა ჰქონდა დღესაც და გუშინაც. ამჟამად დავასტაბილურეთ, მაგრამ ეს არ ნიშნავს, რომ ხვალ არ იქნება ეს პრობლემა ისევ. ადამიანი შიმშილობს და…