დღე: ნოემბერი 4, 2021

ქუთაისში, ამ წუთებში, მიხეილ სააკაშვილის სამოქალაქო კლინიკაში გადაყვანის მოთხოვნით საპროტესტო აქცია იმართება. ადგილზე იმყოფებიან ოპოზიციური ლიდერები, რომლებიც სიტყვით გამოდიან. მათ განცხადებით, დამაგვირგვინებელი აქცია დედაქალაქში იმართება, სადაც მხარდამჭერები ყველა რეგიონიდან ჩავლენ.    როგორც საქართველოს პარლამენტის წევრმა ხატია დეკანოიძემ აქციაზე განაცხადა, მოსახლეობას თავისუფლებას ვერავინ წაართმევს. „ყველა ადამიანს, არამხოლოდ ჩვენს ქვეყანაში, არამედ მთელ მსოფლიოში ვაჩვენოთ, რომ არაფერია ჩვენთვის იმაზე დიადი, ვიდრე თავისუფლება, რომელსაც ცდილობენ, რომ ჩამოგვართვან. არ შევეგუებით მოპარვას, გაყალბებას, მიშას საპყრობილეში ყოფნას,” – განაცხადა დეკანოიძემ.

მეტი...

პატიმრობაში მყოფმა მიხეილ სააკაშვილმა საქართველოს პატრიარქის წერილი წაიკითხა და პასუხიც დაუბრუნა. მესამე პრეზიდენტი პატრიარქის მზრუნველობით კმაყოფილია, თუმცა, შიმშილობას აგრძელებს, რადგანაც ეს მისი პრინციპული გადაწყვეტილებაა. მიხეილ სააკაშვილს პატრიარქის წერილი ილია მეორის მდივანმა, მიქაელ ბოტკოველმა გადასცა. ციხიდან პასუხიც დეკანოზმა გამოიტანა.     „გადავეცი ბატონ მიხეილ სააკაშვილს  მისი უწმინდესობის გზავნილი. პირადად გადავეცი წერილი, სადაც მისი უწმინდესობა მას კიდევ ერთხელ სთხოვს, რომ შეწყვიტოს შიმშილობა. ის წუხს იმის გამო, რომ ამდენ ხანს შიმშილობა. ბატონმა მიხეილმა მადლობა და გადაუხადა მის უწმინდესობას, უკვე მეორედ ვესტუმრე მას და ის გრძნობს მისი უწმინდესობის ყურადღებას. მან აღნიშნა, რომ ის პატივს სცემს მის…

მეტი...

პატიმრობაში მყოფი მიხეილ სააკაშვილის საკნიდან გამოსულმა პატრიარქის მდივანმა მიხეილ სააკაშვილის შეწყალების თემაზე ჟურნალისტების მიერ დასმულ კითხვას უპასუხა და აღნიშნა, რომ პატრიარქს მისი შეწყალების უფლებამოსილება არ გააჩნია. „პატრიარქს არ აქვს იმის უფლებამოსილება, რომ ის შეიწყალოს, მისმა უწმინდესობამ უნდა მიმართოს პრეზიდენტს. მისი და ეკლესიის შუამდგომლობით, ასეთი შემთხვევები ყოფილა მთელი ამ ათწლეულების განმავლობაში და მინდა შეგახსენოთ, რომ საპატრიარქოში არსებობს ასეთი განყოფილება, სადაც ამა თუ ინ პატიმარზე ხდება შესაბამისი დოკუმენტაციის შემოტანა და ამ საბუთების განხილვის შემდეგ ეს გადაიგზავნება იუსტიციის სამინისტროში, შემდეგ კი პრეზიდენტის ადმინისტრაციაში. არ ვიცი, ამას უფლებადამცველები როგორ გაიგებენ, ყოველ შემთხვევაში მინდოდა ამის დაზუსტება…

მეტი...

„საქართველოს ყოფილ პრეზიდენტს, მიხეილ სააკაშვილს მძიმე დანაშაულები აქვს ჩადენილი და მან ამ ყველაფრის გამო, პასუხი უნდა აგოს“, – ამის შესახებ თბილისის მერმა, კახა კალაძემ ყოფილი პრეზიდენტის შესაძლო შეწყალებასთან დაკავშირებით დასმული შეკითხვის საპასუხოდ განაცხადა. როგორც მან აღნიშნა, საქართველოს პრეზიდენტს, სალომე ზურაბიშვილს მიხეილ სააკაშვილის შეწყალებასთან დაკავშირებით საკუთარი პოზიცია გააჩნია, რომლის შესახებაც არაერთხელ ისაუბრა.  „ქალბატონ სალომეს აქვს თავისი პოზიცია ამ საკითხთან დაკავშირებით, რაც არაერთხელ იქნა გაჟღერებული. როდესაც ადამიანს აქვს ძალიან მძიმე დანაშაულები, რა თქმა უნდა, მან პასუხი უნდა აგოს. რატომ უნდა უხაროდეს ვინმეს, თუნდაც ყოფილი პრეზიდენტის ციხეში ყოფნა?! რა არის ამაში სასიხარულო, მაგრამ…

მეტი...

საქართველოს პატრიარქი ილია მეორე საქართველოს მესამე პრეზიდენტს წერილს უგზავნის და შიმშილობის შეწყვეტას სთხოვს. პატრიარქის წერილი ციხეში პატრიარქის მდივანმა, მიქაელ ბოტკოველმა მიიტანა. „წერილის შინაარსი შეეხება მის პრინციპულ პოზიციას შიმშილობასთან დაკავშირებით. მინდა ეს წერილი გადავცე და მოვიკითხო მისი უწმინდესობის სახელით. თხოვნა და რჩევაა მისი უწმინდესობის, რომ შეწყვიტოს შიმშილობა”, – აღნიშნა საპატიმრო დაწესებულებასთან მისულმა დეკანოზმა მედიასთან.

მეტი...

პატიმრობაში მყოფი მიხეილ სააკაშვილი ციხიდან მორიგ წერილს აგზავნის. როგორც ყოფილი პრეზიდენტი წერს, მას მოქმედი პრეზიდენტის შეწყალების იმედი არ აქვს და ხსნას მხოლოდ ქართველი ხალხისგან ელის. „მივესალმები მთელ საქართველოში მიმდინარე სამოქალაქო ერთიანობის და აქტივობის პროცესს. ქართველმა ხალხმა მოახდინა საარჩევნო რევოლუცია, როდესაც ყველა ქალაქში დაამარცხა „ოცნება“ და ის, რომ გამყალბებლებით, სიის მაგიდის ქალბატონებით და „ძველი ბიჭებით“ თქვენ ეს გამარჯვება მოგპარეს, სულაც არ მოქმედებს რეჟიმის სიძლიერეზე. რეჟიმს, რომელსაც სიტყვა „რევოლუციაზე“ აკანკალებს, სიმტკიცის მარაგი მთლიანად ამოწურული აქვს და ახლა ჩვენი გამოსვლებით ყველგან ვაჩვენებთ მსოფლიოს და ივანიშვილს, რომ ჩვენი გამარჯვება მხოლოდ ჩვენ გვეკუთვნის და ასეთი…

მეტი...

საქართველოს პრეზიდენტი სალომე ზურაბიშვილი სახელმწიფო კანცელარიის შენობაში გამართულ საკოორდინაციო საბჭოს სხდომას დაესწრო. როგორც ჯანდაცვის მინისტრის მოადგილე განმარტავს, პრეზიდენტის მონაწილეობა საკმოდ მნიშვნელოვანი ნაბიჯია.   „საქართველოს პრეზიდენტი სალომე ზურაბიშვილი დღეს ესწრებოდა საკოორდინაციო საბჭოს სხდომას, ძალიან მნიშვნელოვანი იყო ჩვენთვის მისი მონაწილეობა… საბჭოზე ვიმსჯელეთ ყველა პარამეტრის, როგორც ადამიანის უფლებების კუთხით, ასევე ფინანსური და ეკონომიკური ზეგავლენის  კუთხით, ბიზნესაქტივობებეზე ზემოქმედების კუთხით, ყველა ამ მიმართულებით გარკვეული საკითხები დაზუსტდება და ამ საკითხების განსახილველად საბჭო შეიკრიბება დამატებით“, – განაცხადა თამარ გაბუნიამ მედიასთან. შეგახსენებთ, რომ პრეზიდენტის განცხადებით, მიხეილ სააკაშვილის შეწყალება არ მოხდება; სახელმწიფომ სავალდებულო ვაქცინაცია უნდა შემოიღოს; აუცრელებისთვის მკურნალობა ფასიანი უნდა გახადოს…

მეტი...

დეპუტატი ელენე ხოშტარია საკანონმდებლო ორგანოში რჩება და შიმშილობის აქციას აგრძელებს. როგორც დეპუტატი აცხადებს, მისი ერთადერთი მოთხოვნა მიხეილ სააკაშვილის სამოქალაქო კლინიკაში გადაყვანა და მისი სოლიდარობაა. როგორც დეპუტატი განმარტავს, მას დაუკავშირდნენ ამერიკის საელჩოდან და მისი მოთხოვნები მოისმინეს. მმართველი გუნდიდან კი მას, ამ ეტაპისთვის არავინ შეხმიანებია. დეპუტატი პარლამენტის შენობაში მანამ აპირებს დარჩენას, სანამ მიხეილ სააკაშვილს სამოქალაქო კლინიკაში არ გადაიყვანენ. დეპუტატი მხოლოდ წყალს სვამს.      

მეტი...

საქართველოს პრეზიდენტის, სალომე ზურაბიშვილის განცხადებას პარლამენტის წევრი ალეკო ელისაშვილი სოციალურ ქსელში ეხმიანება. დეპუტატს პრეზიდენტის მიმართ გამოთქმული შეურაცხმყოფელი სიტყვები უკან მოაქვს და მის ყველა განცხადებას მხარდაჭერას უცხადებს.     „ყველა სიტყვას მოვაწერდი ხელს, რაც სალომე ზურაბიშვილმა თქვა გუშინდელ ბრიფინგზე! ბრავო! ცოტაც და ყველა საძაგელ სიტყვას უკან წავიღებ და ყველა სიტყვაზე ბოდიშს მოვიხდი, რაც წლების მანძილზე მასზე მითქვამს. ქართული პოლიტიკური ზიზღის პინგპონგის ფონზე ერთადერთი სახელმწიფოებრივად მოაზროვნეა ჯერჯერობით!“, – წერს ალეკო ელისაშვილი სოციალურ ქსელში. შეგახსენებთ, რომ პრეზიდენტის განცხადებით, მიხეილ სააკაშვილის შეწყალება არ მოხდება; სახელმწიფომ სავალდებულო ვაქცინაცია უნდა შემოიღოს; აუცრელებისთვის მკურნალობა ფასიანი უნდა გახადოს და…

მეტი...

საქართველოს პრეზიდენტი სალომე ზურაბიშვილის მიმართვის ერთ-ერთი ობიექტი, ხელისუფლების გარდა, საპატრიარქო და სასულიერო პირები გახდა. პრეზიდენტი სამღვდელოებას მოუწოდებს, ვაქცინაციის კურთხევა გასცეს.    „დღევანდელ კატასტროფულ მდგომარეობაზე ყველანი ვართ პასუხისმგებელნი, სახელმწიფო, პასუხისმგებლობით აღჭურვილი პირები, მეც, მათ შორის, რომლებსაც უფრო აქტიური კამპანიის ჩატარება გვევალება ვაქცინაციის პოპულარიზაციისთვის და მეტი გამბედაობა. პასუხისმგებლობა დიდია საპატრიარქოსი, რომელიც მაინც თავს იკავებს კურთხევის მიცემისგან, რაც საშუალებას უტოვებს ცალკეულ სასულიერო პირებს, რომ იქადაგონ ანტივაქსერული პროპაგანდა. კიდევ ერთხელ მივმართავ საპატრიარქოს, რომ ეკლესიამ მისცეს მრევლს მკაფიო მითითება და მაგალითი,”  – აცხადებს პრეზიდენტი.

მეტი...

პატიმრობაში მყოფი მიხეილ სააკაშვილის ადვოკატის განცხადებით, მესამე პრეზიდენტის ჯანმრთელობის მდგომარეობა ეტაპობრივად მძიმდება. „წინა კონსილიუმთან შედარებით, რომელიც იყო დაახლოებით ერთი კვირის წინ, „რეზულტატები“ უარესია. პრეზიდენტი უჩივის გულის ფრიალს, უფრო მეტად სუსტია, ვიდრე იყო ადრე და ა.შ. საგანგაშო მდგომარეობა შეიძლება ყოველ წუთას დადგეს. ზუსტად ვერ გეტყვით, ძალიან არასტაბილური სიტუაციაა. შეიძლება, საგანგაშო სიტუაცია დადგეს 10 წუთის მერე, ხვალ, ან ზეგ. გადავწყვიტეთ, რომ შემდეგი კონსილიუმი პარასკევს დავნიშნოთ.  შევდივართ უფრო მძიმე ფაზაში, რადგან პრეზიდენტმა უკვე მისი წონის 10% დაიკლო, რაც საკმაოდ საშიშია”, – განაცხადა ნიკოლოზ ყიფშიძემ ჟურნალისტებთან.

მეტი...