დღე: ივნისი 7, 2021

იურიდიულ საკითხთა კომიტეტის თავმჯდომარე ანრი ოხანაშვილი „სტრატეგია აღმაშენებლის“ ლიდერს გიორგი ვაშაძეს დებატებში იწვევს. ოხანაშვილმა ვაშაძეს დებატებში მონაწილეობა ბიუროს სხდომის მიმდინარეობისას შესთავაზა, სადაც კამათი გამოიწვია ვაშაძის განცხადებამ, რომელმაც “ადმინისტრაციულ სამართალდარღვევათა კოდექსში” მმართველი გუნდის მიერ გატარებულ ცვლილებებს ანტიდემოკრატიული უწოდა და აღნიშნა, რომ მსგავსი შეფასება ჰქონდათ საერთაშორისო პარტნიორებს, მათ შორის აშშ-ის საელჩოს. იურიდიულ საკითხთა კომიტეტის თავმჯდომარემ ვაშაძე სიცრუის გავრცელებაში დაადანაშაულა და აღნიშნა, რომ არასწორია, როცა მის შეფასებას ასაღებს როგორც სტრატეგიული პარტნიორების შეფასებას, რადგან მსგავსი ფორმულირება მათ შეფასებებში არ გვხვდება. „მე ბატონ გიორგი ვაშაძეს ვთავაზობ დებატებს ამ საკითხზე, წერტილი რომ დაესვას, აირჩიეთ ეთერი სადაც გინდათ – ობიექტური, ნეიტრალური და დავასრულოთ და…

უმრავლესობის წევრის, დავით სერგეენკოს განცხადებით, ბიძინა ივანიშვილი გიორგი გახარიას „ხისტად და ცალსახად” გაემიჯნა. როგორც სერგეენკომ აღნიშნა, „მართალია, ბიძინა ივანიშვილი პოლიტიკიდან წავიდა, მაგრამ მისთვის საკუთარი აზრის გამოთქმა არავის აუკრძალავს“. „რადგან მასთან ირიბად იყო დაკავშირებული მოარული ხმები, რომ თითქოს ეს მის მიერ მართული პოლიტიკური ძალა იყო, ამასთან დაკავშირებით გააკეთა განცხადება და ძალიან ცალსახად და ხისტად გაემიჯნა. დეფინიციები, რაც მან გამოიყენა, რომ ეს არის პარტიის და ქვეყნის ღალატი, რა თქმა უნდა, არის ხისტი. ვფიქრობ, გახარიას ექნება შესაძლებლობა, დაასაბუთოს თავისი პოზიცია, თუმცა განცხადება ცალსახა იყო და წყალგამყოფი გაავლო ამ მოვლენებს შორის”,- განაცხადა სერგეენკომ. რაც შეეხება გახარიას მიერ გადადგომას გადაწყვეტილებას, სერგეენკოს თქმით,…

“ქართული ოცნების” ცენტრალურ ოფისში საპარლამენტო უმრავლესობის სხდომა გაიმართება, რომელიც 18:00 საათზა ჩანიშნული. არსებული ინფორმაციით, უმრავლესობა ქვეყანაში მიმდინარე პოლიტიკურ საკითხებზე და საკანონმდებლო საქმიანობაზე იმსჯელებს.

„ქართული ოცნება” ცდილობს „ნაციონალებზე“ უფრო „ნაციონალებად“ აქციოს გახარია და მისი პარტია,- ამის შესახებ ჟურნალისტებთან „გირჩის” ერთ – ერთმა ლიდერმა ვახტანგ მეგრელიშვილმა განაცხადა, რითაც გიორგი გახარიას შესახებ ბიძინა ივანიშვილის განცხადებას გამოეხმაურა. მისი თქმით, „ქართული ოცნების” ამოცანაა, რომ გიორგი გახარიამ მათი მხარდამჭერების ხმები არ წაიღოს. „ახსნის ყველაზე მარტივი ვერსია რომ შემოგთავაზოთ, ეს არის, რომ გიორგი გახარიას „ქართულმა ოცნებამ” არ გააყოლოს არც ერთი მხარდამჭერი და „ნაციონალებზე“ უფრო „ნაციონალებად“ აქციონ გიორგი გახარია,”- განაცხადა მეგრელიშვილმა.

საპროცედურო საკითხთა და წესების კომიტეტმა მხარი დაუჭირა საპარლამენტო ფრაქცია „ერთიანი ნაციონალური მოძრაობა“ – გაერთიანებული ოპოზიცია „ძალა ერთობაშია“ რეგისტრაციის საკითხს. პარლამენტის პრესსამსახურის ინფორმაციით, ახალი ფრაქცია 32 წევრისგან შედგება და მას ხატია დეკანოიძე უხელმძღვანელებს. მათივე ინფორმაციით, კომიტეტმა ასევე მხარი დაუჭირა საპარლამენტო ფრაქციის „შარლ მიშელის რეფორმების ჯგუფი“ რეგისტრაციის საკითხს, რომლის თავმჯდომარეც ხათუნა სამნიძე იქნება. სხდომაზე განიხილეს და მხარი დაუჭირეს პარლამენტში პოლიტიკური ჯგუფის „ევროპელი სოციალისტების“ რეგისტრაციის საკითხს. კომიტეტის გადაწყვეტილებები პარლამენტის ბიუროს წარედგინება. კომიტეტმა უარი თქვა „საკანონმდებლო წინადადების“ წარმდგენის მატერიალური ანაზღაურების შესახებ საქართველოს მოქალაქე ლევან ჯოხაძის საკანონმდებლო წინადადების შემდგომ განხილვაზე. საკანონმდებლო წინადადების მიხედვით თუ მოქალაქე…

“ევროპული საქართველოს” ლიდერის გიგა ბოკერიას თქმით, გიორგი გახარია არ უნდა იქნეს განხილული, როგორც ბიძინა ივანიშვილის წინააღმდეგ მოთამაშე პოლიტიკური ძალა. “ივანიშვილის განცხადებამ დაადასტურა ორი რამ, რაც მანამდეც ვიცოდით ყველამ, ვინც საზოგადოებრივ ცხოვრებას ვადევნებთ თვალყურს. ერთი, რომ ის მართავს ქვეყანას და აკონტროლებს მთავრობას. გზავნილებიც კი, კობახიძეს ბოდვა სიტყვასიტყვით იგივეა, რაც ივანიშვილმა გაგვიმეორა დღეს. მეორე, რომ მას სურს გახარიას პოლიტიკური გუნდით საპროტესტო ელექტორატს გაუყოს ხმები, პოტენციურად მომავალში ძალიან ცუდ მდგომარეობაში ხედავს “ქართული ოცნების” პოლიტიკურ შანსებს. ჩვენ არ უნდა განვიხილოთ გახარია როგორც ივანიშვილის წინააღმდეგ მოთამაშე პოლიტიკური ძალა,” – განაცხადა გიგა ბოკერიამ. ენმ-ის წევრის ლევან…

სიმართლე არის სიმართლე მუხედავად იმისა, პოლიტიკიდან წასული-დაბრუნებული ადამიანი როგორ აფასებს კონკრეტულ მოვლენებს. სიმართლე ამის მიხედვით ვერ შეიცვლება, – ამის შესახებ პარტია „საქართველოსთვის“ წევრმა ბექა ლილუაშვილმა გახარისთან დაკავშირებით ბიძინა ივანიშვილის დღევანდელ განცხადებაზე საუბრისას აღნიშნა. ლილუაშვილის შეფასებით, ივანიშვილის განცხადება მის პოლიტიკაში დაბრუნებაზე მიუთითებს. ბექა ლილუაშვილის განმარტებით, სასაცილოა საუბარი, თითქოს გახარია ბიძინა ივანიშვილის პროექტია. „ჩემი აზრით, ადამიანი, რომელიც ამბობს, რომ წავიდა პილიტიკიდან და ამავდროულად ასეთი შეფასებებით აკეთებს განცხადებებს, ეს ამას მიუთითებს. ჩვენთვის თავის დროზეც სასაცილო ბრალდება იყო და ახლაც გაუგონარი ამბავია, რადგან პირველივე დღიდან, როდესაც ჩვენ მიმართ გაჟღერდა მაგავსი განცხადებები პროექტობასთან დაკავშირებით, ძალიან…

სჯობს ივანიშვილმა წინასწარ დააანონსოს და გვითხრას კიდევ ვინ უღალატებს – ამის შესახებ ფრაქცია “ლელო – პარტნიორობა საქართველოსთვის” წევრმა, დავით უსუფაშვილმა განაცხადა. “სჯობს, ბიძინა ივანიშვილმა წინასწარ დააანონსოს და გვითხრას, მას კიდევ ვინ უღალატებს, რადგან ამ წლების განმავლობაში დაკავებულია მხოლოდ იმით, რომ პოსტფაქტუმ, როცა ვინმე მისი გავლენის, თუ მასთან თანამშრომლობის სფეროდან გადის, შემდეგ უწოდებს მას – მოღალატეს და რას არ უწოდებს,” – აღნიშნა დავით უსუფაშვილმა. შეგახსენებთ, დღეს ბიძინა ივანიშვილმა ექს-პრემიერ გიორგი გახარიასთან დაკავშირებით ვრცელი წერილი გამოაქვეყნა, რომელშიც ნათქვამი, იყო რომ გიორგი გახარიამ თანამდებობიდან და “ქართული ოცნებიდან” წასვლით უღალატა, როგორც საკუთარ გუნდს, ასევე ქვეყანასაც. ბიძინა ივანიშვილი კატეგორიულად უარყოფს იმას,…

პარტიამ “საქართველოსთვის” კობახიძის ბრალდებებზე გამოძიების დაწყების მოთხოვნით პროკურატურასა და სუს-ს მიმართა. ინფორმაცია პარტიის ფეისბუკგვერდზე გავრცელდა “მასმედიაში ირაკლი კობახიძის მიერ გავრცელებული ინფორმაცია, რომლის თანახმად, მიმდინარე წლის თებერვალში, მზადდებოდა შეთქმულება სახელმწიფო ხელისუფლების დასამხობად და ხელში ჩასაგდებად, რაში თანამონაწილეობისთვისაც ბრალი დასდო იმ დროისთვის ქვეყნის მოქმედ პრემიერ-მინისტრს – გიორგი გახარიას, პოლიციელებსა და ჯარისკაცებს, მისივე თქმით, უკრაინიდან და მოქალაქეთა პოლიტიკური გაერთიანება “ერთიანი ნაციონალური მოძრაობიდან” მიღებული ინფორმაციის საფუძველზე, შეიცავს შესაძლო მძიმე დანაშაულის ნიშნებს. აღნიშნული ფაქტის რეაგირების გარეშე დატოვება კიდევ უფრო მეტად აზიანებს სახელმწიფო ინტერესებს, გამოუსწორებელ რეპუტაციულ ზიანს აყენებს პოლიციასა და თავდაცვის ძალებს, სახელმწიფოს შიდა უსაფრთხოებასა და ქვეყნის საერთაშორისო იმიჯს,”- ნათქვამია პარტიის განცხადებაში.

ჩვენ არ ვაპირებთ არავისთან ჭორაობას არც ერთ მსგავს საკითხზე, ვერთიანდებით საქართველოსთვის და არავის წინააღმდეგ, – ამის შესახებ პარტია „საქართველოსთვის“ აღმასრულებელმა მდივანმა ბერდია სიჭინავამ განაცხადა. აღნიშნული კომენტარით ის გახარიასთან დაკავშირებით ბიძინა ივანიშვილის განცხადებას გამოეხმაურა. „რაც შეეხება ივანიშვილის განცხადებას, ამასთან დაკავშირებით გიორგი გახარიას ოფიციალური გვერდით გავრცელდა განცხადება. კიდევ ერთხელ განვმეორდები – ჩვენ რა თქმა უნდა, არ ვაპირებთ არავისთან ჭორაობას არც ერთ მსგავს საკითხზე, ჩვენ ვერთიანდებით საქართველოსთვის და არავის წინააღმდეგ“, – აღნიშნა ბერდია სიჭინავამ. პარტია „ქართული ოცნება-დემოკრატიული საქართველოს“ დამფუძნებელმა, ბიძინა ივანიშვილმა გიორგი გახარიასთან დაკავშირებით განცხადება დღეს გაავრცელა. როგორც ბიძინა ივანიშვილი ამბობს, თებერვალში გახარიას ქმედება იყო საკუთარი გუნდისა…

პარლამენტის ვიცე-სპიკერის, გია ვოლსკის განცხადებით, გიორგი გახარია ხისტი იყო, როდესაც ნიკა მელიასთვის იმუნიტეტის მოხსნას სასწრაფოდ მოითხოვდა და მისი მეტამორფოზა იმ დროს, როდესაც სახელმწიფოს ინტერესები სხვა ქმედებებს მოითხოვდა პრემიერისგან, უმკაცრესად უნდა შეფასდეს. როგორც ბიძინა ივანიშვილის განცხადებასთან დაკავშირებით ვოლსკიმ ჟურნალისტებთან საუბრისას აღნიშნა, გახარიას ქმედებებს დაერთო ჭორი, რომ თითქოს მისი მოქმედებები ბიძინა ივანიშვილის ინტერესებს უკავშირდებოდა და ამიტომ ივანიშვილი ვალდებულიც იყო საზოგადოებისთვის სიმართლე ეთქვა. „პირველი, რაც უნდა აღვნიშნო, არის გიორგი გახარიას ძალიან მკაცრი და გადაჭარბებულად ხისტი კომენტარები, პოზიცია, რომელიც მან უმრავლესობის შეხვედრაზე გამოხატა. გაცილებით უფრო მკაცრად, ვიდრე მას ჩვევია. მათ შორის პარლამენტის ტრიბუნიდან იგი „ნაციონალურ მოძრაობის” მიმართ ამბობდა, რომ ეს პოლიტიკური ძალა უნდა დაამთავროს.…

საქართველოს უმაღლეს სასწავლებლებში ოკუპირებული ტერიტორიებიდან ჩარიცხული სტუდენტების რაოდენობა წლიდან წლამდე მატულობს. ამის შესახებ აღნიშნულია პრემიერ-მინისტრის ანგარიშში, რომელიც პარლამენტს ბიუროს დღევანდე სხდომაზე წარედგინება. დოკუმენტში აღნიშნულია, რომ 2020 წელს, ყველა პროგრამის გათვალისწინებით, 398 სტუდენტი ჩაირიცხა, რაც წინა წლებთან შედარებით გასამმაგებულ რიცხვს წარმოადგენს. „აღსანიშნავია, რომ 2020 წელს, საოკუპაციო ხაზზე თავისუფალ გადაადგილებაზე დაწესებული შეზღუდვების გათვალისწინებით, სახელმწიფოს ძალისხმევითა და არაფორმალური არხების გამოყენებით, მოხერხდა ოკუპირებულ რეგიონებში მცხოვრები 1 000-ზე მეტი სტუდენტისა და მოსწავლის, ასევე მათი თანმხლები პირების ორგანიზებულად გადმოყვანა საქართველოს კონტროლირებად ტერიტორიაზე, სწავლის შეუფერხებლად გაგრძელების მიზნით. საქართველოს მთავრობისთვის განსაკუთრებით პრიორიტეტულია გამყოფი ხაზებით დაშორიშორებულ საზოგადოებებს შორის თანამშრომლობის,…

პარლამენტის საპროცედურო საკითხთა და წესების კომიტეტმა პარლამენტში 7-წევრიანი ფრაქციის “შარლ მიშელის რეფორმების ჯგუფისა“ და 32 წევრიანი ფრაქციის “ერთიანი ნაციონალური მოძრაობა“ – გაერთიანებული ოპოზიცია “ძალა ერთობაშიას“ შექმნას კენჭი უყარა. ფრაქცია “ერთიანი ნაციონალური მოძრაობა“ – გაერთიანებული ოპოზიცია “ძალა ერთობაშია“ 32-წევრით იქნება წარმოდგენილი და მას ხატია დეკანოიძე უხელმძღვანელებს. ფრაქციის თავმჯდომარის მოადგილეები იქნებიან: ლევან ბეჟაშვილი, გიორგი ბოტკოველი და ნატო ჩხეიძე. ეს ყველაზე დიდი ოპოზიციური ფრაქცია იქნება, რომელიც აერთიანებს “ნაციონალური მოძრაობის“ საარჩევნო ბლოკით გასულ პარლამენტის ყველა წევრს, გარდა გრიგოლ ვაშაძის, სალომე სამადაშვილის, თამარ კორძაიას და ხათუნა სამნიძისა. რაც შეეხება 7-წევრიან ფრაქციას “შარლ მიშელის რეფორმების ჯგუფს“, ფრაქციაში ერთიანდებიან “სტრატეგია აღმაშენებელის“…

ბიძინა ივანიშვილის წერილს ექსპრემიერი გიორგი გახარია სოციალურ ქსელში ეხმაურება: “მოვლენები იმაზე საინტერესოდ და სწრაფად ვითარდება, ვიდრე მოსალოდნელი იყო… სიმართლეს ვერავინ და ვერაფერი შეაჩერებს. საბოლოო ჯამში, ამას ყველა გაიგებს. ისევ ჭორაობის გარეშე, ვერთიანდებით საქართველოსთვის, არავის წინააღმდეგ!”- წერს გიორგი გახარია. შეგახსენებთ, დღეს ბიძინა ივანიშვილმა ექს-პრემიერ გიორგი გახარიასთან დაკავშირებით ვრცელი წერილი გამოაქვეყნა, რომელშიც ნათქვამი, იყო რომ გიორგი გახარიამ თანამდებობიდან და “ქართული ოცნებიდან” წასვლით უღალატა, როგორც საკუთარ გუნდს, ასევე ქვეყანასაც. ბიძინა ივანიშვილი კატეგორიულად უარყოფს იმას, რომ გიორგი გახარიას ახალი პოლიტიკური ცხოვრება, რამენაირად მისი პროექტი შეიძლება იყოს.