დღე: ივნისი 28, 2021

იმედი მაქვს, ეს იქნება პარლამენტში ბოლო მცდელობა, რომ რუსული ჰიმნით და რუსული პროვოკაციის შედეგების იმპლემენტაციით მოხდეს საქართველოს პოლიტიკური ცხოვრების დღის წესრიგის განსაზღვრა, – ამის შესახებ საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა რიგგარეშე სესიის სხდომაზე განაცხადა. „როდესაც მთავრობა თავისი განვითარების და ქვეყნის განვითარების ახალ გეგმებზე საუბრობს, რაღაცნაირად, სიმბოლურია, რომ ოპოზიცია, ჯერ კიდევ ასეთ ვითარებაში, ჯიუტად ცდილობს, რომ ოკუპანტი ქვეყნის ჰიმნი და სხვა ატრიბუტიკა, მათი პოლიტიკური დღის წესრიგის განმსაზღვრელად და პარლამენტში ცხოვრების წესის არევის საშუალებად იქნას გამოყენებული. იმედი მაქვს, რომ ეს იქნება ჩვენს პარლამენტში ბოლო მცდელობა, რომ რუსული ჰიმნით და რუსული პროვოკაციის…

საქართველოს საერთო სასამართლოების მოსამართლეების ერთობლივ მიმართვას პოლიტიკოსები გამოეხმაურნენ. “ნაციონალური მოძრაობის” წევრის რომან გოცირიძის შეფასებით, აღნიშნული განცხადება ხელისუფლების მიერ არის წახალისებული. “მოსამართლეები უკვე ჩამოყალიბდა ავტონომიურ კლანად, რომელმაც გადაწყვიტა, რომ მოემსახუროს “ქართული ოცნების” ხელისუფლებას, ბიძინა ივანიშვილს, გაატაროს მისი პოლიტიკური და ფინანსური ინტერესები და დღეს მოსამართლეები თავხედურად ბედავენ რაღაც ბუნტს. ის განცხადებები, რაც მათ გააკეთეს, ეს პირდაპირ ხელისუფლების მიერ არის წახალისებული. მთელი სისტემა უნდა დაინგრეს და ახალი კანონის საფუძველზე უნდა აშენდეს თავიდან,” – განაცხადა ენმ-ის წევრმა რომან გოცირიძემ. “ლელოს” ერთ-ერთი ლიდერის ბადრი ჯაფარიძის შეფასებით კი, ზოგიერთი მოსამართლის განცხადება სტრატეგიულ პარტნიორებთან დაკავშირებით, სამარცხვინოა. რაც შეეხება მმართველ გუნდს, იურიდიულ საკითხთა…

უკეთესი შედეგისთვის, რა თქმა უნდა, მნიშვნელოვანია, რომ თქვენ ჩაერთოთ იმ უმნიშვნელოვანეს მართვაში, რასაც ჰქვია ხელისუფლება, – მიმართა საპარლამენტო ოპოზიციას აგრარულ საკითხთა კომიტეტის თავმჯდომარემ ნინო წილოსანმა პარლამენტის რიგგარეშე სესიაზე. „თქვენ ოპოზიცია ხართ ხელისუფლების ნაწილი და იმედია, რომ ამას ოდესმე გაათვითცნობიერებთ და იმის ნაცვლად, რომ აკრიტიკოთ 10-წლიანი გეგმები, ჩვენ უნდა შევთანხმდეთ ძირითად პრინციპებზე და პრიორიტეტებზე და, მათ შორის, თქვენც უნდა იღებდეთ ამაში მონაწილეობას. როგორც პარლამენტის წევრი და ამ ქვეყნის მოქალაქე, მოგიწოდებთ, რომ გაათვითცნობიეროთ თქვენი მოვალეობები და აკეთოთ საქმე“, – აღნიშნა ნინო წილოსანმა. კომიტეტის თავმჯდომარის განცხადებით, ამ ტრიბუნიდან ყველაზე მეტად, რაც ხალხს სჭირდება არის ის, რომ მოისმინოს სიმართლე – რა გაკეთდა,…

საკონსტიტუციო ცვლილებებთან დაკავშირებით, მიშელის დოკუმენტზე ხელმომწერ პარტიებს შორის კონსესუსი შედგა. პროექტის ინიცირება პარლამენტში დღეს მოხდება. ცვლილებები ეხება საარჩევნო ბარიერს, ფრაქციების შექმნისთვის დეპუტატების რაოდენობას და გენპროკურორის არჩევის წესს. “ჩვენ შევჯერდით საკონსტიტუციო ცვლილებებზე, რომელიც ერთ-ერთი ყველაზე მნიშვნელოვანი ცვლილებაა, სრულად პროპორციული სისტემით, 2 %-იანი ბარიერი შემდგომი საპარლამენტო არჩევნები. პროკურორთან დაკავშირებით, 2-ჯერ 3/5 -ის აუცილებლობა და შემდგომ, თუ ეს ვერ მოხერდხდა, პროკურორის 1 წლის ვადით დანიშნვა. ეს ყველაფერი ჩაიწერება კონსტუტუციაში და შევთანხმდით, რომ ყველაზე გვიან, მესამე მოსმენით ოქტომბერში უნდა იყოს საკონსტიტუციო ცვლილებები მიღებული,”- აცხადებს პარლამენტის ფრაქცია “შარლ მიშელის რეფორმების ჯგუფის” წევრი, პარტია ”სტრატეგია აღმაშენებელის”…

ნაციონალური მოძრაობის” წევრი რომან გოცირიძე საქართველოს პრეზიდენტს ღირსების მარშზე მისვლას ურჩევს. “ყველას აქვს უფლება საკუთარი აზრი გამოხატოს, ეს არგუმენტი სწორია მაგრამ არასაკმარისი, არამხოლოდ სამართლებრივად, არამედ ადამიანურად უნდა მივუდგეთ. საქართველოს პრეზიდენტმა კეთილი ინებოს, 5-ში პრაიდზე მივიდეს, გაიკეთოს ცისარტყელას ფერის შარფი, მოკიდოს ხელი თავის მოძღვარს და აჩვენოს საზოგადოებრივი თვითშეგნება,” – განაცხადა რომან გოცირიძემ.

„ნაციონალური მოძრაობის“ წევრმა ნონა მამულაშვილმა, პარლამენტის რიგგარეშე სხდომაზე რუსეთის ჰიმნი ჩართო. კერძოდ, მაშინ, როდესაც პრემიერ-მინისტრის, ირაკლი ღარიბაშვილის მოხსენებასთან დაკავშირებით ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე სიტყვით გამოდიოდა. ამ ფაქტს გამოეხმაურა პარლამენტის თავმჯდომარე კახა კუჭავა, რომელმაც ნონა მამულაშვილის საქციელს სირცხვილი უწოდა. „ბრავო, ბრავო. ადგილი, სადაც საქართველოს დამოუკიდებლობის აქტს ხელი მოეწერა, რუსეთის ჰიმნს რომ აჟღერებთ, ბრავო! ბრწყინვალე მაგალითი არის. სირცხვილია. საქართველოს პლენარულ დარბაზში, სადაც საქართველოს დამოუკიდებლობის აქტს მოეწერა ხელი, რუსეთის ჰიმნი ჩართეთ თქვენ ახლა, ბრავო. კარგად აჩვენებს ყველაფერს, დამნახავი დაინახავს“, – განაცხადა კახა კუჭავამ.

თუ რომელიმე პარტია მხარს არ დაუჭერს საარჩევნო ცვლილებებს, ეს შარლ მიშელის დოკუმენტის ძალიან უხეში დარღვევა იქნება, – ამის შესახებ ირაკლი კობახიძემ პარლამენტში ჟურნალისტებთან საუბრისას განაცხადა. „ქართული ოცნების“ თავმჯდომარის თქმით, ამაზე მმართველ გუნდს პოლიტიკური რეაქცია ექნება. „შესაბამისად, ყველას მოვუწოდებთ, მხარი დაუჭირონ საარჩევნო ცვლილებებს. ბუნებრივია, ჩვენ უნდა შევაფასოთ ნებისმიერი ასეთი აქტი, ნებისმიერი ასეთი ქმედება. თუ ვინმე მხარს არ დაუჭერს ამ ცვლილებებს, ბუნებრივია, გვექნება სათანადო პოლიტიკური შეფასება“, – განაცხადა კობახიძემ. პარლამენტმა საარჩევნო კოდექსში შესატანი ცვლილებების პროექტი მეორე მოსმენით, გასულ კვირას მიიღო. პროექტს მხარი 95-მა დეპუტატმა დაუჭირა, წინააღმდეგი არავინ იყო. კენჭისყრაში მონაწილეობა არ მიუღიათ…

ერთ-ერთი უბედური ქვეყნის ბედნიერი პრემიერის გამოსვლა იყო, რადგან მხოლოდ ზედაპირული საუბარი იყო და გვითხრა, ათ წელიწადში გეშველებათო, – ამის შესახებ საპარლამენტო ოპოზიციის წარმომადგენელმა, გიორგი ვაშაძემ პრემიერ-მინისტრ ირაკლი ღარიბაშვილის პარლამენტში გამოსვლის შეფასებისას განაცხადა. მისივე თქმით, დღევანდელ დებატებზე მწვავე გამოსვლა ექნება. „ძალიან მწვავე გამოსვლა მექნება კონკრეტული ციფრებით და ფაქტებით. ერთ-ერთი უბედური ქვეყნის ბედნიერი პრემიერის გამოსვლა იყო, რადგან მხოლოდ ზედაპირული საუბარი იყო და გვითხრა, ათ წელიწადში გეშველებათო. „მიმინო“ გამახსენდა – „ჩერეზ 5 ლეტ პამაგუო”, მისი გამოსვლა დაახლოებით ასე იყო. გვითხრეს, ათ წელში გეშველებათო და თუ ასე გაგრძელდა ყველაფერი, 400 ათასი ადამიანით შემცირდება სამუშაო ადგილები,…