დღე: აპრილი 9, 2024

იტალიაში, სუპერმარკეტების ქსელიდან საკვები პროდუქტების ქურდობისთვის, 47 წლის, საქართველოს მოქალაქე დააკავეს. პოლიციის ცნობით, საეჭვო ქმედება მაღაზიის დაცვამ შენიშნა. პოლიციის მისვლამდე კიდევ ორმა ეჭვმიტანილმა გაქცევა მოახერხა. Lidl-ის დაცვის თანამშრომელმა შენიშნა, რომ სამი პირი მაღაზიის პროდუქტს ტანსაცმლის ქვეშ მალავდა. მათ ყველის, ზეითუნის ზეთის, შოკოლადის, ტუნას, ხორცის კონსერვების და ორაგულის მოპარვა სცადეს.

დიდ ბრიტანეთში მცხოვრები ქართველები ლონდონში, საქართველოს საელჩოსთან, 9 აპრილს, 17:00 საათზე, აქციას აანონსებენ. ,,დიდ ბრიტანეთში მცხოვრები ქართველები ვეწინააღმდეგებით საქართველოს ხელისუფლების მიერ “რუსული კანონის” ხელმეორედ ინიციირებას და მოვითხოვთ პარლამენტში შეტანილი კანონპროექტის უკან გაწვევას, რადგან ის საფრთხეს უქმნის საქართველოს დემოკრატიულ განვითარებასა და ევროინტეგრაციის პროცესს. მადლობას ვუხდით ყველას, ვინც “რუსული კანონის” მიღება არც შარშან დაუშვა საქართველოში და წელსაც აპროტესტებს. ამ ბრძოლას ერთიანობით მოვიგებთ! ჩვენც თქვენ გვერდით ვართ! ხვალ, 9 აპრილს, 17:00 საათზე, საქართველოს საელჩოსთან ვიკრიბებით ყველა, ვისაც გული შეგვტკივა საქართველოს დემოკრატიასა და ევროპულ მომავალზე. კი ევროპას! არა რუსულ კანონს! მისამართი: 20 St.George’s Square,…

1989 წლის 9 აპრილს, საქართველოს დამოუკიდებლობის მოთხოვნით, თბილისში, რუსთაველზე, საბჭოთა კავშირის შეიარაღებული ძალების ნაწილებმა მშვიდობიანი საპროტესტო აქცია დაარბიეს. დაიღუპა 21 ადამიანი, დაშავდა ასობით. მშვიდობიან მოქალაქეებს ტანკებით, მომწამლავი ქიმიური საშუალებებით, ცეცხლსასროლი იარაღით, სასანგრე ბარებით დაუპირისპირდნენ. 9 აპრილის ტრაგედიიდან ორი წლის შემდეგ, 1991 წლის 9 აპრილს, უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა და აქტი მიიღო. დღეს საქართველო დაღუპულთა ხსოვნას პატივს მიაგებს. მემორიალთან მოქალაქეები და 9 აპრილის აქციის მონაწილეები ღამითვე შეიკრიბნენ. ,,ეს არის ჩემთვის პირადად ყველაზე მნიშვნელოვანი დღე, საოცარი ემოციით დატვირთული, დღე, როდესაც გაერთიანებულმა ქართველმა ერმა შეძლო ყველაზე სანუკვარის მოპოვება, რასაც ჰქვია…

ახალგაზრდა კაცი პოლიციის თანამშრომლებს ძალადობასა და ფიზიკურ ანგარიშსწორებაში ადანაშაულებს. მალხაზ გიორგაძე გასულ ღამეს კუთვნილი ავტომობილით გადაადგილდებოდა, საპატრულო პოლიციამ მისი გაჩერება სცადა, თუმცა ის პოლიციის მოთხოვნას არ დაემორჩილა. დაზარალებული ამბობს, რომ პოლიცია საცხოვრებელ სახლში წაჰყვა, შეიჭრნენ მის ბინაში და ფიზიკური შეურაცხყოფა მიაყენეს მას და მის ხანშიშესულ მამას. ოჯახის ცნობით, ჩხრეკის ორდერის არარსებობის მოუხედავად, პოლიციის თანამშრომლებმა გაჩხრიკეს ბინა. ნაცემი კაცი კლინიკა ,,ვივამედშია” გადაყვანილი. ,,ჩემი ქმარი ტიროდა, რომ ხელი დამარტყესო, 70 წლის არის ჩემი ქმარი, შვილს გადაეღობებოდა წინ მამა, როცა არ არის დამნაშავე, და ხელს ურტყამენ 70 წლის კაცს, ამათ რა პასუხი უნდა…