დღე: დეკემბერი 12, 2023

უკრაინის პრეზიდენტის, ვოლოდიმირ ზელენსკის განცხადებით,  კონგრესში გადაუწყვეტელი საკითხები მხოლოდ რუსეთის პრეზიდენ პუტინს შთააგონებს. ,,თუ ვინმეს შეუძლია შთააგონოს კაპიტოლიუმის ბორცვზე გადაუჭრელმა საკითხებმა, ეს მხოლოდ პუტინი და მისი ავადმყოფი გარემოცვაა. ისინი ხედავენ, რომ ოცნებები რეალობად იქცევა, როდესაც ხედავენ შეფერხებებს და სკანდალებს. ისინი ხედავენ თავისუფლების კლებას, როცა მცირდება თავისუფლებისთვის მებრძოლების მხარდაჭერა. პუტინის მსგავს ადამიანებს თავისუფლების განადგურების იმედიც კი არ უნდა ჰქონდეთ”, – განაცხადა ზელენსკიმ. ცნობისთვის, კონგრესი ვერ ახერხებს უკრაინის სამხედრო დახმარების პაკეტის დამტკიცებას რესპუბლიკელების წინააღმდეგობის გამო.

აშშ-ის პრეზიდენტმა, ჯო ბაიდენმა ისრაელის უსაფრთხოებისადმი მხარდაჭერა კიდევ ერთხელ დაადასტურა. მისი თქმით, ისრაელის სამხედრო მხარდაჭერას, ვიდრე ისრაელი არ გაანადგურებს „ჰამასს“. „ჩვენ გავაგრძელებთ ისრაელის სამხედრო მხარდაჭერას, ვიდრე ისრაელი არ გაანადგურებს „ჰამასს“, მაგრამ ჩვენ უნდა ვიყოთ ფრთხილად, ისინი უნდა იყვნენ ფრთხილად. მთელი მსოფლიოს აზრი შესაძლოა, ერთ ღამეში შეიცვალოს და არ უნდა დავუშვათ ეს“, – განაცხადა ბაიდენმა.

სპექტაკლს, რომელსაც სათაურად ჰქვია უანტრაქტო სპექტაკლი და მთავარ როლში სალომე ზურაბიშვილი გამოდის, რა თქმა უნდა, ჩვენ არ დავესწრებით – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა. მისი თქმით, სალომე ზურაბიშვილის მიერ ორგანიზებულ ღონისძიებას მმართველი გუნდი არ დაესწრება. „კატეგორიულად შემიძლია, გითხრათ, რომ ამ სპექტაკლს, რომელსაც სათაურად ჰქვია უანტრაქტო სპექტაკლი და მთავარ როლში სალომე ზურაბიშვილი გამოდის, რა თქმა უნდა, ჩვენ არ დავესწრებით. არც მონაწილეობას მივიღებთ მასში, რადგან ადამიანი, რომელსაც ვერ დავაცდენინეთ ერთი სიტყვაც კი, რომ საქართველო იმსახურებდა და იმსახურებს კანდიდატის სტატუსს, ცდილობს, ეს ამბავი მიიწეროს. წარმოუდგენელი ამბავია. არამხოლოდ არ თქვა,…