დღე: ოქტომბერი 27, 2023

ისრაელის თავდაცვის ძალების სპიკერის, დანიელ ჰაგარის განცხადებით,  ისრაელის ძალები გააგრძელებენ ღაზის სექტორში სახმელეთო იერიშებს უახლოეს დღეებში, რათა მოემზადონ ომის შემდეგი ეტაპებისთვის “ჰამასის” წინააღმდეგ. მისი თქმით, ისრაელის სახმელეთო ოპერაციების მიზანია “ჰამასის” ბოევიკების მოკვლა, ყოვლისმომცველი შეჭრისთვის საფუძვლის ჩაყრა და ასაფეთქებელი მოწყობილობებისა და სადაზვერვო პუნქტების განეიტრალება. ჰაგარის განცხადებით,  იერიშები ფოკუსირებულია “ჰამასის” მაღალი რანგის მეთაურების ლიკვიდაციაზე, ინფრასტრუქტურის განადგურებაზე.

 „ბიბისი“ აშშ-ის ოფიციალურ პირებზე დაყრდნობით იუწყება, რომ აშშ-ის მიერ სირიაში დარტყმები ირანის იარაღის მაღაზიის საწყობებზე განხორციელდა. ოფიციალური პირების განცხადებით, თავდასხმები განხორციელდა იარაღისა და საბრძოლო მასალის შესანახ ობიექტებზე, რომლებსაც ირანული ძალები იყენებდნენ. თავდასხმა ადგილობრივი დროით 04:30 საათზე, F-16-ის ტიპის ავიაგამანადგურებლებითა და სხვა საბრძოლო მასალის გამოყენებით მოხდა.  

უკრაინის პრეზიდენტმა, ვოლოდიმირ ზელენსკიმ პოლიტიკურად მნიშვნელოვანი პირების ფინანსური მონიტორინგის გაძლიერების შესახებ კანონს ხელი მოაწერა. უმაღლესმა რადამ კანონი პოლიტიკურად მნიშვნელოვანი პირების ფინანსური მონიტორინგის გაძლიერების შესახებ მეორე მოსმენით 17 ოქტომბერს მიიღო. კანონპროექტის თანახმად, უკრაინაში პოლიტიკურად მნიშვნელოვან პირებად განიხილებიან როგორც ეროვნული, ისე უცხოელი საჯარო მოხელეები, ასევე პირები, რომლებიც ასრულებენ საჯარო ფუნქციებს საერთაშორისო ორგანიზაციებში და მათი ახლო ნათესავები. კანონი ითვალისწინებს პოლიტიკურად მნიშვნელოვან პირთა რეესტრის შექმნას და მათთვის უწყვეტ ფინანსურ მონიტორინგს. აღნიშნულიკანონის მიღება უკრაინის ევროკავშირში გაწევრიანებისა და საერთაშორისო სავალუტო ფონდის ფინანსური დახმარების პირობაა.

აშშ-ის თავდაცვის დეპარტამენტის ცნობით, აშშ-მა აღმოსავლეთ სირიაში ორ ობიექტს დაარტყა. პენტაგონის განცხადებაში ნათქვამია, რომ თავდაცვითი დარტყმები არის პასუხი ერაყსა და სირიაში 17 ოქტომბერს დაწყებულ წარუმატებელი თავდასხმების სერიაზე. „დღეს, აშშ-ის პრეზიდენტის, ჯო ბაიდენის მითითებით, აშშ-ის სამხედრო ძალებმა განახორციელეს თავდაცვითი დარტყმები ორ ობიექტზე აღმოსავლეთ სირიაში, რომელსაც ირანის ისლამური რევოლუციის გვარდიის კორპუსი და მასთან დაკავშირებული ჯგუფები იყენებდნენ. ეს ზუსტი თავდაცვითი დარტყმები არის პასუხი ერაყსა და სირიაში ირანის მიერ მხარდაჭერილი ჯგუფების მიერ აშშ-ის პერსონალის წინააღმდეგ მიმდინარე და ძირითადად წარუმატებელი თავდასხმების სერიაზე, რომელიც დაიწყო 17 ოქტომბერს. ამ თავდასხმების შედეგად 21 ამერიკელი დაშავდა. პრეზიდენტს არ აქვს…

პენტაგონში აცხადებენ, რომ აშშ-ს კიდევ 900 ამერიკელი ჯარისკაცი ჩავიდა ახლო აღმოსავლეთში, რათა გააძლიეროს ამერიკელი პერსონალის საჰაერო თავდაცვა ირანთან დაკავშირებული ჯგუფების თავდასხმების ზრდის ფონზე. „გასულ კვირას აშშ-ისა და კოალიციის ჯარებს, სულ მცირე, 12-ჯერ დაესხნენ თავს ერაყში და ოთხჯერ სირიაში“, – განაცხადა პენტაგონის სპიკერმა, გენერალმა პატრიკ რაიდერმა. მისი თქმით, სულ 21 ამერიკელმა სამხედრომ მიიღო მსუბუქი დაზიანებები. „მე არ ვაპირებ, რომ უფრო კონკრეტული ინფორმაცია მოგაწოდოთ კონკრეტულ ჯგუფებთან დაკავშირებით, რომლებმაც აიღეს პასუხისმგებლობა აშშ-ის პერსონალზე თავდასხმაზე, გარდა იმისა, რომ ვიტყვი, ვიცით, რომ ეს ჯგუფები დაკავშირებულნი არიან ირანთან“, – განაცხადა რაიდერმა.