,,უკრაინაში რუსეთის ომი მოლაპარაკებების გზით უნდა დასრულდეს”. ამის შესახებ ევროკავშირის უმაღლესმა წარმომადგენელმა, ჯოზეფ ბორელმა, ჩინეთში ვიზიტისას განაცხადა.
,,რუსეთის ომი უკრაინის წინააღმდეგ მოლაპარაკებების გზით უნდა დასრულდეს. ჩვენთვის საუკეთესო გზა ამ მოლაპარაკებებში პროგრესის მისაღწევად, არის უკრაინის მშვიდობის ფორმულა და ჩვენ ასევე ჩინეთის მხარდაჭერის იმედი გვაქვს”, – თქვა ბორელმა.
ბორელმა ჩინეთს მოუწოდა გავლენა იქონიოს რუსეთზე, რათა უკრაინის წინააღმდეგ აგრესია შეწყვიტოს. მან პეკინს ასევე სთხოვა, რომ უზრუნველყოს რუსეთის ფედერაციის დაბრუნება შავი ზღვის ,,მარცვლეულის შეთანხმებაში,” რადგან ეს ზეგავლენას ახდენს მთელ მსოფლიოში სურსათის უსაფრთხოებაზე.
