დღე: თებერვალი 27, 2023

უკრაინის პრეზიდენტმა, ვოლოდიმირ ზელენსკიმ რუსეთის წინააღმდეგ ახალი სანქციები გამოაცხადა. სანქციები შეეხო 109 ფიზიკურ და 7 იურიდიულ პირს. სანქცირებულთა სიაში მოხვდნენ რუსეთის ოლიმპიური კომიტეტის პრეზიდენტი, ვიტალი სმირნოვო და რუსეთის ჩოგბურთის ფედერაციის პრეზიდენტი შამილ ტარპისჩევი. ასევე, სანქციები შეეხოთ “ვაგნერის” დამფუძნებელ ევგენი პრიგოჟინის ორ ქალიშვილს.  

,,სულელი, ნარკომანი და ავანტიურისტი,”- ასე მოიხსენიებს რუსეთის უშიშროების საბჭოს თავმჯდომარის მოადგილე, დიმიტრი მედვედევი საქართელოს მესამე პრეზიდენტს, მიხეილ სააკაშვილს. მედვედევმა დაასახელა ორი თარიღი, რომელმაც მისი თქმით, დასავლეთისა და რუსეთის ურთიერთობებზე უარყოფითი გავლენა იქონია. ,,ასეთად ორი თარიღი შეიძლება ჩაითვალოს: პირველი იყო 2008 წლის შემოდგომა, როცა დასავლურმა სამყარომ მხარი დაუჭირა საქართველოს აგრესიას ოსი ხალხის წინააღმდეგ და ცამდე აიყვანა სულელი, ნარკომანი და ავანტიურისტი, რომელიც მოგვიანებით უარყო არა მხოლოდ საკუთარმა ქვეყანამ, არამედ უცხოეთმაც, სადაც შეშინებული გაიქცა,”- აღნიშნა მედვედევმა.

რუსეთის უშიშროების საბჭოს თავმჯდომარის მოადგილის, დიმიტრი მედვედევის განცხადებით, უკრაინაში ომი დასავლეთის ქვეყნების რუსოფობიამ და რუსეთის დაშლაზე მათმა სურვილმა გამოიწვია. მედვედევმა  ორი თარიღი დაასახელა, რომელმაც მისი თქმით, დასავლეთისა და რუსეთის ურთიერთობებზე უარყოფითი გავლენა იქონია. ,,ასეთად ორი თარიღი შეიძლება ჩაითვალოს: პირველი იყო 2008 წლის შემოდგომა, როცა დასავლურმა სამყარომ მხარი დაუჭირა საქართველოს აგრესიას ოსი ხალხის წინააღმდეგ და ცამდე აიყვანა სულელი, ნარკომანი და ავანტიურისტი, რომელიც მოგვიანებით უარყო არა მხოლოდ საკუთარმა ქვეყანამ, არამედ უცხოეთმაც, სადაც შეშინებული გაიქცა. მეორე ასეთი თარიღი 2014 წლის გაზაფხულია რაცა ყირიმის მოსახლეობამ ლეგალური რეფერენდუმის გზით გამოხატა თავისი ნება და სამუდამოდ დაბრუნდა…

ომში მყოფ ქვეყანაში საუდის არაბეთის მაღალი დონის დელეგაცია ჩავიდა, დელეგაციის შემადგენლობაში იყო საგარეო საქმეთა მინისტრი, რომელმაც პრეზიდენტ ზელენსკისთან 400 მილიონ დოლარიანი ხელშეკრულების პაკეტი გააფორმა. საუბარია სამხედრო დახმარებაზე. „პირველად 32 წლის განმავლობაში, უკრაინას საუდის არაბეთის მაღალი დონის დელეგაცია ეწვია. ეს არის კიდევ ერთი ნიშანი უკრაინისადმი ჩვენი დაუმარცხებლობისა და ძლიერებისთვის. პატივისცემა სამყაროს მხრიდან“ – აღნიშნა პრეზიდენტმა ზელენსკიმ.

უკრაინამ გერმანიისგან სამხედრო დახმარების მორიგი პაკეტი მიიღო. საუბარია შეიარაღებასა და სამედიცინო აღჭურვილობაზე, რომელიც უკრაინას რუსეთის წინააღმდეგ ომში ყველაზე მეტად სჭირდება. დახმარებაში, რომელიც უკრაინას უკვე გადაეცა, შედის როგორც ტანკები, ისე სატვირთო მანქანები, ხიდის ამწყობი ტანკები, სამედიცინო აღჭურვილობა, ზამთრის ინვენტარი და სხვა ტექნიკა. გერმანული მხარის ოფიციალური ინფორმაციით, უკრაინის მიმართ დახმარება არ ამოწურულა და ის საჭიროების მიხედვით გაგრძელდება.    

როგორც პრეზიდენტი ზელენსკი ვიდეომიმართვაში აცხადებს, ყირიმის  დაბრუნება სწორედ ის თემაა, რომელიც რომელიც დაასრულებს უკრაინის მოქალაქეების სიცოცხლის მოსპობას.  პრეზიდენტი იმეორებს, რომ დონბასი, აზოვი, ხერსონი და ყირიმი უკრაინაა და დარწმუნებულია უკრაინის გამარჯვებაში. „ყირიმის გათავისუფლებით ჩვენ ისტორიულ წერტილს დავუსვამთ რუსეთის ყველა მცდელობას, დაამსხვრიოს უკრაინელების, ევროპისა და აზიის ხალხის სიცოცხლე, რომელთა დაპყრობასაც ოდესღაც კრემლი ცდილობდა. მადლობა ყველას, ვინც ამ გამარჯვებასთან გვაახლოებს.  მადლობა მათ, ვინც ეხმარება ჩვენს ხალხს დროებით ოკუპირებულ ტერიტორიაზე. დიდება ყველას, ვინც ახლა ბრძოლაშია.  უკრაინის პოზიცია აბსოლუტურად მკაფიო უნდა იყოს მსოფლიოს ყველა კუთხეში“ – აღნიშნა პრეზიდენტმა.

სამხრეთ იტალიის სანაპიროებთან ნავის ჩაძირვის შედეგად, რომელიც მიგრანტებით იყო სავსე, 60 ადამიანზე მეტი დაიღუპა. დაღუპულთა შორის ბავშვებიც არიან. ამ ეტაპზე არსებული ინფორმაციით, საუბარია 15-მდე ბავშვზე. დაღუპულთა ცხედრები წყალმა ნაპირზე გამორიყა, დაახლოებთ 40-მდე ადამიანის ძებნა კი ისევ გრძელდება. ნავი, თურქეთიდან იყო დასული და მას ავღანეთის, პაკისტანის, სომალისა და ირანის მოქალაქეები გადაჰყავდა.  

უკრაინის პრეზიდენტმა, გაერთიანებული ძალების მეთაური ედუარდ მოსკალევი თანამდებობიდან გაათავისუფლა. „გათავისუფლდეს ედუარდ მიხაილოვიჩ მოსკალევი გაერთიანებული ძალების მეთაურის პოსტიდან“, – აღნიშნულია პრეზიდენტ ზელენსკის ბრძანებაში. მოსკალევი გაერთიანებული ძალების მეთაურად 2022 წლის 15 მარტს, დანიშნა. მანამდე კი ოპერატიულ-სტრატეგიული დაჯგუფების “ოდესას” მეთაური და შტაბის უფროსი – ოპერატიული სარდლობის “ვოსტოკის” ჯარების მეთაურის პირველი მოადგილე იყო.