დღე: დეკემბერი 27, 2021

სახელმწიფო ინსპექტორის სამსახურის ხელმძღვანელი, ლონდა თოლორაია ,,ოცნების” ინიციატივით მისი თანამდებობის გაუქმების შესახებ კომენტარს აკეთებს და აცხადებს, რომ არ უარყოფს პოლიტიკურ მოტივებს და ეს ყველაფერი რომელიმე ერთ ფაქტთან არ არის დაკავშირებული. “როგორც პოსტში დავწერე, ეს ინფორმაცია არ მქონდა, ეს ინფორმაცია ჩემთვის ცნობილი გახდა “ინტერპრესნიუსიდან” ისევე, როგორც სამსახურის ყველა თანამშრომლისთვის გახდა ცნობილი ეს ამბავი, შესაბამისად არ ვიცი. ვიყავი დეკრეტში, 2 კვირის ბავშვი მყავს და დღეს გავდივარ სამსახურში”, – განაცხადა ლონდა თოლორაიამ. მას ასევე ჰკითხეს უკავშირებდა თუ არა ამ ყველაფერს იმას, რომ სახელმწიფო ინსპექტორის სამსახური დომინირებდა ბოლო პერიოდში გახმაურებულ საქმეებში, მათ შორის მიხეილ…

“გირჩი მეტი თავისუფლების” წევრი, გოგიტა რობიტაშვილი, რომელსაც გუშინ თავს დაესხნენ აცხადებს, რომ უცნობი პირები 15-20 წუთის განმავლობაში ურტყამდნენ. რობიტაშვილს საკუთარ ავტოფარეხთან ფიზიკურად 4 ნიღბიანი პირი გაუსწორდა. პარტიის წევრს ყვრიმალის ძვალი აქვს გატეხილი. “გუშინ მე ვიყავი ყრილობაზე “გირჩი მეტი თავისუფლების” მოვედი სახლში…. უკნიდან მომხდა წამებში რაღაც ბლაგვი საგანი, რის შედეგადაც გავითიშე და დაახლოებით 15-20 წუთის განმავლობაში მირტყამდნენ ყველა საშუალებებით”, – განაცხადა გოგიტამ. აღსანიშნავია, რომ ,,გირჩი მეტი თავისუფლების” წევრებს აქვთ ეჭვი, რომ თავდასხმა პოლიტიკური მოტივაციით დაიგეგმა და მიზანი დაშინება იყო.

აშშ-ს ვიცე-პრეზიდენტი, კამილა ჰარისი, აცხადებს,  რომ უკრაინაში შეჭრის შემთხვევაში რუსეთს ისეთ სანქციებს დაუწესებენ, როგორიც ჯერ არ უნახავს. “ჩვენ ძალიან მკაფიოები ვართ, რომ რუსეთი არ უნდა შეიჭრას უკრაინაში და დაარღვიოს მისი სუვერენიტეტი, რომ ჩვენ ერთად უნდა დავდგეთ – და ვდგავართ ერთად – მისი ტერიტორიული მთლიანობისთვის. ჩვენ ვმუშაობთ ჩვენს მოკავშირეებთან ამ კუთხით და ძალიან მკაფიოდ განვაცხადეთ, რომ მზად ვართ გამოვიყენოთ სანქციები, როგორიც თქვენ აქამდე არ გინახავთ”, – განაცხადა კამილამ. ვიცე-პრეზიდენტს არ დაკონკრეტებია სანქციები პუტინს შეეხება თუ არა.  მისი თქმით, რუსეთის პრეზიდენტთან პირდაპირი დიალოგი აქვთ და ამას ნათლად უხსნიან.

დღეს, თბილისის საქალაქო სასამართლოში მიხეილ სააკაშვილის მორიგი  სასამართლო პროცესი გაიმართება, როგორც ყოფილი პრეზიდენტის პირადი ექიმი აცხადებს, ჯანმრთელობის მდგომარეობის გამო, თავად ბრალდებული სასამართლო პროცესს ვერ დაესწრება. დღევანდელი სასამართლო პროცესი  დიდი ოდენობით საბიუჯეტო თანხების გაფლანგვას ეხება. სასამართლოს სახელმწიფო დაცვის სპეციალური სამსახურის უფროსის – ანზორ ჩუბინიძისთვის უნდა მოესმინა, თუმცა, ის პროცესზე მისვლას ვერ ახერხებს. ბრალდება მიხეილ სააკაშვილს ბიუჯეტიდან 9 მილიონი ლარის ჯგუფურად გაფლანგვას ედავება. მიხეილ სააკაშვილის პირადი ექიმის თქმით, მისი ჯანმრთელობის მდგომარეობა  სტაბილურად არადამაკმაყოფილებელია. „მიხეილ სააკაშვილი სასამართლო სხდომაზე წასვლას ფიქრობდა, მაგრამ ჯანმრთელობის მდგომარეობის გამო მან ამის გაკეთება გადაიფიქრა“ – განაცხადა ნიკოლოზ ყიფშიძემ მედიასთან.  

საქართველოს მესამე პრეზიდენტ მორიგ გზავნილს ავრცელებს, რომელიც სასამართლო სისტემას ეხება. მიხეილ სააკაშვილის განცხადებით, დააპატიმრეს ძმები წულუკიძეები, ჭელიძეები და ელდარ ანთაძე, რადგან ისინი არჩვენების გაყალბებაში არ ჩაერთვნენ. „ჩემი სრული სოლიდარობა ძმებ წულუკიძეებს, ჭელიძეებს და ელდარ ანთაძეს. მათ გამოიჩინეს პრინციპულობა, დაიცვეს საკუთარი ღირსება და პატიოსნება. არ მეგონა ასეთ მძიმე მდგომარეობაში, თუ იქნებოდა საქართველოს სასამართლო სისტემა. ყველაფერს ჩემთვის იმის შემდეგ აეხადა ფარდა, რაც ჩემი საქმეების გამო მომიწია სასამართლო პროცესებში ჩართვა. არანაირი მცდელობა, სერიოზული მტკიცებულებების წარდგენისა, არ არსებობს. ეს მართლმსაჯულების პაროდიაც კი აღარაა, უბრალოდ დაგვცინიან,“ – აღნიშნავს მიხეილ სააკაშვილი. შეგახსენებთ, რომ ძმებ წულუკიძეებსა და…