დღე: მაისი 24, 2021

კითხვებზე პასუხი ვერ გამცეს და წამოვიდნენ პროვოკაციაზე, ვიღაც ალუდაა ეგეთი – პარლამენტის წევრი, აგრესიულად უნდოდა და ჩემთან ეს არ გამოუვიდა,- ამის შესახებ „ლელოს” წევრმა ლევან სამუშიამ ჟურნალისტებთან მასსა და უმრავლესობის დეპუტატ ალუდა ღუდუშაურს შორის მომხდარი დაპირისპირების კომენტირებისას განაცხადა. სამუშიას თქმით, ამნისტიის პროექტით მმართველი გუნდი საკუთარი თავის თვითლუსტრირებას ახდენს, რადგან „საკუთარი ტყავის გადასარჩენად იბრძვის“. „ბიძინა ივანიშვილისთვის უცხოა და მისი ქვეშევრდომებისთვისაც უცხოა პოლემიკა. მათ დავუსვი კითხვა, რამაც გამოიწვია გაღიზიანება. წარმოუდგენელ რამეს აპირებენ – მთელი სისხლის სამართლის კოდექსის ამნისტირებას, აპირებენ საკუთარი თავი დაუქვემდებარონ ამინისტირებას. კითხვებზე პასუხი ვერ გამცეს და შემდეგ წამოვიდნენ პროვოკაციაზე, არ ვიცი, ვიღაც ალუდაა ეგეთი…

ნამახვანჰესის მოწინააღმდეგეები სამოქმედო გეგმაზე მსჯელობენ, პროტესტის მონაწილეები ახლა ხელისუფლებისგან მიღებულ პასუხებს განიხილავენ, სულ ცოტა ხნის წინ დაიკავა სცენა აქციის ერთ ერთმა ორგანიზატორმა ვარლამ გოლეთიანმა. მანამდე ნამახვანჰესის საწინააღმდეგო აქციაზე სამოქალაქო აქტივისტებს, ლგბტქ+ სამკლაურის გამო ალექსანდრე ფალავანდიშვილი მისი თანამოაზრეები სიტყვიერად დაუპირისპირდნენ.  “პროპაგანდაზე არ უნდა გეკეთოს, იმიტომ რომ ეს არის დიდი ცოდვა. ორგანიზატორების მოთხოვნაა, რომ სიმბოლიკა არავინ მოიტანოს,”- უთხრა სალომე ბარკერს ალექსანდრე ფალავანდიშვილმა.  მოგვიანებით კი სალომე ბარკერმა მომხდარის შესახებ “ფეისბუქზე” დაწერა. მისი თქმით, უკვე დიდი ხანია სამკლავური მუდმივად უკეთია, აქციაზე კი მონაწილეების ნაწილი ჯვრით დადის, ნაწილი კი დროშით – ” ჭრელი ხალხი ვართ ხო? ასე არ უნდა იყოს?” “ჟურნალისტი მოვიდა ჩასაწერად და უარი ვუთხარი,…

2021 წლის 19 აპრილის შეთანხმების ხელმომწერი ოპოზიციურ ძალები სასამართლო რეფორმასთან დაკავშირებით ღია წერილს ავრცელებენ. ოპოზიციური ძალების წარმომადგენლებს მიაჩნიათ, რომ  26 მაისს ჩანიშნული მოსამართლეთა კონფერენცია, რომლის მიზანია იუსტიციის საბჭოს 4 ახალი წევრის არჩევა, უნდა გადაიდოს. ახალი მოსამართლე წევრები კი არჩეულ უნდა იქნან ახალი წესით, რომლის შემუშავებაც რეფორმის ფარგლებში უნდა მოხდეს: “2021 წლის 19 აპრილის შეთანხმების ხელმომწერ ოპოზიციურ ძალებს პრინციპულად მნიშვნელოვნად მიგვაჩნია, არ განხორციელდეს იუსტიციის უმაღლესი საბჭოს   (როგორც მოსამართლე ასევე არამოსამართლე) წევრების არჩევა მანამ, სანამ პარლამენტი არ შეიმუშავებს შეთანხმებით გათვალისწინებულ საკანონმდებლო ცვლილებებს – იუსტიციის უმაღლესი საბჭოს არსებითი რეფომირების მიზნით. აღნიშნული შინაარსის საკანონმდებლო ინიციატივა, რომელიც რეფორმის ამ ნაწილის განხორციელებამდე…

პარლამენტში ამნისტიის ორი პროექტის საკომიტეტო განხილვა დაიწყო. მოახერხებენ თუ არა მხარეები ერთ ვერსიაზე შეჯერებას, ჯერ უცნობია, პერსპექტივა ბუნდოვანია, მით უმეტეს, იმ დისკუსიის ფონზე, რომელიც ამ წუთებში, ადამიანის უფლებათა დაცვის კომიტეტის სხდომაზე მიმდინარეობს. დეპუტატებმა ჯერ “ქართული ოცნების” ვერსია განიხილეს.  პარლამენტის იურიდიულ საკითხთა კომიტეტის თავმჯდომარე ანრი ოხანაშვილი, რომელმაც ამნისტიის კანონპროექტი წარადგინა, აცხადებს, რომ მმართველი გუნდისთვის ეს საკითხი პოლიტიკურად მარტივად გადასაწყვეტი არ არის. ის ამნისტიის კანონპროექტს პატიების აქტს უწოდებს.  “ეს არა ვინმეს გამართლების, არამედ პატიების აქტია. ის კანონპროექტი, რომელიც ჩვენი ოპოზიციონერი კოლეგების მხრიდან არის შემუშავებული, არც ერთ ასპექტში არ ასახავს შეთანხმების სულისკვეთებას. მრჩება შთაბეჭდილება, რომ კონკრეტული პოლიტიკური…

არ ვუჭერთ მხარს ამნისტიას, რომლითაც ჯალათები იქნებიან ამნისტირებულები, – ამის შესახებ საპარლამენტო ოპოზიციის წარმომადგენელმა, ხათუნა სამნიძემ განაცხადა. „არ ვუჭერთ მხარს ამნისტიას, რომლითაც ჯალათები იქნებიან ამნისტირებულები ან თანამდებობის პირები და ყველა ამ პოზიციაზე ვიქნებით. არ მოხდება იმათი ამნისტირება, ვინც უკანონო ბრძანება გასცა.  ორი კანონპროექტი არის ბუნებრივია შეთავაზებული, რაც არ ეწინააღმდეგება მიშელის დოკუმენტის სულისკვეთებას. საზოგადოება ნახავს, რაზე იღებს პასუხისმგებლობას პოლიტიკური ძალა“,- განაცხადა სამნიძემ.

კარგად გვახსოვს ბნელი, 90-იანი წლების პერიოდი, როცა ამ ვითომ პატრიოტიზმის ეგიდით და საფარქვეშ ყველა აქტივისტი იყო „ძალიან კარგი სპეციალისტი“ ენერგეტიკის, სოფლის მეურნეობის, ტრანსპორტის, რკინიგზის და ა.შ. – შედეგად დავანგრიეთ ქვეყანა, – ამის შესახებ ჟურნალისტებს პრემიერ-მინისტრმა ირაკლი ღარიბაშვილმა „ნამახვანჰესის“ გარშემო მიმდინარე პროტესტთან დაკავშირებით დასმული კითხვის საპასუხოდ განუცხადა. მისივე თქმით, ყველა მოქალაქის მიმართ, ვინც კანონს დაარღვევს, სახელმწიფოს ექნება შესაბამისი რეაგირება. „კარგად გვახსოვს ბნელი, 90-იანი წლების პერიოდი, როცა ამ ვითომ პატრიოტიზმის ეგიდით და საფარქვეშ ყველა აქტივისტი იყო „ძალიან კარგი სპეციალისტი“ ენერგეტიკის, სოფლის მეურნეობის, ტრანსპორტის, რკინიგზის და ა.შ. შედეგად რაც მივიღეთ კარგად ხედავთ. მივიღეთ სამოქალაქო ომი, დავანგრიეთ…

ნიკა მელია მართლაც მნიშვნელოვანი პოლიტიკური ფიგურაა, მაგრამ ასეც არ არის, რომ მთელი სამყარო, ქვეყანა და საქართველოს პარლამენტიც მის გარშემო ბრუნავს, – ასე პასუხობს პარლამენტის ვიცე-სპიკერი დავით სერგეენკო ოპოზიციის კრიტიკას, რომ მმართველი გუნდის ამნისტიის პროექტში არსებული ჩანაწერი, რომ პირზე იმ შემთხვევაში გავრცელდება ამნისტია, თუკი ის ამაზე უარს არ იტყვის, სპეციალურად ნიკა მელიას გამოა ჩადებული. სერგეენკოს თქმით, არავინ აპირებს ნიკა მელიასთვის შექმნას ქვეყანაში კანონები. ამასთან, სერგეენკო იმედოვნებს, რომ ამნისტიასთან დაკავშირებით პოზიციები შეჯერდება. „ამნისტიის შესახებ კანონპროექტის კონსტრუქციაზე, მის შემადგენლობაზე არამცთუ შესაძლებელია, არამედ აუცილებელიც არის, რომ შეჯერებული იყოს პოზიციის და ოპოზიციის შეხედულებები და მიდგომები. ის, რომ კანონპროექტი მზად არის, არ…

რამდენიმე საათი ულტიმატუმის ამოწურვამდე – თუ ხელისუფლება რიონის მცველების სამპუნქტიან მოთხოვნას დღის 12:00 საათამდე არ შეასრულებს, ნამახვანჰესის მოწინააღმდეგეები დედაქალაქის პარალიზებით იმუქრებიან. რესპუბლიკის მოედანზე შეკრებილებმა დღის ბოლოს ტერიტორიაზე კარვები გაშალეს, სადაც ნაწილმა მთელი ღამე გაატარა. რიონის მცველები ამბობენ, რომ აქცია მერიისგან სანქცირებულია.  მოთხოვნები უცვლელია: შეჩერდეს ნამახვანჰესის მშენებლობა, კომპანია ENKA-მ დატოვოს რიონის ხეობა, გაუქმდეს ნამოხვანის ჰესების კასკადზე სამშენებლო ნებართვა და თანამდებობიდან გადადგეს ეკონომიკის მინისტრი. კომპანია ENKA-მ დღის ბოლოს განცხადება გავრცელა და ყველა დაინტერესებულ მხარესთან საქმიანი დისკუსიის დასაწყებად მზადყოფნა გამოთქვა.

ეკონომიკისა და მდგრადი განვითარების მინისტრის მოადგილედ მარიამ ქვრივიშვილი დაინიშნა. ინფორმაციას უწყება ავრცელებს. სამინისტროს ცნობით, იგი სამინისტროში ტურიზმის, ავიაციისა და კურორტების განვითარების მიმართულებებს უხელმძღვანელებს. “მარიამ ქვრივიშვილი “ქართული ოცნება – დემოკრატიული საქართველოს” პოლიტიკური საბჭოს წევრია. ეკონომიკის მინისტრის მოადგილედ დანიშვნამდე იგი საქართველოს საკანონმდებლო ორგანოს დეპუტატი და ევროპასთან ინტეგრაციის კომიტეტის თავმჯდომარის პირველი მოადგილე, ასევე დარგობრივი ეკონომიკისა და ეკონომიკური პოლიტიკის კომიტეტის წევრი იყო. მისი შრომითი საქმიანობა ასევე უკავშირდება ევროკავშირი-საქართველოს საპარლამენტო ასოცირების კომიტეტს, ევროპის საბჭოს საპარლამენტო ასამბლეას (PACE) და ევრონესტის საპარლამენტო ასამბლეას (EURONEST PA). საქართველოს პარლამენტში არჩევამდე, 2019-2020 წლებში მარიამ ქვრივიშვილი ეკონომიკისა და მდგრადი განვითარების სამინისტროს…