დღე: მაისი 11, 2021

გიორგი ვაშაძის და ოპოზიციის დაპირისპირება სოციალურ ქსელში გრძელდება. პარტია „გამარჯვებული საქართველოს“ პოლიტსაბჭოს წევრი ზურაბ ნადირაძე აცხადებს, რომ ვაშაძის მითითებით საზოგადოებას სოციალურ სივრცეში შეურაცხყოფას აყენებენ: „გოგიტა ვაშაძეს და მის ადმინისტრატორებს (გოგიტას დავალებით) საქმე ისე დაუდგათ, რომ კრიტიკულ კომენტარებს (ზრდილობიანს) შლიან, საზოგადოებას კი ფანატიკოსებს და ტროლებს ეძახიან, ქოცებისგან რით განსხვავდება გამაგებინეთ?! არადა საჯარო პოლიტიკოსი ვარო თავს იკლავს, პასუხისმგებლიანიო, ძალიან გაუჭირდა გოგიტას პასუხისმგებლობის აღება ამნისტიაზე როგორც ჩანს და საზოგადოების გახშირებულ სუნთქვასაც ზურგსუკან მწვავედ გრძნობს . საერთოდ, საჯარო პოსტებზე კომენტარების წაშლა (მით უმეტეს პოლიტიკოსის) უბანძესი საქციელია და Giorgi Vashadze / გიორგი ვაშაძე მიხედე ადმინისტრატორ…

ლევან ვასაძე ზუგდიდში თანამოაზრეებთან შეხვედრებს მართავს. ეს მეორე ქალაქია, სადაც ვასაძე მას შემდეგ ჩავიდა, რაც პოლიტიკური ორგანიზაცია – “ერთობა, რაობა, იმედი” –  დაარა და პოლიტიკურ ველზე გამოჩნდა. “თითოეულ ასეთ ჩასვლაზე გვაქვს ორმაგი ამოცანა – პირველი, ჩვენ ვეკითხებით რა სტკივა ქალაქს და რა პრობლემები აქვს, რა გამოსავალს ხედავენ და მეორე, ჩვენ ვუზიარებთ ჩვენეულ შეხედულებებს რა ხდება ქვეყანაში. გუნდის წარვადგენთ ამ დღეებში. 16-ში ყველას გელოდებით ალექსანდრეს ბაღში, იქ ძალიან ბევრ საინტერესო რამეს გაიგებთ. თვითმმართველობაში მივიღებთ თუ არა მონაწილეობას, ამას ცოტა მოგვიანებით გადავწყვეტთ იმიტომ რომ მიგვაჩნია ეს მეორად თემად, ტექნოკრატიულ თემად ძირითად თემასთან,…

ხშირად არის მცდელობა, რომ ჩემსა და მიხეილ სააკაშვილს შორის შუღლი გააღვივონ, ასე არასოდეს მოხდება, რადგან გააზრებული გვაქვს, რა გამოწვევების წინაშე დგას სახელმწიფო, – ამის შესახებ „ნაციონალური მოძრაობის“ თავმჯდომარე ნიკა მელიამ განაცხადა. როგორც ნიკა მელიამ აღნიშნა, „ნაციონალური მოძრაობა“, „ქართული ოცნებისგან“ განსხვავებით, სხვანაირად იმართება, პარტიას ჰყავს ელექტრონული წესით არჩეული პარტიის თავმჯდომარე, აღმასრულებელი რგოლი, პოლიტსაბჭო, რომელიც მსჯელობს და ისე იღებს გადაწყვეტილებას. „ჩვენ ყველაფერი უნდა გავაკეთოთ, რომ ადამიანები, რომლებიც არიან დეპრესიაში და აქვთ ყოფითი პრობლემები, დრო არ რჩებათ, თავიანთი სამოქალაქო პოზიცია დააფიქსირონ, ტაპობრივად ჩავრთოთ ამ პროცესში. ამ ყველაფერში ძალიან მნიშვნელოვანია მიხეილ სააკაშვილის როლი, მან…

არანაირი შანსი არ ექნება არჩევნებზე მელიას, დარწმუნებული ვარ, ყველა მიხვდა, რომ ცრუ რევოლუციური ძალისხმევა ამ ქვეყანას არ სჭირდება,- ამის შესახებ „მოქალაქეების“ ლიდერმა ალეკო ელისაშვილმა ჟურნალისტებთან განაცხადა, რითაც უპასუხა კითხვას, რამდენად კონკურენტუნარიანი იქნება ნიკა მელია თუ ის ოპოზიციის ერთიანი მერობის კანდიდატი იქნება. მისი თქმით, შესაძლოა, ის საერთი კანდიდატადაც არ დასახელდეს, რადგან ოპოზიციის ერთობა “ბლეფია”. “არანაირი შანსი არ ექნება დარწმუნებული ვარ და ვერც ოპოზიციის ერთიანი კანდიდატი იქნება, ისეთი პირი უჩანს. ყოველ შემთხვევაში, ჩვენი პარტია ძალიან სერიოზულად ვფიქრობთ, რომ გვყავდეს კანდიდატი, შესაძლოა, მე ვიყო კანდიდატი, ამაზე ვფიქრობთ. საერთოდ, არ მაინტერესებს რას ფიქრობს და რა დასკვნები გამოაქვს მას (მელიას).…

დიდი შეცდომა იყო ამ შეთანხმების დიდ, ეროვნულ გარღვევად გამოცხადება, ეს ასე არ არის და სასამართლოში გიგი უგულავას საქმის გაგრძელება ამის დადასტურებაა, – ასე ეხმაურება ,,ევროპული საქართველოს“ თავმჯდომარე გიგა ბოკერია გიგი უგულავასთვის სასამართლო პროცესის ჩანიშვნას. გიგა ბოკერიას შეფასებით, გიგი უგულავას პროცესის ჩანიშვნა არის შეხსენება ყველა ოპოზიციონერისთვის, თუ რამდენად მნიშვნელოვანია კონცენტრირება ივანიშვილის რეჟიმის დამარცხებაზე. „ეს შეხსენებაა ყველასთვის, მათ შორის ჩვენი პარტნიორებისთვის, ვისთანაც აზრთა სხვადასხვაობა გვქონდა, სად ვართ ჩვენ დღეს და რამდენად მნიშვნელოვანია კონცენტრირება ივანიშვილის რეჟიმის დამარცხებაზე წარსული შეცდომების გათვალისწინებით. ივანიშვილის რეჟიმის სპიკერებმა შეთანხმების ხელმოწერის დღესვე თქვეს, ყველა სხვა საქმეებს ვაგრძელებთო. შეცდომა იყო ამის წარმოჩენა, თითქოს რაღაც გარღვევა მოხდა.…

„ნაციონალური მოძრაობის” თავმჯდომარე ნიკა მელია აცხადებს, რომ ყოფილი პრემიერ- მინისტრი გიორგი გახარია პოსტიდან წასვლით პასუხისმგებლობას გაექცა. ამის შესახებ მელიამ ჟურნალისტებს პარტიის ოფისში განუცხადა. „არ ვიცი, ბატონი გახარია სწორად როგორ მოიქცა?! პრემიერ-მინისტრი, რომელიც გაურბის პასუხისმგებლობას, სწორად როგორ იქცევა“, – აცხადებს მელია. კითხვაზე, გაექცა თუ არა გახარია პასუხისმგებლობას თანამდებობის დატოვებით, მელია პასუხობს რომ „რა თქმა უნდა”. ცნობისთვის, პრემიერ-მინისტრმა გიორგი გახარიამ თანამდებობა 18 თებერვალს დატოვა. როგორც გახარიამ განმარტა, მას გაუმართლებლად მიაჩნდა ნიკა მელიას დაპატიმრება იმ პირობებში, როდესაც არსებობდა პოლიტიკური ესკალაციის საფრთხე. გახარიას თქმით, გადადგომის მიზეზი იყო ის, რომ აღნიშნულთან დაკავშირებით გუნდთან შეთანხმებას ვერ მიაღწია.

მალხაზ მაჩალიკაშვილმა ნიკა მელიას სოციალური ქსელიდან თავისუფლება მიულოცა: „ნიკა მელიას ვულოცავ თავისუფლებას ასევე გისურვებ ამ მახინჯ და ძალზედ ბოროტ სისტემაზე გამარჯვებას რასაც ჰქვია ქართული ოცნება ზღვის ძალა და მთების სიმაღლე მოგცეს ღმერთმა სულ წინ სვლას და გამარჯვებას გისურვებ,“ – წერს მაჩალიკაშვილი და სოციალურ ქსელში ფოტოს აქვეყნებს.

13 მაისს ოპოზიციონერ გიგი უგულავას სასამართლო პროცესი ჩაინიშნა. ამის შესახებ ინფორმაციას თავად გიგი უგულავა ავრცელებს. მისი თმით, პროცესი აეროპორტში ძიუდოისტის, საბა გავაშელიშვილის ცემის საქმეს ეხება. “რა დილა თენდება. 13 მაისს სასამართლო პროცესი ჩამინიშნეს. მე რომ აეროპორტში ძიუდოს ევროპის ვიცე-ჩემპიონს ბადრი საბა გავაშელიშვილი ვცემე, აი ეგ საქმე. მოკლედ, ივანიშვილის სამართლის სპარტაკიადა გრძელდება. ესტაფეტა გადაცემულია. ერთი დღე არ უნდა მოცდეს სასამართლო პოლიტიკური საქმის გარეშე”, – წერს გიგი უგულავა. 

საარჩევნო რეფორმის სამუშაო ჯგუფის შეხვედრის დროს ერთ-ერთი ძირითადი საკითხი საარჩევნო კამპანიაში უცხო ქვეყნის მოქალაქის ჩართვაზე სანქციების გამკაცრება იყო. მმართველ გუნდში აცხადებენ, რომ სხვა ქვეყნის მოქალაქეების ჩართვა საარჩევნო პერიოდში ქვეყნის სუვერენიტეტზე ცუდად აისახება, ოპოზიციაში კი ამბობენ, რომ ეს “ნაციონალური მოძრაობის” წინააღმდეგ მიმართული ინიციატივაა.  პარლამენტის წევრი, პოლიტიკური გაერთიანება “გირჩის” თავმჯდომარე იაგო ხვიჩია აცხადებს, რომ უცხო ქვეყნაში მცხოვრებ პირებს ქართულ პოლიტიკაში ჩართვა არ უნდა აეკრძალოთ. “მე მიმაჩნია, რომ “ნაციონალურ მოძრაობას”, მიხეილ სააკაშვილს არ უნდა აეკრძალოს ქართულ პოლიტიკაში ჩართულობა. მეტი კონკურენცია ნიშნავს, უკეთესს ხარისხს,”- აღნიშნა იაგო ხვიჩიამ. პარლამენტის თავმჯდომარის მოადგილე, პარტია “მოქალაქეების” გენერალური მდივანი ლევან იოსელიანი კი აღნიშნავს,…