დღე: მაისი 21, 2021

ბინების ძარცვის ბრალდებით საბერძნეთში საქართველოს ექვსი მოქალაქე დააკავეს. ადგილობრივი პოლიციის ინფორმაციით, ამ დროისთვის გამოძიებულია ქურდობის 18 შემთხვევა – მოპარული ნივთების საერთო ღირებულება კი 190 ათას ევროს აჭარბებს. დაკავებულთა უმრავლესობას, ასევე ოფიციალური ცნობით, მსგავსი დანაშაულისთვის ბრალი ადრეც აქვთ წაყენებული. როგორც ბერძნული მედია წერს, დამნაშავეები ჯგუფურად მოქმედებდნენ და თითოეულ წევრს განსაზღვრული როლი ჰქონდა. დაკავებულები ძირითადად პაგრატის, კაისარიანისა და ზოგრაფუს რაიონებს ძარცვავდნენ. ჩხრეკისას ამოიღებულია დიდი რაოდენობით სამკაულები, ვერცხლის ჭურჭელი, საათები, ბრენდირებული ტყავის ნაწარმი, ელექტრონული მოწყობილობები, ლეპტოპები, მუსიკალური ინსტრუმენტები, ალკოჰოლური სასმელი, მობილური ტელეფონები, ქვითრები, ფულადი გზავნილების ბარათები, ავტომობილები და თანხა. “კურიერის” ინფორმაციით, ბრალდებულთაგან რამდენიმე თელავიდან არის, ოჯახის წევრებს…

საქართველოს ფინანსთა სამინისტროს საგამოძიებო სამსახურის თანამშრომლებმა გატარებულ ოპერატიულ-სამძებრო ღონისძიებებისა და საგამოძიებო მოქმედებების შედეგად, სამსახურებრივი გულგრილობის ფაქტზე 3 პირი ამხილეს. გამოძიებით დადგინდა, რომ ბრალდებულებს, რომლებიც იყვნენ იმერეთის ერთ-ერთი მუნიციპალიტეტის თანამშრომლები, დავალებული ჰქონდათ აღნიშნულ რეგიონში მიმდინარე გზის სარეაბილიტაციო სამუშაოების ზედამხედველობა. სამსახურებრივი მოვალეობების განხორციელებისას, მათ მიერ არაჯეროვნად იქნა შესრულებული დაკისრებული მოვალეობები, რამაც საშუალება მისცა კონტრაქტორ კომპანიას რეალურად შეესრულებინა ნაკლები მოცულობის სამუშაოები, ვიდრე ეს ხელშეკრულებით იყო გათვალისწინებული, რითაც არსებითად დაირღვა სახელმწიფოს კანონიერი ინტერესები. გამოძიება მიმდინარეობს საქართველოს სისხლის სამართლის კოდექსის 342-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 3 წლამდე ვადით.

საქართველოში ევროკავშირის ელჩი კარლ ჰარცელი ბათუმის საზღვაო აკადემიას ეწვია. იგი შეხვდა როგორც აკადემიის რექტორს, ასევე სტუდენტებს. ევროკავშირის დახმარებით სტუდენტები გადიან ტრენინგებს, რათა მათ შეძლონ დასაქმება საერთაშორისო დროშების, მათ შორის ევროკავშირის წევრი სახელმწიფოების დროშის ქვეშ მცურავ გემებზე. 2014 წლიდან დღემდე საქართველოს მეზღვაურების დასაქმება უცხოურ გემებზე 40 პროცენტით გაიზარდა. „ევროკავშირი წლებია, თანამშრომლობს საქართველოსთან საზღვაო თემასთან დაკავშირებით. ვთანამშრომლობთ როგორც უსაფრთხოების, ასევე გარემოს დაცვის სფეროში. შავი ზღვის გავლით ევროკავშირის ქვეყნებისა და საქართველოს დაკავშირება ჩვენი თანამშრომლობის პრიორიტეტია. ის, რომ ქართველ მეზღვაურებს შეუძლიათ სხვადასხვა დროშის ქვეშ მცურავ გემებზე დასაქმება, ბევრ შესაძლებლობას იძლევა. პროფესია, რომელიც თქვენ აირჩიეთ,…

საფრანგეთიდან საქართველოში განსაკუთრებით მძიმე დანაშაულში ბრალდებული ორი პირის – ვ.გ.-ს და თ.ჟ.-ს ექსტრადირება განხორციელდა. გამოძიება ერთს სამი პირის დამამძიმებელ გარემოებებში მკვლელობას, მეორეს კი ნარკოდანაშაულს ედავება. ორივე საერთაშორისო ძებნილი საფრანგეთის რესპუბლიკამ 2018- 2019 წლებში დააკავა, ახლა კი მათი საქართველოში ექსტრადიცია განხორციელდა. ინფორმაციას ამის შესახებ პროკურატურა ავრცელებს: “საქართველოს გენერალური პროკურატურა ვ.გ.-ს ინტერპოლის არხებით, წითელი ცირკულარით  ძებნას, 1994 წელს ქ. თბილისში დანაშაულებრივი ჯგუფის სხვა წევრებთან ერთად ჩადენილი ვ.მ.-ს, ნ.მ.-ს და ფ.მ.-ს განზრახ მკვლელობის საქმეზე ახორციელებდა. სასამართლოს განაჩენით დადგენილია, რომ 1994 წლის 18 იანვარს ქ.თბილისში დანაშაულებრივი ჯგუფის წევრებმა ვ.მ. გაიტაცეს, რომელიც დაზარალებულის მშობლებისგან გამოსასყიდის მიღების შემდგომ…