დღე: მაისი 19, 2021

ანტიოქიის პატრიარქის მიერ, ოკუპირებული აფხაზეთის დე ფაქტო პრეზიდენტის, ასლან ბჟანიას მიღებას საქართველოს საპატრიარქოში გამოეხმაურნენ. საქართველოს საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის თქმით, ეს ნეგატიური მოვლენა და უცნაური ფაქტია, რომელზეც საპატრიარქოს რეაგირება ექნება. “ეს არის ნეგატიური მოვლენა, უცნაური ფაქტია. ჩვენ რა თქმა უნდა, ამაზე გვექნება რეაგირება, თუმცა, მანამდე საჭირო არის გარკვეული კომუნიკაცია, დაზუსტება დეტალების და რა ფორმით იქნება ეს, უნდა დაველოდოთ ჩვენს საგარეო ურთიერთობების განყოფილებას, ჯერჯერობით კომუნიკაცია არ გვქონია, ალბათ დღის განმავლობაში გარკვეულ ფორმას შეიძენს,” – განაცხადა დეკანოზმა.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, გატარებული ოპერატიულ-სამძებრო და საგამოძიებო მოქმედებების შედეგად, დიდი ოდენობით ქრთამის აღების ფაქტზე, საქართველოს იუსტიციის სამინისტროს სსიპ აღსრულების ეროვნული ბიუროს შეფასების სამსახურის უფროსი დააკავეს. სუს-ის ინფორმაციით, გამოძიებით დგინდება, რომ სსიპ აღსრულების ეროვნული ბიუროს შეფასების სამსახურის უფროსი, მოქალაქეს გამოსახლების პროცესის აღსრულების ექვსი თვის ვადით შეჩერების სანაცვლოდ ქრთამის სახით მოსთხოვა და გამოართვა 3500 აშშ დოლარი. გამოძიება დიდი ოდენობით ქრთამის აღების ფაქტზე მიმდინარეობს, რაც სასჯელის სახით შვიდიდან თერთმეტ წლამდე თავისუფლების აღკვეთას ითვალისწინებს. გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო.

საქართველოს იუსტიციის უმაღლესი საბჭოს წევრი ნაზი ჯანეზაშვილი სასამართლო სისტემაში ნეპოტიზმზე და კლანურ მმართველობაზე საუბრობს. ჯანეზაშვილის ინფორმაციით, იუსტიციის საბჭოს მოქმედი არამოსამართლე წევრის შვილი, შესაძლოა მოსამართლედ დაინიშნოს. საუბარია ალექსანდრე გზირიშვილზე, რომელიც ლევან გზირიშვილის შვილია. ჯანეზაშვილის ბრალდებებს დიმიტრი გვრიტიშვილმა უპასუხა და აღნიშნა, რომ ნაზი ჯანეზაშვილის მხრიდან ნეპოტიზმზე საუბარი აბსოლუტურად დაუსაბუთებელი და უსაფუძვლოა.

თბილისში დაუმთავრებელ შენობა-ნაგებობთან დაკავშირებით მერიაში განაცხადების წარდგენის ვადა პირველ სექტემბრამდე გახანგრძლივდა, – ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა. როგორც კახა კალაძემ აღნიშნა, დაუმთავრებელი მშენებლობებისთვის არსებობს სპეციალური რეგულაციები და ბევრი კარგი გადაწყვეტილება იქნა მიღებული, ბევრი პრობლემა მოგვარდა. „დაუმთავრებელ შენობა-ნაგებობთან დაკავშირებით მერიაში განაცხადების წარდგენის ბოლო ვადა იყო 30 მაისი. მივიღეთ გადაწყვეტილება, რომ გავაგრძელოთ ეს ვადა და პირველ სექტემბრამდე მივცეთ ადამიანებს შესაძლებლობა, შემოიტანონ განაცხადები. ვიზუალურად რავის სიამოვნებს, როდესაც დაუმთავრებელ შენობა-ნაგებობეს ხედავს ქალაქში. ამ განცხადებების შემოტანის ვადას ვახანგრძლივებთ და პირველ სექტემბრამდე აქვთ ადამიანებს საშუალება, შემოიტანონ განაცხადები. მათ გვერდით დავუდგებით, მაქსიმალურად დავეხმარებით“, – განაცხადა კახა კალაძემ.

ის მოქალაქეები, რომლებმაც გარკვეული მიზეზების გამო, ზონალურ-საათობრივ პარკირების პირველადი რეგისტრაციის გავლა ვერ მოახერხეს, 7 ივნისიდან სისტემაში დარეგისტრირებას კვლავ შეძლებენ, – ამის შესახებ დედაქალაქის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, ზოგ შემთხვევაში, ბინის მესაკუთრე, რომელმაც სატრანსპორტო საშუალება უფასო სარგებლობის მიზნით უნდა დაარეგისტრიროს სისტემაში, საქართველოში არ იმყოფება, ან საცხოვრებელი ფართი გარდაცვლილ ადამიანზეა რეგისტრირებული. “უკვე დიდი ხანია ქალაქში დანერგილია და მოქმედებს ზონალურ-საათობრივი პარკირება. ძალიან ბევრი ადამიანი გახდა ამ სერვისების მომხმარებელი. თუმცა, რამდენიმე ფაქტი დაფიქსირდა და პირადად მომწერეს „ფეისბუქში“, რომ მოქალაქეებს პრობლემა ექმნებათ პირველად რეგისტრაციაზე. ყველა ასეთ შემთხვევაში, 7 ივნისიდან…

დედაქალაქში ტრანსპორტის პოლიტიკის მიმართულებით განხორციელებული პროექტების შესახებ ანგარიშის პრეზენტაცია მომავალ კვირას გაიმართება, – ამის შესახებ დედაქალაქის მერმა, კახა კალაძემ თბილისის მთავრობის დღევანდელ სხდომაზე განაცხადა. მისივე თქმით, მნიშვნელოვანია, მოსახლეობა სრულად იყოს ინფორმირებული თბილისის მერიის მიერ განხორციელებული თუ დაგეგმილი პროექტების შესახებ. „მომდევნო კვირას ვაპირებთ, მოსახლეობას ტრანსპორტის პოლიტიკის მიმართულებით განხორციელებული პროექტების ანგარიში წარვუდგინოთ და კიდევ ერთხელ შევახსენოთ მათ, რა გაკეთდა, რა რეფორმები წამოვიწყეთ, რა იგეგმება სამომავლოდ. ვფიქრობ, მნიშვნელოვანია, კიდევ ერთხელ შევახსენოთ თბილისის მოსახლეობას ეს ყველაფერი“, – განაცხადა კახა კალაძემ. აღსანიშნავია, რომ თბილისის მერიას დაწყებული აქვს მუნიციპალიტეტის მთავრობის შვიდივე პოლიტიკის ფარგლებში განხორციელებული საქმიანობის ანგარიშები,…