ჯანდაცვის მსოფლიო ორგანიზაციის გენერალური დირექტორის განცხადებით, მსოფლიოში კორონავირუსის საპრევენციო ვაქცინები არასწორად და უსამართლოდ ნაწილდება.
“ვაქცინების განაწილების პროცესში სკანდალური უთანასწორობაა. დოზების 75% -ზე მეტი მხოლოდ 10 ქვეყანაზე მოდის. მსოფლიოში გამოყენებული დოზების რაოდენობა საკმარისი იქნებოდა ყველა ჯანდაცვის წარმომადგენლისა და ხანდაზმული ადამიანების ვაქცინაციისთვის, თუ მათი განაწილება სამართლიანად მოხდებოდა“, – აცხადებს ჯანმო-ს ხელმძღვანელი და ქვეყნებს მოუწოდებს, „კოვაქსის“ მექანიზმს კორონავირუსის საწინააღმდეგო ვაქცინები აჩუქონ.
