დღე: ოქტომბერი 16, 2023

„თაიმს ოფ ისრაელი“ სააგენტო „როიტერზე“ დაყრდნობით იუწყება, რომ ისრაელი ღაზის სექტორის სამხრეთ ნაწილში ცეცხლის დროებით შეწყვეტას დათანხმდა. მოძრაობა „ჰამასი“ აცხადებს, რომ ცეცხლის შეწყვეტის შესახებ შეთანხმებასთან დაკავშირებით ინფორმაცია არ აქვს. ამასთანმ მედიის ცნობით, გაიხსნება ეგვიპტისა და ღაზის სექტორის სასაზღვრო გამშვები პუნქტი „რაფაჰი“. ღაზის სექტორის დატოვების საშუალება მიეცემათ, უცხო ქვეყნების მოქალაქეებს. გავრცრლებული ინფორმაციიტ, შეთანხმება  აშშ-ს, ეგვიპტესა და ისრაელს შორის იქნა მიღწეული.

აშშ-ის პრეზიდენტის, ჯო ბაიდენის განცხადებით, ისრაელის მიერ ღაზის ოკუპაცია დიდი შეცდომა იქნებოდა. მისი თქმით,  თუმცა ტერორისტული დაჯგუფება ჰამასის განადგურება აუცილებელ მოთხოვნაა. ,,ისრაელი დევნის ადამიანთა ჯგუფს, რომლებიც მონაწილეობდნენ ბარბაროსობაში, ვფიქრობ, ისრაელმა უნდა უპასუხოს, ისინი უნდა წავიდნენ ჰამასის წინააღმდეგ, ჰამასი იმალება მშვიდობიანი მოსახლეობის უკან. მათ თავიანთი შტაბ-ბინები იქ განათავსეს, სადაც მშვიდობიანი მოქალაქეები არიან. ჰამასი და ჰამასის ექსტრემისტული ელემენტები არ წარმოადგენენ მთელს პალესტინელ ხალხს, მე ვფიქრობ, შეცდომა იქნებოდა ისრაელის მიერ ღაზის ოკუპაცია, მაგრამ შესვლა და ექსტრემისტების განადგურება ეს აუცილებელი მოთხოვნაა”, – განაცხადა ბაიდენმა.

აშშ-ის პრეზიდენტმა, ჯო ბაიდენმა ისრაელის პრემიერ-მინისტრ ბენიამინ ნეთანიაჰუსთან სატელეფონო საუბარი გამართა. როგორც ბაიდენი წერს, დროა, ყველა ქვეყანამ ცალსახად დაგმოს „ჰამასი“, როგორც ტერორისტული ორგანიზაცია. „კვლავ დავუკავშირდი პრემიერ-მინისტრ ნეთანიაჰუს, რათა კიდევ ერთხელ გამოვხატო აშშ-ს ურყევი მხარდაჭერა ისრაელისადმი და მიმეწოდებინა ახალი ინფორმაცია სამხედრო მხარდაჭერასთან დაკავშირებით მშვიდობიანი მოსახლეობის დასაცავად. დროა, ყველა ქვეყანამ ცალსახად დაგმოს „ჰამასი“, როგორც ტერორისტული ორგანიზაცია, რომელიც არ წარმოადგენს პალესტინელი ხალხის მისწრაფებებს“, – წერს ბაიდენი „ტვიტერზე”.