დღე: ივნისი 10, 2021

საქართველოს საპატრიარქოს დაქვემდებარებაში მყოფ ბავშვთა პანსიონატს შესაძლოა სტატუსი შეეცვალოს და საოჯახო ტიპის დაწესებულებად გადაკეთდეს. აღნიშნულის შესახებ კონკრეტული გადაწყვეტილება მიღებული არ არის, თუმცა, სხვადასხვა მიმართულების ექსპერტების ჩართულობით მსჯელობა გრძელდება. რაც შეეხება ამ ეტაპზე არსებულ ვითარებას, პანსიონატში შეხვედრები და სტუმრიანობა ისევ გრძელდება. გუშინ პანსიონატში საპატრიარქოსა და გაეროს ბავშვთან ფონდის წარმომადგენლები იმყოფებოდნენ. ეტაპობრივად გრძელდება პანსიონატიდან ბავშვთა გადინების პროცესი. როგორც მოზარდები და მათი მშობლები აცხადებენ, მათი გასვლა საზაფხულო არდადეგებს უკავშირდება და სხვა პრობლემა არ არსებობს. პანსიონატში, დღევანდელი მონაცემებით, 27 არასრულწლოვანი რჩება. მოზარდთა ერთი ნაწილი ბიოლოგიურ ოჯახს დაუბრუნდა, მეორე ნაწილი კი საოჯახო ტიპის ბავშვთა სახლსა და მინდობით…

რამდენიმე დღის უკან, ლენტეხში სამარშრუტო ტაქსის მძღოლი ცემით მოკლეს. აღნიშნული შემზარავი ფაქტი ლენტეხის მუნიციპალიტეტის სოფელ ჩიხარეშში მოხდა. აღნიშნულ საქმესთან დაკავშირებით,   სოფლის რწმუნებულის მეუღლე დააკავეს. დაკავებულ ქალბატონს  დანაშაულის შეუტყობინებლობას ედავებიან. საქმესთან დაკავშირებით კიდევ ერთი ადამიანია დაკავებული. ჩხუბში მონაწილე სხვა ადამიანებს კი ეძებენ. შეგახსენებთ, რომ შემთხვევა 5 ივნისს მოხდა. სამარშრუტო ტაქსის მძღოლი სახლიდან გამოიყვანეს, თითქოს ამანათი უნდა გაეგზავნათ, თუმცა, შელაპარაკების შედეგად ის ისე სცემეს, გარდაიცვალა. ერთ-ერთი ინფორმაციით, მძღოლს გარკვეული პირები თანხას სძალავდნენ და ამას სისტემატური ხასიათი ჰქონდა.

ყალბი მართვის მოწმობების დამზადებისთვის რამდენიმე ადამიანი დააკავეს. დაკავებულები მართვის მოწმობებს დასავლეთ საქართველოში ამზადებდნენ და ასაღებდნენ.    საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, აჭარისა და გურიის რეგიონებში, ყალბი ოფიციალური დოკუმენტის დამზადება-გასაღების ფაქტზე, სისხლის სამართლებრივი დევნა ოთხი პირის მიმართ დაიწყეს. „გამოძიებით დადგინდა, რომ აჭარისა და გურიის რეგიონებში რეგისტრირებული ავტოსკოლის წარმომადგენლებმა, თანხის სანაცვლოდ, დაამზადეს და გაასაღეს მართვის მოწმობის აღებისთვის საჭირო სხვადასხვა კატეგორიის სასწავლო კურსის დამთავრების დამადასტურებელი ყალბი მოწმობები, ისე რომ ფაქტობრივად არ გადაამზადეს მოქალაქეები შესაბამისი სწავლების კურსის ფარგლებში. მათივე ცნობით, გამოძიება მიმდინარეობს საქართველოს სისხლის სამართლის კოდექსის 362-ე მუხლის…

ამ დრომდე, ფოთში, ზღვაში გაუჩინარებული მამაკაცი ვერ იპოვეს.  26 წლის მამაკაცი წყალმა მალთაყვის სანაპიროდან  გაიტაცა. როგორც თვითმხილველები ამბობენ, ის მარტო არ ყოფილა. ნაპირთან ახლოს, წელამდე წყალში იდგა, როცა დინებამ უცებ გაიტაცა. მაშველები ადგილზე ოპერატიულად მივიდნენ, თუმცა, მამაკაცი ვერ იპოვეს.  სამძებრო ოპერაციაში  ცოცხალ ძალასთან ერთად ჩართულია სპეციალური ტექნიკა.