დღე: მარტი 13, 2021

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, დღეს საქართველოში მნიშვნელოვანი დღეა, ვინაიდან ქვეყანაში AstraZeneca-ს ვაქცინის პირველი დოზები შემოვიდა.  ამირან გამყრელიძემ, კოლეგა ექიმებს მოუწოდა, მისცენ მაგალითი დანარჩენ საზოგადოებას, როდესაც ვაქცინაცია დაიწყება ქვეყანაში.  “დღეს ძალიან მნიშვნელოვანი დღეა ჩვენს ქვეყანაში. პანდემიასთან ბრძოლის სრულიად ახალი ეტაპი იწყება.  პანდემიის დამარცხების გზა ვაქცინაციაზე გადის, ამიტომ ამ პროცესის სწორად წარმართვას განსაკუთრებული მნიშვნელობა ექნება. მაქსიმალურად უნდა დავუდგეთ ექიმებს გვედით, რომ მაქსიმალურად მეტი ადამიანი აიცრას. “ასტრაზენეკას” პირველი პარტია, რომელიც საქართველოში დღეს შემოვიდა, მსოფლიო ჯანდაცვის ორგანიზაციის მიერ არის ავტორიზებული.  ჩემს კოლეგებს მოვუწოდებ, რომ როდესაც ორშაბათიდან ვაქცინაცია დაიწყება მისცენ მაგალითი საზოგადოებას ამ ყველაზე დიდი…

დაავადებათა კონტროლის ცენტრის ხელმძღვანელის მოადგილე მოქალაქეებს ვაქცინაციის პროცესში აქტიური ჩართვისკენ მოუწოდებს. პაატა იმნაძის განცხადებით, მას კორონავირუსი საწინააღმდეგო აცრის გაკეთება ვაქცინაციის გეგმის შესაბამისად უწევს და ამ შესაძლებლობას აუცილებლად გამოიყენებს. პაატა იმნაძე AstraZeneca-​თი იმუნიზაციის შესაძლო რისკებსაც გამოეხმაურა და განაცხადა, რომ კორონავირუსის ვაქცინა, სხვა დაავადებებისგან არ იცავს და ამ დაავადებების განვითარება არ შეიძლება კორონავირუსის ვაქცინას დაბრალდეს: “მე მიწევს აცრა და პირველივე შესაძლებლობისთანავე ავიცრები. დღეს-ხვალ საქართველოს ყველა რეგიონალურ ცენტრში ვაქცინა ჩატანილი იქნება. უკვე გამოყენებულია ათეულ მილიონობით დოზა. ათეულ მილიონობით დოზაზე არ არის აღწერილი არაფერი ისეთი, რაც გამოარჩევდა ამის რისკებს. დავიმახსოვროთ ერთი რამ კარგად, ეს…

საქართველოში COVID-19-ის ვაქცინის შემოსვლას საქართველოს პრეზიდენტი ეხმაურება. სალომე ზურაბიშვილი საერთაშორისო პარტნიორებს  ვაქცინის მიღებაში დახმარებისთვის მადლობას უხდის და აცხადებს რომ სოლიდარობის გზით მსოფლიო ამ კრიზისს დაძლევს: “ეს არის როგორც “სინათლე გვირაბის ბოლოს”! მადლობა ჩვენს საერთაშორისო პარტნიორებს, რომლებმაც ეს შესაძლებელი გახადეს. წინ ჯერ კიდევ გრძელი გზა გვაქვს, მაგრამ მსოფლიო ერთად უფრო ძლიერია და სოლიდარობის გზით გადალახავს ამ კრიზისს,” – წერს სალომე ზურაბიშვილი Twitter-ზე

პირველივე შესაძლებლობისთანავე ავიცრები, – ამის შესახებ დაავადებათა კონტროლის ეროვნული ცენტრის დირექტორის მოადგილემ პაატა იმნაზემ განაცხადა. როგორც ის განმარტავს, ჩამოსული ვაქცინები დღეს და ხვალ რეგიონებში გადანაწილდება. „იმედია, ჩემი კოლეგები კარგად ათვიცნობიერებენ, რა რისკი აქვთ. მე პირადად, რაც პანდემია დაიწყო, ყოველდღიური ურთიერთობა მაქვს და დღეში ალბათ, ორ პაციენტს ვნახულობ, დღემდე თავი ისე მოვიტანე, რომ ინფიცირებული არ ვარ, აქედან გამომდინარე, პირველივე შესაძლებლობისთანავე ავიცრები, დავრეგისტრირდები და ავიცრები. ახლა მანქანები იტვირთება, რეგიონებში მიდის და დღეს, ხვალ, საქართველოს ყველა რეგიონალურ ცენტრში ვაქცინა ჩატანილი იქნება“, – განაცხადა იმნაძემ. მისივე თქმით, ერთადერთი გამონაკლისი არის დიდი ბრიტანეთი, საიდანაც ჩამოსული მგზავრები,…

 დაავადებათა კონტროლის ეროვნულ ცენტრში, ამ წუთებში, ვაქცინის პირველი პარტიის საქართველოში შემოსვლასთან დაკავშირებით, პრესკონფერენცია იმართება, რომელზეც ჯანდაცვის მინისტრმა ეკატერინე ტიკარაძემ საქართველოში ვაქცინაციის დაწყების პროცესზე ისაუბრა.  საქართველომ “კოვაქს” პლატფორმის საშუალებით, კორეის რესპუბლიკაში დამზადებული “ასტრაზენეკა” მიიღო. ვაქცინა რეგიონებში გადანაწილდება. ვაქცინაციის დაწყება კი 15 მარტიდან არის დაგეგმილი. პირველ რიგში სამედიცინო სფეროს წარმომადგენლები აიცრებიან. უახლოეს მომავალში საქართველო “ასტრაზენეკას” ვაქცინის 129 600 დოზას ელოდება. მომდევნო ეტაპზე, ხელისუფლება “ფაიზერის” ვაქცინის შემოტანასაც აპირებს. “ეს არის ძალიან მნიშვნელოვანი მოვლენა. საქართველოში “კოვაქს” პლატფორმიდან შემოვიდა “ასტრაზენეკას “ვაქცინა, დღესდღეობით ხელმისაწვდომი გვაქვს 43 200 ვაქცინა, რომელიც განკუთვნილია სამედიცინო პერსონალისთვის. დარეგისტრირებულია 64051 ადამიანი, გამომდინარე იქიდან რომ ექიმები წარმოადგენენ ჩვენი…

საქართველოს პრემიერ-მინისტრის ირაკლი ღარიბაშვილის განცხადებით,პირველ ეტაპზე ჩვენ მივიღეთ „ასტრაზენეკას“ ვაქცინის 43 200 დოზა, უახლოეს მომავალში, ვაქცინის შემდეგი დოზების მიღებისთანავე, გაგრძელდება მოსახლეობის სხვადასხვა ჯგუფების ვაქცინაცია. ამის შესახებ ღარიბაშვილი სოციალურ ქსელში წერს. „ვაქცინის პირველი დოზები საქართველოში უკვე ჩამოვიდა. პირველ ეტაპზე ჩვენ მივიღეთ „ასტრაზენეკას“ ვაქცინის 43 200 დოზა, რითაც სამედიცინო პერსონალის ვაქცინაცია დაიწყება. გრძელდება მოლაპარაკებები ჩვენს მეგობარ ქვეყნებთან და სხვადასხვა მწარმოებლებთან. უახლოეს მომავალში, ვაქცინის შემდეგი დოზების მიღებისთანავე, გაგრძელდება მოსახლეობის სხვადასხვა ჯგუფების ვაქცინაცია“, – აცხადებს ღარიბაშვილი.

დაავადებათა კონტროლის ცენტრის ხელმძღვანელის ამირან გამყრელიძის თქმით, AstraZeneca-ს ვაქცინა დღეს და ხვალ ჩავა ყველა იმ ცენტრში სადაც ვაქცინაცია უნდა დაიწყოს. ამასთან ამირან გამყრელიძემ ვაქცინაციის დამადასტურებელი ცნობის შესახებაც ისაუბრა. “ყველა აცრილ ადამიანს მიეცემა დამადასტურებელი ცნობა, რომ ის აიცრა ამა და ამ ვაქცინით, ამა და ამ დღეს, არის ორენოვანი ცნობა , შესაბამისი სამედიცინო დაწესებულება დაარტყამს ბეჭედს და მოაწერს ხელს,”- განაცხადა ამირან გამყრელიძემ პრესკონფერენციაზე, რომელიც “ასტრაზენეკას” ვაქცინის საქართველოში ჩამოტანას ეძღვნებოდა.

კორონავირუსის გამოვლენის დადებითობის დღევანდელი მაჩვენებელი 1,07 პროცენტს შეადგენს. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. ვირუსის გამოვლენის დადებითობის მაჩვენებელი ბოლო შვიდი დღის განმავლობაში 1,55 პროცენტია, ხოლო ბოლო 14 დღის – 1,49 პროცენტი. დღეს კორონავირუსი 344 ადამიანს დაუდასტურდა, 240 პაციენტი გამოჯანმრთელდა, ცხრა კი გარდაიცვალა.

საქართველოში ბოლო 24 საათში კორონავირუსით ცხრა პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. საქართველოში კორონავირუსით გარდაცვლილთა საერთო რაოდენობა 3 643-ს შეადგენს. დღეს კორონავირუსი 344 ადამიანს დაუდასტურდა, 240 პაციენტი გამოჯანმრთელდა. შეგახსენებთ, გუშინ, 12 მარტს „კოვიდ-19“-ით ინფიცირების 332 ახალი შემთხვევა გამოვლინდა, გამოჯანმრთელდა 343 პაციენტი, 12 კი გარდაიცვალა.

საქართველოში კორონავირუსის 344 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 240 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა ცხრა პაციენტი. ბოლო 24 საათში ქვეყანაში ჩატარდა 32 090 ტესტი, მათ შორის ანტიგენის სწრაფი ტესტით – 21 945, ხოლო პისიარტესტით – 10 145. ქვეყანაში კორონავირუსის გამოვლენის დადებითობის მაჩვენებლებია: დღიური – 1,07 პროცენტი, ბოლო 14 დღის – 1,49 პროცენტი, ბოლო შვიდი დღის – 1,55 პროცენტი. საქართველოში კორონავირუსით ინფიცირების სულ 274 721 შემთხვევაა გამოვლენილი, მათგან 268 004 გამოჯანმრთელდა, 3 643 კი გარდაიცვალა. კარანტინის რეჟიმშია…