დღე: მარტი 1, 2021

პრეზიდენტის ადმინისტრაციაში ოპოზიციისა და ხელისუფლების წარმომადგენლების შეხვედრა დასრულდა. შეხვედრას ევროპული საბჭოს პრეზიდენტი შარლ მიშელი, საქართველოს პრემიერ-მინისტრი ირაკლი ღარიბაშვილი, საქართველოში ევროკავშირის ელჩი კარლ ჰარცელი და ოპოზიციური სპექტრი ესწრებოდა. როგორც მხარეები აცხადებენ, შეთანხმება მიღწეულია, რომ პოლიტიკური ვითარება განიმუხტოს და პოზიციამ და ოპოზიციამ შეთანხმებას მიაღწიოს. შეხვედრის დასრულების შემდეგ განცხადება ირაკლი ღარიბაშვილმაც გააკეთა და აღნიშნა, რომ გვაქვს პრინციული პოზიცია გარკვეულ საკითხებზე და დიალოგი გაგრძელდება. შეხვედრა პრეზიდენტის ადმინისტრაციაში გაიმართა და ის 2 საათზე მეტი გაგრძელდა. დღეს კონკრეტული შეთანხმება არ შემდგარა, თუმცა 2 კვირაში, შეხვედრა ბრიუსელში, ევროსაბჭოს ჩართულობითა და აქტიური მონაწილეობით გაგრძელდება.   

„ბორდერიზაცია, უკანონო დაკავება აბსოლუტურად მიუღებელია. მე ვიმეორებ, რომ ევროკავშირი მხარს უჭერს საქართველოს სუვერენიტეტს, ტერიტორიულ ერთიანობას საერთაშორისოდ აღიარებული საზღვრების ფარგლებში“, – ამის შესახებ ევროპული საბჭოს პრეზიდენტმა შარლ მიშელმა პრემიერ-მინისტრ ირაკლი ღარიბაშვილთან ერთად გამართული პრესკონფერენციისას განაცხადა. მანვე მადლობა გადაუხადა ევროკავშირის მონიტორინგის გუნდს. „დღეს ასევე გვქონდა საშუალება, მივსულიყავი ადმინისტრაციულ ხაზთან და შევხვედროდი ადგილობრივ თემს. მე ვხედავ, რომ ეს კონფლიქტი აისახება ადგილობრივ მოსახლეობაზე. ბორდერიზაცია, უკანონო დაკავება აბსოლუტურად მიუღებელია. მე ვიმეორებ, რომ ევროკავშირი მხარს უჭერს საქართველოს სუვერენიტეტს, ტერიტორიულ ერთიანობას საერთაშორისოდ აღიარებული საზღვრების ფარგლებში. ევროკავშირი არის სრულად ერთგული ჟენევის საერთაშორისო დისკუსიების ფარგლებში და მინდა, კიდევ ერთხელ…

„არასოდეს გვითქვამს უარი დიალოგისთვის, დიალოგი უნდა შედგეს და დიალოგი უნდა იყოს მხოლოდ ერთი საერთო მიზნისთვის, რომ ჩვენ გამოვნახოთ ისეთი შესაძლებლობა, რომელიც ჩვენს საზოგადოებას გააერთიანებს და არა დაგვყოფს“ – ამის შესახებ პრემიერ-მინისტრმა ირაკლი ღარიბაშვილმა ევროპული საბჭოს პრეზიდენტ შარლ მიშელთან  ერთად გამართული პრესკონფერენციისას, ჟურნალისტის კითხვის პასუხად განაცხადა.  მოსო თქმით, დღევანდელი დღე არის კარგი შესაძლებლობა იმისთვის, რომ ეს ინიციატივა, რომელიც ბატონმა პრეზიდენტმა გააჟღერა გამოვიყენოთ სწორად და მხარეები დავსხდეთ დიალოგის მაგიდასთან. მთავრობის მეთაურმა აღნიშნა, რომ დიალოგი უნდა შედგეს და დიალოგი უნდა იყოს მხოლოდ ერთი საერთო მიზნისთვის, რომ გამოვნახოთ ისეთი შესაძლებლობა, რომელიც საზოგადოებას გააერთიანებს და…

ევროპული საბჭოს პრეზიდენტ შარლ მიშელთან შეხვედრის შემდეგ, ოპოზიცია აცხადებს, რომ გარკვეულ კომპრომისზე წავლენ.  „ჩვენს მხარესთან იყო თხოვნა, რომ უნდა ვიყოთ გარკვეულწილად კომპრომისულები. ჩვენ კომპრომისის სახით ვთქვით, რომ რიგგარეშე არჩევნების ნაცვლად, შეგვიძლია, წავიდეთ პლებისციტზე“ – განაცხადა „სტრატეგია აღმაშენებლის“ ლიდერმა გიორგი ვაშაძემ მედიასთან. ვაშაძის თქმით, ყველაფერი იქით მიდის, რომ „პოლიტიკური პატიმრების“ თემა ერთხელ და სამუდამოდ, დასრულდეს. „დავინახე, რომ პოლიტიკური პატიმრების საკითხი ერთხელ და სამუდამოდ, ამ ქვეყანაში უნდა დაიხუროს და ეს არის განცდა ევროკავშირის მხრიდან. ეს არ არის ნორმალური გარემო, როცა ასეთი რამ ხდება ქვეყანაში და დიდი მადლობა მათ ამ პოზიციისთვის. დარწმუნებული ვარ, რომ…

ევროპული საბჭოს პრეზიდენტთან შარლ მიშელთან ოპოზიციის შეხვედრა დასრულებულია. როგორც ოპოზიციის წარმომადგენლები აცხადებენ, ევროპელი მეგობრები მედიაციისკენ იხრებიან ევროკავშირის მხარე, დიალოგის ალტერნატიულ წინადადებას წარმოადგენს. „პირადად შარლ მიშელი აპირებს ჩაერთოს ამ პროცესში თუ მზაობა იქნება. ეს ძალიან მნიშვნელოვანია, რომ ევროკავშირის უმაღლეს დონეზე აიწევს ის პოლიტიკური კრიზისის საკითხი, რაც საქართველოშია. მეორე, ძალიან სერიოზული განაცხადი იყო რომ, ფასილიტაციიდან მედიაციისკენ იხრებიან. ეს არის ორი განსხვავებული რამ. ეს ნიშნავს, რომ მათ შორის, შეთანხმების ალტერნატიულ წინადადებებს თვითონაც წარმოადგენს ევროკავშირის მხარე“ – განუცხადა „სტრატეგია აღმაშენებლის“ ლიდერმა გიორგი ვაშაძემ ჟურნალისტებს. შეგახსენებთ, რომ ევროპის საბჭოს პრეზიდენტი შარლ მიშელი დღეს ოპოზიციის წარმომადგენლებს…