დღე: მარტი 26, 2021

დედაქალაქის მასშტაბით 24-25 მარტს 9 ობიექტი შემოწმდა, საიდანაც 4 მათგანში 490 კგ. გაურკვეველი წარმომავლობის (ხორცს არ ახლდა სასაკლაოს მიერ გაცემული ვეტერინარული ზედამხედველობის დოკუმენტი) და 507კგ. ვადაგასული ხორცის განთავსების ფაქტები გამოვლინდა,- ამის შესახებ ინფორმაციას სურსათის ეროვნული სააგენტო ავრცელებს. უწყების ცნობით, სურსათის ეროვნული სააგენტოს თბილისის საქალაქო სამსახური ხორცის სარეალიზაციო ობიექტებს ამოწმებს. „ი/მ – (მის: ფიფიას ქ.17) – 147. კგ ვადაგასული ხორცი; შპს „ისთანბულ“ ( ს/კ 438111268) მის: მეველის ქ.25) – 340 კგ. გაურკვეველი წარმომავლობის, 360 კგ.-მდე ვადაგასული ხორცი; შპს „სანდრო“ (ს.კ 439395085 მის: აგლაძის ქ.32) – 100 კგ.-მდე გაურკვეველი წარმომავლობის ხორცი; შპს…

მარტვილისა და ჭყონდიდის ეპარქიის სამონასტრო კომპლექსის ერთ-ერთ სამრეკლოში სრულიად საქართველოს კათალიკოს-პატრიარქის, 2007 წლით დათარიღებული წარწერით, სრულიად საქართველოს კათალიკოს პატრიარქის ილია მეორის ფრესკა დააზიანეს, რომელიც თავის დროზე ამავე საპატრიარქოს ყოფილ მეუფე პეტრეს (ცაავა) დაკვეთით შეიქმნა. ფრესკის დაზიანების მიზეზი ამ ეტაპზე უცნობია.

გარდაცვლილი ექთნის, მეგი ბაქრაძის ოჯახის ადვოკატი აცხადებს, რომ კომპანია „ასტრაზენეკასგან“ წერილი მიიღო. ვახტანგ ბარამაშვილის განცხადებით, ვაქცინის მწარმოებელი კომპანია იმ ამპულის ნომერს ეკითხება, რომლითაც გარდაცვლილ ექთანს აცრა გაუკეთდა. ადვოკატის თქმით, ეს ინფორმაცია მხოლოდ გამოძიებას აქვს და თავად ოჯახიც ითხოვს, რომ გადაეცეთ საქმის მასალები, სადაც ამ დეტალებზეა საუბარი. ბარამაშვილის თქმით, ოჯახი ინფორმაციულ ვაკუუმშია და ყველა დოკუმენტაცია არასრულად აქვთ. „ჩვენთვის გადმოცემული დოკუმენტაციები არასრულია. დღეს კლინიკის დირექტორმა დაგვიდასტურა, რომ გამოძიებას ყველა დოკუმენტი, რაც არსებობს, ამოღებული აქვს. ჩვენ მოგვატყუეს, გვითხრეს, რომ მხოლოდ ის დოკუმენტები ჰქონდათ, რაც გადმოგვცეს. რა კითხვები ექნებათ მეუღლესთან, ზუსტად არ ვიცით. ტიკარაძის…

ბაკურიანში, ჯერჯერობით, დაუდგენელი მიზეზით ავტომობილი აფეთქდა. სავარაუდოდ, შემთხვევა იმ დროს მოხდა, როდესაც მამაკაცი მას თოვლისგან წმენდდა.   შემთხვევის შედეგად დაზიანებები მიიღო 50 წლამდე მამაკაცმა. მას დამწვრობა და მოტეხილობები აღენიშნებოდა. მამაკაცს სამედიცინო დახმარება გაეწია და ბინაზე გაეწერა. მისი მდგომარეობა დამაკმაყოფილებელია.  შსს-ს ცნობით, საქმე აღძრულია სსკ 229-ე მუხლით, რომელიც აფეთქების შედეგად ნივთის დაზიანებას გულისხმობს.

თბილისში, ჭავჭავაძეზე მშენებარე კორპუსის მე-40 სართულიდან მუშა გადმოვარდა და ადგილზე გარდაიცვალა. უბედური შემთხვევა გუშინ მოხდა. მომხდარს შინაგან საქმეთა სამინისტროში ადასტურებენ.

რაც არ უნდა ბერიას და ფელიქსას მეძახდნენ, მაინც დავინტერესდები განსხვავებული აზრით და დავინტერესდები, რა დგას ამ განსხვავებული აზრის მიღმა,- ამის შესახებ კულტურის მინისტრმა თეა წულუკიანმა ჟურნალისტებს განუცხადა, რითაც კულტურის სფეროს იმ წარმომადგენლების შესახებ დასმულ კითხვას უპასუხა, რომელთაც მის მინისტრობასა და ზოგადად „ქართული ოცნების“ მმართველობასთან მიმართებაში კრიტიკული მოსაზრებები აქვთ. წულუკიანი უშუალოდ საოპერო მომღერლის, ანიტა რაჭველიშვილის მწვავე პოზიციასაც გამოეხმაურა და აღნიშნა, რომ „თუ სისტემა არ იარსებებს და არ იქნება შემუშავებული ფულის ხარჯვის სწორი წესი, ის მომღერლებს ხელს ვერ შეუწყობს“. „იმდენად ჩემში ღიმილს იწვევს ეს შიშები… ქალბატონი ინგა გრიგოლია ავითარებს თურმე ნარატივს, თეორიას, რომ წულუკიანს უნდა…

გიორგი შაქარაშვილის საქმეზე, ძალადობის ეპიზოდში ბრალდებული სამი პირის მიმართ სისხლის სამართლებრივი დევნა შეწყდა. ეს გადაწყვეტილება სასამართლომ მას შემდეგ მიიღო, რაც გიორგი შაქარაშვილის მკვლელობაში მსჯავრდებულმა ვახტანგ ჩიქოვანმა განაცხადა, რომ არ არის წინააღმდეგი, მასზე ძალადობაში ბრალდებულებს – საბა გოგშელიძეს, საბა ჩხარტიშვილსა და ირაკლი წაქაძეს ამნისტია შეეხოთ. ცნობისთვის, საბა გოგშელიძე, საბა ჩხარტიშვილი და ირაკლი წაქაძე გიორგი შაქარაშვილის მკვლელობიდან მალევე დააკავეს და გასული წლის 11 იანვარს, გირაოს სანაცვლოდ გაათავისუფლეს.

პოლიციამ გურჯაანის მუნიციპალიტეტში მომხდარი მკვლელობის და სამი პირის დაჭრის ფაქტი ცხელ კვალზე გახსნა. დაკავებულია 2 პირი: 1965 წელს დაბადებული ა.ტ. და 1980 წელს დაბადებული ჯ.ტ. დანაშაული 16-დან 20 წლამდე ვადით ან უვადო თავისუფლების აღკვეთას ითვალისწინებს. უწყების ცნობით, გამოძიებით დადგინდა, რომ მიმდინარე წლის 25 მარტს, გურჯაანის მუნიციპალიტეტის სოფელი ჩუმლაყის მიმდებარე ტერიტორიაზე, 1979 წელს დაბადებული მ.ბ.-ს კუთვნილი ავტომობილის მიმართულებით ავტომატური ცეცხლსასროლი იარაღიდან გასროლა განხორციელდა, რის შედეგადაც ავტომანქანაში მყოფი 1979 წელს დაბადებული ი.ჩ. ადგილზე გარდაიცვალა, ხოლო 1990 წელს დაბადებულმა მ.მ.-მ, 1972 წელს დაბადებულმა ზ.ბ.-მ და თავად ავტომობილის მფლობელმა – მ.ბ. -მ ჯანმრთელობის სხვადასხვა დაზიანება…

შინაგან საქმეთა სამინისტროს შიდა ქართლის პოლიციის დეპარტამენტის ხაშურის რაიონული სამმართველოს თანამშრომლებმა ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარების ბრალდებით ხაშურში 1986 წელს დაბადებული ჩ.ო. დააკავეს. სამინისტროს ცნობით, დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს. „სამართალდამცველებმა ბრალდებული ხაშური-სურამის შემოვლითი გზის ცენტრალურ საავტომობილო მაგისტრალზე ავტომობილით გადაადგილებისას შეაჩერეს. ავტომანქანის ჩხრეკისას, ნივთმტკიცების სახით ამოღებულია ავტომატური ცეცხლსასროლი იარაღი, სხვადასხვა კალიბრის 745 საბრძოლო ვაზნა და ავტომატური ცეცხლსასროლი იარაღის სათადარიგო ნაწილები. გამოძიება საქართველოს სისხლის სამართლის კოდექსის 236-ე მუხლის მესამე და მეოთხე ნაწილით მიმდინარეობს, რაც ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარებას გულისხმობს“, – აღნიშნულია ინფორმაციაში.