დოჰაში მიმდინარე Qatar Open-ის ფინალში ნიკოლოზ ბასილაშვილის მეტოქე დღეს ესპანელი რობერტო ბაუტისტა აგუტი იქნება, რომელმაც მე-2 სენსაცია მოახდინა და ავსტრიელი დომინიკ ტიემის დამარცხების შემდეგ, ნახევარფინალში გზიდან რუსი, ანდრეი რუბლიოვიც ჩამოიცილა.
ურთიერთშეხვედრებში, ესპანელი ქართველ ჩოგბურთელს 3:1-ს უგებს. დოჰას ტურნირის გამარჯვებული 250 სარეიტინგო ქულასა და 100 ათას ამერიკულ დოლარს მიიღებს. გადამწყვეტი მატჩი დღეს თბილისის დროით 19:00 საათზე დაიწყება.
