დღე: მარტი 19, 2021

დაავადებათა კონტროლის ცენტრის გენერალური დირექტორის, ამირან გამყრელიძის განცხადებით, იმუნიზაციის პროცესის შეჩერება ძალიან მარტივია, თუმცა მისივე თქმით, მეორე საკითხია, რას ვეუბნებით იმ ადამიანებს, რომლებიც ყოველდღიურად კოვიდის გამო იღუპებიან. “გუშინ საბჭოზე მსჯელობა ძალიან რთული იყო იმასთან დაკავშირებით, უნდა შეჩერდეს თუ არა იმუნიზაცია. შეჩერება ყოველთვის ადვილია, ეს არ არის პრობლემა, მაგრამ მერე რას ვეუბნებით იმ ადამიანებს? იცით, რომ ყოველდღიური სიკვდილობა გვაქვს, სამწუხაროდ, კოვიდის გამო,” – განაცხადა ამირან გამყრელიძემ.

დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე აცხადებს, რომ 27 წლის ექთნის გარდაცვალება ძალიან მძიმე ფაქტია და მედიცინის მუშაკების ხვედრი არის ის, რომ შეიძლება დაიღუპო, მაგრამ სხვას მისცე გადარჩენის საშუალება. “ეს ძალიან მძიმე ფაქტია და არის ისტორიაში ამ ტიპის ფაქტები, როდესაც იქცევა გზის განმანათებლად სხვებისადმი. სწორედ ეს არის, სამწუხაროდ, ხშირად ჩვენი მედიცინის მუშაკების ხვედრი, რომ შეიძლება შენ დაიღუპო, მაგრამ სხვას მისცე გადარჩენის საშუალება,” – განაცხადა ამირან გამყრელიძემ.

თბილისში ვაქცინაციის შემდეგ ანაფილაქსიური შოკი კიდევ ერთ მედიკოსს განუვითარდა. ინფორმაციას დაავადებათა კონტროლის ცენტრის დირექტორი ამირან გამყრელიძე ავრცელებს. არსებული ინფორმაციით, 17 მარტს ბოკერიას სახელობის რეფერალურ ჰოსპიტალში შეიყვანეს ახალგაზრდა ქალი, რომელსაც გართულება “ასტრაზენაკას” ვაქცინის გაკეთების შემდეგ განუვითარდა. როგორც კლინიკაში განმარტეს, ამჟამად, პაციენტის მდგომარეობა სტაბილურია და მის სიცოცხლეს საფრთხე არ ემუქრება.

დაავადებათა კონტროლის ცენტრის გენერალური დირექტორის, ამირან გამყრელიძის განცხადებით, ანაფილაქსიური შოკის გამომწვევი მიზეზი ბევრი ფაქტორი შეიძლება გახდეს. მათ შორის, მწერის ნაკბენიც კი. “მოგეხსენებათ, ანაფილაქსიური შოკი წლის განმავლობაში ძალიან ბევრ ქვეყანაში ფიქსირდება და უპირატესად ის ფიქსირდება ანტიბიოტიკებზე და სხვადასხვა მედიკამენტებზე. ასევე, შეიძლება იყოს ფუტკრის, ბზიკის ნაკბენზე და სხვადასხვა კონტრასტულ ნივთიერებებზე და ა.შ. ამ დროს, როცა ადამიანი ავად არის და მკურნალობს სხვადასხვა წამლით და იქ ფიქსირდება ანაფილაქსიის შემდეგ მსგავსი გამოსავალი, გასაგები ხდება ეს. მაგრამ როდესაც ვაქცინაციის პროცესი ჯანმრთელ პოპულაციაზე ხორციელდება და აქ დგება ეს სავალალო შედეგი, რა თქმა უნდა, ეს ძალიან მძიმეა. ჩვენ…

საქართველოს ჯანდაცვის მინისტრის მოადგილე თამარ გაბუნია აცხადებს, რომ საქართველოში ადრენალინის მარაგი არის ყველა დაწესებულებაში. ამის შესახებ გაბუნიამ ბრიფინგზე განაცხადა. მისი თქმით, ადრენალინის გარეშე ვერ მუშაობს სამედიცინო სისტემა. „ადრენალინი არის ეპინეფრინი, დავაზუსტებ. ადრენალინი არის ის ნივთიერება, რომელიც ნაჩვენებია პროტოკოლით და რომლის მარაგიც არის, ასევე არის ყველა დაწესებულებაში. ამდენად, რა თქმა უნდა, ეს მედიკამენტი გამოყენებულ იქნა. მის გარეშე სამედიცინო სისტემა ვერ მუშაობს. უხერხულია შეკითხვა, ადრენალინი არის თუ არა ქვეყანაში“, – განაცხადა თამარ გაბუნიამ.

დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე თამარ გაბუნიას განცხადებით, ვაქცინაციის ექსპერტების საბჭომ მიიღო გადაწყვეტილება, რომ საქართველოში ვაქცინაციის პროცესი ვაქცინაციის პროგრამაში მაქსიმალური უზრუნველყოფის მიზნით მრავალპროფილურ კლინიკებში გაგრძელდება.  “ვაქცინაციის ექსპერტების საბჭომ მიიღო გადაწყვეტილება ვაქცინაციის პროგრამის გაგრძელების შესახებ, რაც ემყარება ევროპის მარეგულირებლის დასკვნას. გამომდინარე იქიდან, რომ “ასტრაზენეკას” ფონზე გვერდითი მოვლენები არსებობს, მაგრამ რისკები მნიშვნელოვნად მცირეა, მოსალოდნელ სარგებელთან შედარებით, ვაქცინაციის პროცესი, ვაქცინაციის პროგრამაში მაქსიმალური უზრუნველყოფის მიზნით გაგრძელდება.  ექსპერტების რეკომენდაციით, ვაქცინაცია მრავალპროფილურ სტაციონარებში ჩატარდება. გუშინდელმა შემთხვევამ დაგვანახა, რომ მიუხედავად იმისა, რომ ყველა ჩარევა დროულად შესრულდა და 1 წუთი არ დაკარგულა და იქვე იყო რეანიმაციული განყოფილება,…

27 წლის ექთანი გარდაიცვალა, მის გარდაცვალებას ოჯახი ადასტურებს.  ახალგაზრდა მედიკოსს გული გაუჩერდა, ექიმებმა მისი გადრჩენა ვეღარ შეძლეს. შეგახსენებთ, მეგი ბაქრაძის ჯანმრთელობის მდგომარეობა მძიმე იყო, ის პირველ საუნივერსიტეტო კლინიკაში ახალციხიდან გადმოიყვვანეს, მას შემდგე რაც ვაქცინაციის გამო ანაფილაქსიური შოკი განუვითარდა, კომაში მყოფი ექთანი რამდენიმე წუთის წინ გარდაიცვლა.

კორონავირუსის ახალი შემთხვევებიდან თბილისში გამოვლინდა 164, იმერეთში – 71, ქვემო ქართლში – 29, – ინფორმაციას მთავრობის ადმინისტრაციის პრესსამსახური ავრცელებს. მათივე ინფორმაციით, ბოლო 24 საათში ქვეყნის მასშტაბით ჩატარდა 23 827 კვლევა ტესტით, მათ შორის 14 915 კვლევა ანტიგენის ტესტით და 8 912 PCR ტესტით. „ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 360 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 276 796-ს. რაც შეეხება დადებითობის მაჩვენებელს, 18 მარტის მდგომარეობით, დადებითობის დღიური მაჩვენებელი არის 1.51 %, ბოლო 14 დღის მანძილზე – 1.51 %, ხოლო…

საქართველოში კორონავირუსის 360 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 242 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა ცხრა პაციენტი. ბოლო 24 საათში ქვეყანაში ჩატარდა 23 827 ტესტი, მათ შორის ანტიგენის სწრაფი ტესტით – 14 915, „პისიარ“- ტესტით – 8 912. ქვეყანაში კორონავირუსის გამოვლენის დადებითობის მაჩვენებლებია: დღიური – 1,51%, ბოლო 14 დღის – 1,51%, ბოლო 7 დღის – 1,37%. საქართველოში კორონავირუსით ინფიცირების სულ 276 796 შემთხვევაა გამოვლენილი, მათგან 269 626 გამოჯანმრთელდა, 3 683 კი, გარდაიცვალა. კარანტინის რეჟიმშია 235, სტაციონარში მეთვალყურეობას  1 434 ადამიანი…

პირველ საუნივერსიტეტო კლინიკაში მოთავსებულ 27 წლის ექთანთან დაკავშირებით კლინიკის ხელმძღვანელი ლევან რატიანი სოციალურ ქსელში სტატუსს აქვეყნებს. „ღმერთო ეს შეგვაძლებინე…. დედის დილა მშვილობისა, დედის ალერსი და დედის სითბო ეს ყველაფერია ცხოვრებაში…..დედა ის არსება, რომლის უმისიდ მე პირადად ცხოვრება ვერ წარმომიდგენია ამ ასაკშიც…. დედა პირველრიგში ჩვენი პაციენტი…. დედა რომელსაც ორი შვილი ელოდება სადღაც სახლში… სადღაც კუთხეში დგანან და ლოცულობენ დედა გადაგვირჩეს…. რომ გავიგე ერთი მესამე კლასშია, მეორე პირველში გული გამიჩერდა….. დედა უნდა გადარჩეს!!!! ეს უპირობა….. მშვიდობა დაგვბულებოდეს და ეს დედა კი მალე გამეშვას მის შვილებთან გამოჯანმრთელებული…. ღმერთო ეს შეგვაძლებინე…. ეს ომი უპირობოდ უნდა…

საქართველოში ბოლო 24 საათში კორონავირუსით ცხრა პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. საქართველოში კორონავირუსით გარდაცვლილთა საერთო რაოდენობა 3 683-ს შეადგენს. დღეს „კოვიდ-19“-ით ინფიცირების 360 ახალი შემთხვევა გამოვლინდა, გამოჯანმრთელდა 242 პაციენტი. შეგახსენებთ, გუშინ, 18 მარტს კორონავირუსის 369 ახალი შემთხვევა გამოვლინდა, გამოჯანმრთელდა 378 პაციენტი, ცხრა კი გარდაიცვალა.

კვლავ კრიტიკულად მძიმეა ახალციხეში ვაქცინირებული ექთნის მდგომარეობა, რომელსაც აცრის შემდეგ ანაფილაქისური შოკი განუვითარდა, თუმცა როგორც თსსუ-ს პირველი საუნივერსიტეტო კლინიკის კლინიკური დირექტორი ლალი ტუძელაძე ამბობს, ექიმებმა დღეს დილისთვის პაციენტის ჯანმრთელობის მდგომარეობის სტაბილიზაციის მიღწევა შეძლეს. “პაციენტი შემოსვლისას იყო უმძიმეს მდგომარეობაში. მოხდა ყველა კვლევის ჩატარება, ტვინის ფუნქციის განსაზღვრა. ტვინი ჯერ ცოცხალია, ვნახოთ შემდეგ 24 საათში. მძიმე მდგომარეობა იყო, გვიან საღამოსთვის მოხერხდა დასტაბილიზება და პაციენტი აყვანილი იქნა რეანიმაციულ განყოფილებაში. ღამე იყო საკმაოდ მძიმე.  ამ დილისათვის მოხერხდა სტაბილიზაციის მიღწევა, ეს ნიშნავს რომ აპარატთან სინქრონშია, წნევა ხერხდება 3 მედიკამენტის მხარდაჭერით, მაქსიმალურ დოზებზეა, წამოვიდა ტემპერატურა. ამ დილისათვის მდგომარეობა შედარებით სტაბილურია, კიდევ 24 საათში უნდა მოხდეს განმეორებით ღრმა კვლევების ჩატარება,” – აცხადებს თსსუ-ს პირველი საუნივერსიტეტო…

დაავადებათა კონტროლის ეროვნული ცენტრის გენერალური დირექტორის მოადგილის, პაატა იმნაძის განცხადებით, ანაფილაქსიური რეაქციის განვითარების რისკები, Pfizer-სა და AstraZeneca​-ს ვაქცინებით იმუნიზაციის შემდგომ, თითქმის ერთნაირია.  მისი თქმით, იმის ალბათობა, რომ ვაქცინაციის შემდეგ ანაფილაქსია მოხდება, ყოველთვის არსებობს.  “სტატისტიკის მიხედვით, Pfizer-ს და AstraZeneca​-ს ანაფილაქსიური გართულებები ერთნაირი აქვს. აქედან გამომდინარე, ის, რომ ეს ვაქცინა გავიკეთო, რადგან ამას არ აქვს ანაფილაქსია, ასე არ არის. სამწუხაროდ, იმის ალბათობა, რომ ანაფილაქსია მოხდება, ყოველთვის არსებობს,”- აცხადებს პაატა იმნაძე.  შეგახსენებთ, რომ ვაქცინაციის პროცესებთან დაკავშირებით, ჯანდაცვის სამინისტროში ჯანდაცვის ექსპერტებისა და მედიკოსების შეხვედრა გაიმართა. სპეციალისტების შეფასებით, იმის თქმის საფუძველი, რომ AstraZeneca​-ს ვაქცინა საფრთხის შემცველია და მისი გამოყენება უნდა შეწყდეს, არ არსებობს. ამასთან, გვერდითი რეაქციების…