დღე: მარტი 7, 2021

ერთ-ერთი ტელეკომპანიით გავრცელებულ ფარულ სატელეფონო ჩანაწერთან დაკავშირებით, სადაც ბერა ივანშვილი,ირაკლი ღარიბაშვილი და ანზორ ჩუბინიძე ფიგურირებენ, პოლიტიკური გაერთიანება “ქართული ოცნება-დემოკრატიული საქართველო” განცხადებას ავრცელებს, რომელსაც „მედიცენტრი მთვარი“ უცვლელად გთავაზთ.     „გუშინ, ერთ-ერთი პარტიული ტელევიზიის ეთერში საზოგადოებამ იხილა და მოისმინა 2010-2011 წლების უკანონო ჩანაწერების უხეში ფაბრიკაცია. გამოქვეყნებული გაყალბებული საუბარი შედგება როგორც მინიმუმ რამდენიმე თვის განმავლობაში, ათეულობით ჩანაწერიდან ამოღებული სიტყვებისა და ფრაზებისაგან. ეს არის ნაციონალური მოძრაობის მმართველობის დროს (ბიძინა ივანიშვილის პოლიტიკაში შემოსვლამდე) „კუდის“ მიერ, ორ კერძო პირს შორის უკანონო ჩანაწერების უხეში ფაბრიკაცია, სადაც ერთ მხარეს არის საქველმოქმედო ფონდი, „ქართუს“ პრეზიდენტი ირაკლი ღარიბაშვილი, მეორე მხარეს…

ხვალიდან რესტორნებისა და კაფე-ბარების დახურული სივრცეების იხსნება. შეზღუდვა ცოცხალ მუსიკას ეხება, რომელიც აპრილამდე ისევ შეზღუდული იქნება. შრომის პირობების ინსპექტირების დეპარტამენტის უფროსის, ბექა ფერაძის განცხადებით, ცოცხალი შესრულება მეტი ხალხის მობილიზებას იწვევს, რაც ინფიცირების რისკს ზრდის. „მიუხედავად იმისა, რომ 8 მარტიდან იხსნება შიდა სივრცეებში სარესტორნო ბიზნესი, კვების ობიექტები, პირველ აპრილამდე კვლავ შეზღუდვად რჩება ცოცხალი მუსიკის შესრულება, ვინაიდან ეს დამატებით იწვევს ღონისძიების მასშტაბის ზრდას და ასევე, როდესაც ასეთი კულტურული ღონისძიება ტარდება, მასშტაბი გაცილებით დიდია და ამ პროცესში ხალხის მობილობის, ისევე როგორც რეგულაციების დაცვა ძალიან ძნელია”, – აცხადებს ფერაძე. რაც შეეხება ე.წ. კომენდანტის საათს,…

ბიძინა ივანიშვილის რეზიდენციასთან დაპირისპირებაა. ადგილზე სამართალდამცველები იმყოფებიან. აქციის მონაწილეები ცდილობენ, რეზიდენციისკენ მიმავალ კედლებზე წარწერები დატოვონ, როს საშუალებასაც მათ სამართალდამცველები არ აძლევენ.     წარწერა “მკვლელებო”, რის დაწერასაც აქტივისტები ცდილობდნენ, ფიზიკური დაპირისპირება მოჰყვა. აქციის მონაწილეები „სკანდირებენ“:  “მონებო”… „ბერას მონებო“… „ბერა კრიმინალია“. შეგახსენებთ, რომ აქცია სპონტანურად მას შემდეგ დაიგეგმა, რაც ერთ-ერთი ტელევიზიით ფარული სატელეფონი ჩანაწერი გავრცელდა, სადაც ბერა ივანიშვილი, ირაკლი ღარიბაშვილი და ანზორ ჩუბინიძე ფიგურირებს და რომელიც ფიზიკურ ანგარიშსწორებას ეხება. აქციის მონაწილეები ირაკლი ღარიბაშვილის გადადგომას და ვადამდე საპარლამენტო არჩევნებს ითხოვენ.   

ვადამდელი არჩევნების მოთხოვნით ამ წუთებში, თბილისში მსვლელობა იმართება. ოპოზიციური პარტიის წარმომდგენლები და აქტივისტები რუსთაველის გამზირიდან დაიძრნენ და ფეხით ბიძინა ივანიშვილის რეზიდენციისკენ მიემართებიან. „ვადამდელი არჩევნები დაიდოს“ – ასეთია აქციის მონაწილეთა ლოზუნგი, რომლებსაც სხვადასხვა პლაკატითა და „ფიტულებით“ არიან აღჭურვილები. როგორც „მოძრაობა საქართველოსთვის“ წარმომადგენელი აცხადებს, აქცია დაიგეგმა სპონტანურად და ის უკავშირდება იმ ფარულ სატელეფონო ჩანაწერს, რომელის ერთ-ერთი ტელეკომპანიის ეთერში გავიდა. შეგახსენებთ, რომ ფარულ ჩანაწერში ბერა ივანიშვილი, ირაკლი ღარიბაშვილი და ანზორ ჩუბინიძე ფიგურირებს და საუბარია რამდენიმე პირის მიმართ ანგარიშსწორებასა და დასჯაზე. მათ შორის, სკოლის მოსწავლეზე. აქციის მონაწილეებს თან მიჰყვება საპატრულო ეკიპაჟები.  

პარლამენტის ყოფილი წევრი, პარტია “პროგრესი და თავისუფლებას“ ხელმძღვანელი კახა ოქრიაშვილი დაუყოვნებლივ რიგგარეშე საპარლამენტო არჩევნებს ითხოვს და აღნიშნულის მიზეზად “TV პირველის“ ეთერში გასულ ფარულ ჩანაწერებს ასახელებს, სადაც პრემიერ-მინისტრი და ბერა ივანიშვილი ფიგურირებს.   “სულ რომ არაფერი ვთქვათ კრიმინალის, სუს-ისა და პოლიციის ჩართულობით გაყალბებულ არჩევნებზე და წინა პრემიერის, გიორგი გახარიას გადადგომაზე, რომელმაც სწორედ პოლიტიკური ნიშნით ძალადობა და უმსხვილესი ოპოზიციური პარტიის ოფისზე თავდასხმა გააპროტესტა, მხოლოდ ეს ჩანაწერები წარმოადგენს საფუძველს რიგგარეშე არჩევნების ჩასატარებლად. პლებისციტის დრო ქვეყანაში აღარ არის, ვითხოვთ დაუყოვნებლივ რიგგარეშე არჩევნებს!“ – ვკითხულობთ კახა ოქრიაშვილის მიერ გავრცელებულ განცხადებაში.