დღე: მარტი 12, 2021

ევროპული საბჭოს პრეზიდენტ შარლ მიშელის პირადი წარმომადგენელ კრისტიან დანიელსონთან შეხვედრის დასრულების შემდეგ, არჩილ თალაკვაძემ მედიასთან განცხადება გააკეთა და აღნიშნა, რომ ოპოზიცია საპარლამენტო ცხოვრებაში ჩართვას ვერ ასცდება. „თავად ოპოზიციის მიერ წამოყენებული საკითხები და ამ საკითხების ნაწილი თავისთავად მოითხოვს და გულისხმობს ოპოზიციის ჩართვას საპარლამენტო პროცესში.  თუ შეთანხმება მოხდება და დიდი იმედი მაქვს, რომ შედგება შეთანხმება, ამ შემთხვევაში  ოპოზიცია, ჩემის აზრით, ვერ ასცდება იმას, რომ ჩაერთოს საპარლამენტო პროცესში. რეალურად, შეთანხმებაც ხომ იმისთვის ხდება, რომ ოპოზიცია არა ქუჩაში, არამედ პარლამენტში იყოს“ – განაცხადა არჩილ თალაკვაძემ ჟურნალისტებთან შეხვედრის დასრულების შემდეგ. . როგორც პარლამენტის თავმჯდომარე განმარტავს, მეტ დეტალებზე დღეს ვერ ისაუბრებს, რადგან…

თბილისის მერის კახა კალაძის განცხადებით, უპირველეს ყოვლისა, ჟურნალისტები უნდა იყვნენ დაინტერესებულნი,  კონკრეტულ აუდიოჩანაწერთან დაკავშირებით გამოძიება სწრაფად და დროულად დასრულდეს. ამის შესახებ კალაძემ ჟურნალისტებს “ტვ პირველთან” დაკავშირებით მიმდინარე მოვლენების კომენტირებისას განუცხადა. “პირველი, რაც მინდა ვთქვა, ისაა, რომ კანონის წინაშე ყველანი ვართ თანასწორუფლებიანი. რაც შეეხება იმ კონკრეტულ საკითხს, პირველ რიგში, თქვენ უნდა იყოთ დაინტერესებულნი, რომ გამოძიება რაც შეიძლება სწრაფად და დროულად დასრულდეს კონკრეტულ აუდიოჩანაწერებთან დაკავშირებით. ამ თემაზე ბევრი განცხადება იყო გაკეთებული. ბევრი კონკრეტული საკითხი იყო გაზვიადებული. ასე რომ, არავინ არსად შევარდნას არ აპირებს, ამას სრული პასუხისმგებლობით გეუბნებით”, – განაცხადა კახა კალაძემ.

პრემიერ-მინისტრის ინფორმაციით, ოპოზიციასთან მოლაპარაკებებში პარტიის თავმჯდომარე, პარლამენტის თავმჯდომარე და პარლამენტის ვიცე-სპიკერი ჩაერთვებიან. თავად ირაკლი ღარიბაშვილი პროცესში ჩართული არ იქნება. საქართველოს პრემიერ-მინისტრმა ირაკლი ღარიბაშვილმა ევროპული საბჭოს პრეზიდენტ შარლ მიშელის პირად წარმომადგენელთან, კრისტიან დანიელსონთან შეხვედრის შემდეგ მთავრობის ადმინისტრაციაში ბრიფინგი გამართა. მთავრობის მეთაურმა მედიის წარმომადგენლებს ინფორმაცია მიაწოდა იმის შესახებ, თუ ხელისუფლების მხრიდან ვინ იქნება ჩართული ოპოზიციასთან მოლაპარაკებებში.  „ჩვენი გუნდის გადაწყვეტილებით, ჩვენი მხრიდან ჩართული იქნება პარტიის თავმჯდომარე, პარლამენტის თავმჯდომარე, ასევე, ვიცე-სპიკერი ბატონო კახა კუჭავა, ბატონი კობახიძე და ბატონი თალაკვაძე, ეს რაც შეეხება ჩვენს ჩართულობას,“ – განაცხადა პრემიერმა.

პრემიერ-მინისტრმა „ნაცონალური მოძრაობის“ თავმჯდომარე ნიკანორ მელიას პატიმრობასთან დაკავშირებით განცხადება გააკეთა და აღნიშნა, რომ მას მაშინვე შეუძლია ციხის დატოვება, როგორც კი გირაოს გადაიხდის. „რაც შეეხება ბატონი მელიას პატიმრობას, კიდევ ერთხელ მინდა გავიმეორო, რომ პროკურატურამ გააკეთა ამის თაობაზე ძალიან ნათელი, მკაფიო განმარტება“ – ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის ადმინისტრაციაში გამართულ ბრიფინგზე, ჟურნალისტების კითხვის საპასუხოდ განაცხადა. „ბატონ მელიას შეუძლია გადაიხადოს გირაო ნებისმიერ დროს, ან მის ოჯახის წევრს, მის ოჯახს, ან მის თანაპარტიელებს, თანაგუნდელებს და გამოვიდეს ციხიდან ნებისმიერ დროს, თუნდაც დღეს“, – აღნიშნა მთავრობის მეთაურმა.

„ძალიან მარტივი გასაგებია ყველასთვის, რომ დანაშაულზე არ შეიძლება იყოს საუბარი, მაშინ, როდესაც არ არსებობს დაზარალებული, დაზარალებული ვართ ჩვენ, მე პირადად“ – ამის შესახებ საქართველოს პრემიერ-მინისტრმა, ირაკლი ღარიბაშვილმა, „ტვ პირველთან“ დაკავშირებით, ჟურნალისტის კითხვას უპასუხა. როგორც მთავრობის მეთაურმა აღნიშნა, მას აქვს კითხვა, რატომ უსმენდნენ მას, როგორც კერძო პირს და რატომ უსმენდნენ 15 წლის არასრულწლოვან ბერა ივანიშვილს. „ძალიან მარტივი გასაგებია ყველასთვის, რომ დანაშაულზე არ შეიძლებაიყოს საუბარი, როცა დაზარალებული არ არსებობს. დაზარალებულები ვართ ჩვენ, მე პირადად. პირველი კითხვა რაც მაქვს, რატომ მისმენდნენ მე, როგორც კერძო პირს, რატომ უსმენდნენ 15 წლის არასრულწლოვან ბერა ივანიშვილს, არც…

“მინდა შევახსენო ჩვენს ოპონენტებს, რომ 2021 წელია, ეს არ არის 2007 წელი, როდესაც მოხდა „იმედში“ შეჭრა და დარბევა; ეს ყველაფერი 2012 წელს დავასრულეთ“ – ასე ეხმიანება ირაკლი ღარიბაშვილი ტვ „პირველთან“ დაკავშირებულ პროცესებს. „რაც შეეხება „TV პირველის“ მიერ გავრცელებულ ინფორმაციას, თითქოს მთავრობა აპირებს რომელიმე ტელევიზიაში შეჭრას, ან მათ ტელევიზიაში შეჭრას, რა თქმა უნდა, ეს არის აბსოლუტურად, ყოველგვარ საფუძველს მოკლებული და აბსურდი“, – ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის ადმინისტრაციაში გამართულ ბრიფინგზე, ჟურნალისტების კითხვის საპასუხოდ განაცხადა. მთავრობის მეთაურმა ხაზი გაუსვა, რომ მთავრობის მხრიდან არავითარი შეჭრა არ იგეგმება. „მინდა შევახსენო ჩვენს ოპონენტებს,…

პრემიერ მინისტრმა ფარულ სატელეფონი ჩანაწერებზე განმარტებები გააკეთა და ახსნა, რატომ ურეკავდნენ და რა ურთიერთობა ჰქონდა მას ყოფილი მთავრობის მინისტრებთან.    პრემიერ-მინისტრმა რამდენიმე მინისტრი დაასახელა, ვისთანაც ის თანამშრომლობდა. ასევე, აღნიშნა, რომ მას კომუნიკაცია მიხეილ სააკაშვილის მეუღლესთან, სანდრა რულოვსთანაც ჰქონდა. „საუბარი იყო, რატომ ახსენებდა ბერა ივანიშვილი ჩემთან საუბარში, რომ მინისტრები დამირეკავდნენ. მინდა განმარტება გავაკეთო მოსახლეობისთვის. მოგეხსენებათ, მე რვა წლის განმავლობაში ვხელმძღვანელობდი ბიძინა ივანიშვილის საქველმოქმედო ფონდს, ჩვენ ვმართავდით არაერთ საქველმოქმედო პროექტს საქართველოში. ჩვენ 200-300 მილიონის პროექტები გვქონდა წლის განმავლობაში. სამი მილიარდი დოლარი აქვს დახარჯული ბატონ ბიძინას ამ ფონდის მეშვეობით, ჩვენი ქვეყნისთვის. მაშინ მე…

პრემიერ-მინისტრმა ირაკლი ღარიბაშვილმა გავრცელებულ ფარულ სატელეფონო ჩანაწერზე, სადაც თავად, ბერა ივანიშვილი და ანზორ ჩუბინიძე ფიგურირებენ, პირველი განმარტება გააკეთა და აღნიშნა, რომ ჩანაწერი ფაბრიკაციაა.    „კარგად გვესმის, რას ემსახურებოდა აღნიშნული პროვოკაცია, ვისგან მომდინარეობდა ეს პროვოკაცია. ეს არის მიხეილ სააკაშვილის მცდელობა, იმ ფონზე, როცა გამოიკვეთა პოლიტიკური შეთანხმების რეალური კონტურები ხელისუფლებასა და ოპოზიციას შორის, სწორედ მაშინ იყო გამოყენებული ეს უბინძურესი პროვოკაცია, სიყალბე, ფაბრიკაცია. ეს არის ყოვლად დაუშვებელი და მიუღებელი. დასაგმობია ეს ჩვენი მხრიდან, როგორც ხელისუფლების, ასევე ოპოზიციის მხრიდან“ – აღნიშნა პრემიერ მინისტრმა. მისივე განცხადებით, ოპოზიციის ჯანსაღი ნაწილი  აღნიშნულ პროვოკაციას უნდა გაემიჯნოს. „იმედი მაქვს,…