დღე: მარტი 9, 2021

ამ წუთებში, მცხეთის საქალაქო სასამართლოს შენობის წინ დაპირისპირებაა. სამართალდამცველებმა ერთი ადამიანი დააკავეს. ადგილზე სამართალდამცველების მაქსიმალური მობილიზება იყო, რადგანაც მოსამართლემ გიორგი შაქარაშვილის მკვლელობასთან დაკავშირებით ხუთივე ბრალდებულის განაჩენი გამოაცხადა. ხუთიდან 3 ბრალდებულის – არჩილ გაგნიძის, ნიკოლოზ რევაზიშვილისა და ვახტანგ ჩიქოვანს 16 წლიანი პატიმრობა შეუფარდეს. 2 არასრულწლოვნის საქმეზე განაჩენი კი 16 მარტს გამოცხადდება, თუმცა, სასამართლო ისინიც ბრალდებულებად სცნო. განაჩენის გამოცხადებას სასამართლოში ხმაური მოჰყვა, რომელის სასამართლოს ეზოში გაგრძელდა.

მოსამართლემ ფეხბურთელ გიორგი შაქარაშვილის მკვლელობისთვის ბრალდებულთა გადაწყვეტილება გამოაცხადა. მოსამართლემ სამ სრულწლოვანს 16 წლით თავისუფლების აღკვეთა მიუსაჯა, არასრულწლოვანთა სასჯელის ზომა კი მოსამართლეს დღეს არ გამოუცხადებია, თუმცა, ისინიც განძრახ მკვლელობაში მსჯავრდებულებად სცნო. მსჯავრდებულები თავს უდანაშაულოდ აცხადებენ და მოსამართლის განაჩენს ხმაურით შეხვდნენ.

ბრალდების მხარე და ოჯახი უმკაცრეს სასჯელს ითხოვს, დაცვის მხარე კი გამამართლებელ განაჩენს ელოდება. წინააღმდეგ შემთხვევაში, აქციებით იმუქრებიან. გარდაცვლილ ფეხბურთელ გიორგი შაქარაშვილის საქმეზე მოსამართლემ განაჩენი დღეს უნდა გამოაცხადოს. როგორც ბრალდების მხარემ მედიას განუცხადა, მათი ბრალდება საბოლოოდ დადასტურდება.          “ბრალდების მხარე თავის მტკიცებულებებში დარწმუნებულია. დარწმუნებულია იმაში, რომ ყველა ბრალდებულმა ჩაიდინა მკვლელობა. ერთადერთი მოლოდინი,რაც დღეს არსებობს, ეს არის გამამტყუნებელი განაჩენი“ – განუცხადა პროკურორმა დავით ყაზარაშვილმა  ჟურნალისტებს. ფეხბურთელ გიორგი შაქარაშვილის მკვლელობის საქმეზე 5 ბრალდებული საბოლოო განაჩენის მოლოდინშია.

სასამართლო პროცესზე, სადაც მოსამართლემ ფეხბურთელ გიორგი შაქარაშვილის მკვლელობის ბრალდებით დაკავებულებს განაჩენი უნდა გამოუტანოს, გარდაცვლილის დედა თამუნა შალვაშვილიც მივიდა. როგორც მან ჟურნალისტებს განუცხადა, ხუთივე ბრალდებული უმკაცრესად უნდა დაისაჯოს.     „ვითხოვ სამართლიან განაჩენს, ხუთივეს უმკაცრესად დასჯას“, – განუცხადა მედიას მოკლული ფეხბურთელის – გიორგი შაქარაშვილის დედამ. მკვლელობაში ბრალდებული 5 პირის საქმეზე განაჩენი მოსამართლემ დღესვე უნდა გამოაცხადოს.

გავრცელებულ ფარულ ჩანაწერებთან დაკავშირებით, რომელშიც ირაკლი ღარიბაშვილი და ბერა ივანიშვილი ფიგურირებენ, პროკურატურამ გამოძიება დაიწყო. აღნიშნულთან დაკავშირებით პროკურატურა განცხადებას ავრცელებს, რომელსაც „მედიაცენტრი მთავარი“ უცვლელად გთავაზობთ: „საქართველოს გენერალურ პროკურატურაში საჯაროდ გავრცელებული ფარული ჩანაწერების საფუძველზე, გამოძიება დაიწყო კერძო საუბრის უნებართვო ჩაწერის ან/და მიყურადების, ასევე კერძო კომუნიკაციის ჩანაწერის, ტექნიკური საშუალებით მოპოვებული ინფორმაციის უკანონოდ გამოყენებისა და გავრცელების ფაქტებზე, საქართველოს სისხლის სამართლის კოდექსის 158-ე მუხლის 1-ლი და მე-2 ნაწილებით გათვალისწინებული დანაშაულის ნიშნებით. საქმეზე მიმდინარე გამოძიების ფარგლებში, ჩატარდება ყველა საჭირო საგამოძიებო და საპროცესო მოქმედება ჩანაწერის მოპოვების და გავრცელების კანონიერების დასადგენად. გავრცელებული ჩანაწერების ავთენტურობის დადგენის მიზნით დაინიშნება შესაბამისი…

თბილისის მერმა კახა კალაძემ მედიასთან კიდევ ერთხელ გააკეთა განმარტება თანამდებობიდან წასვლასთან დაკავშირებით გავრცელებულ ინფორმაციაზე და მას ტყუილი უწოდა. მისი თქმით, ის არჩეული მერია და არსად წასვლას არ აპირებს. „ამასთან დაკავშირებით არაერთხელ გავაკეთე განცხადება, რომ ეს არის არასწორი ინფორმაცია. მიზანმიმართულად ხდება სიცრუის გავრცელება. ახლო მომავალში, როდესაც მოვა ამის დრო, ყველაფერს გაიგებთ იმასთან დაკავშირებით, მივიღებ არჩევნებში მონაწილეობას თუ არა. მე არასდროს არ გადამიდგამს ისეთი ნაბიჯები, რაც მალულად ან ჩუმად მოხდებოდა. ყველაფერი იქნება ცხადი, როდესაც ამის დრო მოვა. ყველაფერს აქვს თავისი დრო. დღეს ადრეა ამაზე საუბარი, ნუ ვჩქარობთ. მე დიდი პასუხიმგებლობა მაქვს აღებული…

თბილისის მერის, კახა კალაძის განცხადებით, დიალოგს ალტერნატივა არ აქვს და საჭიროა მმართველი პარტია და ოპოზიციური პარტიების წარმომადგენლები დასხდნენ მოლაპარაკების მაგიდასთან. მედიასთან საუბრისას კახა კალაძემ დიალოგის პროცესში კომპრომისების მნიშვნელობას გაუსვა ხაზი. „დიალოგს ალტერნატივა არ აქვს. გუნდი მიიღებს გადაწყვეტილებას იმასთან დაკავშირებით, პრემიერ-მინისტრთან ერთად კიდევ ვინ უნდა იყოს მოლაპარაკების მაგიდასთან. თუ ჩვენ ვფიქრობთ ჩვენი ქვეყნის განვითარებაზე, მომავალზე, იმაზე, რომ შევძლოთ ქვეყნის ეკონომიკური განვითარება, არსებული პანდემიის ძალიან სწრაფად დაძლევა, ამისთვის ძალიან მნიშვნელოვანია ქვეყანაში სიმშვიდე და სტაბილურობა. მინდა, კიდევ ერთხელ ხაზი გავუსვა, რომ დიალოგს და საუბარს, ასევე, კომპრომისებს  ალტერნატივა არ აქვს“, – აღნიშნა კახა კალაძემ.