დღე: მარტი 4, 2021

N3 პენიტენციურ დაწესებულებაში მსჯავრდებულმა თანამესაკნეს მძიმე დაზიანებები მიაყენა. ამის შესახებ აღნიშნულია სპეციალური პენიტენციური სამსახურის ინფორმაციაში. მათივე ინფორმაციით, დღეს დაახლოებით 10:11 საათზე N3 პენიტენციური დაწესებულების მსჯავრდებულმა ვ.ლ.-მ საკანში დახმარებისთვის დაუძახა პენიტენციური დაწესებულების თანამშრომლებს და უთხრა მათ, რომ მის თანამესაკნეს, ნ.ქ.-ს სამედიცინო დახმარება ესაჭიროებოდა. სპეციალური პენიტენციური სამსახურის ინფორმაციით, საკანში შესვლისას თანამშრომლებმა აღმოაჩინეს, რომ ვ.ლ.-ს ერთ-ერთი თანამესაკნეს (სულ საკანში სამი პატიმარი იყო), ნ.ქ.-ს თავისა და კისრის არეში დაზიანებები აღენიშნებოდა. „ნ.ქ.-ს პირველადი სამედიცინო დახმარება პენიტენციური დაწესებულების მედპერსონალმა აღმოუჩინა. ამასთან, დაუყოვნებლივ მოხდა მისი გადაყვანა სამოქალაქო სექტორის კლინიკაში, სადაც გადაუდებელი ქირურგიული ჩარევის შედეგად ექიმებმა პატიმრის გადარჩენა მოახერხეს, თუმცა მისი მდგომარეობა მძიმეა. რაც შეეხება მომხდარს, დაზიანება ნ.ქ.-ს სავარაუდოდ მისმა…

საქართველოს განათლების, მეცნიერების, კულტურისა და სპორტის სამინისტრომ პირველკლასელთა რეგისტრაციისთვის ვადები განსაზღვრა. რეგისტრაციის ვადებისა და ეტაპების შესახებ, საქართველოს განათლების, მეცნიერების, კულტურისა და სპორტის მინისტრის პირველმა მოადგილემ ეკატერინე დგებუაძემ სამინისტროში გამართულ ბრიფინგზე ისაუბრა. 2021-2022 სასწავლო წლისთვის სკოლებში დარეგისტრირებას შეძლებენ ბავშვები, რომლებსაც 6 წელი 15 სექტემბრის ჩათვლით უსრულდება. “რეგისტრაციის პირველ ეტაპზე, 2021 წლის 15 მარტიდან 2021 წლის 26 მარტის ჩათვლით სკოლებში დარეგისტრირდებიან სპეციალური საგანმანათლებლო საჭიროების ბავშვები. I ეტაპზე დასარეგისტრირებელი ბავშვების მშობლებმა განცხადებით უნდა მიმართონ სასურველ საჯარო სკოლას. სკოლის ადმინისტრაცია ბავშვს განათლების მართვის საინფორმაციო სისტემაში (EMIS) დაარეგისტრირებს. სპეციალური საგანმანათლებლო საჭიროების დადასტურების მიზნით, მშობელი სკოლაში…

თბილისის საქალაქო სასამართლოში გარდაცვლილი თამარ ბაჩალიაშვილის დედის, თეონა თამაზაშვილის გამოკითხვა დასრულდა. თამაზაშვილმა ჩვენება მაგისტრატი მოსამართლის წინაშე, მტკიცებულებების ფალსიფიკაციის საქმეზე მისცა, რომელიც საქმის ახალი ფიგურანტის, მარიამ შარაშიძის მიერ ბაჩალიაშვილების ოჯახისთვის მიწოდებულ მასალას შეეხება. როგორც თეონა თამაზაშვილმა ჟურნალისტებს განუცხადა, მას კითხვები მიმოწერის ამსახველი მასალის მოპოვებასთან და დროსთან დაკავშირებით დაუსვეს. ამასთან, თამაზაშვილი აცხადებს, რომ ბრალდების მხარეს მისი წყობიდან გამოყვანა სურს, რათა საქმე სტრასბურგის სასამართლოშია რ მოხვდეს. „როგორც ყოველთვის, უაზრო კითხვები იყო. ტელეფონებიც თვითონ აქვთ , „სქრინებიც“ და გადამოწმებაც თვითონ შეუძლიათ. მეკითხებოდნენ, როდის მომწერა მარიამმა, საათები და წუთები აინტერესებდათ. უნდათ, წონასწორობიდან გამომიყვანონ, რომ ამ საქმეს შევეშვა. ადვოკატებთან ერთად…

სამართალდამცავებმა 16 წელს მიუღწეველ პირთან სქესობრივი კავშირის ბრალდებით გორის მუნიციპალიტეტში ერთი პირი დააკავეს. შსს-ს ინფორმაციით, მომხდარ ფაქტზე გამოძიება სსკ-ის 140-ე მუხლით მიმდინარეობს, რაც ვადით რვიდან თორმეტ წლამდე თავისუფლების აღკვეთას ითვალისწინებს. შემთხვევა გორის მუნიციპალოტეტის ერთ-ერთ სოფელში მოხდა. არსებული ინფორმაციით, არასრულწლოვანს, რომელთან სქესობრივი კავშირის გამოც მამაკაცი დააკავეს, 13 წლის ასაკში შვილი შეეძინა და იგი სოციალური სააგენტოს ბავშვთა ზრუნვის სამსახურის მზრუნველობის ქვეშ იმყოფება.

შინაგან საქმეთა სამინისტროს ინფორმაციით, უწყების გენერალური ინსპექციის თანამშრომლებმა გატარებული საგამოძიებო-ოპერატიული ღონისძიებების შედეგად, მოსამართლის განჩინების საფუძველზე, დოკუმენტის გაყალბების, ორგანიზებული ჯგუფის მიერ დიდი ოდენობით თაღლითობის და თაღლითობის მცდელობის ბრალდებით ორგანიზებული ჯგუფის 5 წევრი დააკავა. დაკავებულთა შორის ერთ-ერთი შინაგან საქმეთა სამინისტროს თანამშრომელია. დანაშაული 7-დან 10 წლამდე თავისუფლების აღკვეთას ითვალისწინებს. გამოძიებით დადგინდა, რომ ბრალდებულები ყალბი დოკუმენტაციის გამოყენებით ცდილობდნენ ერთ-ერთი მოქალაქის დეპოზიტზე არსებული თანხის თაღლითურად დაუფლებას. დოკუმენტის გაყალბების, დიდი ოდენობით ორგანიზებული ჯგუფის მიერ თაღლითობის და თაღლითობის მცდელობის ფაქტებზე გამოძიება საქართველოს სისხლის სამართლის კოდექსის 362-ე, 180-ე და 19-180-ე მუხლებით მიმდინარეობს.

ჯარისკაცის გარდაცვალების მიზეზებთან დაკავშირებით ექსპერტები დასკვნას ელოდებიან, ალქესანდრე გეჯაძე ამბობს, რომ ვერსიები, როგორც მკვლელობის, ისევე თვითმკვლელობის დასაშვებია: „შუბლის არეში არსებული ჭრილობა უნდა ასახავდეს ტყვიის შემავალ ხვრელს, მეორე ჭრილობა კი გამოსავალი, სავარაუდოდ ჭრილობის არსის მიმართულებაა ზემოდან ქვემოთ, საკუთარი ხელით შეეძლო თუ არა მიეყენებინა ჯარისკაცს დაზიანება, ამისათვის საჭიროა სროლის მანძილის დადგენა. ცხადია ჩატარდებოდა ფიზიკურ – ტექნიკური კვლევა და ამ დასკვნების შემდეგ გახდება ცხადი ადგილი ჰქონდა მკვლელობას თუ თვითმკვლელობას,“ – აცხადებს ალექსანდრე გეჯაძე. ჯარისკაცის ოჯახი მომხდარს პირად პრობლემას უკავშირებს. ცნობისთის, მომხდართან დაკავშირებით თავდაცვის სამინისტრომ დღეს დილით ინფორმაცია გაავრცელა: „ მე-4 მექანიზებული ბრიგადის ტერიტორიაზე…

მინდა, ძალიან მკაფიოდ განვაცხადო, რომ პარლამენტი, ისევე როგორც საკონსტიტუციო რეფორმის დროს, დღესაც მტკიცედ უჭერს მხარს ანაკლიის პორტის პროექტს, – ამის შესახებ საქართველოს პარლამენტის თავმჯდომარემ არჩილ თალაკვაძემ განაცხადა. თალაკვაძე პორტთან დაკავშირებით პრემიერ-მინისტრის ირაკლი ღარიბაშვილის განცხადებას მიესალმება. „დღეს ძალიან მნიშვნელოვანი განცხადება მოვისმინეთ პრემიერ-მინისტრის მხრიდან ანაკლიის პორტთან, ამ ეკონომიკურ პროექტთან დაკავშირებით. მეც მინდა, ძალიან მკაფიოდ განვაცხადო, რომ პარლამენტი, ისევე როგორც საკონსტიტუციო რეფორმის დროს, დღესაც მტკიცედ უჭერს მხარს ანაკლიის პორტის პროექტს. მისი განვითარების და განხორციელების შესაძლებლობისთვის მაქსიმალურ ჩართულობას გამოვხატავთ და მივესალმებით პრემიერ -მინისტრის ძალიან მკაფიო განცხადებას ამ პორტთან დაკავშირებული პრიორიტეტის შესახებ. მოგეხსენებათ, რომ ხელისუფლებამ…

საქართველოს შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა, ჩატარებული ოპერატიული და საგამოძიებო ღონისძიებების შედეგად, 1984 წელს დაბადებული ზ.ს. განზრახ მკვლელობის, დამამძიმებელ გარემოებაში ჩადენილი განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა-შენახვის ბრალდებით დააკავეს. „გამოძიებით დადგინდა, რომ ბრალდებულმა, წარსულში არსებული უთანხმოების გამო მომხდარი ურთიერთშელაპარაკებისას, ორი პირი – 2001 წელს დაბადებული შ.ქ. და 1988 წელს დაბადებული თ.გ. ცეცხლსასროლი იარაღიდან გასროლით დაჭრა. მიყენებული ჭრილობების შედეგად, შ.ქ. ინგოროყვას სახელობის კლინიკაში მიყვანის შემდეგ გარდაიცვალა, თ.გ. კი ღუდუშაურის სახელობის კლინიკაში მკურნალობს და მის სიცოცხლეს საფრთხე არ ემუქრება. სამართალდამცველებმა დანაშაულის ჩადენის იარაღი შემთხვევის ადგილის…

პრემიერ-მინისტრის ირაკლი ღარიბაშვილის განცხადებით, თუ ეპიდვითარება გაუარესდება, მთავრობა იძულებული გახდება შეზღუდვები ისევ დააწესოს. როგორც პრემიერმა მთავრობის სხდომის დაწყებამდე აღნიშნა, ვირუსის პრევენციისთვის პირბადის ტარება აუცილებელია. “ბოლო დღეების განმავლობაში ვხედავთ, რომ შემცირებულია კოვიდინფიცირებულთა რაოდენობა, მიუხედავად ამისა, მინდა შემთხვევით ვისარგებლო და კიდევ ერთხელ მოვუწოდო საზოგადოებას, რომ პირბადის ტარება და შესაბამისად, მთავრობის მხრიდან ამის კონტროლი არის აუცილებელი ღონისძიება და პრევენცია. კიდევ ერთხელ მივმართავ მოსახლეობას, რომ პირბადის ტარება აუცილებელია და ამ მიმართულებით ყველამ ერთად უნდა ვიზრუნოთ. მოგეხსენებათ, შევამსუბუქეთ აღნიშნული შეზღუდვები, ყველა ეს ღონისძიება ემსახურებოდა იმას, რომ ეკონომიკა მაქსიმალურად სწრაფად აღდგეს და გაიხსნას. მეორეს მხრივ, უნდა გვახსოვდეს, რომ რა თქმა უნდა, თუ…

 სამხედრო მოსამსახურემ გუშინ გვიან ღამით, სამსახურებრივი მოვალეობის შესრულების დროს თვითმკვლელობის მიზნით თავისივე ავტომატური იარაღიდან გაისროლა. ჯარისკაცი დაუყონებლივ გადაიყვანეს საავადმყოფოში შესაბამისი სამედიცინო მომსახურების აღმოჩენის მიზნით, თუმცა სამწუხაროდ მისი გადარჩენა ვერ მოხერხდა. „როგორც ვიცით ეს უბედური შემთხვევა მეგობარ გოგოსთან დაკავშირებით მოხდა, ჯარში ანერვიულების ფაქტის არანაირი შემთხვევა არ ყოფილა, პირიქით ძალიან კარგი ურთიერთობა ჰქონდა ბიჭებთანაც, სერჟანტებთანაც, ოფიცრებთანაც“, – განაცხადა გარდაცვლილი სამხედროს ძმამ.

პრემიერ-მინისტრ ირაკლი ღარიბაშვილის განცხადებით, დღევანდელ მთავრობის სხდომაზე დამტკიცდება საკითხი, სახელმწიფო კომისიის შექმნის საკითხი, რომელიც უახლოესი 3 თვის განმავლობაში ეკონომიკური განვითარების გეგმაზე იმუშავებს. კომისია პირველ დოკუმენტს მაისის ბოლოს წარადგენს. გარდა ამისა, როგორც ირაკლი ღარიბაშვილმა აღნიშნა, ქვეყანაში ერთ-ერთ მთავარ გამოწვევად, ეკონომიკური სიდუხჭირე რჩება. “როგორც მე დავაინიცირე, ჩვენი ერთ-ერთი მთავარი პრიორიტეტი იქნება ჩვენი ქვეყნის ეკონომიკის განვითარების გრძელვადიანი გეგმის შემუშავება და ამის წარმოდგენა. დღეს ჩვენ მთავრობის სხდომაზე დავამტკიცებთ საკითხს, რომელიც ეხება სახელმწიფო კომისიის შექმნას, რომელიც იმუშავებს უახლოესი 3 თვის განმავლობაში ეკონომიკური განვითარების გეგმაზე და პირველ დოკუმენტს წარმოადგენს მაისის ბოლოს. კომისიაში მონაწილეობას მიიღებენ ყველა ის დაინტერესებული პირები, როგორიც…