დღე: თებერვალი 18, 2019

„ეს არის სრული აბსურდი, უკაცრავად, მაგრამ ბოდვას ჰგავს” , – ასე უპასუხა “თი-ბი-სი ბანკის” სამეთვალყურეო საბჭოს თავმჯდომარის მოადგილე ბადრი ჯაფარიძემ საგანგებო ბრიფინგზე ჟურნალისტის შეკითხვას, რომელიც ლატვიაში ფულის გათეთრებასთან მიმდინარე საქმეზე “თი-ბი-სი ბანკის” შესაძლო კავშირს გულისხმობდა და მისივე ინფორმაციით, „ბლუმბერგში“ გამოქვეყნებულ მასალას ეხებოდა.  „ეს არის სრული აბსურდი, უკაცრავად, მაგრამ ბოდვას ჰგავს. ჩვენ ვართ საჯარო კომპანია, ჩვენ ვართ ლონდონის საფონდო ბირჟის პრემიუმ სეგმენტში და ლონდონის საფონდო ბირჟის ინდექსის ნაწილი, რაც თავისთავად არის უპრეცედენტო მიღწევა ქართული კომპანიისთვის, იქ რომ მოხვდეთ, უნდა გაიაროთ ისეთი ტიპის შემოწმება, რომელიც გამორიცხავს არა მხოლოდ ფულის გათეთრებაზე საუბარს, არამედ…

“ბევრი სპეკულაცია მოვისმინეთ ამ თემასთან დაკავშირებით. მთელი გულწრფელობით ვლაპარაკობთ, რომ არც ანაკლიას ვეფარებით და არც ბანკს, მინდა ამაზე ხაზგასმით გითხრათ” – ამის შესახებ “თი-ბი-სი ბანკის” ერთ-ერთმა დამფუძნებელმა მამუკა ხაზარაძემ, საგანგებო პრესკონფერენციაზე, ჟურნალისტის კითხვის საპასუხოდ განაცხადა. „თქვენ იცით, რომ ბოლო ხუთი წელი მიმდინარეობს მოლაპარაკება საფინანსო ინსტიტუტებთან და პრაქტიკულად, რამდენიმე კვირის წინ, ყველა საფინანსო ინსტიტუტმა დაამთავრა ე.წ. პროექტის ყველა ასპექტის შესწავლა, ჩვენ მათთან ხელი მოვაწერეთ ერთი წლის წინ, სწორედ ამ დროს და ჩვენ ველოდებით ფინანსურ თანხმობას, რომელიც არის საკმაოდ რთული პროცესი მაისი-ივნისის თვეში. ეს დაჩქარებული გამოძიება, რომელიც დაიწყო პროკურატურის მიერ და იმ…

„თი-ბი-სის“ დაარსების დღიდან, ჩვენს მთავარ ღირებულებას წარმოადგენს გამჭვირვალობა, პატიოსნება და კანონმორჩილება. როგორც თქვენთვის ცნობილია, „თი-ბი-სი ბანკმა“ სასამართლოში გაასაჩივრა 11 წლის წინანდელ საქმეზე გამოტანილი რეგულატორის ყველა გადაწყვეტილება, ველოდებით მართლმსაჯულებას, – ამის შესახებ „თი-ბი-სი ბანკის“ ერთ-ერთმა დამფუძნებელმა, სამეთვალყიურეო საბჭოს თავმჯდომარე მამუკა ხაზარაძემ სასტუმრო “რუმსში” გამართულ სპეციალურ პრესკონფერენციაზე ისაუბრა.   როგორც მამუკა ხაზარაძემ განაცხადა, ქვეყნის საინვესტიციო გარემოსა და ეკონომიკაზე ნეგატიური ზეგავლენის თავიდან ასაცილებლად, მზადაა, ეროვნულ ბანკთან ერთად, დიალოგის რეჟიმში განაგრძოს გამოსავლის ძიება. „ჩვენ დღეს შევიკრიბეთ, რომ საზოგადოებას, პარტნიორებს, აქციონერებს, თანამშრომლებს და ყველა დაინტერესებულ მხარეს გაცნობოთ, რომ ვართ ძლიერი ფინანსური ინსტიტუტი, ძლიერი ერთიანი გუნდი…

ჯანდაცვის მინისტრმა დავით სერგეენკომ, ე.წ. ციანიდის საქმეზე მსჯავრდებული დეკანოზი გიორგი მამალაძე ღუდუშაურის კლინიკაში მოინახულა და მისი ჯანმრთელობის მდგომარეობით დაინტერესდა. მოისმინა ინფორმაცია მისი მკურნალი ექიმისა და ექიმ-სპეციალიტებისგან.   როგორც მინისტრმა ჟურნალისტებს განუცხადა, სანმოკლე საუბარი ჰქონდა მსჯავრდებულთანაც, ის კონტაქტური და ადეკვატურია, თუმცა აქვს ნევროლოგიური სიმპტომატიკა, რომლის წარმოშობის მიზეზების დადგენა ამჟამად მიმდინარეობს. “სანამ ეს სიმპტომები იქნება, ის იქნებ სამედიცინო დაკვირვების ქვეშ”, – განაცხადა დავით სერგეენკომ. მისივე ინფორმაციით, დეკანოზთან საუბრის თემა, მისი ჯანმრთელობის მდგომარეობას შეეხებოდა.   “ხანმოკლე გასაუბრება გვქონდა მასთან პალატაში. მის სამედიცინო ჩივილებზე. საუბრის თემა მისი ჯანმრთელობის მდგომარეობას შეეხებოდა, რომ არც ერთი ჩივილი არ დარჩეს…

“მაგთიკომის” აბონენტები დღეიდან ნომრის საფასურს 1 ლარს გადაიხდიან. „მაგთიკომის“ აბონენტებისთვის ნომრის მომსახურების საფასური დღეიდან ამოქმედდა. 180 დღეზე გადასახადი ერთ ლარს შეადგენს. თანხა ნომრის ანგარიშიდან ავტომატურად ჩამოიჭრება. როგორც კომუნიკაციების ეროვნულ კომისიაში აცხადებენ, ტარიფების ზრდის შეჩერებასთან დაკავშირებით, კომისიის მიერ, 14 თებერვალს მიღებული გადაწყვეტილება, ნომრის მომსახურების საფასურზე არ გავრცელდა. კომისიამ შეაჩერა „მაგთიკომის“ პაკეტების ღირებულების გაზრდა. ასევე, კომპანიას დაავალა, არსებული 25-ლარიანი ულიმიტო პაკეტი ძალაში დატოვოს.

ჯგუფ “ქუჩის ბიჭების” წევრის, მომღერალ ირაკლი ნოზაძის განზრახ მკვლელობაში ბრალდებულ თამთა ჯანჯღავას ადვოკატი არჩილ შაბაშვილი, არ ეთანხმება სასამართლო გადაწყვეტილებას და აცხადებს, რომ ის დანაშაულის ადეკვატური არ არის. შესაბამისად, აპირებს სასამართლო გადაწყვეტილება, რომლის მიხედვითაც თამთა ჯანჯღავას 8 წლით თავისუფლების აღკვეთა მიესაჯა, სააპელაციო სასამართლოში გაასაჩივროს. როგორც არჩილ შაბაშვილმა “მედიაცენტრ მთავარში” გამართულ პრესკონფერენციაზე განაცხადა, მოსამართლემ ჩათვალა, რომ სახეზე იყო განზრახ მკვლელობის მცდელობა, ანუ თამთა ჯანჯღავას სურდა მოეკლა ირაკლი ნოზაძე, რაც სიმართლეს არ შეესაბამება.  ​ადვოკატის თქმით, არსებობს მთელი რიგი მტკიცებულებები, მათ შორის, ჟურნალისტების მიერ გავრცელებული კადრები, სადაც ნათლად ჩანს და ეს დაზარალებულმაც აღიარა, რომ ქალს…

საერთაშორისო სავაჭრო პალატის ეროვნული კომიტეტის თავმჯდომარე ფადი ასლი “თი-ბი-სი ბანკისა” და ანაკლიის პორტის გარშემო განვითარებულ მოვლენებს ეხმაურება და ეროვნული ბანკის პრეზიდენტს მოუწოდებს, პოლიტიკური დაკვეთის შესრულების შემთხვევაში, დაუყოვნებლივ გადადგეს. “ჩვენი დაზვერვის გაერთიანების ინფორმაციით, არსებობს ორი სცენარი – ანაკლიის პორტს საერთოდ გაჩერდება, რადგან შეიძლება რუსეთთან ინტერესთა კონფლიქტი გამოიწვიოს; მეორე სცენარია ის, რომ ივანიშვილი შეეცდება, დააშინოს ანაკლიის კონსორციუმის პოტენციური პარტნიორები. ხაზარაძისა და ჯაფარიძის დადანაშაულებით არარსებულ ფინანსურ მაქინაციაში, მსხვილი ინვესტორები ყოველთვის ატარებენ მოკვლევას მომავალი პარტნიორების შესახებ. როდესაც რაიმე საეჭვოს აღმოაჩენენ ან შეიტყობენ, რომ მათ წინააღმდეგ აღძრულია საქმე, ბუნებრივია, თანამშრომლობისგან თავს იკავებენ. მოვუწოდებთ ეროვნული ბანკის…

ხადას ხეობაში ამერიკელი ოჯახის, სმიტების მკვლელობაში ბრალდებული 19 წლის მწყემსის ​სასამართლო პროცესს, საქართველოში აშშ-ს საკონსულოს წარმომადგენლები დაესწრებიან.   ​როგორც ბრალდებულ მალხაზ კობაურის ადვოკატმა, ​ალექსანდრე კობაიძე “მედიაცენტრ მთავარში” გამართულ პრესკონფერენციაზე განაცხადა, აშშ-ში გამგზავრება და მოკლულის ოჯახის წევრებთან შეხვედრა მას ერთი თვის წინათ სცადა, მაგრამ მაშინ აშშ-ს საკონსულოსგან უარი მიიღო. ამჯერად კონსულმა თავად ისურვა ბრალდებულის ადვოკატებთან შეხვედრა და საქმის დეტალებით დაინტერესდა.  “აშშ-ს ხელისუფლების მხრიდან აქამდე, აქტიურობა არ შეინიშნებოდა, თუმცა ახლა კონსულისგან თანხმობა მივიღეთ. ეს ძალიან კარგია და ნიშნავს იმას, რომ დაცვის მხარე სწორი მიმართულებით მიდის და კობაურის ბრალეულობასთან დაკავშირებით კითხვები არსებობს. ჩემის აზრით, მათაც შეეცვალათ, გარკვეულ წილად, მიდგომები და ისინიც უკვე დაინტერესდნენ, შესაძლებელია…

საქართველოში რეგისტრირებული ავტოსატრანსპორტო საშუალების მფლობელებისთვის 2019 წლის 1 ივლისიდან სამოქალაქო პასუხისმგებლობის სავალდებულო დაზღვევა ამოქმედდება. საქართველოში რეგისტრირებული ყველა ავტოსატრანსპორტო საშუალების მფლობელი ვალდებული იქნება, დააზღვიოს თავისი სამოქალაქო პასუხისმგებლობა მის მფლობელობაში არსებულ ავტოსატრანსპორტო საშუალებაზე. დაზღვევის პერიოდი განისაზღვრება 1 წლის ვადით. კონპროექტის დასახელებაა: „საქართველოში რეგისტრირებული ავტოსატრანსპორტო საშუალების მფლობელის სამოქალაქო პასუხისმგებლობის სავალდებულო დაზღვევის შესახებ“. მის მიხედვით, წლიური სადაზღვევო პრემიის მინიმალური და მაქსიმალური ოდენობები განისაზღვრება ავტოსატრანსპორტო საშუალებების კატეგორიების მიხედვით: მოტოციკლისათვის, რომლის ძრავის მუშა მოცულობა 50 სმ3-ზე მეტია – 75.00 – 110.00 ლარი; მსუბუქი ავტომობილისათვის, რომლის ნებადართული მაქსიმალური მასა 3 500 კგ-ს, ხოლო დასასხდომი ადგილების (გარდა მძღოლის…

ანალიტიკოსი ნიკა ჩიტაძე მიიჩნევს, რომ უკრაინის ეკლესიის ავტოკეფალიის აღიარებით ქართულ სახელმწიფოს, რაიმე საფრთხე არ დაემუქრება. ხოლო შიში, რომ სანაცვლოდ რუსეთი აფხაზეთის ეკლესიის ავტოკეფალიას აღიარებს, უსუსური არგუმენტია. როგორც “მედიაცენტრ მთავარს” ნიკა ჩიტაძემ განუცხადა, არსებობს მსოფლიო საეკლესიო საბჭო, რომელშიც გაწევრიანებულნი არიან პროტესტანტული და მართლმადიდებლური ეკლესიები. აფხაზეთის ე.წ. ავტოკეფალიურ ეკლესიას არავინ არსად მიიღებს, ის დღესაც გამოსულია ქართული ეკლესიის იურისდიქციიდან. მისივე თქმით, საქართველოს ხელისუფლებას ხელს არაფერი უშლიდა, რომ მეგობრული ჟესტი გამოეხატა. აშშ-ს ხელისუფლების მსგავსად, გაეკეთებინა ოფიციალური განცხადება და მისალმებოდა უკრაინის ავტოკეფალიის აღიარებას.  “როგორც ჩანს, ქართული მართლმადიდებლური ეკლესია ფრთხილობს. უფრო სწორად, დრო გაჰყავთ. სამწუხაროდ ქართულ…