დღე: იანვარი 30, 2019

2020 წელს საქართველოში 270 მგვტ დადგმული სიმძლავრის ქარის 5 ახალი ელექტროსადგური ამოქმედდება, – ამის შესახებ ეკონომიკისა და მდგრადგი განვითარების მინისტრის მოადგილე ნათია თურნავამ, ეკონომიკურ კონფერენციაზე „საქართველო და მსოფლიო 2019“, სიტყვით გამოსვლისას განაცხადა. „ჩვენ ჩავატარეთ კვლევები ქარის ენერგიის პოტენციალის შესასწავლად, რომლის თანახმადაც საქართველოს ელექტროსისტემას აქვს ქარის ინტეგრირების ფიქსირებული შესაძლებლობები, რომელიც იზრდება დროთა განმავლობაში“, – აღნიშნა ეკონომიკისა და მდგრადი განვითარების მინისტრის მოადგილემ. მისი თქმით, ტექნოლოგიების განვითარება იწვევს ქარის სადგურების მიერ გამომუშავებული თვითღირებულების შემცირებას, რაც აღნიშნულ მიმართულებას ინვესტირებისთვის მიმზიდველს ხდის. განახლებადი ენერგიების ქსელთან ინტეგრირების კვლევის თანახმად, ქარის ენერგეტიკიდან საქართველოს შეუძლია მიიღოს 2020 წლისთვის 332…

რამდენიმე დღის წინ გარდაცვლილი 4 წლის გოგონას საქმესთან დაკავშირებით, ორი უფროსი სოციალური მუშაკის და ორი სოციალური მუშაკის პასუხისმგებლობა გამოიკვეთა, – ამის შესახებ ჯანდაცვის მინისტრის მოადგილე თამარ ბარკალაიამ სამინისტროში გამართულ პრესკონფერენციაზე განაცხადა. ბარკალაიას თქმით, შიდა მოკვლევის შედეგად, ისინი დაკავებული თანამდებობიდან გაათავისუფლეს. პირადი განცხადების საფუძველზე თანამდებობა დატოვა სოციალური მომსახურების სააგენტოს მეურვეობა-მზრუნველობისა და სოციალური პროგრამების დეპარტამენტის უფროსმა. “4 წლის ბავშვის გარდაცვალების საქმეზე მიმდინარეობდა შიდა მოკვლევა სამინისტროს შიდა აუდიტის დეპარტამენტის მიერ და ეს მოკვლევა დასრულებულია, რის შედეგადაც გამოიკვეთა იმ ორი უფროსი სოციალური მუშაკის და ორი სოციალური მუშაკის პასუხისმგებლობა, რომლებსაც უშუალოდ ევალებოდათ ბავშვის საქმის მართვა. აღნიშნული სოციალური მუშაკები დღეიდან გათავისუფლებული…

თბილისში საბავშვო ბაღის პედაგოგი ნარკოდანაშაულის ბრალდებით დააკავეს. 44 წლის ქალბატონს დიდი ოდენობით ნარკოტიკული ნივთიერება სამართალდამცველებმა სამალავში აღმოუჩინეს. ის პოლიციამ საკუთარი სახლიდან აიყვანა. დაკავებული თბილისის 25-ე საჯარო ბაგა-ბაღის აღმზრდელია, სადაც ის ბოლო 4 წლის განმავლობაში მუშაობდა. პედაგოგს 130 აბი ბეპრენორფინის შემცველი სუბოტექსი აღმოუჩინეს, მას ამ დროისათვის შეჩერებული აქვს საქმიანობის უფლება და თბილისის საქალაქო სასამართლოს მოსამართლის გადაწყვეტილებით, წინასწარ პატიმრობაში იმყოფება. პედაგოგს კოლეგები და აღსაზრდელთა მშობლები დადებითად ახასიათებენ და ამბობენ, რომ ამ პერიოდის განმავლობაში მისთვის საეჭვო არაფერი შეუნიშნავთ. საქმე აღძრულია სისხლის სამართლის კოდექსის 260-ე მუხლით, რაც განსაკუთრებით დიდი ოდენობით ნარკოტიკული საშუალებების შეძენა-შენახვას გულისხმობს.…

საპარლამენტო უმრავლესობის წევრი დიმიტრი ხუნდაძე ეკა ბესელიასთან დაკავშირებით ფარული ვიდეო ჩანაწერის გავრცელებას ხელისუფლების ხელისუფლებასთან კავშირს გამორიცხავს და ამბობს, რომ ეს ქმედება ყველაზე წამგებიანი სწორედ ხელისუფლებისთვის იყო. „ნებისმიერ ქმედებას აქვს მიზანი და შედეგი. ამ ქმედების მიზანი გასაგებია, მაგრამ რა არის შედეგი? ეს სახეზეა, ხელისუფლების ორდღიანი ლანძღვა-გინება. როგორ ფიქრობთ, საკუთარი თავის საწინააღმდეგომ ხელისუფლება ამას გააკეთებდა? ეს ბრიყვული ფიქრია. ამიტომ, ყველას, ვინც მმართველი გუნდისკენ იშვერს ხელს, ვთხოვ, კარგად დაფიქრდეს. ვინც ეს ჩაიდინა, შედეგს მიაღწია – ხელისუფლება გაილანძღა“ – აცხადებს დეპუტატი. მისი შეფასებით, ყველა უმკაცრესად უნდა დაისაჯოს, ვინც მსგავს ქმედებას განახორციელებს: „რაც შეეხება პირადი…

გამოხატვის თავისუფლების კონსტიტუციურ პრინციპებთან სწორი ბალანსის მონახვის შემთხვევაში საქართველოს პარლამენტმა, შესაძლოა, ცილისწამებისა და ბილწსიტყვაობის შესახებ კანონი მიიღოს. ​როგორც პარლამენტის თავმჯდომარე ირაკლი კობახიძე აცხადებს, ეს ძალიან რთული და კომპლექსური საკითხია. ბილწსიტყვაობა ყოველდღიურობად იქცა, რაც ქართული საზოგადოებისთვის ყოველთვის მიუღებელი იყო.  ​მისივე თქმით, თანდათან, ხელოვნურად თუ არახელოვნურად არის მცდელობა, ბილწსიტყვაობა საჯარო სივრცეში დამკვიდრდეს. ამ თვალსაზრისით პრობლემაა ე.წ. ფეიკნიუსებიც, ანუ ცრუ ინფორმაციის გავრცელება რაც საგარეო საფრთხეებს უკავშირდება. „საზოგადოებაში გვაქვს პრობლემა. ბილწსიტყვაობა ყოველდღიურობად იქცა, რაც ჩვენს კულტურასთან მაინცდამაინც თავსებადი არ იყო. თუმცა, თანდათან, ხელოვნურად, თუ განზრახ ცდილობენ, ბილწსიტყვაობა საჯარო სივრცეში დაამკვიდრონ, რაც პირადად ჩემთვის და ძალიან ბევრი ადამიანისთვის მიუღებელია.…

NDI-ის მიერ ჩატარებული კვლევის მიხედვით, გამოკითხულთა უმრავლესობა ფიქრობს, რომ სასამართლოში, პარლამენტში, პროკურატურაში, პოლიციასა და პარტიებში კორუფციაა. კითხვაზე, თქვენი აზრით, რამდენად გავრცელებულია საქართველოში კორუფცია, გამოკითხულთა 30% თვლის, რომ ძალიან გავრცელებულია, 21% ფიქრობს, რომ საერთოდ არ არის გავრცელებული, ხოლო 34%-ის აზრით, ქვეყანაში კორუფცია მეტ-ნაკლებადაა გავრცელებული. რაც შეეხება კორუფციას ინსტიტუტებში, გამოკითხულთა 13 % ფიქრობს, რომ სამინისტროებში კორუფცია „ძალიან გავრცელებულია“, 40 % მიიჩნევს, რომ „მეტ-ნაკლებად გავრცელებულია“, 14 %-ის აზრით, „საერთოდ არ არის კორუფცია“, 33 %-მა კი პასუხზე უარი არ იცის. ადგილობრივი თვითმმართველობები (საკრებულო, მერია, გამგეობა): გამოკითხულთა 12 %-ის აზრით, კორუფცია „ძალიან გავრცელებულია“, 39 %…

“ეროვნულ-დემოკრატიული ინსტიტუტის” გამოკითხულთა 53% დასავლური სტილის დემოკრატიულ რესპუბლიკას, 10% ყოფილი საბჭოთა კავშირის სისტემას, 10% კი, ძლიერ ავტორიტარულ სისტემას უჭერს მხარს. კითხვაზე, რომელი პოლიტიკური სისტემაა საქართველოსთვის ყველაზე შესაფერისი, გამოკითხულთა 53%-მა უპასუხა, რომ დასავლური სტილის დემოკრატიული რესპუბლიკა. გამოკითხულთა 11% ფიქრობს, რომ საქართველოსთვის შესაფერისია სისტემა, რომელსაც ბევრი საერთო აქვს საბჭოთა სისტემასთან, მაგრამ უფრო დემოკრატიული და ბაზარზე ორიენტირებულია. გამოკითხულთა 10% ყოფილი საბჭოთა კავშირის სისტემას უჭერს მხარს; ასევე 10% უჭერს მხარს ძლიერ ავტორიტარულ სისტემას, რომელიც წესრიგს თავისუფლებაზე მაღლა აყენებს. გამოკითხულთა 2% მონარქიის ან ავტოკრატიის მომხრეა, სადაც მმართველობა თაობიდან თაობას გადაეცემა. კვლევის საველე სამუშაოები ჩატარდა 6-20 დეკემბრის…

„მოსამართლეების არჩევასთან დაკავშირებით პრაგმატული გადაწყვეტილება უნდა მივიღოთ. ამოსავალი წერტილი უნდა იყოს ის, რომ სისტემამ ადამიანის სასარგებლოდ უნდა იმუშაოს და ადამიანის უფლებები სათანადოდ უნდა დაიცვას“, – განაცხადა პარლამენტის თავმჯდომარე ირაკლი კობახიძემ. მოსამართლეთა დანიშვნის საკითხზე საუბრისას ირაკლი კობახიძემ აღნიშნა, რომ გუნდისთვის მთავარი ფასეულობა იმაში მდგომარეობს, ადამიანის უფლებები იყოს დაცული. „ეს არის „ქართული ოცნების“ ასევე მთავარი მიღწევა და ერთ-ერთი ინსტრუმენტი, რის საფუძველზეც ამის მიღწევა მოხერხდა, სწორედ სასამართლო ხელისუფლება იყო. 2012 წლის ბოლოს, 2013 წლისთვის, იყო ძალიან რთული მდგომარეობა. პირველ რიგში, იქიდან გამომდინარე, რომ ხელისუფლებასთან კავშირის გამო, სასამართლო ხელისუფლება ხელისუფლების ნაწილი იყო, სისტემა ზოგადად…