დღე: იანვარი 14, 2019

შინაგან საქმეთა მინისტრი გიორგი გახარია, ძველით-ახალ წელს საოკუპაციო ხაზთან შეხვდა. მინისტრმა განმუხურის საგუშაგოზე, განსაკუთრებულ დავალებათა დეპარტამენტის თანამშრომლებს შობა-ახალი წელი პირადად მიულოცა და საჩუქრები გადასცა. როგორც “მედიაცენტრ მთავარს” შსს-ს პრესსამსახურში განუცხადეს, განმუხურის გარდა, შინაგან საქმეთა მინისტრი საოკუპაციო ხაზთან, რუხში, ხურჩასა და ფახულანში განლაგებულ რამდენიმე საგუშაგოს, ასევე, ზუგდიდის პოლიციის დეპარტამენტს ეწვია. ” განსაკუთრებულ დავალებათა დეპარტამენტის თანამშრომლები ოკუპირებული ხაზის გასწვრივ, საქართველოს კონტროლირებად ტერიტორიაზე მცხოვრები მოსახლეობის უსაფრთხოებას უზრუნველყოფენ, საზოგადოებრივ წესრიგს იცავენ და საოკუპაციო ხაზთან დაკავშირებული გზებისა და გადასასვლელებს აკონტროლებენ”, – აცხადებენ სამინისტროში.

ქვემო ქართლის ყოფილი გუბერნატორი და პარტია “ნაციონალური მოძრაობის” წევრი დავით კირკიტაძე, გუბერნატორობის პერიოდში სამსახურებრივი უფლებამოსილების ბოროტად გამოყენების ნაწილში სასამართლომ უდანაშაულოდ ცნო. გადაწყვეტილება, მოსამართლე გიორგი დარახველიძემ დღეს გამოაცხადა. მას აღკვეთის ღონისძიება გირაოც გაუუქმდა. დავით კირკიტაძის მიმართ გამოძიება სხვა სისხლის სამართლის საქმეზეც მიმდინარეობს. გამოძიება მას ველისციხეში, 16 დეკემბერს გამართულ აქციაზე პოლიციელზე თავდასხმას, ფიზიკურ შეურაცხყოფას და ქონების დაზიანებას ედავება. აღნიშნულ საქმეზე კირკიტაძეს აღკვეთის ღონისძიების სახით პატიმრობა აქვს შეფარდებული.

პარლამენტის იურიდიულ საკითხთა კომიტეტის სხდომა თავმჯდომარის მოვალეობის შემსრულებლის არჩევით დასრულდა. ეკა ბესელიას მოვალეობას დროებით მისი ყოფილი მოადგილე დავით მათიკაშვილი შეასრულებს. აღნიშნულ გადაწყვეტილებას კომიტეტის სიითი შემადგნებლობის 10-მა წევრმა მხარი დაუჭირა, 2 დეპუტატი კი წინააღმდეგი წავიდა. დავით მათიკაშვილი კომიტეტს ახალი თავმჯდომარის არჩევამდე უხელმძღვანელებს, რომელიც პარლამენტის სესიამ უნდა დაამტკიცოს.

იუსტიციის მინისტრის ყოფილი მოადგილე ალექსანდრე ბარამიძე აცხადებს, რომ სასამართლო ხელისუფლებაში და ზოგადად მართლმსაჯულებაში კორპორატივიზმი სრულიად შეუწყნარებელია, ქვეყანას სჭირდება ყველასგან დამოუკიდებელი სასამართლო და არავინ ვინმეს სამსახურში მყოფი.  ალექსანდრე ბარამიძემ “მედიაცენტრ მთავარში” გამართულ პრესკონფერენციაზე დღეს, სასამართლო რეფორმის აუცილებლობაზე ისაუბრა და განაცხადა, რომ ჯერ კიდევ მაშინ, როდესაც ის იუსტიციის მინისტრის მოადგილე იყო, გარკვეული ადამიანების ძალისხმევით, სასამართლო რეფორმის სხვადასხვა ეტაპზე მთელი რიგი კანონპროექტები იბლოკებოდა. მათ შორის არის, სასამართლოების თავმჯდომარეების არჩევის წესზე კანონპროექტი. ასევე, ჩავარდა სასამართლო ინსპექტორის დამოუკიდებელი ინსტიტუტის იდეა. იუსტიციის მინისტრის ყოფილი მოადგილე იუსტიციის საბჭოში მურუსიძე-ჩინჩალაძის კლანის არსებობაზე საუბრობს. “კანონპროექტი, რომელიც იუსტიციის სამინისტრომ წარადგინა და რომლის…

საქართველოს პარლამენტის წევრი, ვანო ზარდიაშვილი მოსახლეობას მოუწოდებს საკუთარი სახლის ფანჯრებიდან და აივნებიდან გადმოფინონ და ამგვარად პატივი მიაგონ სახელმწიფოს დამოუკიდებლობის, ერთიანობის სიმბოლოს და 14 იანვარი, სახელმწიფო დროშის დღე, ეროვნულ დღესასწაულად აქციონ.   მისივე თქმით, დღემდე დროშა აღიქმება, როგორც დემონსტრაციებისა და გამოსვლების სიმბოლოდ. საქართველოს მოქალაქეების ჩართულობით კი ეს დღე უნდა იქცეს ეროვნულ, სახალხო დღესასწაულად, როგორც ეს ევროპულ, დემოკრატიულ სახელმწიფოს შეეფერება. “14 იანვარი, სახელმწიფო დროშის დღე უმთავრესი ეროვნული დღესასწაულია. მნიშვნელოვანია, თითოეულმა ჩვენგანმა საკუთარი წვლილი შევიტანოთ ამ დღის სათანადოდ აღნიშვნაში, საკუთარი სახლის ფანჯრებიდან, აივნებიდან გადმოვფინოთ ან აღვმართოთ სახელმწიფო დროშა და ამ გზით საკადრისი პატივი მივაგოთ სახელმწიფოს დამოუკიდებლობის,…