დღე: იანვარი 5, 2019

ძლიერი ქარის შედეგად, ბათუმში, ჭავჭავაძისა და 26 მაისის ქუჩების კვეთასთან არსებული 9-სართულიანი სახლიდან სახურავის ჩემოვარდნის შედეგად დაშავებული 2 მოქალაქიდან ერთ-ერთი დაიღუპა. როგორც ბათუმის მერიაში აცხადებენ, დაღუპული, სოსო შერვაშიძე მერიის თანამშრომელია, რომელიც სამსახურეობრივი მოვალეობის შესრულებისას დაიღუპა. იგი ქალა-ტვინის დახურული ტრავმით და გულ-მკერდის არეში შინაგანი ორგანოების დაჟეჟილობით​, სასწრაფო დახმარების ბრიგადამ ონკოლოგიურ საავადმყოფოში გუშინ გადაიყვანა. პაციენტი რეანიმაციულ ბლოკში დაახლოებით 2 საათის წინ გარდაიცვალა. მეორე დაზარალებული, 60 წლის მამაკაცს ქირურგიული ოპერაციები ჩაუტარდა, მას მრავლობითი მოტეხილობა აღენიშნება, თუმცა, როგორც ექიმები აცხადებენ, მის სიცოცხლეს საფრთხე არ ემუქრება. როგორც “მედიაცენტრ მთავარს” საგანგებო სიტუაციების მართვის სამსახურში განუცხადეს,  ძლიერი ქარის შედეგად, ბათუმში, ჭავჭავაძის…

თბილისის საკრებულოში პროექტი -“თბილისის ისტორიები საკრებულოდან”, რომლის ავტორი დედაქალაქის წარმომადგენლობითი ორგანოს თავმჯდომარის მოადგილე მარიკა დარჩიაა, განახლდა. იანვრის პირველ შეხვედრას საკრებულოს წევრები, დღემდე ჩატარებული ყველა ღონისძიების წარმდგენი და მომხსენებელი, ასევე, გამოფენების ავტორები და ეთნიკური უმცირესობების წარმომადგენლები დაესწრნენ. როგორც მარიკა დარჩია აცხადებს, პროექტი – “თბილისის ისტორიები საკრებულოდან”, 2018 წელს დაიწყო და ყოველ ჯერზე განსხვავებული თემები ჰქონდათ. პროექტის ფარგლებში, იწვევენ მოქალაქეებს, ვისაც უყვარს თბილისი და ისტორიულ თემებთან ერთად, დედაქალაქისთვის მნიშვნელოვან გამოწვევებსა და პროექტებზე საუბრობენ. ღონისძიებაზე მარიკა დარჩიასთან ერთად სიტყვით მოწვეული სტუმრები გამოვიდნენ და შობა-ახალი წლის აღნიშვნის იმ ტრადიციებსა და წეს-ჩვეულებებზე ისაუბრეს, რომლებიც ახალ…

ავტომფლობელების ნაწილს მართვის მოწმობების ხელახლა აღება მოუწევს. საუბარია 2014 წლის 1 მარტამდე გაცემულ ( C, CE, D და DE კატეგორიის და ქვეკატეგორიის) მართვის მოწმობებზე. მათი მოქმედების ვადა 1 მარტამდეა. როგორც შინაგან საქმეთა სამინისტროს მომსახურების სააგენტოშო აცხადებენ, 1 მარტიდან იურიდიულ ძალას კარგავს საქართველოში 2014 წლის 1 მარტამდე გაცემული, C, CE, D, DE, C1, C1E, D1 და D1E კატეგორიის და ქვეკატეგორიის მართვის მოწმობები. ავტომფლობელებმა მართვის მოწმობის შესაცვლელად მომსახურების სააგენტოს უნდა მიმართონ. მოწმობის შესაცვლელად მოქალაქემ უნდა წარმოადგინოს: ცნობა ჯანმრთელობის მდგომარეობის შესახებ, პირადობის დამადასტურებელი მოწმობა და არსებული მართვის მოწმობა. მართვის მოწმობის შეცვლის ღირებულება 15…

ძლიერი ქარის შედეგად, ბათუმში რამდენიმე სახლის სახურავი დაზიანდა. ჭავჭავაძისა და 26 მაისის ქუჩების კვეთასთან ქარმა, ცხრასართულიანი სახლის სახურავი მოგლიჯა. გადმოვარდნილი სახურავის ფრაგმენტების დაცემის შედეგად 2 ადამიანი დაშავდა, მათ შორის, ბათუმის მერიის წარმომადგენელი, რომელიც ადგილზე სამსახურებრივ მოვალეობას ასრულებდა. ​როგორც “მედიაცენტრ მთავარს” ბათუმის მუნიციპალიტეტის მერიაში განუცხადეს, დაშავებულები სასწრაფო სამედიცინო დახმარების ბრიგადებმა საავადმყოფოში გადაიყვანეს. ​დაიწყო დაზიანებული სახურავების დროებითი გადახურვის სამუშაოები. ადგილზე იმყოფებოდა ბათუმის მერი ლაშა კომახიძე. ქარის შედეგად ქალაქში რამდენიმე განათების ბოძი და ხე-მცენარეც დაზიანდა. მერიის შესაბამისი სამსახურები ადგილზე არიან მობილიზებულნი. ქარს ძლიერი შტორმი მოჰყვა, შედეგად დანაგვიანდა ქალაქის სანაპირო ზოლი. დასუფთავების სამუშაოები შპს…