დღე: იანვარი 28, 2019

საპარლამენტო უმრავლესობის წევრი, დეპუტატი ნუკრი ქანთარია NDI -ის მიერ ჩატარებულ ბოლო კვლევებთან დაკავშირებით აცხადებს, რომ ქვეყანაში იკლო მძიმე დანაშაულმა, თუმცა მომატებულია არასწრულწლოვნების მხრიდან წვრილმანი ქურდობის ფაქტები, მაღაზიების, ავტომობილების გაქურდვა.  ​როგორც ნუკრი ქანთარიამ “მედიაცენტრ მთავარში” გამართულ პრესკონფერენციაზე განაცხადა, შინაგან საქმეთა სამინისტრო კრიმინალის სტატისტიკის შესახებ ინფორმაციას საზოგადოებას ზედმიწევნით ზუსტად აწვდის, წინა ხელისუფლებისგან განსხვავებით ციფრებს არ მალავენ.  “არავინ აღარაფერს არ მალავს, განსხვავებით წინა ხელისუფლებისაგან. ჩემი ინფორმაციით მძიმე დანაშაულებმა იკლო, გახსნილი დანაშაულებების ძალიან მაღალი პროცენტი გვაქვს, მაგრამ მოიმატა  ოჯახურმა ძალადობის ფაქტებმა, ასევე ქურდობამ მაღაზიებში და ავტომობილების განზრახ დაზიანების ფაქტებმა, რასაც ხშირ შემთხვევაში 14-15 წლის არასრულწლოვანები ჩადიან.…

“ეროვნულ-დემოკრატიული ინსტიტუტის” (NDI) მიერ გამოქვეყნებული კვლევის მიხედვით, მოსახლეობის უმრავლესობა, 33% მიიჩნევს, რომ სასამართლო სისტემა არასწორი მიმართულებით ვითარდება, ხოლო 30% ის აზრით, სასამართლო სისტემაში საერთოდ არაფერი იცვლება. გამოკითხულთა მხოლოდ 16% მიიჩნევს, რომ სისტემა სწორი მიმართულებით ვითარდება, ხოლო 20% აცხადებს, რომ კითხვაზე პასუხი საერთოდ არ იცის. ​NDI-ის ბოლო კვლევების თანახმად, რომელიც 2018 წლის 6-20 დეკემბერს ჩატარდა, გამოკითხული მოსახლეობის 67% პოლიციის საქმიანობას დადებითად აფასებს, ხოლო 21% – უარყოფითად. გამოკითხულთა 12% ამბობს, რომ არ იცის. რაც შეეხება ბოლო ორი წლის განმავლობაში პოლიციისადმი მიმართვიანობას, გამოკითხულთა 94% ამბობს, რომ პოლიციისთვის არ მიუმართავს, ხოლო 5% ამბობს, რომ მიმართა.…

ყოფილი შს მინისტრი, საპარლამენტო უმრავლესობის წევრი კობა ნარჩემაშვილი მოსამართლეების კრიტერიუმებზე საუბრობს და აცხადებს, რომ პროცესი, რომელიც დაიწყო საერთოდ სასამართლო სისტემისა და უზენაესი სასამართლოს მიმართ, გარკვეულწილად არის გასული, 15-წლიანი პროცესის ლოგიკური შედეგი. როგორც “მედიაცენტრ მთავარში” გამართულ პრესკონფერენციაზე კობა ნარჩემაშვილმა განაცხადა, სასამართლო სისტემა საჭიროებს ახალ სისხლს აკადემიური წრეებიდან, პრაქტიკოსი იურისტებიდან, ადვოკატურებიდან და ა.შ. სისტემა უნდა გაიხსნას და მისი განვითარება არ უნდა დაეფუძნოს მხოლოდ მოქმედ მოსამართლეებს.  მისივე თქმით, კრიტიკულად მნიშვნელოვანია მოსამართლეების რაოდენობის გაზრდა. ხშირ შემთხვევაში ერთ მოსამართლეს 500-დან 1500 -მდე საქმე აქვს ხოლმე განსახილველი, ასეთ პირობებში კი წარმოუდგენელია საუბარი მართლმსაჯულების ხელმისაწვდომობასა და ოპერატიულობაზე.  “სასამართლოსთან დაკავშირებულ…

ექსპერტი ვახტანგ მაისაია მიიჩნევს, რომ ქვეყანაში სასამართლო სისტემა საერთოდ მოშლილია და იქ პროფესიონალიზმის დეფიციტია. ქვეყანას ჰყავს მოსამართლეები, რომლებსაც, ხშირ შემთხვევაში, იურიდიული განათლებაც კი არ აქვთ მიღებული.  ეს ნაღმი, კი სააკაშვილის შეგდებულია. ​​როგორც “მედიაცენტრ მთავარს” ვახტანგ მაისაიამ განუცხადა. სასამართლო სისტემაში მძლავრად ბუდობს საკადრო შიმშილი და ეს ნაღმი ჯერ კიდევ ექსპრეზიდენტ მიხეილ სააკაშვილის დროს ჩაიდო, რომელიც პრეზიდენტობამდე იუსტიციის მინისტრი იყო და სასამართლო სისტემის მთელი რიგი რეფორმები გაატარა.  “მიხეილ სააკაშვილმა შეგნებულად შეაგდო ეს ნაღმი. ისეთი მოსამართლეები მოიყვანა,  რომელთა რეპუტაციას რომ თავი დავანებოთ, განათლებაც კი საეჭვოა. როდესაც ადამიანს კომერციული ინსტიტუტიც დიპლომი აქვს, ინსტიტუტის, რომელიც დიდი…