დღე: იანვარი 9, 2019

თბილისში, ჭავჭავაძის გამზირზე მომხდარი ავტოსაგზაო შემთხვევის შედეგად დაშავებული 12 ადამიანის სიცოცხლეს საფრთხე არ ემუქრება. პაციენტი, რომელიც ავტოსაგზაო შემთხვევის დროს სასწრაფო დახმარების ავტომანქანაში იმყოფებოდა დანიშნულების ადგილზე გადაიყვანეს. დაშავებულების მკურნალობის ხარჯებს თბილისის მერია მთლიანად დაფარავს. აღნიშნული შემთხვევის შედეგად გარდაიცვალა ერთი მოქალაქე. დაშავებულები დღესვე, თბილისის მერის მოადგილე სოფიო ხუნწარიამ და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილე ზაზა ბოხუამ რეგიონულ ჰოსპიტალში მოინახულეს. სოფიო ხუნწარია მწუხარებას  გამოვთქვამს მომხდართან დაკავშირებით და თანაგრძნობა უცხადებს გარდაცვლილის ოჯახს. “მომხდართან დაკავშირებით მიმდინარეობს მოკვლევა და დეტალები მოგვიანებით გახდება ცნობილი“, –  განაცხადა სოფიო ხუნწარიამ. თბილისის სასწრაფო სამედიცინო…

თბილისის საჯარო ბაგა-ბაღებში ზამთრის არდადეგები 1 კვირით გახანგრძლივდება, შესაბამისად, სააღმზრდელო პროცესი, 14-ის ნაცვლად, 21 იანვარს განახლდება. აღნიშნული გადაწყვეტილება ბაგა-ბაღებში გრიპის ვირუსის გავრცელების პრევენციას უკავშირდება. სააღმზრდელო პროცესის დაწყებამდე, თბილისის ყველა საჯარო ბაგა-ბაღის შენობაში ჩატარდება გეგმიური სანიტარიული სამუშაოები, რომელიც მოიცავს დეზინფექციას, დეზინსექციას და დერატიზაციას.

„მიუხედავად იმისა, რომ გრიპის ვირუსით ავადობის მაჩვენებელი არ მიანიშნებს ეპიდემიაზე, მიზანშეწონილად მიგვაჩნია, გრიპის ვირუსის გავრცელების პრევენციის მიზნით, ზოგადსაგანმანათლებლო დაწესებულებებში 2018-2019 სასწავლო წლის ზამთრის არდადეგები გახანგრძლივდეს 18 იანვრის ჩათვლით“ – ასეთია განათლების, მეცნიერების, კულტურისა და სპორტის სამინისტროს გადაწყვეტილება. სამინისტრო სკოლებს რეკომენდაციებით მიმართავს და სადეზინფექციო სამუშაოების ჩატარებისკენ მოუწოდებს. „საქართველოს განათლების, მეცნიერების, კულტურისა და სპორტის სამინისტროსთვის უმთავრესი პრიორიტეტი სკოლის მოსწავლეებისა და პედაგოგების ჯანმრთელობა და უსაფრთხოებაა. სწორედ ამიტომ, მიუხედავად იმისა, რომ გრიპის ვირუსით ავადობის მაჩვენებელი არ მიანიშნებს ეპიდემიაზე, მიზანშეწონილად მიგვაჩნია, გრიპის ვირუსის გავრცელების პრევენციის მიზნით, ზოგადსაგანმანათლებლო დაწესებულებებში 2018-2019 სასწავლო წლის ზამთრის არდადეგები გახანგრძლივდეს 18…