დღე: ოქტომბერი 3, 2023

​უკრაინის გენერალური შტაბის ინფორმაციით, რუსეთმა ომის დაწყებიდან დღემდე, დაახლოებით 279 440 ჯარისკაცი დაკარგა. უწყების ცნობით, რუსეთის შეიარაღებული ძალების საერთო დანაკარგები ასეთია: ჯარისკაცი – დაახლოებით 279 440; ტანკი – 4 732;  ჯავშანტექნიკა – 9 008; საარტილერიო სისტემა – 6 565; სარაკეტო სისტემა – 801; საზენიტო საბრძოლო სისტემა – 540; თვითმფრინავები – 316; ვერტმფრენი – 316; ოპერატიულ-ტაქტიკური უპილოტო საფრენი აპარატი – 5 080; საკრუიზო რაკეტები – 1 529; საავტომობილო ტექნიკა და საწვავის ავზები – 8 932;  გემი/ნავი/კატარღა – 20; წყალქვეშა ნავი – 1; ​სპეციალური აღჭურვილობა – 943.

უკრაინის პრეზიდენტმა, ვოლოდიმირ ზელენსკიმ ორშაბათს კიევში ევროკავშირის საგარეო საქმეთა მინისტრებს განუცხადა, რომ რუსეთზე სანქციების ზეწოლა აშკარად არ არის საკმარისი. მისი თქმით, სანქციების მე-11  პაკეტის შემდეგ პაუზა ძალიან დიდხანს გაჭიანურდა. ,,რუსეთზე სანქციების ზეწოლა აშკარად არ არის საკმარისი, ძვირფასო პარტნიორებო. ეს, უპირველეს ყოვლისა, აშკარაა რუსი ტერორისტების მიერ დრონებით დარტყმებისა და საჰაერო დარტყმების მზარდი რაოდენობით. მეტი ერთობლივი მუშაობაა საჭირო რუსეთის მიერ სანქციების გვერდის ავლის ნებისმიერი ფორმისა და სქემის წინააღმდეგ. რუსეთისთვის ნებისმიერი მიწოდება, რომელიც მას სამხედრო წარმოების გაზრდის საშუალებას აძლევს, უნდა შეწყდეს. ეს აშკარა ინტერესშია არა მხოლოდ უკრაინის, არამედ მსოფლიოში ყველასთვის, ვისაც სურს ეს…

რამზან კადიროვის 24 წლის შვილი, აიშატ კადიროვა სოციალურ საკითხებში ჩეჩნეთის ვიცე-პრემიერად დაინიშნა. ,,მხარი დავუჭირე  ხუჩიევის [ჩეჩნეთის მთავრობის თავმჯდომარის] წინადადებას. რა თქმა უნდა, აიშატ კადიროვამ დიდი წვლილი შეიტანა რეგიონული კულტურის სამინისტროს საქმიანობის გაუმჯობესებაში და დააგროვა გამოცდილება”, – წერს კადროვი. აიშატ კადიროვა ჩეჩნეთის კულტურის მინისტრად 2021 წელს დაინიშნა. მისი ქმარი, აიშატ ვისხან მაწუევი კი , რესპუბლიკის მთავრობის ვიცე-პრემიერად და სოფლის მეურნეობის მინისტრად მიმდინარე წლის ივლისში დაინიშნა.