დღე: მარტი 23, 2023

„პრეზიდენტი ზურაბიშვილი არის საქართველოს ფანტასტიკური წარმომადგენელი, როგორც ბოლო რამდენიმე თვის განმავლობაში ვხედავთ. ის დაესწრო გასული წლის სამიტსაც, სადაც ყველა ქვეყანამ საკუთარ თავზე აიღო გარკვეული ვალდებულება. ეს სამიტი ამ ვალდებულებების გაგრძელებაა“ – აღნიშნა საქართველოში აშშ-ის ელჩმა, კელი დეგნანმა ჟურნალისტებთან. ელჩს ჯო ბაიდენის  მიერ ორგანიზებულ დემოკრატიის სამიტზე ჰკითხეს, რომელსაც საქართველოს მხრიდან სალომე ზურაბიშვილი წარმოადგენს და არა პრემიერი. „როგორც ვიცი, საგარეო საქმეთა მინისტრები ასევე წარდგებიან ვიდეომიმართვით სამიტის მეორე დღეს, რომელიც გაიმართება ნიდერლანდებში. ვფიქრობ, ეს ასახავს ზურაბიშვილის მხრიდან პრეზიდენტის ვალდებულებას, რომელიც შესანიშნავ სამუშაოს ასრულებს საქართველოს წარდგენით, ასევე მთავრობის მხრიდან იმ ვალდებულებებთან დაკავშირებით, რომლებიც საქართველოს…

ამერიკის შეერთებული შტატების ელჩის – კელი დეგნანის განცხადებით,  საქართველოს  მთავრობამ შეისმინა საკუთარი ხალხის ხმა და და გაიწვია კანონები, რაც მისასალმებელია. „ეს იყო ქართველი ხალხის ძალიან მკაფიო დემონსტრირება, რომ მათ გააკეთეს მტკიცე არჩევანი, რომ მათი გზა არის ევროპა და ნებისმიერი რამ, რაც მათ ამ გზიდან ააცილებს, რაც მათ ამ გზიდან მიმართულებას შეაცვლევინებს, არ არის მისასალმებელი ქართველი ხალხისთვის.   ჩვენ დავინახეთ, რომ მთავრობამ შეისმინა თავისი ხალხის ხმა და გაიწვია ეს კანონები. ერთ-ერთი მიზეზი, რატომაც ჩვენ ვთვლით, რომ რეგიონები არის ძალიან მნიშვნელოვანი, არის ის მდიდარი წვლილი, რომელთა შეტანაც რეგიონებს შეუძლიათ მთავრობის პოლიტიკაში – თქვენი…

მიხეილ სააკაშვილის ადვოკატი, შალვა ხაჭაპურიძე სახალხო დამცველის წარმომადგენელს შეხვდა. მისი თქმით, ითხოვა სასწრაფოდ შევიდეს კომისია და ნახონ მიხეილ სააკაშვილის მდგომარეობა. ,,შევხვდი სახალხო დამცველის წარმომადგენელს, ვინც მუშაობს ამ თემებზე. ჩვენი თხოვნა იყო, რომ პირველი – სახალხო დამცველი და მისი წარმომადგენელი შეხვდეს “ვივამედს”, რისგან გამომდინარე გაკეთდა ეს განცხადება. მეორე, ვაცნობე იმის შესახებ, რომ “ვივამედი” არ გვაძლევს ავადმყოფობის ისტორიებს, გარდა ამისა, ვთხოვე, რომ სასწრაფოდ შევიდეს კომისია და ნახონ მისი მდგომარეობა. პასუხი იყო, რომ ამაზე მუშაობს ჯგუფი, ეს ჯგუფი შეიკრიბება და პასუხი გვეცოდინება”, – განაცხადა ხაჭაპურიძემ.

,,9 აპრილს, მნიშვნელოვანია შევიკრიბოთ პოლიტიკური პატიმრებისთვის, მიშას თავისუფლებისთვის და ჩვენი ქვეყნის ევროინტეგრაციისთვის”,- ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა. „არ დაგვავიწყდეს, რომ გამარჯვება არის მხოლოდ და მხოლოდ ჩვენი ხალხის ხელში. ამიტომ, 9 აპრილს, 17:00 საათზე, ქვეყნის მთავარ გამზირზე – რუსთაველზე, მნიშვნელოვანია შევიკრიბოთ პოლიტიკური პატიმრებისთვის, მიშას თავისუფლებისთვის და ჩვენი ქვეყნის ევროინტეგრაციისთვის”, – განაცხადა ლევან ხაბეიშვილმა.

,,ჩვენ დრო არ გვაქვს,”- ამის შესახებ მიხეილ სააკაშვილის დედამ, გიული ალასანიამ განაცხადა. ალასანიას თქმით,  მისი შვილის მდგომარეობა მძიმეა. ,,ჩვენ დრო არ გვაქვს. ჩემს შვილს, რომ ვუყურებ ვფიქრობ რამდენი დაგვრჩა, რამდენიმე საათი? ერთი დღე? ორი დღე? ეს მდგომარეობაა დღეს. ძალიან მძიმე მდგომარეობაა,”- განაცხადა გიული ალასანიამ მთავარი არხის ეთერში.

სახალხო დამცველის, ლევან იოსელიანის  განცხადებით, იზიარებს წინა სახალხო დამცველის მიერ დაფიქსირებულ პოზიციას მიხეილ სააკაშვილთან დაკავშირებით. მისი თქმით, არ სურს სააკაშვილის მიმართ, ისეთი ქმედება განხორციელდეს, რამაც შესაძლოა სააკაშვილის მდგომარეობა დაამძიმოს. ,,მე არ ვიცი “ვივა მედის” განცხადება გულისხმობს თუ არა სააკაშვილის მაინცდამაინც ციხეში დაბრუნებას, შეიძლება აქ დაწესებულებაზეა საუბარი და სხვა სამოქალაქო კლინიკაში გადაყვანაზე. სახალხო დამცველს (ნინო ლომჯარიას) აქვს გამოქვეყნებული პოზიცია, რომ მისი ციხეში დაბრუნება შეიძლება საშიში იყოს სააკაშვილის ჯანმრთელობის მდგომარეობისთვის. მე ვიზიარებ იმ პოზიციას, რა პოზიციაც სახალხო დამცველს მიხეილ სააკაშვილთან დაკავშირებით ჰქონდა დაფიქსირებული. მე არ მინდა, რომ რაიმე ტიპის ისეთი ქმედება განხორციელდეს…

,,ივანიშვილის დღევანდელმა რეაქციამ მისი მარიონეტების მეშვეობით კიდევ ერთხელ დაადასტურა, რომ ევროპული გზიდან გადაუხვია საქართველოს მთავრობამ და არა ქართველმა ხალხმა,”- ამის შესახებ ყოფილი პრემიერ-მინისტრი, გიორგი გახარია ”ტვიტერზე” წერს. მისი თქმით, გერმანიის მხარდაჭერის იმედი აქვს. ,,მივესალმები გერმანიის საგარეო საქმეთა მინისტრის დროულ ვიზიტს საქართველოში. ნაცვლად იმისა მთავრობამ დაამტკიცოს ევროპული ინტეგრაციის დღის წესრიგის განხორციელების ნამდვილი ნება და გამოავლინოს საქართველოს ევროპული მომავლისადმი ერთგულება, ის აგრძელებს რუსეთის ინტერესებში მოქმედებას, თავს ესხმის გერმანიის საგარეო საქმეთა მინისტრს და მიესალმება პირდაპირ ფრენებს და უვიზო რეჟიმს რუსეთთან. ბოლოდროინდელმა მოვლენებმა და ივანიშვილის დღევანდელმა რეაქციამ მისი მარიონეტების მეშვეობით კიდევ ერთხელ დაადასტურა, რომ…

სახალხო დამცველის, ლევან იოსელიანის განცხადებით, მიხეილ სააკაშვილის ადვოკატს ვერ შეხვდება. მისი თქმით, ვიზიტი არის დაუგეგმავი  და ფიზიკურად ვერ შეხვდება. ,,ეს ვიზიტი არის დაუგეგმავი, მე უბრალოდ მთელი დღე მაქვს გაწერილი და ფიზიკურად ვერ შევხვდები. მაგრამ მე ვთხოვე ჩემს თანამშრომლებს და ისინი აუცილებლად შეხვდებიან და მოუსმენენ მიხეილ სააკაშვილის ადვოკატს. თქვენ იცით, რომ მე კვირას შევხვდი მიხეილ სააკაშვილს “ვივა მედში”, ასევე შევხდი გიული ალასანიას და ვესაუბრე მას. ასევე მე “ვივა მედს” ვთხოვე კლინიკას მიხეილ სააკაშვილის შესახებ დოკუმენტაცია და იმავე დღესვე გადავაგზავნე კონსილიუმთან, ასევე მე ორი დღის წინ გავმართე შეხვედრა კონსილიუმის წევრებთან და მათ…

,,ადამიანი ფაქტობრივად აღარ არსებობს ფიზიკურად. 2 ლუკმა ჩაიდო და ისიც ამოიღო უკან. ჭამს საკუთარ სხეულს,”- ამის შესახებ მიხეილ სააკაშვილის დედამ, გიული ალასანიამ განაცხადა. მისი თქმით, სააკაშვილი მხოლოდ ცუდს ელოდება. ,,რა პოზიციაზეა ლაპარაკი, როდესაც ადამიანი ფაქტობრივად აღარ არსებობს ფიზიკურად. 2 ლუკმა ჩაიდო და ისიც ამოიღო უკან. ჭამს საკუთარ სხეულს, უკვე რამდენი ხანია. დღიდან მისი ჩამოსვლისა კარგი ამ ქვეყანაში ამ ადამიანს არაფერი არ მიუღია. არაფერი კარგი არ ახსოვს, აქედან გამომდინარე, ელოდება ყველაფერს მხოლოდ ცუდს. ეს მიიღო იმის სამაგიეროდ, რაც ამ ადამიანმა აკეთა ამ ქვეყნისთვის. მადლობის მაგივრად მიიღო ეს. რითაც ვამაყობდით, ეს ქვეყანა…

”ნაციონალური მოძრაობის” თავმჯდომარის, ლევან ხაბეიშვილის განცხადებით, მიხეილ სააკაშილის ჯანმრთელობას და სიცოცხლეს საფრთხე ემუქრება. მისი თქმით, გამოსავალი ექსპრეზიდენტის ჰუმანიტარული მისიით გაყვანაა სხვა ქვეყანაში. ,,პრეზიდენტ სააკაშვილის ჯანმრთელობას და სიცოცხლეს ემუქრება საფრთხე და მეტიც. საავადმყოფო ამბობს, რომ ჩვენ ვერ ვუზრუნველჰყოფთ მის ჯანმრთელობას. აქედან არის ერთი გამოსავალი მხოლოდ – მოხდეს სააკაშვილის ჰუმანიტარული მისიით გაყვანა იმ ქვეყანაში, სადაც უზრუნველყოფილი იქნება მისი ჯანმრთელობა და სიცოცხლე. რაც შეეხება ჭორებს, ან სურვილს, რომ რუსულმა ოცნებამ პრეზიდენტი სააკაშვილი დააბრუნოს ან რუსთვის ციხეში, ან გლდანის დაწესებულებაში, ცხადია, ამის გაფიქრებაც კი არის სერიოზული პრობლემა ბიძინა ივანიშვილის და რუსული ოცნებისთვის”,- განაცხადა ლევან…

,,მიშა რომ გადაიყვანონ სიტყვაზე ციხეში, დარწმუნებული ვარ, რომ 2-3 დღეში მისის სიცოცხლე ფატალური შედეგით დასრულდება”,- ამის შესახებ მიხეილ სააკაშვილის ძმამ, გიორგი სააკაშვილმა ”მთავარ არხს” განუცხადა. ,,ფაქტობრივად აღიარეს, რომ მიშას მდგომარეობა არის ძალიან მძიმე და უნდათ პასუხისმგებლობას თავი აარიდონ და მიმართავენ პენიტენციურ სისტემას, თქვენ გადაწყვიტეთ. ფაქტობრივად თქვეს, რომ დააბრუნეთ ციხეში, მიიღეთ გადაწყვეტილება, მიშა რომ გადაიყვანონ სიტყვაზე ციხეში, დარწმუნებული ვარ, რომ 2-3 დღეში მისის სიცოცხლე ფატალური შედეგით დასრულდება”, – განაცხადა გიორგი სააკაშვილმა.

,,საბაჟო დეპარტამენტის ეფექტური მუშაობის შედეგია, რომ განვლილი ერთი წლის განმავლობაში, არ დაფიქსირებულა დაწესებული სანქციებს დარღვევის არცერთი ფაქტი საქართველოში – ამის შესახებ ფინანსთა მინისტრმა, ლაშა ხუციშვილმა  პარლამენტში, “მინისტრის საათის” ფორმატში სიტყვით გამოსვლისას განაცხადა. მინისტრის თქმით,  საერთაშორისო სანქციების დაწესების პირველივე დღეებიდან, შემოსავლების სამსახურის საბაჟო დეპარტამენტის საბაჟო რისკების მართვის სამმართველოში, შექმნილია შესაბამისი სამუშაო ჯგუფი, რომელიც ახორციელებს აღნიშნული სანქციების აღსრულების ცენტრალიზებულ კონტროლს. ,,აღნიშნულ პერიოდში შეიქმნა 16 რისკის პროფილი, რომლის საფუძველზეც ოპერატიულად იდენტიფიცირდება და კონტროლდება, როგორც სანქცირებული ფიზიკური პირების, კომპანიების დანიშნულებით მიმავალი, ისე სანქცირებული ფიზიკური პირებიდან და კომპანიებიდან მომავალი აკრძალული საქონლის საქართველოს საბაჟო ტერიტორიაზე გადაადგილება,…

თბილისის მერი, კახა კალაძე გერმანიის საგარეო საქმეთა მინისტრის,  ანალენა ბერბოკის განცხადებას ეხმიანება. მისი თქმით, გერმანიის საგარეო უწყების ხელმძღვანელი რეალობასაა აცდენილი. ,,აშკარად იკვეთება ის, რომ რეალობას აცდენილია ეს ადამიანი, ეს არის იმ კურსის და იმ ხაზის გაგრძელება, რასაც ჩვენ ბოლო დღეების განმავლობაში ვისმენთ საქართველოსთან მიმართებაში, აბსოლუტურ სიცრუეს. საქართველო ყველაფერს აკეთებს ევროინტეგრაციის გზაზე, თქვენ იცით, რომ 12-პუნქტიანი გეგმა, რომელიც წარმოდგენილია, ჩვენ ყველაფერს გავაკეთებთ რომ იყოს შესრულებული. ერთადერთი, ვინც არ იღებს პასუხისმგებლობას, არ იღებს მონაწილეობას ამ ყველაფერში და არ აქვს სურვილი, რომ საქართველომ მიიღოს სტატუსი, ეს არის ოპოზიცია”, – აღნიშნა კახა კალაძემ. ,,ვხედავთ…

,,ქალბატონი სამადაშვილი ისევ მტრობს თავის ქვეყანას,”- ამის შესახებ „ქართული ოცნების“ დეპუტატმა ირაკლი ზარქუამ პარლამენტის პლენარულ სხდომაზე განაცხადა. ,,ქალბატონი სამადაშვილი ისევ მტრობს თავის ქვეყანას. ისევ იმ ნარატივს აგრძელებს, რომ თურმე, საქართველო სანქციებისგან თავის ასარიდებლად გამოიყენება – პარტნიორებმა უთხრეს, რომ ეს ტყუილია, მაგრამ იმეორებს, რადგან გონჩარენკოს მეგობარია,”- განაცხადა სამადაშვილმა.

,,ყველაფერზე ნაწყენი ვარ, რადგან ვხედავ, რომ ჩემი შვილი კვდება. აქ ჩამოვიდა და კვდება, კლავენ“-  ამის შესახებ მიხეილ სააკაშვილის დედამ, გიული ალასანიამ განაცხადა. მისი თქმით, ”ჩამოსვლის დღიდან, სააკაშვილს ამ ქვეყანაში კარგი არაფერი მიუღია, კარგი არაფერი ახსოვს.” „რა პოზიციაზეა ლაპარაკი, როცა ადამიანი ფაქტობრივად აღარ არსებობს ფიზიკურად. ორი ლუკმა ჩაიდო და ისიც უკან ამოიღო. რა პოზიციაზე ვილაპარაკოთ, ჭამს საკუთარ სხეულს უკვე რამდენი ხანია, აი, ეს არის მისი პოზიცია. მკურნალ ექიმს არ მიუღია ეს გადაწყვეტილება და ამიტომ ამ თემაზე არ გვქონია საუბარი. მკურნალი ექიმი ძალიან შეწუხებულია, რადგან ხედავს, რომ მის თვალწინ ეღუპება პაციენტი. ჩამოსვლის…

თბილისის მერის, კახა კალაძის განცხადებით, რუსეთთან პირდაპირი ფრენების აღდგენასა და უვიზო მიმოსვლას მიესალმება. „თქვენ იცით, რომ ცალმხრივად იყო ყველაფერი გაკეთებული, სანქცირებული ჰყავდათ ჩვენი ქვეყანა და ჩვენი ხალხი, შემოღებული იყო ვიზები, აკრძალული იყო პირდაპირი ფრენები. თუ ამ გადაწყვეტილებას მიიღებენ, ეს მათი გადასაწყვეტია და მათ უნდა მიიღონ. თუ ეს გადაწყვეტილება იქნება, რა თქმა უნდა, ჩვენ მივესალმებით, თუნდაც პირდაპირ ფრენებს და თუნდაც უვიზო მიმოსვლას ჩვენი ქვეყნის მოქალაქეებისთვის“,- განაცხადა კახა კალაძემ.

,,სააკაშვილი ყველაფერს აკეთებს, რომ როგორმე ჩირქი მოსცხოს საქართველოს ხელისუფლებას, მთლიანად ქვეყანას და აგრძელებს თვითდაზიანების რეჟიმში ყოფნას”,- ამის შესახებ თბილისის მერმა, კახა კალაძემ განაცხადა. მისი თქმით, მიხეილ სააკაშვილი თავის ოჯახის წევრებთან ერთად იმყოფება თვითდაზიანების რეჟიმში. ,,ახალი არაფერი ხდება, ეს ადამიანი აგრძელებს თვითდაზიანების რეჟიმში ყოფნას, ყველაფერს აკეთებს იმისთვის, რომ დაანახოს საზოგადოებას, ასევე ჩვენს საერთაშორისო მეგობრებს, თითქოს მისი მდგომარეობა არის ცუდი. რეალურად არის ის, რომ ადამიანი არ იკვებება, არ იღებს შესაბამის კალორაჟს, ძალიან მარტივია. შეიძლება “ვივამედში” დამზადებული საკვები არ მიიღოს, მაგრამ ოჯახის წევრებსაც არ მიაქვთ შესაბამისი კალორაჟი, ეს არის სპეციალურად მიზანმიმართული კამპანია, ეს…

დეპუტატს ვერავინ ვერსად ვერ გადასვამს, თუ უნდა ტარიელ ნაკაიძეს გადაჯდეს და დადგეს კუთხეში,”- ამის შესახებ ”ქართული ოცნების” თავმჯდომარემ, ირაკლი კობახიძემ განაცხადა. მისი თქმით, ოპოზიციონერ დეპუტატს, ტარიელ ნაკაიძეს პარლამენტის სხდომათა დარბაზში კუთხეში დგომა ეკუთვნის. „ეს არის ზუსტად „იმერული ესკიზები“. ზოგადად, შეიძლება, არ იყოს კარგი, რომ პარლამენტში ასეთი ინციდენტებია, მაგრამ როცა სხდომათა დარბაზში დეპუტატი შემოდის, ძალიან მძიმე რეპუტაციის მქონე, რომელიც სხვა კოლეგებს მოღალატეებს უწოდებს, ეს მიუღებელია. დეტალებში ვერ შევალ, მაგრამ გეტყვით, რომ ტარიელ ნაკაიძეს მძიმე რეპუტაცია აქვს. არ მინდა და არ განვმარტავ. არ განვმარტავ, რადგან ეს მძიმე თემაა, სენსიტიური. ვთქვი, რომ ძალადობას…

,,თვითდაზიანებაზე პასუხისმგებელია თავად პატიმარი, ეს ასეა ნებისმიერ პენიტენციურ სისტემაში”, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა. მისი თქმით, სახელმწიფო სტრუქტურები პასუხისმგებლები არიან ზრუნვაზე. „ასევე, თვითდაზიანებაზე არის პასუხისმგებელი უშუალოდ პატიმრის ოჯახი, რომელსაც არასათანადო კალორაჟის საკვები შეაქვს პატიმართან, ეს არის გაუგონარი მოვლენა, ამაზე საზოგადოებამაც უნდა გაამახვილოს ყურადღება, საერთაშორისო პარტნიორებმაც, რატომ არის თვითდაზიანებაში ჩართული ოჯახი“, – განაცხადა კობახიძემ.