თვე: მაისი 2022

რუსეთის საგარეო საქმეთა მინისტრის განცხადებით, ნაკლებად მოსალოდნელია დასავლეთის მიერ, რუსეთის წინააღმდეგ  დაწესებული სანქციების მოხსნა უახლოეს მომავალში. სერგეი ლავროვის თქმით, სანქციების დაწესების ტემპი და მოცულობა მეტყველებს იმაზე, რომ ისინი დიდი ხნის განმავლობაში მუშავდებოდა. ,,დონეცკისა და ლუჰანსკის ოლქების გათავისუფლება, რომელიც დამოუკიდებლადაა აღიარებული რუსეთის ფედერაციის მიერ, უპირობო პრიორიტეტია. მოქალაქეებმა თავად უნდა გადაწყვიტონ, რა გარემოში გააგრძელებენ არსებობას: პრეზიდენტ ზელენსკის მიერ შექმნილ გარემოში – რუსული განათლების აკრძალვა, მედიის, კულტურის, რუსული ენის ყოველდღიურ ცხოვრებაში გამოყენების აკრძალვა – თუ სხვაში, სადაც შეძლებენ თავიანთი შვილების აღზრდას ისე, როგორც მათ სურთ და არა ზელენსკისა და მის გუნდს. სანქციების დაწესების ტემპი და მოცულობა…

უკრაინის ვიცეპრემიერი ირინა ვერეშჩუკი, დროებით ოკუპირებულ ტერიტორიებზე მყოფ უკრაინელებს მიმართავს და მოუწოდებს, არ აიღონ რუსული პასპორტები და თუ შესაძლებელია, დატოვონ ოკუპირებული ტერიტორიები. მისი თქმით,  უკრაინის ოკუპირებული ტერიტორიები აუცილებლად გათავისუფლდება, მაგრამ რუსული პასპორტის აღება მომავალში ბევრ პრობლემას შექმნის. ამასთან, ვერეშჩუკის განცხადებით, ომი შესაძლოა მოსალოდნელზე ხანგრძლივი აღმოჩნდეს. ,,ჩვენ არ დავთმობთ ჩვენს მიწას. ჩვენ ვიბრძვით ამისთვის და დავიბრუნებთ. ასე რომ, შესაძლოა ეს ომი იყოს იმაზე სისხლიანი, ვიდრე წარმოგვედგინა,” – აღნიშნავს  ვერეშჩუკი.

ნატო-ს გენერალური მდივნის მოადგილის, მირჩა ჯოანას განცხადებით, ნატო არ არის ვალდებული თავი შეიკავოს ძალების გაფართოებისგან აღმოსავლეთ ევროპაში. მისი თქმით, რუსეთმა თავისი ქმედებებით, 25 წლის წინ ნატო-სთან ხელმოწერილი დამფუძნებელი აქტი ორმხრივი ურთიერთობების, თანამშრომლობისა და უსაფრთხოების შესახებ თავადვე გაანადგურა. „აიღეს ვალდებულება, არ დასხმოდნენ თავს მეზობლებს, რასაც ახლა აკეთებენ და ნატო-სთან რეგულარული კონსულტაციები გაემართათ, რასაც არ აკეთებენ. ნატო აღარ არის ვალდებული წარსული ვალდებულებებით, თავი შეიკავოს ძალების გაფართოებისგან აღმოსავლეთ ევროპაში. არანაირად არ არის შეზღუდული აღმოსავლეთ ფლანგზე ძლიერი პოზიციის შესაქმნელად,”- განაცხადა მირჩა ჯოანამ.

ევროკომისიის პრეზიდენტის, ურსულა ფონ დერ ლაიენის განცხადებით, რუსულ ნავთობზე ემბარგოს დაწესება, რთული და კომპლექსური საკითხია ევროკავშირის ქვეყნებისთვის. მისი თქმით, თუ ევროკავშირი უარს იტყვის რუსული ნავთობის შეძენაზე, პუტინი მოძებნის სხვა ბაზარს და ამით, შესაძლოა უფრო მეტი სარგებელიც მიიღოს. ,,ევროკავშირი იძულებულია იყიდოს ნავთობი რუსეთისგან. ჩვენ, ყოველთვის უნდა ვიპოვოთ სწორი ბალანსი, რომ ჩვენს ეკონომიკას დიდი ზიანი არ მივაყენოთ. თუ ჩვენ დღეიდან რუსულ ნავთობზე სრულად ვიტყვით უარს, მაშინ პუტინი სავარაუდოდ, შეძლებს მის გაყიდვას მსოფლიო ბაზარზე, სადაც ფასები გაიზრდება და მეტს გამოიმუშავებს. ეს, მის საომარ სახსრებს შეავსებს. ასე, რომ ჩვენ უნდა ვიყოთ ძალიან სტრატეგიული ამ…

უკრაინის პრეზიდენტი, ვოლოდიმირ ზელენსკი მორიგ ვიდეომიმართვას ავრცელებს. ზელენსკის განცხადებით, რუსული ძალების მიერ სევეროდონეცკში განხორციელებული დარტყმების შედეგად, ქალაქის სრული ინფრასტრუქტურა განადგურებულია. მისივე თქმით, უკრაინული მხარე ყველაფერს აკეთებს ოკუპანტთან საბრძოლველად. „სევეროდონეცკის აღება ფუნდამენტური ამოცანაა საოკუპაციო კონტინგენტისთვის. მათ არ აინტერესებთ, რამდენი სიცოცხლის გადახდა მოუწევთ ბულვარზე რუსული დროშის აღმართვის მცდელობისთვის. რა მწარედ ჟღერს ეს სახელი ახლა – ხალხთა მეგობრობის 32, სადაც მდებარეობს სევეროდონეცკის ადმინისტრაცია. რუსეთმა შეკრიბა ძალიან დიდი ძალები ჩვენს დონბასში, ძალიან მოემზადა იქ შეტევისთვის. ძალიან სიმბოლურად მიმაჩნია, რომ რუსმა სამხედროებმა სევეროდონეცკის აღების მცდელობა სასტუმრო „მშვიდობის“ აღებით დაიწყეს. მშვიდობა მართლაც პირველი სამიზნეა რუსეთისთვის. ჩვენ…

პოლონეთის პრეზიდენტის განცხადებით, უკრაინული მხარის თანხმობის შემთხვევაში, პოლონეთი მზადაა, უკრაინის  უსაფრთხოებისა და მშვიდობის გარანტი გახდეს. „რუსეთი თავს დაესხა უკრაინას ყოველგვარი გამართლებისა და მიზეზის გარეშე. ამას არაფერი აქვს საერთო რეალობასთან რომელიც იყო სასტიკი აგრესია. ეს არის სასტიკი ომი, რომელიც გააჩაღა რუსეთმა უკრაინის წინააღმდეგ, სუვერენული და დამოუკიდებელი ქვეყნის წინააღმდეგ. რუსეთს სურს გავლენის სფეროს გაფართოება. ჩვენ არ შეგვიძლია მივიღოთ ფაქტი, რომ თავისუფალ და დემოკრატიულ მსოფლიოში, ნებისმიერი შეთანხმების მიღწევა, რომელიც დაასრულებს ამ ომს მოხდეს უკრაინის მონაწილეობის გარეშე და უკრაინის თანხმობის გარეშე. თუკი ეს ომი დასრულდება, ის უნდა დასრულდეს ისეთი პირობებით, რომელსაც უკრაინა დათანხმდება მოლაპარაკებების…

უკრაინული მედიის ინფორმაციით, რუსეთმა ხარკოვი დაბომბა. ეს კი სწორედ მაში მოხდა. როდესაც ხარკოვში უკრაინის  პრეზიდენტი ზელენსკი იმყოფებოდა. რუსულმა მხარემ ხარკოვის ჩრდილოეთ ნაწილი დაბომბა. კერძოდ კი სოფელი ჟუკოვსკი. დაზიანდა სახლები, მანქანები, მაღაზიები და ავტოფარეხი. უკრაინის პრეზიდენტი ვოლოდიმირ ზელენსკი ხარკოვში გუშინ იმყოფებოდა. დაბომბვა კი მისი ვიზიტის შესახებ ინფორმაციის გავრცელების შემდეგ მოხდა.

რუსული მხარე ისევ ალიანსის გაფართოების საშიშიროებაზე საუბრობს და აცხადებს, რომ უკრაინა ნატოს წევრი არ უნდა გახდეს. როგორც რუსეთის საგარეო საქმეთა მინისტრი აცხადებს, რუსეთი უკრაინაში ოპერაციას აგრძელებს და დონბასი უნდა გათავისუფლდეს. „დონბასის გათავისუფლება უპირობო პრიორიტეტია უკრაინაში რუსეთის სპეცოპერაციის მსვლელობისას. დარჩენილი ტერიტორიების მცხოვრებლებმა, სადაც ოპერაცია ტარდება, თავად უნდა გადაწყვიტონ, რა გარემოში გააგრძელებენ არსებობას – პრეზიდენტ ზელენსკის მიერ შექმნილ გარემოში, სადაც აკრძალულია რუსული განათლება, მედია, კულტურა თუ სხვაში, სადაც შეძლებენ თავიანთი შვილების აღზრდას ისე, როგორც მათ სურთ და არა ზელენსკისა და მის გუნდს“ – აცხადებს სერგეი ლავროვი. ის დარწმუნებულია იმაშიც, რომ რუსეთის წინააღმდეგ…

„მანამ, სანამ ერდოღანი თურქეთის რესპუბლიკის მეთაურია, ჩვენ ნამდვილად ვერ ვეტყვით „დიახ-ს“ იმ ქვეყნების ნატოში გაწევრიანებას, რომლებიც ტერორიზმს მხარს უჭერენ“ – აცხადებს თურქეთის პრეზიდენტმა რეჯეფ თაიფ ერდოღანი. პრეზიდენტი შვედეთისა და ფინეთის ნატოში გაწევრიანების წინააღმდეგია და მისი დათანხმება ამ დრომდე ვერ ხერხდება. მისი თქმით, ანკარა ვერ დათანხმდება მათი ნატოში გაწევრიანების განაცხადს. ერდოღანი უარის მიზეზად ტერორისტების მფარველობას და მათთან ალიანსს ასახელებს.  

ირაკლი ღარიბაშვილმა იორდანიის მეფე აბდალა II-ს წმინდა მიწაზე, მაცხოვრის ნათლობის ადგილის მიმდებარედ საქართველოსთვის მიწის გადაცემისთვის, საქართველოს სახელით, მადლიერების ნიშნად, ოქროს საწმისის ორდენი გადასცა. ირაკლი ღარიბაშვილი მეფე აბდალა II-ს იორდანიის ჰაშიმიტურ სამეფოში ვიზიტის ფარგლებში შეხვდა და წმინდა მიწაზე, მაცხოვრის ნათლობის ადგილის მიმდებარედ 4000 კვადრატული მეტრი მიწის გადაცემისთვის მადლობა გადაუხადა. „დიდი მადლობა, თქვენო სამეფო აღმატებულებავ! ჩემთვის დიდი პატივია პირადად რომ გხვდებით. მადლობა ჩვენი მოწვევისა და მიღებისთვის. საქართველოსთვის მიწის ნაკვეთის გადმოცემის შესახებ თქვენი ძალიან გულუხვი გადაწყვეტილებისთვის მადლობას მოგახსენებთ ჩვენი მთავრობის, ქვეყნისა და ხალხის სახელით. თქვენო სამეფო აღმატებულებავ, გადაჭარბების გარეშე მინდა გითხრათ, რომ  ეს…

იორდანიის ჰაშიმიტური სამეფოს მეფე აბდალა II-სთან შეხვედრას პრემიერ-მინისტრი ირაკლი ღარიბაშვილი სოციალურ ქსელ “ტვიტერში ეხმაურება. მთავრობის მეთაური აღნიშნავს, რომ იესო ქრისტეს ნათლობის ადგილზე საქართველოს კულტურული ცენტრის ასაშენებლად მიწის ნაკვეთის გადმოცემისთვის მეფე აბდალა II-ს განსაკუთრებული მადლობა გადაუხადა. “შეხვედრა გავმართე იორდანიის ჰაშიმიტური სამეფოს მეფე აბდალა II-სთან. იორდანიის მხარეს განსაკუთრებული მადლობა გადავუხადე იესო ქრისტეს ნათლობის ადგილზე საქართველოს კულტურული ცენტრის ასაშენებლად მიწის ნაკვეთის გადმოცემისთვის”, – აღნიშნავს პრემიერ-მინისტრი.  

უკრაინაში საომარი მოქმედებები უწყვეტ რეჟიმში მიმდინარეობს. პრეზიდენტი ზელენსკი კი ისევ პარტნიორებს მიმართავს და იარაღით დახმარებას ითხოვს. „ყოველ დღე ვმუშაობთ ჩვენი დაცვის გასაძლიერებლად. ეს უპირველეს ყოვლისა არის იარაღის მიწოდება. ყოველდღე ვუახლოვდებით იმას, რომ ჩვენი არმია ტექნოლოგიურად და დამრტყმელი ძალით, ოკუპანტებზე აღმატებული იქნება. რა თქმა უნდა, ბევრი რამ პარტნიორებზეა დამოკიდებული, მათი მზადყოფნიდან, მიაწოდონ უკრაინას ყველაფერი, რაც თავისუფლების დასაცავად არის საჭირო. ველოდები კარგ ამბებს ამის თაობაზე, უკვე მომდევნო კვირას“, – აცხადებს პრეზიდენტი. ზელენსკი მსოფლიოს ისევ სთხოვს, რუსეთი ტერორისტულ სახელმწიფოდ აღიარონ: ​„ეს არის სამართლიანი და ასახავს ყოველდღიურ რეალობას, რომელიც ოკუპანტებმა უკრაინაში შექმნეს და ამის…

ევროკავშირის პრეზიდენტის განცხადებით, მიუხედავად დიდი სურვილისა, რომ რუსულ ნავთობპროდუქტებზე უარი ეთქვათ, ეს არ გამოდის. ევროკავშირი იძულებულია იყიდოს ნავთობი რუსეთისგან. „თუ ჩვენ დღეს სრულად ვიტყვით უარს რუსულ ნავთობზე, პრეზიდენტი ვლადიმერ პუტინი დიდი ალბათობით, შეძლებს მის გაყიდვას მსოფლიო ბაზარზე, სადაც ფასები გაიზრდება და გამოიმუშავებს უფრო მეტს“, – აცხადებს აცხადებს ევროკომისიის პრეზიდენტი ურსულა ფონ დერ ლაიენი.

ფრანგული მხარე ადასტურებს, რომ გერმანიასთან ერთად პუტინთან ჰქონდათ კომუნიკაცია და „აზოვსტალიდან“ გაყვანილი მებრძოლების დაბრუნება სთხოვეს. საფრანგეთის პრეზიდენტის პრესსამსახურის ინფორმაციით,  პუტინთან სატელეფონო საუბრისას ემანუელ მაკრონმა და კანცლერმა ოლაფ შოლცმა „აზოვსტალის“ მცველების გათავისუფლება მოითხოვეს. ასევე, მათ პუტინთან საუბრისას დააფიქსირეს პოზიცია, რომ ცეცხლი უნდა შეწყდეს და განახლდეს დიალოგი პრეზიდენტ ზელენსკისთან. „საფრანგეთის რესპუბლიკის პრეზიდენტმა და გერმანიის კანცლერმა მოითხოვეს „აზოვსტალის“ დაახლოებით, 2 500 დამცველის გათავისუფლება, რომლებიც რუსეთის ჯარმა სამხედრო ტყვეებად აიყვანა“,- აცხადებს ფრანგული მხარე.  

გერმანიის მხარის განცხადებით, ქვეყანა, იარაღის მოთხოვნასთან დაკავშირებულ ნებისმიერ სურვილს ვერ შეასრულებს. როგორც გერმანიის ვიცე-კანცლერი რობერტ ჰაბეკი აცხადებს, რესურსი უკვე ამოწურულია. „გერმანიას არ შეუძლია უკრაინის ყველა სურვილის დაკმაყოფილება,  რადგან ეს გარკვეულ დაძაბულობას გამოიწვევს. ვფიქრობ, ბრალდება იმის შესახებ, რომ გერმანია ძალიან ცოტას აკეთებს ურაინისთვის, მცდარია. ეს არ შეესაბამება სინამდვილეს. ჩვენ ვართ ქვეყანა, რომლისგანაც ხალხი სამართლიანად ითხოვს ბევრს. ასევე, ბოლო წლებში გერმანია ძალიან არაკრიტიკულად იყო განწყობილი რუსეთის ხელისუფლების მიმართ“, – აცხადებს ჰაბეკი.

პენტაგონი რუსეთს ისევ მიმართავს და მოუწოდებს, უკრაინიდან ჯარები გაიყვანოს. როგორც პენტაგონის პრესსპიკერი აცხადებს, ამ ეტაპისთვის პუტინი უკრაინასთან მშვიდობიან მოლაპარაკებაზე არ წავა. „აშშ-ის სახელმწიფო მდივანმა უკვე განაცხადა, რომ , პუტინს შეუძლია, გააკეთოს სწორი რამ აქ და ახლა – გაიყვანოს ჯარები, დაჯდეს ზელენსკისთან მოლაპარაკებების მაგიდასთან და აწარმოოს კეთილსინდისიერი მოლაპარაკებები, თუმცა, ახლა არ ჩანს ასეთი მოლაპარაკებების იმედი“, – აღნიშნა ჯონ კირბიმ. მისი შეფასებით, პუტინს კონფლიქტის დიპლომატიურად დარეგულირების სურვილი არ გააჩნია. „მან აჩვენა, რომ მზად არის, გააგრძელოს ომი დონბასში. ის აგრძელებს ჯარების გაზრდას, აღჭურვილობის შეყვანას და ახორციელებს ავიადარტყმებს უკრაინის ტერიტორიაზე“, -აცხადებს ჯონ კიბრი.  

უკრაინის პრეზიდენტმა სტენფორდის უნივერსიტეტში გამოსვლისას ამერიკა-უკრაინის ურთიერთობასა და რუსეთ უკრაინის ომზე ისაუბრა და აღნიშნა, რომ ყველაფრის მიუხედავად, უკრაინა თავისუფალია. როგორც პრეზიდენტმა აღნიშნა, ომის დასრულების შემდეგ, უკრაინის აღდგენა სწრაფად უნდა მოხდეს და ამ პროცესში ჩართვა სტუდენტებსაც შეუძლიათ. „ამ ომის შემდეგ, რაღაც შეიცვლება თქვენ. ამერიკელ ხალხსა და ჩვენს ურთიერთობაში ის უკვე იცვლება, ჩვენ უფრო დავახლოვდით. ზუსტად ვიცით, რომ ჩვენ ერთსა და იმავეს ვგულისხმობთ, როდესაც სიტყვა “თავისუფლებას” ვამბობთ. რამდენის გაკეთება შეგვეძლო ერთად. ახლა ვგრძნობ მსგავს ამაღლებულ განწყობას, იმიტომ რომ მე ვხედავ თქვენს თვალებს და მჯერა, რომ ბევრი თქვენგანი იქნება უკრაინაში და ჩვენს ომის…

აშშ-ის პრეზიდენტის განცხადებით,  პუტინის მიზანია აღმოფხვრას უკრაინელი ერის კულტურა და თავს დაესხას წესებზე დაფუძნებულ საერთაშორისო წესრიგს. „ის არა მხოლოდ უკრაინის დაპყრობას ცდილობს, არამედ ნამდვილად ცდილობს, გაანადგუროს უკრაინელი ხალხის კულტურა და იდენტობა. ის თავს ესხმის სკოლებს, ბაღებს, საავადმყოფოებსა და მუზეუმებს. ამ ქმედებებს არავითარი სხვა მიზანი არ აქვს, გარდა კულტურის აღმოფხვრისა და წესებზე დაფუძნებული საერთაშორისო წესრიგის ფუნდამენტურ პრინციპებზე პირდაპირი თავდასხმისა“, – აღნიშნა ჯო ბაიდენმა უკრაინაზე საუბრისას.