დღე: მაისი 18, 2022

დადგენილებას, რომელიც ხელი 2 დღის უკან მოეწერა და ტყეში სკის განთავსების დაბეგვრას ეხება, აღნიშნულია, რომ ტყეში ერთი სკის განთავსების მოსაკრებელი 10 ლარი იქნება. აღნიშნულთან დაკავშირებით ეროვნული სატყეო სააგენტოს განმარტებაას აკეთებს და აცხადებს, რომ საუბარია არა 10 არამენ 1 ლარზე. „საქართველოს მთავრობის ,,ტყითსარგებლობის წესის შესახებ’’ N221 დებულებაში შეტანილი ცვლილების მიხედვით, სახელმწიფო ტყეში საფუტკრე მეურნეობის მოწყობის მიზნით სკების განთავსება რეგულირების ჩარჩოში ექცევა და სიმბოლური ფასად – 1 ლარად (1 სკა წლის განმავლობაში). აღნიშნული ცვლილების ერთ-ერთი მიზანია დღემდე არსებული გაუმართავი პრაქტიკის დარეგულირება. ამასთან, ცვლილება ხელს შეუწყობს თაფლის მიკვლევადობას და მეფუტკრეებს საშუალებას მისცემს ექსპორტზე…

  ამ წუთებში, თბილისში ნიკა გვარამიას სოლიდარობის აქცია იმართება. აქციის მონაწილეები რესპუბლიკის მოედნიდან დაიძრნენ და მსვლელობით პარლამენტის მიმართულებით მიემართებიან. აქციაში მონაწილეობას ღებულობენ მედიის წარმომადგენლები, არასამთავრობო სექტორი, ხელოვანები, პოლიტიკოსები და ნიკა გვარამიას სხვა მხარდამჭერები. აქციას რეგიონებიდან ჩამოსული ადამიანებიც შეუერთდნენ. თავისუფლების მოედნიდან კი აქციის მონაწილეები „მთავარი არხისკენ“ დაიძრებიან.

პატიმრობაში მყოფი ბრალდებულის კომუნიკაციის საკითხი ახლებურად დარეგულირდება. „პატიმრობის კოდექსში“ შესატან ცვლილებებზე  ადამიანის უფლებათა დაცვისა და სამოქალაქო ინტეგრაციის კომიტეტმა ომსჯელა. კომიტეტის თავმჯდომარის, მიხეილ სარჯველაძის განმარტებით, კანონპროექტი ეხება საკითხს, რომელზეც ყურადღება გამახვილებულია კომიტეტის მიერ განხილულ სახალხო დამცველის მიერ მომზადებულ საკანონმდებლო წინადადებაში. კანონპროექტის თანახმად, ახლებურად რეგულირდება პატიმრობაში მყოფი ბრალდებულის კომუნიკაცია – მიმოწერა, სატელეფონო საუბარი. ბრალდებულს, რომელსაც გამომძიებლის ან პროკურორის მოტივირებული გადაწყვეტილებით შეზღუდული აქვს სატელეფონო საუბრის უფლება, აგრეთვე ბრალდებულს, რომელსაც სრულად აქვს გამოყენებული პატიმრობის კოდექსით გათვალისწინებული სატელეფონო საუბრის ლიმიტები (თვეში სამი ზარი), უფლება ექნება, წერილობით მიმართოს პენიტენციურ დაწესებულებას და მოითხოვოს მისი ადვოკატის ინფორმირება მასთან…

საქართველოს მთავრობის დადგენილებით, მეფუტკრეები, თვითნებურად ტყეში სკას ვერ გადაიტანენ. ტყეში ერთი სკის განთავსება 10 ლარი ეღირება.  აღნიშნული ინფორმაცია მეფუტკრეებისთვის შოკისმომგვრელი აღმოჩნდა, რადგან, მის შესახებ არაფერი იცოდნენ. როგორც მეფუტკრეები აცხადებენ, სეზონურად, სხვადასხვა მცენარის ყვავილობისას, სკები ტყეში გადაჰქონდათ, რომ შესაბამისი თაფლი მიეღოთ. ადრე ამისთვის არაფერს იხდიდნენ. ახალი ინიციატივა კი მათთვის დიდი დარტყმა იქნება, რადგანაც ტყეში მინიმუნ 50 სკა გადააქვთ და ეს რომ 10 ლარზე გადამრავლდეს, საკმაოდ დიდი თანხა გამოდის. დადგენილებას სკების დაბეგვრის შესახებ პრემიერ-მინისტრმა ხელი 16 მაისს მოაწერა და ის ძალაში უკვე შევიდა.

კლინიკა „ვივამედის“ დირექტორი, ნინო ნადირაძე  აცხადებს, რომ მიხეილ სააკაშვილი თერაპიულ განყოფილებაში იმყოფება და შესაბამისი კვლევები უტარდება.  მისი თქმით, ლაბორატორიული მონაცემები გაუარესებული არ არის. ნინო ნადირაძემ აღნიშნა, რომ  კვლევის შედეგები თავად მიხეილ სააკაშვილის ნებართვის საფუძველზე უკვე გასაჯაროვდა და მომავალშიც ამ პრინციპით გასაჯაროვდება. „ლაბორატორიული მონაცემები გაუარესებული ნამდვილად არ არის. თავად პაციენტთან ყოველთვის შეთანხმებული მაქვს ნებისმიერი კვლევა, რის ჩატარებასაც ვაპირებთ. რა თქმა უნდა, ბატონ მიხეილს ამაზე მისდის შეტყობინება, პირადი ექიმიც ეუბნება, მეც ვაფრთხილებ. ის გვაძლევს ნებართვას და მხოლოდ ამის შემდეგ ხდება ამა თუ იმ კვლევის ჩატარება. მისი ნებართვის გარეშე არაფერი ხდება. პირად საუბრებშიც…

,,ნაციონალური მოძრაობის” წევრის, ნონა მამულაშვილის ინიციატივას ოპოზიციური სპექტრის მიერ პარლამენტის დატოვებასთან დაკავშირებით, ოპოზიციის ნაწილი ემიჯნება. ,,სტრატეგია აღმაშენებლის“ ლიდერის გიორგი ვაშაძის განცხადებით, ვისაც უნდა პარლამენტიდან გასვლა, უნდა დაწეროს განცხადება და წავიდეს. „ვისაც უნდა, წავიდეს და დატოვოს. ამას რომ იტყვის, განცხადება დაწეროს. ვის რას თვლის, რომ აზრი აქვს, თავად გააკეთოს – განცხადება დაწეროს. მეორეხარისხოვან საკითხებზე საუბრით არ შეგვჭამეს?! – სტოლტენბერგი შეხვედრას აუქმებს და ევროინტეგრაციის გზა კითხვის ქვეშაა და ესენი ჩაციკლული არიან ერთსა და იმავე იდიოტიზმზე! ეს არის ჩემი პასუხი. მე დავწერ მაშინ, როცა დავინახავ, რომ ამას შედეგი ექნება, დავწერ კიდევ, მაგრამ არა ისე, რომ…

მედია მენეჯერები აშშ-ის ელჩს, კელი დეგნანს შეხვდნენ. შეხვედრაზე მხარეებმა  ნიკა გვარამიას დაკავების საკითხი განიხილეს. ,,ჩვენ ვთხოვეთ აშშ-ის ელჩს და მისი სახით შეერთებულ შტატებს, რომ მათ გამოიყენონ ყველანაირი ბერკეტი, რომელიც მათ ხელთ არის იმისათვის, რომ ნიკა იყოს თავისუფალი და ეს იყოს ბოლო შემთხვევა, როდესაც ჩვენ გვაქვს ასეთ უსამართლო განაჩენთან საქმე. პრეზიდენტის შეწყალებასთან დაკავშირებით, თქვენ იცით ნიკას დამოკიდებულება, მე პატივს ვცემ მის გადაწვეტილებას და პოზიციას, ამიტომ “მთავარი არხის” წარმომადგენლები ამ მიმართვას სალომე  ზურაბიშვილისადმი არ ვუერთდებით,” – განაცხადა გიორგი გაბუნიამ. ამასთან, მედიამენეჯერები აპირებენ მიმართონ სალომე ზურაბიშვილს  ნიკა გვარამიას შეწყალების თხოვნით მიმართონ. ,,მთავარი არხი” აღნიშნულ მოთხოვნას…

„ლეიბორისტული პარტიის“ ლიდერი შალვა ნათელაშვილი აცხადებს, რომ ოპოზიციის გაერთიანების მიზნით, რამდენიმე წინაპირობა არის შესასრულებელი. მისი განცხადებით, აუცილებელია ყველა ოპოზიციონერმა დაწეროს განცხადება და შეიწყვიტოს პარლამენტის წევრობა. „ოპოზიციური კოლეგებისგან, საზოგადოებისგან ისმის ხმები, მოთხოვნა, თხოვნა, რომ კვლავ გავერთიანდეთ და ერთად დავდგეთ. „ლეიბორისტული პარტია“ ყოველთვის მიდიოდა ქვეყნისათვის კრიტიკულ მომენტში ერთად დგომის ფორმატისაკენ, მიუხედავად იმისა, რომ ამის გამო ვზარალდებოდით. რა თქმა უნდა, იმავე აზრზე ვართ, მაგრამ ამისათვის საჭიროა სამი რამ: 1. ყველა ოპოზიციონერმა დაწეროს განცხადება და შეიწყვიტოს პარლამენტის წევრობა; 2. ყველა ოპოზიციურმა პარტიამ ხელი მოაწეროს მიმართვას ბიძინა ივანიშვილისა და მისი ქონების დასანქცირებაზე; 3. შეიქმნას პარლამენტის…

უკანონო ბორდერიზაციის პროცესი გრძელდება. ცოტა ხნის წინ სოფელ ზარდიანთკარში საოკუპაციო რეჟიმის წარმომადგენლები გამოჩნდნენ. ოკუპირებულ ტერიტორიაზე საჰაერო სივრცეში ვერტმფრენიც გამოჩნდა. ფაქტს სახელმწიფო უსაფრთხოების სამსახური ადასტურებს. ამოქმედებულია „ცხელი ხაზი“ და ინფორმირებულია ევროკავშირის სადამკვირვებლო მისია. ცნობისთვის, ოკუპირებული ცხინვალის დე ფაქტო სახელმწიფო უშიშროების კომიტეტი, ე.წ. საზღვრის ცალმხრივი მოწყობის შესახებ იუწყება. საუბარია 700 მეტრი სიგრძის მონაკვეთზე.

საქართველოს ვიცე-პრემიერის, კულტურის, სპორტისა და ახალგაზრდობის მინისტრ თეა წულუკიანის განცხადებით, ოპოზიცია წარმატებული აქციის გამართვას ვერ შეძლებს. როგორც წულუკიანი აცხადებს, რომ აქციების საკითხი მისთვის ნაკლებად საინტერესოა. „აქციების შესახებ არ მსმენია, სავარაუდოდ რაღაც გამომრჩა. ალბათ დიდად ყურადღებას აღარავინ აქცევთ იმას, რომ „ნაციონალური მოძრაობა“ და ოპოზიცია აქციებს გამართავს. მე აღარ ვაქცევ ყურადღებას, რადგან ამომრჩეველში, საზოგადოებაში არანაირი რესურსი არ არსებობს იმისა, რომ წარმატებული აქცია ჩატარდეს. შესაბამისად, პოლიტიკურად გაკოტრებული და სწრაფი ტემპით განლევად რეჟიმში მყოფ პოლიტიკურ ოპოზიციას რასაკვირველია, ამისი რესურსი არ აქვს. ამიტომ ეს საინტერესო დიდად არ არის“, – განაცხადა თეა წულუკიანმა. თეა წულუკიანმა საქართველოს…

,,ნაციონალური მოძრაობის” წევრის, ნონა მამულაშვილის ინიციატივას ოპოზიციური სპექტრის მიერ პარლამენტის დატოვებასთან დაკავშირებით, მმართველ პარტიაში აფასებენ.  პარლამენტის განათლებისა და მეცნიერების კომიტეტის თავმჯდომარის, გიორგი ამილახვრის განცხადებით, ,,ნაციონალური მოძრაობა” თუ დატოვეს პარლამენტს ,,ქართული პოლიტიკა იხეირებს”. ,,ჩვენ ხშირად ვართ მომსწრე სცენარის, როდესაც ოპოზიცია გადადის ბოიკოტში და კვლავ უბრუნდება პარლამენტს. ეს ამ მოწვევის პარლამენტში უკვე მეორედ ვნახე და როგორც ჩანს 2024-მდე კიდევ ბევრჯერ ვიხილავთ. ჩვეულებრივი პოლიტიკური კეკლუცობის და პოლარიზაციის გაღრმავების მაგალითი, სხვა ადგილი ამას რეალურ პოლიტიკასთან არ აქვს, საერთოდაც, პირდაპირ გეტყვით, თუ “ნაციონალური მოძრაობა” არ იქნება საქართველოს პარლამენტში და პოლიტიკაში, ამით პირიქით, ქართული პოლიტიკა იხეირებს,” –…

კულტურის მინისტრი, თეა წულუკიანი ნიკა  გვარამიას მიმართ გამოტანილ სასამართლო განაჩენს აფასებს. მისი განცხადებით, ფაქტები, რომლის ჩადენასაც ნიკა გვარამიას ედავებოდა პროკურატურა დადასტურებულია და მან სასჯელი უნდა მოიხადოს. „განაჩენი ამბობს ასევე, რომ სასჯელი უნდა მოიხადოს არა პირობითობის მიხედვით, არამედ ციხეში. შესაბამისად, ის იქნა დაკავებული სასჯელის მოხდის მიზნით, ეს არის სამართლებრივი რეალობა. არ გამიკვირდება, რომ ის პირები, ვისთანაც თავის დროზე ჩვენ დავას ვაწარმოებდით სტრასბურგის სასამართლოში, „რუსთავი 2“-ის საქმეზე ამბობდნენ, რომ „რუსთავი 2“ „ნაციონალურ მოძრაობას“ და ნიკა გვარამიას არ ჰქონდათ მიტაცებული, დღეს ამბობენ, რომ ნიკა გვარამიას არ მიუტაცია „რუსთავი 2“ -ის კუთვნილი თანხები. რა თქმა…

,,ნაციონალური მოძრაობის” წევრის, ნონა მამულაშვილის ინიციატივას ოპოზიციური სპექტრის მიერ პარლამენტის დატოვებასთან დაკავშირებით, ოპოზიციის ნაწილი ემიჯნება. პარლამენტის წევრის არმაზ ახვლედიანის განცხადებით, საკანონმდებლო ორგანოს დატოვება მისთვის ჩაბარების და დანებების ტოლფასია. ,,ჩემთვის, ამ ეტაპზე არის მიუღებელი მოწოდებები, რომ დავტოვოთ სახელმწიფო დაწესებულებები, დავტოვოთ და ჩავბარდეთ ვისაც სურს. მე არ ვაპირებ ჩაბარებას და დანებებას. გამოსავალი არის ერთადერთი, დღეს ჩვენ გვმართებს, მივმართოთ პროტესტის ყველა ფორმას და რაც ყველაზე მნიშვნელოვანია, საერთაშორისო პარტნიორებს ცხადად ვაჩვენოთ, რომ ეს არის ზღვარი, რომლის შემდეგაც აზრს დაკარგავს ყოველგვარ ევროატლანტიკურ პერსპექტივაზე საქართველოს საუბარი,” – განაცხადა არმაზ ახვლედიანმა.

ოპოზიციონერი დეპუტატი ალეკო ელისაშვილი ნიკა გვარამიას მხარდასაჭერ საპროტესტო აქციებს არ შეურთდება. მისი განმარტებით, ქუჩის აქციების გამართვას აზრი არ აქვს და უმჯობესია, თუ ოპოზიცია შედეგის მისაღწევად პარლამენტში იბრძოლებს. ,,პარლამენტში ბრძოლა სწორ ფორმად მიმაჩნია და ვინც ვერ ხვდება, პარლამენტს რა ბერკეტები აქვს ოპოზიციას, როგორც ჩანს, რეგლამენტი წაკითხული არ აქვს. თუ მიაჩნიათ, რომ აქციაზე ხალხის დაძახებით რამეს მიაღწევენ, ძალიან ცდებიან. ასე რამის მიღწევა ძალიან რთულია და ამის არაერთი მაგალითია. იმ ბატონებს და ქალბატონებს, ვინც პარლამენტში ოპოზიციას აძაგებენ, ვურჩევ, რეგლამენტი წაიკითხონ. პარლამენტში ვიღაც კომფორტში ცხოვრობს, ვიღაც – ერთობა. ვისაც მუშაობა უნდა, ის მუშაობს და…