დღე: მაისი 3, 2022

საფრანგეთი ისევ ცდილობს, პუტინი ზავზე დაითანხმოს. რუსეთისა და საფრანგეთის პრეზიდენტებმა უკრაინის საკითხზე კიდევ ერთხელ ისაუბრეს. ემანუელ მაკრონი თითქმის 2 საათის განმავლობაში ცდილობდა, პუტინის საომარი მოქმედებების შეწყვეტისა და დაზავების წინადადებაზე დაეთანხმებინა. პრეზიდენტების საუბრის შესახებ ინფორმაცია ორივე მხარემ გაავრცელა. როგორც ფრანგული მხარე აცხადებს, საფრანგეთის პრეზიდენტმა, ემანუელ მაკრონმა შეშფოთება გამოხატა მარიუპოლსა და დონბასში არსებული ვითარების გამო და რუსეთს ცეცხლის შეწყვეტისკენ მოუწოდა. „რესპუბლიკის პრეზიდენტმა კიდევ ერთხელ ხაზი გაუსვა რუსეთის მიერ უკრაინის წინააღმდეგ წარმოებული აგრესიული ომის შედეგების უკიდურეს სიმძიმეს. მან გამოხატა თავისი ღრმა შეშფოთება მარიუპოლისა და დონბასში არსებული ვითარების გამო და მოუწოდა რუსეთს, შესაძლებელი გახადოს „აზოვსტალის…

უკრაინული მხარის ინფორმაციით, რუსეთი აგრძელებს აგრესიულ შეტევას „აზოვსტალის ქარხანაზე“ სადაც მშვიდობიანი მოქალაქეები და მებრძოლები იმყოფებიან. „აზოვის“ პოლკის მეთაურის ინფორმაციით, შეტევა მიმდინარეობს ქვემეხებისა და საზღვაო არტილერიის გამოყენებით. „გრძელდება ძლიერი შტურმი „აზოვსტალის“ ქარხნის ტერიტორიაზე ჯავშანმანქანების, ტანკების დახმარებით. ცდილობენ დესანტის გადმოსხმას კატერების დახმარებით და დიდი რაოდენობის ქვეითებით. ვცდილობთ ყველაფერს ამ შტურმის მოსაგერიებლად. აუცილებელია სამოქალაქო პირების ევაკუაცია, რომლებიც ქარხნის ტერიტორიაზე იმყოფებიან“ – აცხადებს „აზოვის“ პოლკის მეთაურის მოადგილე სვიატოსლავ პალარი.

უკრაინის პრეზიდენტმა ვოლოდიმირ ზელენსკიმ რადაში გამოსვლისას, ბრიტანეთ-უკრაინის პარტნიორულ და მეგობრულ ურთიერთობებზე ისაუბრა.   ვოლოდიმირ ზელენსკი მადლობას უხდის დიდ ბრიტანეთს გაწეული დახმარებისა და მხარდაჭერისთვის.   „2020 წლის 8 ოქტომბერს ჩვენი ქვეყნები სტრატეგიული პარტნიორები გახდნენ და 2022 წლის 24 თებერვალს მათ დაამტკიცეს, რომ ჩვენი პარტნიორობა ქაღალდზე არ არის. ჩვენი პარტნიორობა ბრძოლის ველზეა. ბრძოლები საერთო იდეალებისთვის, ბრძოლები საერთო მომავლისთვის. თითქმის ათი კვირაა, რაც რუსეთის ფედერაციამ მათ სრულმასშტაბიანი ომი გამოუცხადა და ჩვენს ულამაზეს უკრაინულ მიწაზე შეიჭრა. ამ დროის განმავლობაში უკრაინა და ბრიტანეთი პარტნიორებიდან მეგობრებად და ძმებად გადაიქცნენ. თითქმის ათმა კვირამ დაამტკიცა: არ არის საშინელება,…

ოკუპანტებმა მარიუპოლში მდებარე ,,აზოვსტალის” ქარხანაზე შტურმი განაახლეს – ინფორმაციას ლეგიონ აზოვის მეთაურის მოადგილე  ავრცელებს. პოლკის ინფორმაციით, თავდასხმამდე რუსული ავიაცია ქარხნის ტერიტორიას  რამდენიმე საათის განმავლობაში ბომბავდა. დაბომბვის  შედეგად დაიღუპა ორი ქალი, რომლებიც  თავს ბუნკერს  აფარებდნენ. ადგილზე ვითარება კრიტიკულია, უკრაინელი სამხედროების ცნობით, ახლა ქარხანაში 200-მდე მშვიდობიანი მოქალაქეა, მათგან 20 ბავშვია.

ბრიტანეთი უკრაინას 300 მილიონი ფუნტის ღირებულების სამხედრო დახმარებას გადასცემს – აღნიშნული ინფორმაცია, ბრიტანეთის პრემიერ-მინისტრმა, ბორის ჯონსონმა უკრაინის პარლამენტში ონლაინ რეჟიმში სიტყვით გამოსვლისას დაადასტურა. ბორის ჯონსონმა  პირობა დადო, რომ დახმარება კვლავ გაგრძელდება. პრემიერ-მინისტრის მოსაზრებით,  დასავლეთის ქვეყნებმა რუსეთის წინააღმდეგ სანქციები დააგვიანეს. ბრიტანეთის ახალი სამხედრო დახმარება მოიცავს რაკეტებს, ბატარეის საწინააღმდეგო ბრძოლის რადარებს, ელექტრონული ომის საშუალებებს, „ჯიპიეს“ ჩამხშობებს და ათასობით ღამის ხედვის მოწყობილობას. „ჩვენ დიდ ბრიტანეთში ყველაფერს გავაკეთებთ, რათა რუსეთმა პასუხი აგოს ამ ომის დანაშაულებებზე და ამ გაურკვევლობის, შიშისა და ეჭვის ამჟამინდელ მომენტში, თქვენთვის ერთი გზავნილი მაქვს – უკრაინა გაიმარჯვებს. უკრაინა თავისუფალი იქნება. ჩვენ…

ბორის ჯონსონმა უკრაინის რადას მიმართა. დიდი ბრიტანეთის პრემიერ-მინისტრის გამოსვლას საკანონმდებლო ორგანოში ვოლოდიმირ ზელენსკი და მთავრობის წარმომადგენლები ისმენდნენ. ბორის  ჯონსონმა სიტყვით გამოსვლისას აღნიშნა, რომ უკრაინელების სიმამაცეს მომავალი თაობები არ დაივიწყებენ. “ყოველდღიურად უკრაინის უდანაშაულო ხალხზე რაკეტების და ბომბების წვიმა მოდის. პუტინი უკრაინის მიწის დასაკავებლად თავის გროტესკულ და უკანონო კამპანიას აგრძელებს. რუსი ჯარისკაცები ვეღარ იტყვიან რომ არ იციან, რას აკეთებენ. ისინი სჩადიან სამხედრო დანაშაულებს – ჩვენ ვნახეთ ბუჩა, ირპენი, გოსტომელი და მრავალი სხვა ადგილი. დიდი ბრიტანეთი ყველაფერს გააკეთებს, რათა მათ პასუხი აგონ ამ ომის დანაშაულებზე. მე მაქვს ერთი გზავნილი თქვენთვის – უკრაინა გაიმარჯვებს. უკრაინა თავისუფალი…

  ოკუპანტებმა დონეცკის ოლქში ადიივკას შემოგარენი დაბომბეს, რასაც 9 ადამიანის სიცოცხლე  ემსხვერპლა – აღნიშნულ ინფორმაციას უკრაინის რეგიონული სამხედრო ადმინისტრაციის ხელმძღვანელი, პავლო კირილენკო ავრცელებს. მისი განცხადებით, რუსეთის საჰაერო ძალებმა დილით დარტყმა მიაყენეს ავდიივკას, კერძოდ, ქალაქის ცენტრში მდებარე საცხოვრებელ  სახლს. პავლო კირილენკოს ცნობით, სულ დაზიანებულია 8 სახლი.  

უკრაინის პრეზიდენტის ოფისის ხელმძღვანელის მრჩეველის, მიხაილო პოდოლიაკის ინფორმაციით, კიევის ოლქში, კალინივკაში კიდევ ერთი სამარხი იპოვეს. ნაპოვნია 2 მშვიდობიანი მოქალაქის ცხედარი, მათ წამების კვალი აღენიშნებათ. “წამების შედეგად მომძვრალი ფრჩხილები, ხელებშეკრული. კიევის ოლქის სოფელ კალინივკაში ვიპოვეთ კიდევ ერთი სამარხი, სადაც 2 მშვიდობიანი მოქალაქის ცხედარი აღმოვაჩინეთ. კიდევ რამდენი ასეთი სამხედრო დანაშაული ხდება მტრის მიერ დროებით ოკუპირებულ ტერიტორიებზე? რუსეთმა მშვიდობიანი მოსახლების წინააღმდეგ ტერორის გზა აირჩია და ამიტომ რუსეთი ტერორიზმის დამფინანსებელ სახელწიფოდ უნდა გამოცხადდეს”, – აცხადებს მიხაილო პოდოლიაკი.

საქართველოს პარლამენტის თავმჯდომარე, შალვა პაპუაშვილი უკრაინის დაზვერვის მიერ გავრცელებულ ინფორმაციას აფასებს. უკრაინული მხარის ინფორმაციით, რუსეთი საქართველოსთან მოლაპარაკებებს აწარმოებს რუსული პროდუქციის მესამე ქვეყნებში რეექსპორტისთვის. პაპუაშვილის განცხადებით, როდესაც პარტნიორს და მეგობარს რუსეთთან გარიგებას აბრალებ, მინიმუმ მტკიცებულება უნდა წარადგინო. “სამწუხაროდ, ასეთმა არასერიოზულმა ბრალდებებმა ფასი დაუკარგა ასეთი სახის განცხადებებს. ვხედავთ, რომ უკვე ჯერადობამაც ჯერადობამაც იმატა ასეთი სახის განცხადებების და მას არც რაიმე შედეგი აქვს, იმ კუთხით, რომ სერიოზულად მოხდეს საზოგადოებაში თუ საექსპერტო წრეებში, მათ შორის რომ ოპოზიციაც კი ნაწილობრივ ხედავთ რომ უკვე ასეთ განცხადებებს არასერიოზულად აღიქვამს, როდესაც ხდება ბრალდებების წამოსროლა საქართველოს მიმართ ისე, რომ არანაირი მტკიცებულება არ არის. სამწუხარო ფაქტია, რომ…

რუსეთის სამხედრო აგრესიის შედეგად უკრაინაში უკვე 220 ბავშვი დიღუპა, 406-ზე მეტი კი დაშავდა – აღნიშნული ინფორმაციას უკრაინის გენერალური პროკურატურა ავრცელებს. უწყების ინფორმაციით, რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვისას დაზიანდა 1 584 სასწავლო დაწესებულება, საიდანაც 118 მთლიანად განადგურებულია. ,,რუსეთის ჯარებმა ოდესაზე მორიგი სარაკეტო თავდასხმა განახორციელეს, დაანგრიეს საერთაშორისო საცხოვრებელი, მოკლეს 14 წლის ბიჭი, 17 წლის გოგო კი დაჭრილია, რით დაემუქრნენ ეს ბავშვები რუსეთის სახელმწიფოს?! ლუგანსკის ოლქში, ლისიჩანსკში, 100 მეტი წლის წინ დაარსებული გიმნაზია, რუსული დაბომბვის გამო დაიწვა”- განაცხადა ვოლოდიმირ ზელენსკიმ. შეგახსენებთ, მონაცემები საბოლოო არ არის, რადგან აქტიური საომარი მოქმედებების…

საქართველოს პარლამენტის თავმჯდომარის შალვა პაპუაშვილის განცხადებით, მიხეილ სააკაშვილს დანაშაულების გამო აქვს გამოტანილი განაჩენი და მან სასჯელი უნდა მოიხადოს. ამასთან, როგორც შალვა პაპუაშვილმა აღნიშნა, პენიტენციურ სამსახურს აქვს პასუხისმგებლობა, რომ როგორც ნებისმიერ მსჯავრდებულს, სააკაშვილსაც სათანადო სამედიცინო სერვისი გაეწიოს. „რასაც ჩვენ ვუყურეთ, ეს არის მიხეილ სააკაშვილის პატიმრობის საკითხის კვლავ პოლიტიზება. ერთმანეთისგან უნდა გავმიჯნოთ ორი საკითხი. პირველი, სააკაშვილის ოჯახის თუ მისი გულშემატკივრის სურვილი იქნება, რომ გათავისუფლდეს ან გავიდეს ქვეყნიდან, აერიდოს სასჯელი, რომელიც მიუსაჯა ქართულმა მართლმსაჯულებამ, კანონის უზენაესობა სწორედ იმას გულისხმობს, რომ როდესაც ადამიანი სჩადის დანაშაულს და ამ დანაშაულზე გამოდის განაჩენი, სასჯელი უნდა იქნას მოხდილი.…

ევროკავშირის ელჩმა საქართველოში, კარლ ჰარცელმა, საქართველოს მიერ ევროკავშირის წევრობაზე კითხვარის შევსების შესახებ ისაუბრა. ელჩმა აღნიშნა, რომ პასუხების პირველი ნაწილის მომზადებისას, საქართველომ ვადა კარგად დაიცვა. ამასთან, კარლ ჰარცელის განმარტებით, მთავარია არა პასუხების გაცემის სისწრაფე, არამედ – მათი ხარისხი. „დიდი პატივი მერგო, რომ პრემიერ-მინისტრისგან კითხვარის პირველი ნაწილის პასუხები მივიღე და სრულიად დარწმუნებული ვარ, რომ მეორე ნაწილიც დროულად იქნება მოწოდებული. დრო კარგად იყო დაცული. რაც შეეხება პროცესს – ეს პროცესი არ არის 100-მეტრიანი სპრინტი, აქ მთავარია არა სისწრაფე, არამედ – პასუხების ხარისხი. ასევე, ევროკომისიისგან იქნება ძალიან ობიექტური შეფასება პასუხების და მთავარი იქნება, რამდენად შეესაბამება ეს ყველაფერი ევროკავშირის როგორც…

დიდი ბრიტანეთი უკრაინას 300 მილიონი ფუნტის (375 მილიონი დოლარის) ღირებულების სამხედრო დახმარების ახალ პაკეტს გამოუყოფს. ინფორმციას სააგენტო „როიტერი“ ავრცელებს. დახმარება მოიცავს რადიოელექტრონულ აღჭურვილობას, ასევე მობილურ რადიოლოკაციურ სისტემებსა და ღამის ხედვის აღჭურვილობას. სამხედრო დახმარებას შორის ასევე იქნება უპილოტო საფრენი აპარატები, GPS-ის სიგნალის ჩახშობის აღჭურვილობა და ჯავშანჟილეტები. ცნობისთვის, დიდი ბრიტანეთის პრემიერ-მინისტრი ბორის ჯონსონი დღეს უკრაინის უმაღლეს რადას სიტყვით მიმართავს. ბრიტანული მედიის ინფორმაციით, ბორის ჯონსონი იქნება პირველი მსოფლიო ლიდერი, რომელიც ომის დაწყების შემდეგ უკრაინის პარლამენტს მიმართავს. გავრცელებული ინფორმაციის თანახმად, ბორის ჯონსონი უკრაინისთვის 375 მილიონი დოლარის ოდენობის ახალი სამხედრო დახმარების პაკეტის გამოყოფის შესახებ ისაუბრებს.