დღე: მაისი 5, 2022

რუსეთის პრეზიდენტი ვლადიმერ პუტინი იძულებული გახდა, ისრაელის პრემიერისთვის ბოდიში მოეხადა. საუბარია რუსეთის საგარეო მინისტრის განცხადებაზე, როცა მან ებრაელები ჰიტლერს შეადარა და აღნიშნა, რომ ჰიტლერსაც ებრაული სისხლი ჰქონდა. ისრაელის მედიის ინფორმაციით, აღნიშნულის გამო, პრეზიდენტმა პუტინმა ისრაელის ის პრემიერ-მინისტრს ბოდიში სატელეფონო საუბრისას მოუხადა. ნაფტალი ბენეტის ადმინისტრაციის ინფორმაციით, პრემიერმა პუტინის ბოდიში მიიღო. ისრაელსა და რუსეთს შორის ვითარება სწორედ სერგეი ლავროვის განცხადების შემდეგ დაიძაბა. ისრაელი რუსეთისგან ბოდიშს ითხოვდა. ისრაელი რუსეთისგან ბოდიშის მოხდას ითხოვს

„აზოვის“ ბატალიონის ერთ-ერთი ხელმძღვანელის ინფორმაციით, რუსი ოკუპანტები მარიუპოლში, „აზოვსტალის“ ტერიტორიაზე  იმყოფებიან და სასტიკი ბრძოლები მიმდინარეობს. „კიდევ ერთხელ – არავის არავინ არ განუდევნია. რუსები ქარხანაში არიან. მიმდინარეობს სასტიკი ბრძოლა“, – აცხადებს პალამარი. პუტინი კი უკრაინელებს იარაღის დაყრისკენ მოუწოდებს. პუტინი ითხოვს, ზელენსკიმ საკუთარ მებრძოლებს დანებება უბრძანოს

ვლადიმერ პუტინი ისევ ითხოვს, „აზოვსტალის“ ქარხანაში გამაგრებულმა უკრაინელმა მებრძოლებმა იარაღი დაყარონ. ქარხნის ტერიტორიაზე ამ წუთებშიც უმძიმესი ბრძოლა მიმდინარეობს. რუსული ჯარები ქარხანას განუწყვეტლივ ბომბავენ. მიზის ზევით არაფერი დატოვეს. პუტინის ფოლადის ქარხანაში მყოფი მებრძოლებისგან იარაღის დაყრას და დანებებას ითხოვს. პუტინმა აღნიშნული მოთხოვნა ისრაელის პრემიერ-მინისტრ ნაფტალი ბენეტთან სატელეფონო საუბრისას კიდევ ერთხელ დააფიქსირა. კრემლში ასევე აცხადებენ, რომ დანებების შემთხვევაში, სამოქალაქო პირებს უსაფრთხო დერეფანს შესთავაზებენ.  

ამერიკის ელჩი საქართველოში კელი დეგნანი აცხადებს, რომ უკრაინისთვისაც და საქართველოსთვისაც მნიშვნელოვანია, ერთმანეთს დაუდგნენ გვერდით და საერთო მტერს, რუსეთს ერთად ებრძოლონ. ელჩი ორივე მხარეს მოუწოდებს, შეწყდეს ერთმანეთზე თავდასხმები. „უკრაინასა და აქ, საქართველოში, გარკვეულ ადამიანებს შორის ურთიერთბრალდებების საკითხს რაც შეეხება, არ მომისმენია, რომ რომელიმე პოლიტიკური ლიდერი ცდილობს, ჩაითრიოს საქართველო ამ ომში. სინამდვილეში,  მოვისმინე, რომ ადამიანები არიან ძალიან ფრთხილი და ძალიან სენსიტიური იმ ფაქტთან მიმართებაში, რომ საქართველოს ტერიტორიაზე უკვე განთავსებულია რუსული ძალები. საქართველომ უკვე გამოიარა თქვენს მოქალაქეებზე რუსეთის ძალების თავდასხმისა და თქვენი ტერიტორიის ოკუპაციის მტკივნეული გამოცდილება. ასე რომ, ნამდვილად სასარგებლო იქნება, შეწყდეს ერთმანეთზე…

უკრაინის პრემიერ-მინისტრის განცხადებით, მიმდინარეობს ქვეყნის აღდგენის გეგმაზე მუშაობა პარტნიორებთან ერთად. როგორც დენის შმიგალმა ვარშავაში მიმდინარე დონორების საერთაშორისო კონფერენციაზე აღნიშნა, გეგმაშია ახალი, ევროპული ქალაქის მშენებლობა. „უკრაინა, პარტნიორებთან ერთად, მთელი მსოფლიოდან აღდგენის გეგმას და უკრაინის აღდგენის ფონდს „Ukraine 24“-ს ამზადებს. ჩვენ ვაპირებთ არა მხოლოდ იმის აღდგენას, რაც დაზიანებული და განადგურებული იყო აგრესორის მიერ, არამედ, გვსურს ახალი ევროპული ქვეყნის მშენებლობა დაწყებული მწვანე ტექნოლოგიებით, ევროპული სტანდარტებით გაგრძელებული; თვითკმარი ენერგოსექტორით დაწყებული, თავდაცვის ინდუსტრიის განვითარებით გაგრძელებული; თავისუფალი ევროპული ბაზრით დაწყებული, თანამედროვე ურბანული სივრცეების შექმნით გაგრძელებული“ – განაცხადა დენის შმიგალმა ვარშავაში. როგორც პრემიერმა აღნიშნა, უკრაინის გეგმები ამბიციურია,…

უკრაინის პრემიერ-მინისტრის განცხადებით, ომში მყოფ ქვეყანას ყველაზე მეტად 4 რამ სჭირდება. დენის შმიგალის განცხადებით, ეს არის იარაღი, სანქციები, დაფინანსება და ევროპული პერსპექტივა. აღნიშნულის შესახებ შმიგალმა ვარშავაში მიმდინარე დონორების საერთაშორისო კონფერენციაზე ისაუბრა. პრემიერ-მინისტრის შეფასებით, ამ ეტაპისთვის, უკრაინის დანაკარგი 600 მილიონ დოლარს ითვლის. „ძვირფასო კოლეგებო, უკრაინაში ომია. ჩვენი ადამიანური დანაკარგები, ასევე ინფრასტრუქტურული და ეკონომიკური ზარალი უკიდურესად მაღალია. პირდაპირი დანაკარგი 600 000 000 დოლარს ითვლის. 5 მილიონზე მეტი უკრაინელი იძულებული გახდა მიეტოვებინა მათი სახლები და წასულიყო საზღვარგარეთ. 12 მილიონზე მეტი უკრაინელი ქვეყნის შიგნით იძულებით გადაადგუილებულია პირია. უკრაინული ბიზნესის მესამედი გაჩერებულია. უკრაინის ჯარი იბრძვის…

ქალაქ ხარკოვში ოკუპანტებმა ზოოპარკის თანამშრომლებსა და მოხალისეებს ცეცხლი გაუხსნეს – ამის შესახებ ინფორმაციას, უკრაინული მედია ავრცელებს. შემთხვევის შედეგად ერთ-ერთი მოხალისე,  15 წლის ბიჭი დაიღუპა. ზოოპარკის მფლობელის, ოლეკსანდრ ფელდმანის განცხადებით, რუსი სამხედროების მიერ სროლის შედეგად, მძიმე დაზიანება მიიღო კიდევ ორმა ადამიანმა. “ექიმები მათი სიცოცხლის გადასარჩენად ამ დრომდე იბრძვიან. დაღუპული 15 წლის ბიჭი ცხოველების ევაკუაციასა და გამოკვებაში მშობლებს ეხმარებოდა. ეს გმირი ბიჭუნა ჩვენს გულებში სამუდამოდ დარჩება,”- აღნიშნა ოლეკსანდრ ფელდმანმა .

ევროპული საბჭოს პრეზიდენტმა, შარლ მიშელმა დონორთა საერთაშორისო კონფერენციაზე სიტყვით გამოსვლისას განაცხადა, რომ უკრაინის მიმართ ევროკავშირის სოლიდარობის ძალისხმევა ჰუმანიტარულ მხარდაჭერაზე იქნება ფოკუსირებული. „ჩვენი სოლიდარობის ძალისხმევა ფოკუსირებული იქნება სამ საკვანძო სფეროზე – ჰუმანიტარული მხარდაჭერა, ლიკვიდობის მოკლევადიანი საჭიროებები და რეკონსტრუქცია. ჩვენ უნდა ვიმოქმედოთ ახლა, რათა რეაგირება მოვახდინოთ უკრაინელი ხალხის ამჟამინდელ ტანჯვაზე როგორც უკრაინის შიგნით, ისე მის ფარგლებს გარეთ. ამიტომ, ნომერ პირველი პრიორიტეტია ჰუმანიტარული ქმედებებისთვის თანხების  მობილიზება. უკრაინას სჭირდება მნიშვნელოვანი დაფინანსება, რომ შეინარჩუნოს სახელმწიფოს მუშაობა. საერთაშორისო სავალუტო ფონდის თანახმად, დაახლოებით ხუთი მილიარდი ევრო თვეში. ჩვენ შევაგროვეთ და გამოვყავით მიკროფინანსური დახმარება ჩვენს მეგობრებთან და პარტნიორებთან ერთად, თუმცა…

ჩეხეთი წარადგენს რეკონსტრუქციისა და სტაბილურობის პროგრამას უკრაინისთვის, რომელიც მიზნად ისახავს მოლდოვისა და საქართველოს მდგრადობასაც  ენერგეტიკის და კიბერუსაფრთხოების სფეროში, – ამის შესახებ ინფორმაციას, ჩეხეთის საგარეო საქმეთა მინისტრი, იან ლიპავსკი ავრცელებს. იან ლიპავსკიმ პოლონეთში მიმდინარე დონორთა საერთაშორისო კონფერენციაზე სიტყვით გამოსვლისას განაცხადა, რომ ჩეხეთი მკაცრად გმობს რუსეთის შეიარაღებულ ძალადობას და მხარს უჭერს უკრაინას. „ვგმობთ რუსეთის მხრიდან საერთაშორისო ჰუმანიტარული სამართლის დარღვევას. უკრაინაში რუსეთის ომის დაწყების შემდეგ, ჩეხეთმა 22 მილიონი ევროს დახმარება უზრუნველყო უკრაინის დაზარალებული მოსახლეობისთვის, ასევე ლტოლვილებისთვის. ჩეხეთი უზრუნველყოფს დამატებით 18 მილიონი ევროს მობილიზებას. ომი უკრაინაში და მისი ჰუმანიტარული და გეოპოლიტიკური შედეგები ჩვენი მომავალი ევროკავშირის პრეზიდენტობის განსახილველი…

აზოვის პოლკის მეთაურის მოადგილე მორიგ ვიდეომიმართვას ავრცელებს, სადაც მსოფლიო თანამეგობრობას შესაბამისი რეაგირებისკენ მოუწოდებს და დახმარებას სთხოვს. “მოვუწოდებთ მსოფლიო თანამეგობრობას, მოხდეს სამოქალაქო პირების და დაჭრილი სამხედროების ევაკუაცია, რომლებიც საშინელი ტანჯვით იხოცებიან, სათანადო მკურნალობის არქონის გამო. მოგვეცით საშუალება, გადავასვენოთ მებრძოლების ცხედრები, რათა უკრაინელებმა შეძლონ საკუთარ გმირებთან გამომშვიდებება. შესაბამისი რეაგირებაა საჭირო იმ კრიტიკულ სიტუაციასთან დაკავშირებით, სადაც მოწინააღმდეგე არ იცავს არანაირ ეთიკურ ნორმას, კონვენციასა თუ კანონს, მსოფლიოს თვალწინ ანადგურებს ადამიანებს,”- აცხადებს სვიატოსლავ პალამარი.

ევროკომისიის პრეზიდენტმა, ურსულა ფონ დერ ლაიენმა დონორთა საერთაშორისო კონფერენციაზე სიტყვით გამოსვლისას განაცხადა, რომ ევროკავშირი უკრაინის მოსახლეობისთვის 200 მილიონ ევროს გამოყოფს. მისი განმარტებით, რუსეთი ყოველდღიურად სჩადის ომის დანაშაულებს და პუტინმა ამ ყოველივეს საფასური უნდა გადაიხადოს. „რუსეთის აგრესიის სისასტიკემ მსოფლიო შოკში ჩააგდო. ეს საკუთარი თვალით ვნახე, როდესაც კიევში ვიმყოფებოდი. ვიყავით ბუჩაში და ვნახეთ საერთო საფლავები, დაჭრილები სახლებსა და საავადმყოფოებში, რომელიც დაბომბეს. საბავშვო ბაღები და სკოლები. ეს საშინელებაა, ომის დანაშაულებია, რომელსაც რუსეთი ყოველდღიურად სჩადის. სწორედ ამიტომ ჩვენ თქვენ გვერდით ვართ. ვერ შევედრებით უკრაინელი ხალხის სიმამაცეს და გაღებულ მსხვერპლს, მაგრამ შეგვიძლია, დაგეხმაროთ და თქვნ…

,,ჩვენ მოვახდინეთ ყველა ჩვენი რესურსის მობილიზაცია ამ დამანგრეველი ომის შედეგების შესამსუბუქებლად” – ამის შესახებ, საქართველოს პრემიერ-მინისტრმა პოლონეთში, საერთაშორისო კონფერენციაზე სიტყვით გამოსვლისას განაცხადა. ირაკლი ღარიბაშვილმა აღნიშნა, რომ ომმა უკრაინაში გამოიწვია მძიმე ჰუმანიტარული კრიზისი, რომელიც საერთაშორისო საზოგადოებისგან ითხოვს დაუყოვნებლივ მოქმედებას. ,,ჩვენ ვგმობთ რუსეთის უხეშ სამხედრო აგრესიას უკრაინის წინააღმდეგ, რომელიც უხეშად არღვევს საერთაშორისო სამართლის და გაეროს ქარტიის ფუნდამენტურ პრინციპებს და ნორმებს და წარმოადგენს უპრეცედენტო გამოწვევას ევროპის უსაფრთხოების არქიტექტურისთვის. უკრაინაში ომის შედეგები განსაზღვრავს ევროპის უსაფრთხოების სამომავლო არქიტექტურას და საფუძველს ჩაუყრის უსაფრთხოების ახალ ჩარჩოს ჩვენს რეგიონში და  მის საზღვრებს გარეთ. ომმა უკრაინაში გამოიწვია მძიმე ჰუმანიტარული…

დონორთა მაღალი დონის საერთაშორისო კონფერენციაზე შვედეთის პრემიერ-მინისტრმა მაგდალენა ანდერსონმა განაცხადა, რომ ჰუმანიტარული დახმარების სახით, შვედეთი უკრაინას დამატებით 23 მილიონ დოლარს გადასცემს. შვედეთის პრემიერ-მინისტრის განცხადებით, უკრაინას სამხედრო და ფინანსური დახმარება დაუყოვნებლივ უნდა მიეწოდოს. „ჩვენ აქ შევიკრიბეთ უკრაინის ხალხისადმი სოლიდარობის ნიშნად. ეს ხალხი განიცდის უზარმაზარ უსამართლობას და ტანჯვას. მინდა ჩემი გამოსვლა დავიწყო 11 წლის ილიას, ოდესელი ბიჭუნას სიტყვებით, რომლებიც მანდ „იუნისეფს“ უთხრა: „მე მეშინოდა. მე მესმოდა აფეთქებები. ნებისმიერ დროს რაკეტა შესაძლებელი იყო, მოხვედროდა ჩემს სახლს და ყველა დაიღუპებოდა“. ეს არის მრავალი ჩვენებიდან მხოლოდ ერთ-ერთი. ეს არც ერთმა ბავშვმა არ უნდა გამოსცადოს. რუსეთის…

უკრაინის პრეზიდენტი, ვოლოდიმირ ზელენსკი დღეს, ვარშავაში მიმდინარე დონორთა საერთაშორისო კონფერენციაზე სიტყვით გამოვიდა. პრეზიდენტმა ევროპას ერთიანობისკენ მოუწოდა და ქვეყნის რეკონსტრუქციის პროცესში ჩართვა სთხოვა. ,,ჩვენი აქ შეკრება მოწმობს იმას, რომ უკრაინა, ევროპა და მთელი მსოფლიო არის გამარჯვების გზაზე, ეს ნიშნავს რომ ჩვენი კონტინენტი ერთიანია. რუსები დამარცხდებიან. უკრაინელი სამხედროები ჩვენს თავისუფლებას მამაცურად იცავენ. ეს ყველაფერი ბრძოლის ველზე არ დასრულდება, აუცილებელია ვიყოთ დარწმუნებული რომ ნორმალური ცხოვრების გაგრძელებას შევძლებთ. არ უნდა გაგრძელდეს ტირანიის დაფინანსება, რაც ათეულობით წლების განმავლობაში ხდებოდა გაზისა და ენერგო რესურსების შეძენით. ჩვენ ვემზადებით ფართომასშტაბიანი რეკონსტრუქციის გეგმისთვის, რითაც უნდა აღდგეს უკრაინა. უნდა შევძლოთ ქვეყნის მოდერნიზება…

მიკოლაივის მერის ვიტალი კიმის განცხადებით, ქალაქის  ტერიტორიაზე საჰაერო იერიში გრძელდება. მერის ინფორმაციით,  მსხვერპლი არ არის, თუმცა დაბომბვის შედეგად მნიშვნელოვანი მატერიალური ზიანი მიადგა ქალაქს. ,,დაბომბვები გრძელდება. ოკუპანტები ამას 9 მაისამდე, რუსეთის სირცხვილის დღისთვის აკეთებენ. მსხვერპლი არ ყოფილა, მსუბუქად დაშავდნენ. მატერიალური ზარალი დიდია, მაგრამ გადავრჩებით. რუსების რიტორიკის მიხედვით შევამჩნიე, დაავიწყდათ, რომ ისინი აქ რუსულენოვანების გასათავისუფლებლად მოდიან. დაავიწყდათ რისთვის იყო ეს სპეცოპერაცია. პრინციპში, მთელი რიტორიკა შეიცვალა. ახლა ტელევიზიით ამბობენ, რომ უბრალოდ უკრაინელების მოკვლა სჭირდებათ და NATO-სთან ომში არიან. უკრაინელების მკვლელობა ახლა მათი სიდიადეა,” – აცხადებს  ვიტალი კიმი.

აშშ-ის დაზვერვა უკრაინას რუსი გენერლების ლიკვიდაციაში ეხმარება, – აღნიშნულ ინფორმაციას, „ნიუ იორკ თაიმსი“ აშშ-ის სამთავრობო წყაროზე დაყრდნობით ავრცელებს. გამოცემის ინფორმაციათ, აშშ-ის დაზვერვა უკრაინას რუსული დანაყოფების ადგილმდებარეობის შესახებ ინფორმაციას აწვდის, რამაც უკრაინის არმიას არაერთი რუსი გენერლის ლიკვიდაციის შესაძლებლობა მისცა. უკრაინის ხელისუფლების ცნობით, 12 რუსი გენერლია უკვე მოკლული. ამასთან, სადაზვერვო ინფორმაცია მოიცავს რუსეთის ჯარების სავარაუდო გადაადგილებას და  საიდუმლო საბრძოლო გეგმის შესახებ ინფორმაციას. მედიის ცნობით, აშშ-ის სადაზვერვო სამსახურები იყენებენ სხვადასხვა წყაროებს, მათ შორის საიდუმლო და კომერციულ თანამგზავრებს, რათა თვალყური ადევნონ რუსული ჯარების გადაადგილებას.

,,მათ სურთ საქართველოსგან მიიღონ იარაღი, რომ საქართველომ გახსნას მეორე ფრონტი. ეს ყველაფერი შეუძლებელია”- ამის შესახებ, საქართველოს პრეზიდენტმა, სალომე ზურაბიშვილმა ,,Deutsche Welle”-სთან ინტერვიუში განაცხადა.   „უკრაინელები ზოგჯერ უფრო მეტს ითხოვენ პარტნიორებისგან, არა მარტო საქართველოსგან. უხეში სიტყვები გამოიყენეს სხვადასხვა პარტნიორის მიმართ, მათ შორის ბლინკენის მიმართ, როდესაც ის კიევში ჩადიოდა, უთხრეს: „ნუ წამოიღებთ შოკოლადებს, წამოიღეთ იარაღი“. მათ სურთ საქართველოსგანაც მიიღონ იარაღი, რომ საქართველომ გახსნას მეორე ფრონტი. ეს ყველაფერი შეუძლებელია. მე ვფიქრობ, რომ საქართველოს მთავრობა უფრო რეალისტურად უყურებს იმას, თუ რისი გაკეთება შეუძლია საქართველოს ამ ეტაპზე. გვაქვს ორი ოკუპირებული ტერიტორია, რომელთაგან ერთ-ერთი ახლა რუსეთთან…

უნგრეთი  ევროკავშირის წინადადებას რუსული ნავთობის აკრძალვის შესახებ მხარს არ უჭერს. უნგრეთის საგარეო საქმეთა მინისტრის განმარტებით,  სანქციების ასეთი ფორმით უნგრეთის ენერგომომარაგება სრულად განადგურდება. მისივე განცხადებით, უნგრეთი სანქციებს მხოლოდ იმ შემთხვევაში დათანხმდება, თუ შეზღუდვები მილსადენით რუსეთიდან ნედლი ნავთობის იმპორტზე არ გავრცელდება. “უნგრეთის ენერგომომარაგება ამჟამად უსაფრთხოა, მყარ საფუძვლებზე. თუმცა, უნგრეთის უსაფრთხო ენერგომომარაგება სანქციების ამ პაკეტით მთლიანად განადგურდება. ბრიუსელში სანქციების ამ პაკეტის შედეგად, უნგრეთისთვის შეუძლებელი გახდება უნგრეთის ეკონომიკის ფუნქციონირებისთვის საჭირო ნედლი ნავთობის უზრუნველყოფა. საუბარი არ არის პოლიტიკური ნების ნაკლებობაზე, ეს არის ფიზიკური, გეოგრაფიულ-ინფრასტრუქტურული რეალობა. შესაბამისად, სანქციების პაკეტს ამ ფორმით მხარს ვერ დავუჭერთ, უნგრეთი ამ სანქციებს დაეთანხმება მხოლოდ იმ შემთხვევაში,…

თეთრი სახლის პრეს-მდივანმა ჯენ ფსაკმა, ჟურნალისტებთან საუბრისას, უკრაინაში რუსეთის სამხედრო აგრესიაზე  ისაუბრა. მან  აღნიშნა, რომ აშშ უკრაინის მხარდაჭერას გააგრძელებს. „პრეზიდენტ პუტინის ჩანაფიქრი – ხელში ჩაეგდო უკრაინა, მოექცია ის რუსეთის შემადგენლობაში, წაერთმია ტერიტორიული მთლიანობა და სუვერენიტეტი, არ აღმოჩნდა წარმატებული. მოგეხსენებათ, ის ელოდა და აპირებდა მომავალ ორშაბათს, გამარჯვების მარშის კიევის ქუჩებში გაემართა. ცხადია, ეს არ არის ის, რაც მოხდება. მას სურდა, რომ ეს ყოფილიყო ნატოსა და დასავლეთის გაყოფის მომენტი. რა თქმა უნდა, ასე არ ხდება. ჩვენ ვთქვით, რომ გვსურს უკრაინის გამარჯვება. ყველაფერს გავაკეთებთ, რომ დავეხმაროთ უკრაინას, დაიცვას თავისი სუვერენიტეტი და ტერიტორიული მთლიანობა“, – განაცხადა…

რუსეთის  აგრესიის შედეგად უკრაინაში უკვე 221 ბავშვია გარდაცვლილი, 408-ზე მეტი კი დაშავებული – აღნიშნულ ინფორმაციას უკრაინის გენერალური პროკურატურა ავრცელებს. უწყების ინფორმაციით, ყველაზე მეტი ბავშვი დაზარალდა დონეცკის ოლქში – 139, კიევის ოლქში – 116, ხარკოვის ოლქში – 95, ჩერნიგოვის ოლქში – 68, ხერსონის ოლქში – 46, მიკოლაევის ოლქში – 44, ლუგანსკის ოლქში – 37, ზაპოროჟიეს ოლქში – 27, სუმის ოლქში – 17, დედაქალაქში – 16,  ჟიტომირის ოლქში – 15. “3 მაისს, ნიკოლაევის რაიონის სოფელ ველიკი-კუტში რუსი ოკუპანტების თავდასხმის შედეგად 9 წლის გოგონა დაიჭრა.კიევის რეგიონში რუსული არმიის მიერ ჩადენილი კრიმინალური დანაშაულების გამოძიების…