დღე: მაისი 2, 2022

„სიტუაცია ზე-კრიტიკულია. საქმე ეხება საქართველოს მესამე პრეზიდენტს, რომელსაც ლომის წვლილი მიუძღვის საქარველოს განვითარებაში. დინამიკას რომ ვუყურებთ, შეიძლება გადამწყვეტი იყოს დღეები, ჩვენ არც შეწყალებას, არც მსგავს რამეს არ ვითხოვთ, საუბარია, სასჯელის გადავადებაზე, გავუშვათ მიშა სააკაშვილი სამკურნალოდ“ – ეს განცხადება პატიმრობაში მყოფი სააკაშვილის ძმამ საპრეზიდენტო ბიბლიოთეკაში გააკეთა. პრეზიდენტის ორივე ძმა ჟურნალისტებს ხვდება და მოქმედების სტრატეგიას აცნობს. ისინი ყველას სთხოვენ, მათი ოჯახის მდგომარეობაში შევიდნენ. „აქ საუბარია სიცოცხლეზე. სიტუაცია საკმაოდ მძიმე, კრიტიკულია, ვინაიდან ჩემი ძმა, დღეს უკვე სასამართლო პროცესზეც ვერ იმყოფებოდა, საკვების მიღება უჭირს, ღებულობს მარტო წყალს და დღეს ვისმენთ „ქართული ოცნების“ მესვეურებისგან, რომ არაფერი…

მიხეილ სააკაშვილის ძმები, ამ წუთებში ჟურნალისტებს ხვდებიან და საგანგებო განცხადებას აკეთებენ. როგორც სააკაშვილის უფროსი ძმა აცხადებს, თუ სახელმწიფო კვალიფიციურ ადგილობრივ ექიმებს არ ენდობა, მოიწვიონ უცხოელი სპეციალისტები, რომლებიც მიხეილ სააკაშვილის მდგომარეობაზე დასკვნას დადებენ. „მოგვიტევეთ, ემოციური ფონი მაღალია. საქმე ეხება ჩვენს ძმას. სახალხო დამცველთან არსებულმა კვალიფიციურ ექიმთა ჯგუფმა დადო  დასკვნა მიშას ჯანმრთელობის შესახებ, რამაც ყველა დაგვარწმუნა მისი ჯანმრთელობის სავალალო მდგომარეობის შესახებ. ეს უკვე კარგადაც ჩანდა ვიზუალურად ბოლო პროცესების მიმდინარეობისას. ოჯახმა ექიმებთან ერთად მივმართეთ მთავრობას, საზოგადოებას და ავუხსენით რისკები, რამაც შეიძლება გამოიწვიოს ფატალური შედეგი. ამას მოყვა გონივრული ვადა და ეს ყველაფერი გავაკეთე იმისთვის…

,,კარგია, რომ მაღალი დონის ვიზიტები გვაქვს – იცით, რომ ჩეხეთის რესპუბლიკის სენატის თავმჯდომარე იმყოფება, ასევე, საქართველოშია ფინეთის მეგობრობის ჯგუფი. ამ დროს ჩვენთვის განსაკუთრებით მნიშვნელოვანია მეგობრების მხრიდან მხარდამჭერი სიტყვების მოსმენა. მოხარული ვარ, რომ საპარლამენტო დიპლომატიის კუთხით პარლამენტი ვაქტიურობთ,” – ამის შესახებ პარლამენტის თავმჯდომარე, შალვა პაპუაშვილმა ბიუროს სხდომაზე განაცხადა. როგორც ბიუროს სხდომაზე აღინიშნა უახლოეს პლენარულ სხდომაზე დეპუტატები მოისმენენ და იმსჯელებენ ევროპის საბჭოს საპარლამენტო ასამბლეაში საქართველოს მუდმივმოქმედი დელეგაციის 2021 წლის საპარლამენტო ანგარიშს. შალვა პაპუაშვილის ინფორმაციით, სავარაუდოდ, 11 მაისს, მინისტრის საათის ფორმატში, პარლამენტი, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალურ საკითხთა მინისტრს მოუსმენს.

,,ევროკავშირის კითხვარი შევავსეთ და ჩავაბარეთ, თუმცა მისი შინაარსი არ ვიცით – ეს იმდენად ეხება ქართველ ხალხს და ჩვენს მომავალს, რომ ფიზიკურად არ შეიძლება მისი შინაარსის გასაიდუმლოება,”- ამ სიტყვებით  მიმართა „გირჩის“ ლიდერმა იაგო ხვიჩიამ პარლამენტის თავმჯდომარეს შალვა პაპუაშვილს ბიუროს სხდომაზე სიტყვით გამოსვლისას. იაგო ხვიჩიას განცხადებით, ევროკავშირის კითხვარზე გაცემული პასუხები მოქალაქეებსაც აინტერესებთ. „თუ არ ვცდები საგარეო საქმეთა მინისტრმა თქვა, რომ ამ კითხვარზე პასუხები არ იქნება საჯარო. ჩვენ თითქმის ყველა კომიტეტში გვყავს წარმომადგენელი, მათ შორის, საგარეო ურთიერთობათა კომიტეტში, ანუ ყველგან ვართ წარმოდგენილი პარლამენტში და ვიცით, რომ პარლამენტმა შეავსო ასევე ეს კითხვარი. რა ფორმატში შეგვეძლო და ვერ…

პარლამენტის თავმჯდომარემ, შალვა პაპუაშვილმა და აპარატის უფროსმა, ქეთევან კვინიკაძემ მოქალაქეთა განახლებული მისაღები გახსნეს. პაპუაშვილის განცხადებით, განახლებული სივრცე ხელს შეუწყობს პარლამენტის საქმიანობაში მოქალაქეთა აქტიურ ჩართულობას. „დღეს გავხსენით მოქალაქეთა ჩართულობის ცენტრი. ეს გახლავთ ღია მმართველობის საბჭოს ფარგლებში შემუშავებული ერთ-ერთი იდეა, რომელიც რამდენიმე ხნის წინ განხორციელდა, თუმცა პანდემიის გამო დაწესებული შეზღუდვებიდან გამომდინარე, მოქალაქეთა ჩართულობის ცენტრი ამ დრომდე არ გახსნილა. ახლა, უკვე შესაძლებელია მოქალაქეებისთვის ეს სივრცე არსებობდეს, სადაც ყველა სერვისის მიწოდება ერთი ფანჯრის პრინციპით მოხდება. ამ სივრცეში, ასევე, მოეწყო შეხვედრების ორი ოთახი, სადაც შესაძლებელი იქნება მოქალაქეები შეხვდნენ როგორც პარლამენტის წევრებს, ასევე აპარატის თანამშრომლებს. მოქალაქეთა განახლებულ მისაღებში…

  ევროკავშირის წარმომადგენლობის ხელმძღვანელისთვის ევროკომისიის კითხვარის პირველი ნაწილის გადაცემას საქართველოს საქართველოს პრემიერ-მინისტრი ირაკლი ღარიბაშვილი სოციალურ ქსელ Twitter-ზე ეხმაურება. მთავრობის მეთაური აღნიშნავს, რომ საქართველო ევროინტეგრაციის გზის უმნიშვნელოვანეს ეტაპზე გადავიდა. პრემიერ-მინისტრის განცხადებით, ქართველი ხალხის საბოლოო მიზნის მისაღწევად საქართველოს წარმატებაში დარწმუნებულია. „ვამაყობ, რომ ევროკომისიის კითხვარი საქართველოში ევროკავშირის ელჩს, კარლ ჰარცელს გადავეცი. საქართველოს ევროინტეგრაციის გზის უმნიშვნელოვანეს ეტაპზე გადავედით. დარწმუნებული ვარ საქართველოს წარმატებაში, ქართველი ხალხის საბოლოო მიზნის მისაღწევად“,- აღნიშნავს პრემიერ-მინისტრი.

საგარეო საქმეთა სამინისტროში უკრაინის საქმეთა დროებით რწმუნებულთან, ანდრიი კასიანოვთან შეხვედრა გაიმართა. დიპლომატი საგარეო უწყებაში უკრაინის თავდაცვის სამინისტროს დაზვერვის სამსახურის მიერ გავრცელებულ ინფორმაციასთან დაკავშირებით იქნა გამოძახებული. შეხვედრაზე, მინისტრის მოადგილემ, თეიმურაზ ჯანჯალიამ კიდევ ერთხელ დააფიქსირა ქართული მხარის უკმაყოფილება მსგავსი შინაარსის ბრალდებების გამო და აღნიშნა, რომ მსგავსი სახის გადაუმოწმებელ ფაქტებზე დაყრდნობით ინფორმაციის გავრცელება აზიანებს ორ ქვეყანას შორის არსებულ პარტნიორულ ურთიერთობას. უკრაინის საქმეთა დროებით რწმუნებულს ეთხოვა უკრაინის თავდაცვის სამინისტროს დაზვერვის სამსახურის მიერ გავრცელებულ ინფორმაციაზე შესაბამისი ფაქტობრივი განმარტებები და მტკიცებულებების დროულად წარმოდგენა, განსაკუთრებით იმის გათვალისწინებით, რომ უკრაინულმა მხარემ  ასევე ვერ წარმოადგინა მტკიცებულებები უკრაინის თავდაცვის დაზვერვის ანალოგიური  შინაარსის…

,,ეს „ნაციონალური მოძრაობის“ დამოკიდებულებას აჩვენებს არა მხოლოდ ხელისუფლების მიმართ, არამედ ქვეყნის მიმართ” – ასე შეაფასა საპარლამენტო უმრავლესობის ლიდერმა, ირაკლი კობახიძემ ჟიგიმანტას პავილიონისის და ნიკა მელიას შეხვედრა. ირაკლი კობახიძე მიიჩნევს, რომ  „ნაცმოძრაობა“ არის ტოტალურად არაპატრიოტული პოლიტიკური ძალა. „ომში ჩართვაც ამიტომ უნდათ ზუსტად. მათ არ აქვთ პატრიოტიზმის ნიშანწყალი. ეს იყო მათი მთავარი პრობლემა ყოველთვის – ხელისუფლებაში მოსვლის დღიდან, 2008 წელს, როცა ქვეყნის ტერიტორიების 20 პროცენტი რუსეთს ჩააბარეს. ესეც ზუსტად ამის გამო გააკეთეს, მათ არ ჰქონდათ პატრიოტიზმის ნიშანწყალი. დღეს რასაც აკეთებენ, ზუსტად იმის გამოხატულებაა, რომ მათ აქვთ ნულოვანი პატრიოტიზმი, საერთოდ არ აინტერესებთ ქვეყანა. ჟარგონზე რომ ვთქვათ,…

,,რძის პროდუქტებთან ერთად იმდენი ხანი იმგზავრა, ეტყობა, მათ მიმართ რაღაც განზიდვა აქვს,” – აღნიშნული კომენტარი პარტია „ქართული ოცნების“ თავმჯდომარე ირაკლი კობახიძემ , მიხეილ სააკაშვილის   ჯანმრთელობის მდგომარეობასთან დაკავშირებით გააკეთა. მისივე განცხადებით,  ყველა ვინც სააკაშვილის გადაცემას ან გათავისუფლებას ითხოვს,  საქართველოს ომში ჩართვა სურთ. ირაკლი კობახიძის განმარტებით, სააკაშვილის გადაცემა-გათავისუფლება გამორიცხულია. „რაღაც ანონსი როცა სრულ სიცრუესა და სიყალბეზეა აგებული, მას ვერანაირი წარმატება ვერ ექნება. ბუნებრივია, პატიმრის ჯანმრთელობის დაცვა არის ხელისუფლების პასუხისმგებლობა და ამ თვალსაზრისით, ყველაფერი უნდა გაკეთდეს და კეთდება კიდეც. პატიმარი ცილოვან საჭმელს თუ განწყობის არარსებობის გამო არ იღებს, არ ვიცი, რა უნდა გააკეთო,…

იუსტიციის მინისტრმა რატი ბრეგაძემ ექსპერტთა ჯგუფის წევრის მიერ მიხეილ სააკაშვილის პერსონალურ მონაცემების გასაჯაროებას ფაქტზე, მთავრობის ადმინისტრაციაში გამართულ ბრიფინგზე ისაუბრა. „საინტერესოა, რატომ მოხდა პერსონალური ინფორმაციის გაჟღერება სახალხო დამცველის მიერ შექმნილი ექსპერტთა ჯგუფის წევრისგან, მაშინ როდესაც პენიტენციურ სამსახურში გამოგზავნილ წერილში ხაზგასმით იყო აღნიშნული, რომ დასკვნის ეს ნაწილი არ იყო საჯარო, თუმცა თავად ექსპერტთა ჯგუფისგან გახდა ეს ინფორმაცია საჯაროდ ცნობილი და ეს არის პერსონალური ხასიათის ინფორმაცია“, – განაცხადა მინისტრმა.   პენიტენციური სამსახური სახალხო დამცველს მიხეილ სააკაშვილის პირადი მონაცემების გავრცელებას ედავება

,,ის დრო ჩაბარდა ისტორიას, როცა ჩვენ მის ტრანსპორტირებას საზღვარგარეთ ვითხოვდით” –  აღნიშნულ განცხადებას „ემპათიას“ ექსპერტთა ჯგუფის წევრი, ექიმი ლალი ჯავაშვილი აკეთებს. ექიმის ინფორმაციით, მიხეილ სააკაშვილის საზღვარგარეთ გადაყვანა, მისი ჯანმრთელობის მდგომარეობის გათვალისწინებით ვეღარ მოხერხდება. „რა დროს მისი ტრანსპორტირებაა, ადამიანი ფეხზე ვერ დგას, ჰაერში, ცაში რა განვითარდება არავინ არ იცის. ის დრო ჩაბარდა ისტორიას, როცა ჩვენ მის ტრანსპორტირებას საზღვარგარეთ ვითხოვდით. დღეს ეს საჭიროება არ არის იმიტომ, რომ ამას ვერ შეძლებს. ერთადერთი, რაც ჩვენ შეგვიძლია შევთავაზოთ და რასაც კატეგორიულად ვითხოვთ არის, რომ ის სასწრაფოდ იყოს გადაყვანილი უახლოეს სტაციონარში, რომ გადარჩეს და დაიწყოს ტრანსფუზიური…

იუსტიციის მინისტრმა რატი ბრეგაძემ მიხეილ სააკაშვილის ჯანმრთელობის მდგომარეობის შესახებ, მთავრობის სხდომის შემდეგ გამართულ ბრიფინგზე ისაუბრა. მინისტრის განმარტებით, იუსტიციის სამინისტროსა და პენიტენციური სამსახურის მიმართ ცილისმწამებლური კამპანია ხორციელდება. ინფორმაცია იმის შესახებ, რომ სააკაშვილს სათანადო სამედიცინო დახმარებას არ უწევენ, მტკნარი სიცრუეა. „მინდა საზოგადოებისთვის კარგად იყოს ცნობილი, რომ მას ამ პერიოდში 800-მდე ვიზიტორი ჰყავდა, რაც იმის ნათელი დასტურია, რომ არავის ვემალებით, არავის ვუმალავთ მის მდგომარეობას და, ბუნებრივია, მას ყოველდღიურ რეჟიმში აქვს იმის შესაძლებლობა, რომ შეხვდეს პირებს, ვისაც მისი მონახულების უფლება აქვთ“, – აღნიშნა მინისტრმა. ბრეგაძის განცხადებით , პატიმარი უზრუნველყოფილია დღეში სამჯერადი კვებით, აქვს უფლება ციხის მაღაზიაში…

სპეციალური პენიტენციური სამსახურის  ინფორმაციით,  „ტვ პირველის“ ეთერში,  სახალხო დამცველის მიერ შექმნილი ექსპერტთა ჯგუფის წევრმა გიორგი გრიგოლიამ მიხეილ საააკაშილის პერსონალური მონაცემები გაასაჯაროვა. უწყების ინფორმაციით, სახალხო დამცველის აპარატის მიერ სპეციალური პენიტენციური სამსახურისთვის ა.წ. 28 აპრილს გაგზავნილ წერილში საგანგებოდ იყო მითითებული, რომ დასკვნის დანართი არ არის საჯარო. „სპეციალურმა პენიტენციურმა სამსახურმა მოახდინა მყისიერი რეაგირება სახალხო დამცველის ექსპერტთა ჯგუფის დასკვნაზე და გაავრცელა განცხადება, სადაც აღინიშნა, რომ სამსახურს აქვს კითხვები, რომლებიც მოკლე ვადაში მიეწოდებოდა სახალხო დამცველს. 30 აპრილს პენიტენციურმა სამსახურმა მიმართა სახალხო დამცველს და ელოდება არგუმენტირებულ პასუხს დასმულ კითხვებზე. წერილში ერთ-ერთი საკითხი ეხებოდა სწორედ გამჟღავნებულ ინფორმაციას…

თბილისის საქალაქო სასამართლოში მიხეილ სააკაშვილის საქმის განხილვა მიმდინარეობს. 7 ნოემბრის საქმზე მიმდინარე პროცესს, თავად ბრალდებული არ ესწრება, მიზეზი კი ჯანმრთელობის გაუარესებული მდგომარეობაა. ადვოკატ შოთა თუთბერიძის განცხადებით, დღევანდელი პროცესისთვის მნიშვნელოვანია გაუწევენ თუ არა ყოფილ პრეზიდენტს საჭირო სამედიცინო დახმარებას. “ამჟამად ვიმყოფებით მტკიცებულებათა გამოკვლევის ეტაპზე, თუმცა, დიახ, ჩვენ გვექნება რამდენიმე შუამდგომლობა, მათ შორის ჯანმრთელობის მდგომარეობასთან დაკავშირებით. დღევანდელი პროცესისთვის მნიშვნელოვანია არა ის, საზღვარგარეთ წაიყვანენ თუ არა მიხეილ სააკაშვილს, არამედ ის, გაუწევენ თუ არა მას იმ სამედიცინო დახმარებას, რომელიც სჭირდება. რაც შეეხება საზღვარგარეთ გაყვანას, ჩემი პირადი პოზიცია არის, რა აზრიც ჩამომიყალიბდა ექიმების დასკვნების წაკითხვის შემდეგ, რომ მისი პრობლემა…

შინაგან საქმეთა სამინისტროს სასაზღვრო პოლიციის თანამშრომლებმა წითელ ხიდზე, სასაზღვრო სექტორის “ვახტანგისის” დასაცავ მონაკვეთზე ჩატარებული ოპერატიულ-სამძებრო ღონისძიებების შედეგად აზერბაიჯანის რესპუბლიკის ორი მოქალაქე 1998 წელს დაბადებული უ. ტ. და 1989 წელს დაბადებული ​ე. მ. დააკავეს. აღნიშნულ ინფორმაციას  შსს ავრცელებს. უწყების ცნობით, მათ ბრალად საქართველოს სახელმწიფო საზღვრის უკანონოდ, ჯგუფურად გადმოკვეთა, ასევე, განსაკუთრებით დიდი ოდენობით ნარკოტიკული საშუალების უკანონო შეძენა-შენახვა და შემოტანა ედებათ. დანაშაულები 15-დან 20 წლამდე ან უვადო თავისუფლების აღკვეთას ითვალისწინებს. „გამოძიებით დადგინდა, რომ ბრალდებულებმა აზერბაიჯანის რესპუბლიკიდან, სასაზღვრო-საკონტროლო გამტარი პუნქტის გვერდის ავლით, ჯგუფურად, უკანონოდ გადმოკვეთეს საქართველოს სახელმწიფო საზღვარი და მართლსაწინააღმდეგოდ შემოიტანეს 10 კილოგრამზე მეტი…