დღე: მაისი 23, 2022

„ჩემი დიპლომატიური კარიერის 20 წლის განმავლობაში მე მინახავს ჩვენი საგარეო პოლიტიკის სხვადასხვა შემობრუნება, მაგრამ არასოდეს შემრცხვენია ჩემი ქვეყნის ისე, როგორც ამ წლის 24 თებერვალს“ – აღნიშნული განცხადებს გაერო-ს ჟენევის ოფისში რუსეთის მისიის მრჩეველს –  ბორის ბონდარევს ეკუთვნის. დიპლომატის შეფასებით, ის, რაც დღეს უკრაინაში ხდება, ყველაზე მძიმე დანაშაულია. „პუტინის მიერ გაჩაღებული აგრესიული ომი უკრაინის წინააღმდეგ და, ფაქტობრივად, მთელი დასავლური სამყაროს წინააღმდეგ, არის  ყველაზე მძიმე დანაშაული რუსეთის ხალხის წინააღმდეგ, ჩვენს ქვეყანაში თავისუფალი საზოგადოების არსებობასთან დაკავშირებული ჩვენი ყველა იმედისა და პერსპექტივის ასო „Z”-ით გადახაზვა. მათ, ვინც ჩაიფიქრა ეს ომი, მხოლოდ ერთი რამ სურთ…

აშშ-ის სახელმწიფო მდივანი, ენტონი ბლინკენი საქართველოს საგარეო საქმეთა მინისტრს, ილია დარჩიაშვილს საგარეო უწყების ხელმძღვანელის თანამდებობაზე დანიშვნას ულოცავს. აღნიშნულ ინფორმაციას საქართველოს საგარეო საქმეთა სამინისტრო ავრცელებს. უწყების ინფორმაციით, სახელმწიფო მდივნის მისალოც წერილში ბლინკენი აღნიშნავს, რომ აშშ მტკიცედ რჩება საქართველოსთან სტრატეგიული პარტნიორობის ერთგული. „საქართველოს დამოუკიდებლობის აღდგენის დღიდან, აშშ მხარს უჭერს საქართველოს დემოკრატიული, მშვიდობიანი, ევრო-ატლანტიკური  და წარმატებული მომავალისკენ სწრაფვას. აშშ საქართველოს გვერდით იქნება დემოკრატიული ინსტიტუტების გაძლიერების,ეკონომიკის დივერსიფიცირებისა და კონფლიქტების გადაწყვეტის პროცესში”,- წერს ბლინკენი. წერილში აღნიშნულია, რომ 30-წლიანი ურთიერთობის განმავლობაში, ამერიკის შეერთებული შტატები და საქართველო ერთად მუშაობდნენ გლობალური უსაფრთხოების მხარდასაჭერად. „ამ მიმართულებით, ჩვენ ვაფასებთ საქართველოს ხელისუფლების მიერ გაწეულ ძალისხმევას გლობალურ და…

უკრაინის პრეზიდენტის ოფისის ხელმძღვანელის მრჩეველის მიხაილო პოდოლიაკის განაცხადებით, ევროპა რუსული გაზისა და ნავთობის შეძენით ყოველდღიურად მილიარდობით ევროს აგზავნის მოსკოვში. „რუსეთის ფედერაციის უკრაინაში შეჭრიდან მესამე თვე სრულდება. ევროპა აგრძელებს მოსკოვში ყოველდღიურად მილიარდი ევროს გაგზავნას ნავთობისა და გაზის შეძენით. რუსეთი აგრძელებს ბავშვების მოკვლას, ქალების გაუპატიურებასა და ქალაქების განადგურებას. უკრაინელები აგრძელებენ ევროპული საზღვრებისა და დემოკრატიული ცივილიზაციის დაცვას. დასკვნები გამოიტანეთ“,- განაცხადა მიხეილ პოდოლიაკმა.

პოლონეთის კლიმატის და გარემოს მინისტრის ანა მოსკვას განცხადებით, პოლონეთი რუსეთთან ენერგეტიკულ ურთიერთობას წყვეტს. „პოლონეთმა გააუქმა ბუნებრივ აირთან დაკავშირებული 1993 წლის მთავრობათაშორისი შეთანხმება იამალთან მიმართებით. უკრაინის წინააღმდეგ რუსეთის აგრესიამ დადასტურა პოლონეთის მთავრობის გადაწყვეტილების მართებულობა, გახდეს რუსული გაზისგან სრულად დამოუკიდებელი. ჩვენ ყოველთვის ვიცოდით, რომ „გაზპორმი“ არასანდო პარტნიორია“, – აცხადებს ანა მოსკვა. მედიის ცნობით, შეთანხმება მოიცავდა ბუნებრივი აირის მიწოდებას იამალის მილსადენით და ასევე, პოლონეთის გავლით ბუნებრივი აირის ტრანზიტთან დაკავშირებული ინფრასტრუქტურის მშენებლობასა და მოვლას.

რუსეთის საგარეო საქმეთა სამინისტროში „აზოვსტალიდან“ აყვანილი ტყვეების გაცვლასთან დაკავშირებით მოლაპარაკებების გამართვის შესაძლებლობას არ გამორიცხავენ. რუსეთის საგერეო უწყების მინისტრის მოადგილის, ანდრეი რუდენკოს განცხადებით, აღნიშნული საკითხი მის კომპეტენციაში არ შედის, თუმცა შესაძლოა განიხილონ. „ეს ჩემს კომპეტენციაში არ შედის, მაგრამ სავრაუდოდ სადღაც განიხილება. მე ყველანაირ შესაძლებლობას ვუშვებ, რომელიც არ ეწინააღმდეგება საღ აზრს“, – აღნიშნა რუდენკომ.

ლუგანსკის სამხედრო ადმინისტრაციის ხელმძღვანელის, სერგეი გაიდაის ინფორმაციით, რუსეთი სევეროდონეცკში ტოტალური განადგურების ტაქტიკას იყენებს. „ჩვენ გვაქვს რთული ვითარება, რადგან რუსეთის არმიამ ახლა მთელი თავისი ძალები ლუგანსკის ოლქის დასაკავებლად მიმართა. მათ აქვთ დიდი მიზანი და სტრატეგიული გეგმა – მივიდნენ ლუგანსკის ოლქის ადმინისტრაციულ საზღვრებამდე. ხვალ, 24 მაისს, უკვე სამი თვე გახდება უკრაინაში რუსეთის სრულმასშტაბიანი შეჭრიდან, ასე რომ, რუსი დამპყრობლები სამი თვის განმავლობაში ვერ გადიან ლუგანსკის რეგიონის საკმაოდ მცირე ტერიტორიას. ისინი ახლა გადავიდნენ საყვარელ ტაქტიკაზე – უბრალოდ ანადგურებენ ყველაფერს – ახლა სევეროდონეცკი განიცდის ასეთ ტოტალურ განადგურებას“, – აღნიშნა გაიდაიმ. გაიდაის ცნობით, გამუდმებით იბომბება გზა, რაც ართულებს…

პარტია „ქართული ოცნების“ თავმჯდომარე  ირაკლი კობახიძე   უკრაინელი პოლიტიკოსების წარსულსა და პატრიოტიზმზე საუბრობს. მისი განცხადებით, მიხაილ პოდოლიაკი და ოლექსი გონჩარენკო პრორუსული განწყობებით და საქმით გამოირჩეოდნენ. ,,ჩვენ გვაქვს სერიოზული კითხვის ნიშნები იმ ადამიანების მიმართ, რომლებიც 40 წლის ასაკში გახდნენ უკრაინის პატრიოტები და რომლებიც მანამდე გამოირჩეოდნენ პრორუსული განწყობებით და საქმით. უნდა შევახსენოთ ყველას, ვინ არის პოდოლიაკი, ვინ არის გონჩარენკო, რომლებიც ითხოვენ, საქართველოში ომის გაჩაღებას და ითხოვენ, რომ რუსებმა უნდა დახოცონ ქართველი ქალები და ბავშვები, პირდაპირი ტექსტით ვციტირებ მე მათ განცხადებას. მაგალითად, პოდოლიაკი იყო დაახლოებული იანუკოვიჩთან, გონჩარენკო იყო პირდაპირ იანუკოვიჩის პარტიის წევრი და ა.შ.…

პარტია „ქართული ოცნების“ თავმჯდომარე ირაკლი კობახიძე  ოპოზიციის წარმომადგენლებს მიმართავს, ჩამოწერონ კონკრეტული მაგალითები, თუ რა უნდა გაეკეთებინა საქართველოს ხელისუფლება უკრაინის მხარდასაჭერად. მისი თქმით, საქართველომ უკრაინის ხელისუფლებისა და ხალხის მხარდასაჭერად გამოხატა როგორც პოლიტიკური, ისე ჰუმანიტარული მხარდაჭერა. ,,მივმართავთ რადიკალურ ოპოზიციას, საჯაროდ გამოვიდნენ და კონკრეტულად ჩამოწერონ, რა უნდა გაეკეთებინა და რას არ აკეთებს საქართველოს ხელისუფლება უკრაინის მხარდასაჭერად. საჯაროდ დასმულ კითხვებზე, ჩვენც საჯაროდ გაგცემთ პასუხს. იგივეს ველით თქვენს მიერ დაქირავებული ლობისტებისგანაც. ჩვენთვის მნიშვნელობა არ აქვს, მათ ფულს უხდით თუ რაიმე სხვა ფორმით ემუშავებით. ვხედავთ უცხოელებსაც აქვთ უკმაყოფილების განცდა, რაზეც ისინი საჯაროდ თუ ოფიციალურ შეხვედრებზე ხშირად მიგვანიშნებენ, თუმცა, სამწუხაროდ,…