თვე: იანვარი 2022

საქართველოს პრეზიდენტი სალომე ზურაბიშვილი მესამე პრეზიდენტის, მიხეილ სააკაშვილის შეწყალებასთან დაკავშირებით საკუთარ მყარ პოზიციას კიდევ ერთხელ აფიქსირებს და ამბობს: „არა და არასოდეს“. „სიტყვას ვასრულებ და მგონი არავინაა, ვისაც შეუძლია თქვას, რომ სიტყვა არ შემისრულებია, ესეც არის ნდობის მომენტი. სწორედ იმ სამ მაგალითზე  (უგულავა, ოქრუაშვილი, რურუას შეწყალება) დაყრდნობით დაინახა საზოგადოებამ, რომ როცა ვთვლიდი, რომ  ოდნავ დეპოლარიზაციის მიმართულებით შეიძლებოდა ნაბიჯი გადამედგა, რაც არ უნდა მტკივნეული თუ სენსიტიური ყოფილიყო, ის ნაბიჯი გადავდგი“ – განმარტავს პრეზიდენტი. სალომე ზურაბიშვილის თქმით, პატიმრობაში მყოფი პრეზიდენტის შეწყალება ზეპოლარიზაცია უფრო იქნება. „ღრმად ვარ დარწმუნებული, ასეთი ნაბიჯი იქნება ზეპოლარიზაციის საბაბი და…

„ვტკეპნეთ ერთი და იგივე ადგილი, ჩვენი ქვეყანა ვერ მიდის წინ. ეს არის ჩემი დასკვნა ამ სამი წლის თავზე, რაც ჩემი საპრეზიდენტო მანდატი გავიდა და კიდევ სამი წელი რჩება“ – აღნიშნული გზავნილი საქართველოს პრეზიდენტ სალომე ზურაბიშვილს ეკუთვნის. პრეზიდენტი უკმაყოფილოა და აცხადებს, რომ ისტორიის ვერც ერთ ფურცელზე მოხდა შეთანხმება. „ვზეიმობთ დამოუკიდებლობის 30 წელს და რეალურად, უკან თუ გავიხედავთ, ამ ისტორიის არც ერთ ფურცელზე არ ვართ შეთანხმებული… ერთ-ერთ საპარლამენტო სიტყვაში ვთქვი, რომ საზოგადოება დაიღალა და ორი თემა არის რეალურად, საზოგადოებაში – „რა გვეშველება“ არის ერთი თემა და რამ უნდა გვიშველოს… მგონი, რამე თუ…

პატიმრობაში მყოფი მიხეილ სააკაშვილი ეროვნულ დემოკრატიული ინსტიტუტის კვლევასთან დაკავშირებით სოციალურ ქსელში საკუთარ პოზიციას აქვეყნებს. მისი შეფასებით,  ახლა იდეალური ნიადაგია რიგგარეშე არჩევნების ჩასანიშნად. „რაც შეეხება NDI-ის გამოკითხვებს. ის აკურატულია იმ ნაწილში, სადაც ირიბი კითხვებია დასმული და ხალხის მდგომარეობაში, ჩემი პრეზიდენტობის დროსთან შედარებით, ძალიან სერიოზული გაუარესებაა დაფიქსირებული. რაც შეეხება პიროვნულ და პარტიულ რეიტინგებს, იქ ოპოზიციის მხარდაჭერის გამოვლენას ხალხის მცირე ნაწილი ბედავს. აი წარმოიდგინეთ, თქვენ ხართ საჯარო მოხელე და გირეკავთ უცნობი პირი და გეკითხება, ვინ მოგწონს პოლიტიკოსებიდანო. ვთქვათ, თქვენ მოგწონთ ოპოზიციის რომელიმე ლიდერი, მაგრამ ნახევარი საათის წინ ტელევიზიით ნანახი გაქვთ, რომ ასეთი პოზიციის…

სახელმწიფო ინსპექტორის სამსახურის ხელმძღვანელი ლონდა თოლორაია პერსონალურ მონაცემთა დაცვის საერთაშორისო დღესთან დაკავშირებით განცხადებას ავრცელებს. როგორც სახელმწიფო ინსპექტორი აცხადებს, პირადი ინფორმაციის გავრცელება ქვეყნის მთავარ გამოწვევად რჩება. „ეს დღე არის საუკეთესო შესაძლებლობა, რომ კიდევ ერთხელ დავფიქრდეთ საკუთარი, თუ სხვა ადამიანების პირადი მონაცემებისა და პირადი ცხოვრების დაცვის მნიშვნელობაზე და პერსონალურ მონაცემთა დაცვის სტანდარტის ამაღლების პროცესში თითოეული ჩვენგანის როლსა და პასუხისმგებლობაზე. საქართველოში მონაცემთა დაცვის სფეროში მიღწეული პროგრესის მიუხედავად, ვხედავთ, რომ ჩვენი ქვეყნის მთავარ გამოწვევად ჯერ კიდევ ფუნდამენტური პრინციპების დაცვა რჩება. 2021 წელს, სამწუხაროდ, ჩვენ ვიხილეთ მონაცემთა არაკანონიერი დამუშავების არაერთი მძიმე პრეცედენტი: გავრცელდა ათასობით ფაილი, რომელიც სავარაუდოდ…

„ამდენი ქალია ციხეში, იმათ კი არ რცხვენიათ გარეთ რომ დარბიან გამოვუშვათ, გამოვუშვათო… იმდენი ქალია, ჯერ ქალებზე იზრუნეთ გამოუშვით, მერე დაგიჯერებთ. სხვებიც გამოვუშვით… მე აბსოლუტურად ყველას გავუშვებდი ციხიდან“ – აცხადებს ბოდბელი  მთავარეპისკოპოსი მეუფე იაკობი და მიანიშნებს, რომ საუბარია მიხეილ სააკაშვილის აქტუირ დაცვაზე. მართალია მეუფე სასულიერო პირების არ ასახელებთ, თუმცა, აშკარად იკვეთება, რომ მისი ქადაგება მეუფე ნიკოლოზსაც მოიაზრებდა, რომელიც მიხეილ სააკაშვილის საკანში ხშირად სტუმრობს და მისი შინაპატიმრობის იდეითაც გამოვიდა. „ძალით ვაჟკაცობა არავინ უნდა დაიწყოს. კარგად გაიხსენეთ, როდესაც ვიღაცები ვაჟკაცობდნენ, როგორ გარბოდნენ მერე ქვეყნიდან. ქართველებმა უნდა ვისწავლოთ საქართველოზე ფიქრი. პატრიარქს რამდენი დამსახურება აქვს…

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) სს „თელასი“, სალიცენზიო პირობების დარღვევის გამო, სახელმწიფო ბიუჯეტის სასარგებლოდ 50 ათასი ლარით დააჯარიმა. საქმე ეხება კომპანიის მიერ სემეკის გადაწყვეტილების დაუმორჩილებლობას. კერძოდ, მომხმარებლის მომართვის საფუძველზე, სემეკმა სს „თელასს“ დაავალა აბონენტისთვის ელექტროენერგიის მიწოდების აღდგენა. თუმცა, კომპანიამ არ შეასრულა სემეკის მოთხოვნა. სს „თელასს“ განემარტა, რომ დარღვევის განმეორების შემთხვევაში სემეკი უფლებამოსილია იმსჯელოს კომპანიისთვის გაორმაგებული ჯარიმის დაკისრებაზე.

ეროვნულ-დემოკრატიული ინსტიტუტის (NDI) კვლევით, გამოკითხული მოსახლეობის უმრავლესობა მთავრობის საქმიანობით უკმაყოფილოა. მათ საქმიანობას დადებითად 39% აფასება, უარყოფითად – 52%. პრემიერ-მინისტრ ირაკლი ღარიბაშვილის საქმიანობას დადებითად აფასებს 27%;  საშუალოდ – 27%; უარყოფითად – 35%;  არ იცის – 10%-მა. რაც შეეხება პრეზიდენტს, მის საქმიანობას დადებითად აფასებს 14%;  29% – საშუალოდ; 46% – უარყოფითად. პარლამენტის მუშაობას დადებითად აფასებს 12%; საშუალოდ – 33% პროცენტი; ცუდად – 46%.

​NDI-ის მიერ გამოკითხული მოსახლეობის უმეტესობა ევროკავშირში და ნატო-ში გაწევრიანებას კვლავ აქტიურად უჭერს მხარს.  ამის შესახებ ეროვნულ-დემოკრატიული ინსტიტუტისა და CRRC-საქართველოს მიერ გამოქვეყნებულ კვლევაშია საუბარი. კითხვაზე: მისაღებია თუ არა საქართველოს მთავრობის გაცხადებული მიზანი საქართველო გახდეს ევროკავშირის წევრი? გამოკითხული მოსახლეობის 83%-ისთვის მისაღებია, 8%-ისთვის მიუღებელი, ხოლო პასუხი კითხვაზე არ იცის 3%-მა. ამავე კვლევის თანახმად, მოსახლეობა კვლავ აქტიურად უჭერს მხარს ნატო-ში გაწევრიანებას. კითხვაზე: მისაღებია თუ არა მთავრობის გაცხადებული მიზანი  საქართველო გახდეს ნატო-ს წევრი? – გამოკითხული მოსახლეობის 77%-ისთვის მისაღებია, ხოლო 11%-ისთვის მიუღებელი, კითხვაზე პასუხი არ იცის 12%-მა. აღნიშნულ საკითხთან დაკავშირებითაც, მოსახლეობა ფიქრობს, რომ ნატო-ში გაწევრიანება, პოლიტიკური…

საქართველოს მოქალაქეების მხოლოდ 39% ფიქრობს, რომ ქვეყანაში დემოკრატიაა. ამის შესახებ საუბარია ეროვნულ-დემოკრატიული ინსტიტუტისა და CRRC-საქართველოს მიერ  გამოქვეყნებულ კვლევაში, რომელიც ქვეყანაში პოლიტიკური პოლარიზაციის შეფასებასაც ეხება. NDI-ს მიერ გავრცელებული ინფორმაციით, საქართველოს მოსახლეობის აბსოლუტური უმრავლესობისთვის დემოკრატიულ ქვეყანაში ცხოვრება მნიშვნელოვანია (92 პროცენტი), თუმცა მათგან მხოლოდ 39 პროცენტი მიიჩნევს, რომ საქართველოში დღეს დემოკრატიაა. უმეტესობის აზრით, საქართველო მეზობელი ქვეყნებისთვის აღარ არის დემოკრატიის შუქურა. 25 პროცენტი მიიჩნევს, რომ საქართველო არც არასდროს ყოფილა სამაგალითო დემოკრატია, 23 პროცენტის აზრით კი, ქვეყანა მეზობლებისთვის დემოკრატიის კარგი მაგალითია. NDI-ს ინფორმაციით, კვლევა 2021 წლის 7-13 დეკემბრის პერიოდში ჩატარდა. კვლევაში მონაწილეობა 2 099-მა რესპონდენტმა მიიღო.

ეროვნულ-დემოკრატიული ინსტიტუტის (NDI) კვლევით,  გამოკითხულთა უმრავლესობა მიიჩნევს, რომ მათ ინტერესებს არცე ერთი პოლიტიკური სუბიექტი იზიარებს. კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 41% ამბობს, რომ არც ერთი პარტია. „ქართული ოცნებას“ ასახელებს გამოკითხულთა 24%; პასუხზე უარი განაცხადა 12%-მა; 9% კი „ერთიანი ნაციონალური მოძრაობას იწონებს. NDI-ს ინფორმაციით, კვლევა 2021 წლის 7-13 დეკემბრის პერიოდში ჩატარდა. კვლევაში მონაწილეობა 2 099-მა რესპონდენტმა მიიღო.

იურიდიულ საკითხთა კომიტეტში საქართველოს პრეზიდენტის მიერ საქართველოს ცენტრალური საარჩევნო კომისიის თავმჯდომარის თანამდებობაზე და ცენტრალური საარჩევნო კომისიის ორი წევრის ვაკანტურ თანამდებობებზე ასარჩევად წარმოდგენილი კანდიდატების მოსმენა დაიწყო. ცესკოს თავმჯდომარის თანამდებობაზე ასარჩევად წარმოდგენილი არიან თენგიზ თევზაძისა და გიორგი კალანდარიშვილის კანდიდატურები, ხოლო ცესკოს ორი წევრის ვაკანტურ თანამდებობებზე – ქრისტინე ქაჯაიას, ლევან ისაკაძის, მაია ზარიძისა და გია ცაცაშვილის კანდიდატურები. გასული წლის დეკემბერში, პარლამენტის რეგლამენტში შეტანილი ცვლილებების თანახმად, პარლამენტი ცესკოს წევრსა და ცესკოს თავმჯდომარეს ირჩევს სრული შემადგენლობის არანაკლებ ორი მესამედით ან სრული შემადგენლობის უმრავლესობით.