დღე: იანვარი 23, 2022

უკრაინის საელჩოსთან მოძრაობა “სირცხვილიას” ორგანიზებით, უკრაინის მხარდასაჭერი აქცია მიმდინარეობს. აქციაში სამოქალაქო აქტივისტები და ორგანიზაციები, საჯარო პირები და პოლიტიკური პარტიები მონაწილეობას იღებენ. აქციაზე ორივე ქვეყნის ჰიმნი გაჟღერდა, ასევე წარდგენილია ბანერები წარწერებით: ,,უკრაინა და საქართველო რუსეთის გარეშე”, ,,დიდება უკრაინას”, ,,არასდროს დავბრუნდებით საბჭოთა კავშირში” და სხვა. “ეს არის სოლიდარობის აქცია ჩვენი ისტორიული მეგობრისა და სტრატეგიული პარტნიორის მიმართ, რომელიც იმავე გამოწვევების წინაშე დგას როგორშიც იდგა 2008 წელს საქართველო. ყველაფერი ეს ჯდება მხოლოდ რუსეთის ინტერესებში”, – განაცხადა სამოქალაქო აქტივისტმა ნიკა ფარულავამ

მეტი...

ამერიკელმა სენატორმა, კრის მერფიმ ამერიკის ხმის” და “ტვ პირველის” ერთობლივ გადაცემაში განაცხადა, რომ საქართველოში უკუსვლა ნათელია და პოლიტიკური რეფორმების გატარების კუთხით ზეწოლის გაზრდაა საჭირო. “ამ ეტაპზე საქართველო ძალიან მყიფე დემოკრატიაა. ისინი უსაფრთხოების კუთხით ჩენი მოკავშირეები არიან, თუმცა როგორც ბევრი სხვა მოკავშირის შემთხვევაში აქაც ჩენ უფრო მეტი უნდა გავაკეთოთ და გავზარდოთ ზეწოლა პოლიტიკური რეფორმების გატარების კუთხით. საქართველო შთამბეჭდავი ისტორიაა, თუმცა უაკანსკნელ პერიოდში მნიშვნელოვან უკუსვლას ვხედავთ და ბევრი ადამიანი სვამს კითხვას, დარჩა თუ არა საქართველოში სივრცე გამოხატვის თავისუფლების და პოლიტიკური ოპოზიციის არსებობისთვის. აშშ-მ ნათლად უნდა თქვას, რომ რეფორმები უნდა გაგრძელდეს”, – განაცხადა მერფიმ.

მეტი...

რუსული სააგენტო TASS -ი ავრცელებს ინფორმაციას იმის შესახებ, რომ რუსეთის საგარეო საქმეთა სამინისტრომ ბრიტანეთის საგარეო უწყებას პროვოკაციული განცხადებების გავრცელებისაკენ მოუწოდა. “ასეთი სახის დეზინფორმაციები ამძაფრებენ დაძაბულობას უკრაინის ირგვლივ. მოვუწოდებთ ბრიტანეთის საგარეო საქმეთა სამინისტროს შეწყვიტოს პროვოკაციული ქმედებები, სისულელეების გავრცელება და თათარ-მონღოლური უღლის ისტორიის შესწავლაზე კონცენტრირდეს“, – აღნიშნულია სერგეი ლავროვის განცხადებაში. სერგეი ლავროვის ეს განცხადება ეხმიანება ბრიტანეთის მიერ გავრცელებულ ინფორმაციას, რომ კრემლი უკრაინაში პრორუსი ლიდერის დაყენებას გეგმავს და ამასთან რუსეთის დაზვერვის სამსახურები ინარჩუნებენ კავშირებს უკრაინის ყოფილ პოლიტიკოსებთან.

მეტი...