დღე: იანვარი 21, 2022

„კოვიდპანდემიასთან ერთად, კლინიკებში ვითარება გართულდა. ხშირია შემთხვევები,  როცა ინფიცირებული პაციენტები თავს ესხმიან ექიმებს“ – ეს განცხადება „მედიაცენტრ მთავარში“ „ექიმთა უფლებების დაცვის ასოციაციის“ თავმჯდომარე სალომე ლოლუამ გააკეთა და ერთ-ერთ ბოლო შემთხვევაზე ისაუბრა, როდესაც ინფიცირებული ექთანს თავს დაესხა. „კოვიდპანდემიასთან ერთად მდგომარეობაც გაუარესდა. საკმაოდ მძიმე ფაქტებთან მოგვიწია შეხება. ერთ-ერთ კოვიდ კლინიკაში, პაციენტმა დაჭრა მორგე ექთანი. ამბავი შემდეგნაირად განვითარდა. როდესაც დილის 05:00 საათზე, ინტენსიური განყოფილების ექთანი აკეთებდა შემოვლას, გაიგო რომ პაციენტი წუხდა. დაინტერსდა მისი მდგომარებით, შევიდა მასთან, მიაწოდა ჟანგბადის ნიღაბი და როდესაც სისხლიში ჟანგბადის კონცენტრაცია უნდა განესაზღვრა და დაიხარა სატურაციის აპარატის ასაღებად,  პაციენტმა დაიჭირა ექთანი…

ბოლო 24 საათში ვირუსისგან გამოჯანმრთელდა 5 173 პირი, ხოლო ჯამში გამოჯანმრთელებულთა რაოდენობა გაიზარდა 951 428. ბოლო 24 საათში კორონავირუსით გარდაცვალების 49 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 14 631 პირი ემსხვერპლა. დღეს ქვეყანაში გამოვლენილი ინფიცირების 8 767 ახალი შემთხვევიდან: თბილისში გამოვლენილია 5 052 შემთხვევა, აჭარა – 851, იმერეთი – 861, ქვემო ქართლი – 351, შიდა ქართლი – 538, გურია – 119, სამეგრელო – ზემო სვანეთი – 334, კახეთი -277, მცხეთა-მთიანეთი – 176, სამცხე-ჯავახეთი – 165, რაჭა-ლეჩხუმი და ქვემო სვანეთი -43.

Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 56 386 ტესტი,  გამოვლინდა ინფიცირების 8 767 ახალი შემთხვევა, გამოჯანმრთელდა 5 173  პირი, დადებითობის დღიური მაჩვენებელი არის  15.55%. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს  1 030 710. რაც შეეხება დადებითობის მაჩვენებელს, 20 იანვრის მდგომარეობით, დადებითობის დღიური მაჩვენებელი არის 15.55%, ბოლო 14 დღის მანძილზე – 11.39% ხოლო 7 დღის მანძილზე – 12.76%.

თბილისის ინფექციური საავადმყოფოს დირექტორი თენგიზ ცერცვაძე აცხადებს, რომ „ომიკონი“  მარტივი შტამი ნამდვილად არ არის, რომელი მოსახლეობის გარკვეულ ნაწილს ჰქონია. მისი შეფასებით, იზრდება ჰოსპიტალიზაციაც და ლეტალობაც. „სამწუხაროდ, 8700 შემთხვევა, რომელიც ჩვენთან იყო და ჯერჯერობით ჩვენთვის ყველაზე მაღალი რიცხვი იყო, არ იქნება ბოლო. უახლოეს დღეებში ველით შემთხვევით კიდევ უფრო მეტ მატებას. ყველამ იცოდეს, რომ მიუხედავად იმისა, რომ „ომიკრონი“ ნამდვილად ნაკლებად მძიმე დაავადებას იწვევს და პროცენტულად უფრო დაბალ სიკვდილიანობას, იმის ხარჯზე, რომ შემთხვევების რაოდენობა ბევრად მეტია, ვიდრე იყო „დელტას“ დროს, ჯამურად მაინც ჰოსპიტალიზაციის შემთხვევებიც იზრდება და სიკვდილიანობის შემთხვევებიც“ – აცხადებს თენგიზ ცერცვაძე.