დღე: იანვარი 20, 2022

ერგნეთის შეხვედრა ისევ უშედეგოდ დასრულდა. ოკუპანტი მხარე პოზიციების დათმობას არ აპირებს და უკანონოდ დაკავებული საქართველოს მოქალაქეების გათავისუფლებაზე უარს აცხადებს. როგორც ირაკლი ანთაძემ შეხვედრის დასრულების შემდეგ ჟურნალისტებს განუცხადა, ბრძოლა გაგრძელდება. „დღევანდელ შეხვედრაზე მთავარ განსახილველ საკითხს წარმოადგენდა ოკუპირებულ ცხინვალში უკანონო პატიმრობაში მყოფი ჩვენი თანამოქალაქეების ბედი. ძალიან ვრცელი დისკუსია გაიმართა. რაიმე კონკრეტული პასუხი მათთან მიმართებაში ვერ წარმოგვიდგინეს.  საგანგებოდ აღინიშნა და ეს საკითხი პირველივე დღეებიდან ჩვენი საერთაშორისო პარტნიორების მხრიდან საგანგებო კონტროლზე იყო აყვანილი. ის კიდევ უფრო აქტიურ ფაზაში გადავა, რადგან ისინი უკანონო პატიმრები გახლავთ. ბრძოლა გაგრძელდება მანამ, სანამ თითოეული მათგანი არ დაუბრუნდება საკუთარ ოჯახებს, არის…

ახალქალაქის, კუმურდოსა და კარის მიტროპოლიტს მეუფე ნიკოლოზს  „ქართული ოცნება“ უარს უთვლის და გარკვევით აცხადებს, რომ “მიხეილ სააკაშვილი სასჯელს ციხეში მოიხდის”. „გავიმეორებ, რომ სადაც იხდიან სხვა პატიმრები სასჯელს, იქ უნდა მოიხადოს სააკაშვილმა სასჯელი. თუ სადმე გაუჭირდება მას ყოფნა ფსიქოლოგიურად, ეს არის მონასტერი, იმდენი დანაშაული აქვს ჩადენილი თან მოუნანიებელი,”- აღნიშნა კობახიძემ. შეგახსენებთ, რომ მეუფე ინიციატივით გამოვიდა, მიხეილ სააკაშვილმა შინაპატიმრობა  მის ეპარქიაში მოიხადოს.

საქართველოს პროკურატურამ მიხეილ სააკაშვილის დაზარალებულად ცნობა “დაუსაბუთებლობის გამო” არ დააკმაყოფილა. თუმცა,  ადვოკატებს სისხლის სამართლის საქმის გაცნობის შესაძლებლობა მისცა, რასაც ისინი ითხოვდნენ. “2021 წლის 9 ნოემბერს, სახელმწიფო ინსპექტორის სამსახურის საგამოძიებო დეპარტამენტმა გამოძიება დაიწყო N18 სამკურნალო პენიტენციურ დაწესებულებაში, ასევე, გორის სამხედრო ჰოსპიტალში პატიმარ  მიხეილ სააკაშვილის მიმართ შესაძლო არასათანადო მოპყრობის ფაქტებზე. კერძოდ, N18 სამკურნალო დაწესებულებაში გადაყვანისას მის მიმართ შესაძლო ფიზიკური და სიტყვიერი შეურაცხყოფის მიყენების, მიზანმიმართული ვერბალური აგრესიის და მისი სამხედრო ჰოსპიტალიდან N12 დაწესებულებაში გადაყვანისას მაჯის საათის ჩამორთმევის ფაქტებზე. მიმდინარე გამოძიების და ჩატარებული საგამოძიებო და საპროცესო მოქმედებების თაობაზე, სახელმწიფო ინსპექტორის საგამოძიებო სამსახურმა ორჯერ – 2021…

სოციალური აგენტების მასობრივ გაფიცვას აჭარის რეგიონიც უერთდება. ბათუმში გაფიცული სოციალური აგენტები აჭარის ჯანდაცვის სამინისტროსთან შეიკრიბნენ. ისინი ხელფასების მომატებას, უვადო ხელშეკრულებას და ღირსეულ სამუშაო პირობებს ითხოვენ. მათ აჭარის ჯანდაცვის მინისტრთან სურთ შეხვედრა. გაფიცულებს უნდა დამატებოდნენ სამეგრელოდანაც წარმომადგენლები, თუმცა ისინი თოვლისგან გაუწმენდავი გზების გამო ავარიაში მოყვნენ. მათივე ინფორმაციით დაშავებული არავინაა და დაზარალებულების ჯანმრთელობის მდგომარება დამაკმაყოფილებელია.

მიხეილ სააკაშვილის საქმეზე დაკავებულები, მამა-შვილი წოწორიები, გიორგი ნარიმანიძე და ელგუჯა წოწორია მოსამართლემ სასამართლო დარბაზიდან გათავისუფლა. ისინიო სასამართლოს შენობას ამ წუთებში ტოვებს და საკმაოდ მძიმე ემოციურ მდგომარეობაში იმყოფებიან. შეგახსენებთ, რომ მათ ბრალდების მხარე ყოფილი პრეზიდენტისთვის საზღვრის უკანონო კვეთის საქმეში ხელშეწყობას ედავებოდა. მათ 5 000 ლარიანი გირაო შეუფარდეს.

ამ წუთებში, სოფელ ერგნეთში ინცინდენტების პრევენციისა და მათზე რეაგირების მექანიზმის ფარგლებში რიგით 104-ე შეხვედრა მიმდინარეობს. ქართული მხარე, როგორც ადრე, ამჯერადაც, უკანონოდ დაკავებული საქართველოს მოქალაქეების გათავისუფლებაზე აირებს საუბარს. ,,დღევანდელ შეხვედრაზე განვიხილავთ წინა შეხვედრიდან დაფიქსირებულ ყველა მნიშვნელოვან ინციდენტს. რა თქმა უნდა, განსაკუთრებული აქცენტი გაკეთდება უკანონო პატიმრობაში მყოფ ჩვენს თანამოქალაქეებზე, რათა ისინი რაც შეიძლება მალე დაუბრუნდნენ საკუთარ ოჯახებს. გვერდს ვერ ავუვლით და მთავარი აქცენტი გაკეთდება უკანონო “ბორდერიზაციის” პროცესზე, რომელიც კვლავ აქტიურ ფაზაშია შესული“ – აცხადებს სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე ირაკლი ანთაძე. დღევანდელი მონაცემებით, ოკუპანტების ციხეში საქართველოს 6 მოქალაქე იმყოფება.