თვე: ივნისი 2019

„არასტაბილურობა ცუდად მოქმედებს ქვეყანაზე, ქვეყნის განვითარებაზე, როგორც შიდა, ასევე გარე განვითარებაზე. არჩევნები ნულოვანი ბარიერით კი სწორედ არასტაბილურობის საფუძველია“ – აღნიშნული განცხადება კონსტიტუციონალისტმა ვახტანგ ხმალაძემ „მედიაცენტრ მთავაში“ გააკეთა. როგორც კონსტიტუციონალისტმა და ყოფილმა დეპუტატმა აღნიშნა, პარლამენტში შესასვლელად, პარტიები სოკოებივით მომრავლდებიან. „როდესაც საარჩევნო ზღურბლი არ არსებობს, დიდია ერთი მხრივ ცდუნება იმისა, რომ მოდი შევქმნი ახლა პარტიას და საკმაოდ ადვილია პარტიის შექმნა და 13 400 ხმას როგორ ვერ მოვაგროვებ, რომ პარლამენტში შევიდე. ეს კი იმას ნიშნავს, რომ როგორც ნაწვიმარზე ამოდის სოკო, გარანტიას გაძლევთ, ასე სოკოებივით გაჩნდებიან პარტიები, რომელთა მიზანი ერთადერთი – 13400 ხმის მოგროვება…

„ საპარლამენტო არასტაბილური უმრავლესობის არსებობის შემთხვევაში, არასტაბილურია მთავრობაც,“ – აცხადებს კონსტიტუციონალისტი ვახტანგ ხმალაძე „მედიაცენტრ მთავარში“ და უბარიერო პროპორციული არჩევნების ნეგატივზე საუბრობს. „საარჩევნო ზღურბლი, თითქმის ყველა ქვეყანაში 3-დან 5%-მდეა. საკუთარ თავს დავუსვათ კითხვა, არგუმენტებს რომ თავი დავანებოთ – ეს ქვეყნები სულელები არიან? საზოგადოების ინტერესებს და ქვეყნის ინტერესებს არ ითვალისწინებენ ზღურბლი რომ შემოიღეს? თან რომელი ქვეყნებია ეს? ეს არის ევროპის ყველა ქვეყანა, სადაც პროპორციული არჩევნები იმართება, გარდა ჰოლანდიისა“ – აღნიშნა კონსტიტუციონალისტმა ვახტანგ ხმალაძემ „მედიაცენტრ მთავარში“ მისი შეფასებით, არსებობს ობიექტური არგუმენტები, რის გამოც, საარჩევნო ბარიერის არსებობა საჭირო და აუცილებელია. „პროპორციული არჩევნებისას, ძალიან მაღალი…

კონსტიტუციონალისტმა ვახტანგ ხმალაძემ „მედიაცენტრ მთავარში“ პრესკონფერენცია გამართა, სადაც „ქართული ოცნების“ შეთავაზება ნულოვან ბარიერთან დაკავშირებით განიხილა. როგორც ხმალაძემ აღნიშნა, არსებული მოცემულობით, პარლამენტში ყველა შევა, ვინც, დაახლოებით ამომრჩევლების 13 400 ხმას მოიპოვებს. „ნულოვანი საარჩევნო ზღურბლი ნიშნავს იმას, რომ მნიშვნელობა არ აქვს, არჩევნებში მონაწილეთა რამდენ პროცენტს მიიღებს პარტია. ყველა პარტია თუ საარჩევნო ბლოკი, რაც იქნება, ყველა სუბიექტს შეხვდება იმდენი მანდატი, რამდენიც მას ერგება იმ ხმების პროპორციულად რომელიც მან მიიღო. საარჩევნო ზღურბლის არ არსებობის პირობებში არსებობს ერთადერთი ე.წ. ბუნებრივი ზღურბლი. ანუ, ერთი მანდატის ბუნებრივი წონა არის ამომრჩეველთა რაოდენობა გაყოფილი 150 მანდატზე. ჩვენთან, საპარლამენტო არჩევნებში…

„არ უნდა გადადგეს შინაგან საქმეთა მინისტრი გიორგი გახარია“ – ამ მოთხოვნით, სამეგრელოში შს მინისტრის მხარდამჭერი გამოსვლები იწყება. აღნიშნული განცხადება „მედიაცენტრ მთავარში“ ქართული მარშის ერთ-ერთმა ლიდერმა სანდრო ბრეგაძემ გააკეთა. „საკმაოდ სერიოზული მოძრაობა არის დაწყებული გახარიას მხარდასაჭერად. მოთხოვნა შემდეგია: გახარიამ არ დატოვოს თანამდებობა, რადგანაც მან ქვეყანა გადაარჩინა. სამეგრელოს რეგიონზე მაქვს საუბარი. არ ვიცი, რამდენად გადაიზრდება ეს ფართომასშტაბიან აქციაებში, მაგრამ სერიოზული მოძრობა არის დაწყებული. სოციალურ ქსელებშიც კი არის ლოზუნგები, რომ გახარია კი არ უნდა გადადგეს, პირიქით, მან ქვეყანა დაიცვა, რადგანაც, სანამ უკიდურესი აუცილებლობა არ იყო, ძალა არ გამოუყენებია“ – აღნიშნა „ქართული მარშის“ ერთ-ერთმა…

„ქართული მარშის“ ერთ-ერთი ლიდერი, სანდრო ბრეგაძე, ვადამდელ საპარლამენტო არჩევნებს, პროპორციული წესით და მთავრობის გადადგომას ითხოვს. “გადადგეს მთავრობა, დაინიშნოს დროებითი მთავრობა, რომელიც უზრუნველყოფს არჩენვების ჩატარებას და დაინიშნოს ვადამდელი საპარლამენტო არჩევნები პროპორციული წესით, რომელიც საარჩევნო რეჟიმში გადაიყვანს ქეყანას. წინააღმდეგ შემთხვევაში, საქართვეოში იქნება უმართავი პროცესები და იქნება ქაოსი,” – განაცხადა სანდრო ბრეგაძემ. განცხადება, ვაფამდელი არჩევნების შესახებ, სანდრო ბრეგაძემ “მედიაცენტრ მთავარში” გააკეთა.

“მათთან, ვისი ქცევაც  იყო პროვოკაციული და რომლებიც მოტივირებული არიან მუდამ, რომ გავიდნენ საქართველოს კონსტიტუციური ჩარჩოებიდან,  ბუნებრივია, დიალოგი არ იქნება, მათ კანონი გასცემს  შესაბამის პასუხს”, – ამის შესახებ საქართველოს პრემიერ-მინისტრმა მამუკა ბახტაძემ „ქართული ოცნების“ ოფისში, ჟურნალისტებთან საუბრისას განაცხადა. მთავრობის მეთაურმა ხაზი გაუსვა, რომ მმართველი გუნდი საუბრობს მხოლოდ იმ პოლიტიკოსებთან, რომლებიც პატივს სცემენ საქართველოს მომავალს და კონსტიტუციას. „ნებისმიერ ადამიანს, რომელიც გავიდა კონსტიტუციური ჩარჩოებიდან, პასუხს გასცემს კანონი. კონსულტაციები გაიმართება ყველასთან. მათ შორის არსებობს შესაბამისი ფორმატი  პარლამენტში. დიალოგი შეეხება ყველას, როგორც პარლამენტში მყოფ პოლიტიკურ ძალებს, ისე  პარლამენტის გარეთ მყოფ ოპოზიციას“, – განაცხადა მამუკა ბახტაძემ.

“ქართული ოცნება – რეგიონების განვითარებისთვის” ფრაქციის თავმჯდომარე, დეპუტატი, კახა ოქრიაშვილი რუსეთის მიერ, საქართველოსთან საჰაერო მიმოსვლის აკრძალვას ეხმაურება. როგორც დეპუტატი აღნიშნავს, მისთვის სიტყვა “ტურისტი”, მხოლოდ სტატისტიკის დეფინიციაა და საზოგადოებას მოუწოდებს, საუბრისას, “ტურისტის” ნაცვლად “სტუმარი” გამოვიყენოთ.  “მე არ მომწონს სიტყვა „ტურისტი“, რადგან ეს სიტყვა მხოლოდ სტატისტიკას აღნიშნავს. მირჩევნია სიტყვა „სტუმარი“, რადგან სტუმრები საქართველოში მოდიან არამარტო საქართველოს ყველაზე მრავალფეროვანი და ლამაზი ადგილების სანახავად, მდიდარი ქართული სამზარეულოს გასაცნობად, ენდემური ქართული ღვინის გასასინჯად, არამედ, რაც მთავარია, ჩვენი ჰაერის სასუნთქად, რადგან ის განსხვავებულია და მასში არის თავისუფლება!” – განაცხადა კახა ოქრიაშვილმა.