დღე: ივნისი 1, 2019

დედაქალაქში, სასმელი წყლის დაზოგვის მიზნით, სოკოებზე, ჩამკეტები მონტაჟდება. ამ დროის მონაცემებით, ჩამკეტები, 60 სოკოზე დამონტაჟდა. თბილისის მერიამ, აღნიშნული გადაწყვეტილება, წყლის და საბიუჯეტო თანხების დაზოგვის მიზნით მიიღო. ჩამკეტების დამონტაჟებით, ერთი თვის განმავლობაში, დაიზოგა 2 260 კუბური მეტრი სასმელი წყალი და 9 700 ლარი დედაქალაქის ბიუჯეტიდან.  როგორც თბილისის მერიაში “მედიაცენტრ მთავარს” განუცხადეს, წლის განმავლობაში, ათეულობით ათასი კუბური მეტრი წყალი და 100 000 ლარზე მეტი დაიზოგება.

დღეს, თბილისის მასშტაბით, ყველა რაიონში, ბავშვთა დაცვის საერთაშორისო დღესთან დაკავშირებით, სხვადასხვა გასართობი ღონისძიება გაიმართება.   როგორც თბილისის მერიაში “მედიაცენტრ მთავარს” განუცხადეს, ვაკის პარკში გაიმართება გასართობი ღონისძიებები, რომელიც 12:00-დან 19:00 საათამდე გასტანს. “ღონისძიება მოიცავს საბავშვო სტუდიების და ბაგა-ბაღების აღსაზრდელების კონცერტს, თოჯინების თეატრის წარმოდგენებს, ზღაპრის გმირების გასართობ აქტივობებს, კონტაქტურ ზოოპარკს, დრამერებისა და ანიმატორების შოუს, საბავშვო-გასართობ სადგურებს 20-ზე მეტ ადგილზე, საპნის ბუშტების შოუს, ზალიკოს ცენტრის კუთხეს, კულინარიულ კუთხეს, ორიგამის კუთხეს, ქიმიურ ლაბორატორიას, ილუზიონისტების შოუს, საბავშვო გამომცემლობების კუთხეს, ტიტანის რობოტების შოუს და ა.შ,” – განაცხადეს მერიაში.  13:00-დან 22:30 საათამდე მოსწავლე-ახალგაზრდობის ეროვნული სასახლის წინ გაიმართება სასახლის აღსაზრდელთა კონცერტი…

ბავშვთა დაცვის დღესთან დაკავშირებით, ვისაც შინაური ცხოველის ჩუქების სურვილი აქვს, თბილისის ზოოპარკს უნდა მიმართოს. 1-ელ ივნისს, თბილისის ზოოპარკში, ცხოველთა მონიტორინგის სააგენტო თავშესაფრის ბინადარი შინაური ცხოველების გაჩუქების აქციას გამართავს. როგორც სააგენტოში „მედიაცენტრ მთავარს“ განუცხადეს, ბავშვთა დაცვის დღესთან დაკავშირებით, მშობლებს საშუალება ექნებათ, შვილებს ნატვრა აუსრულონ და ოთხფეხა მეგობარი აჩუქონ. ცხოველთა მუნიციპალური თავშესაფრის ბინადრები მომავალ პატრონს ზოოპარკში, 12:00 საათიდან დაელოდებიან. აქციის ფარგლებში, მიუსაფარი და დაკარგული ძაღლები და კატები გაჩუქდებიან. როგორც „მედიაცენტრ მთავარს“ ცხოველთა მონიტორინგის სააგენტოს ხელმძღვანელმა ვახტანგ ლომჯარიამ განუცხადა, გაჩუქდებიან როგორც ე.წ. სუფთა სისხლის, ასევე შერეული ჯიშის ცხოველები. „მჩუქებელმა, იმისათვის რომ დარეგისტრირდეს როგორც…